كفاية فول

[ragab2]

.

من خمسين سنة واحنا بناكل طعمية وفول

فين دخل القناة والجمارك والغاز والبترول

يابلدنا خيرك كتير والفساد فيكى بقى غول

فيكى اللى مايلاقى عشا والباقى بياكل فول

حتى الفول الأخضر نعتبره فاكهة وهو كله بقول

قالولنا شدوا الحزام ع البطون وسابوا الفحول

حتى القطط قالولنا وفروا أكلها أوأكلوها فول

وسخرو العلما تمدح فى الفول وبروتينه اللى مش معقول

ونسيوا البروتين الحقيقى والمهم فى لحمة العجول

بلدنا كانت أغنى من كل البلاد ولغيرها بتعول

حتى اللحمة أما تزورنا نعمل لها حفلة ونغنى ع.الأرغول

والفرخة بنضرب لها تعظيم سلام ونقف لها فى الرول

وكل ما نسأل اللفندى ايه السبب يقول أنا مش مسؤول

مبن السبب يا بهلول .. ؟

قلولنا أمريكا هاتعمل رواج وتريحنا من أكل الفول

راحوا استوردوا هامبورجر ليهم وسابولنا الفول

ولادنا داخوا فى بلاد العالم وهاجرت العقول

لما العيشة ضاقت فى بلادنا والفقر بقى على طول

زمان لما قامت الحركة قالوا ارفع راسك يابهلول

بعدها انداست الروس فى البيوت والمصانع والحقول

وعرفنا ان ده كان فض مجالس فقط وكلام غير مسؤول

ايه السبب يا بهلول .. ؟

من يوم ما قامت ثورتنا والفقر بقى على طول

لا عاد غنى ولا مبسوط والكل بقى ياكل فول

قالوا ملك فاسد وللغرب دلدول

مع ان كان عهده أشيا معدن وفيه دخول

وكانت مصر وقتها ... لغيرها بتعول

غيرالحرية ومافيش حساب ع.القول

امتى نعيش زى البلاد الحلوة ونشوف لها حلول

حتى ضريبة المبيعات والكل بيقول هات ومافيش دخول

والدهب الأصفر ضيعتوه على المغامرات ومعدش فيه أصول

والعدس الأصفر كان فيه أزمة وبرضه أهو بيساعد مع الفول

كنت يامصرى سيد العالم وبفلوسك تقدر تجول

دلوقت أصبحت سواح تجرى على رزقك قبل مايزول

إمتى نعيش زى خلق الله ونهرب من الفلافل والفول .. ؟

هاتوا فلوسنا نعيش بيها حياتنا وده شيئ معقول

وادونا حقنا ناشف فى القناة نفتح بيه ألف قناة قبل مانتسول

واعتبرونا منسحبين ومش لاعبين وخلى اللى يقول يقول

وكفاية كورس خمسين سنة جربنا فيه كل البقول

اصحى يابلد وبطلى نوم وعيشى بالعرض والطول

يارب يا بهلول .. !

[mnman]

اكثر من رائعة تحياتي يادكتور...

[Salwa]

اخى الفاضل د.رجب..

هل هذه صرخة احتجاج واعتراض ؟...

ام انها صرخة يأس ؟؟؟

حتى الفول والفلافل ...صعب الحصول عليه الآن ...

هل تعتقد ان الأخرس ممكن ينطق ؟؟؟...انت بكلماتك جعلته يصرخ ..

جميلة ....لكن للأسف .الفقير ينادى على من...فقدوا الآذان ..ولا يسمعون ..

تحياتى ..

[ragab2]

شكرا

أخونا الفاضل منمن

على مروركم الكريم وكلماتكم الرقيقة

حتى الفول والفلافل ...صعب الحصول عليه الآن ...

أختنا الفاضلة سلوى

كتبت

هذا الكلام منذ أربعة أعوام وكان الفول وقتها متوفرا للغلابة

والآن ربنا يكون فى عونهم ويرحمهم ويوفر لهم الفول

مسمار بطن الغلابة الفقراء

تحياتى

[amir]

.

يارب يا بهلول  .. !

يارب يا بهلول .. !

[achnaton]

color=blue]أخونا العزيز .. دكتور رجب

من كام سنه .. سنتين تلاثه قرأت فى باب الشعر .. زجل جميل بعنوان .. كفاية فول يا بهلول .. ولا أذكر من كتبها .. فهل كنت أنت كاتبها .. ويا ترى فيه حد من الأخوة القدامى سحلها عنده ليعيدها الينا فى موضوعك لنقرأها أيضا ..

مع حبى وتقديرى ..

[ragab2]

عمنا العزيز اخناتون

كلامك صح

ولكن الفول الذى تقصده كان من غير زيت

ولكن هذه المرة بالزيت الحار مع البصل

[Cleo]

حاجة غريبة جدا...

مش لاقيين فول... طب ما تاكلوا سومون فيوميه....