رسالة شكر لكفيلي العزيز..

[AbkaReno]

السلام عليكم..

الحمد لله ولك الف وحمد ربنا رزقني بكفيل زي الاخ بالظبط

الموضوع ان انا جالي عرض عمل في الرياض بمرتب بضعف مرتبي معاه في القصيم.. واستخرت ربنا وبلغته بالعرض واهتميت بالموضوع انه يمشي بكل صمت

واول ما سمع الموضوع رحب بالموضوع جدا وقالي ليه مبلغتنيش من زمان ان بيجيلك عروض افضل من عروضي..وراتب احلا من راتب الي بدهولك

وفورا في نفس الوقت قالي اعمل اتصالاتك وكلم صاحب العمل لو محتاج نقل كفاله او هشتغل معاه على كفالته ..

وطبعا قالي يستحسن متنقل لما تشوف كفيلك الجديد وهل فعلا هيلتزم بالعقد وبالراتب الجديد وكل الاتفاقات الي قالك عليها علشان لو حصل في الامور امور يبقا نخصرناش حاجه..

فا مش هقول الا جزاه الله كل خير على مراعاته في رزق غيره واهتمامه بيا وديه اقل حاجه اعملها علشانه ان انا ادعيلو واخلى الناس تعرف ان الدنيا لسه فيها خير والله

ياجماعه بمناسبه ان انا هبقا في الرياض اي حد محتاج مساعده في الكمبيوتر شراء او صيانه ان شاء الله انا تحت امر اي حد مصري وربنا يقدم الي فيه الخير للجميع

[محمد الششتاوي]

شيء كويس بجد ونادر انه يحصل

انا كفيلي كويس جدا برضه بس مش للدرجة دي بصراحة

النوع ده اللي اللي مكن نقول عليه طبيعته غلبت عليه , لان طبيعته في الاساس كويسه

وفيه سعوديين كتير جدا كويسين بطبيعتهم , لكن اتفرض عليهم انهم يكونوا عنصريين واغلبهم تقبل بصدر رحب

ربنا يوفقك

[Mercedes]

السلام عليكم..

الحمد لله ولك الف وحمد ربنا رزقني بكفيل زي الاخ بالظبط

الموضوع ان انا جالي عرض عمل في الرياض بمرتب بضعف مرتبي معاه في القصيم.. واستخرت ربنا وبلغته بالعرض واهتميت بالموضوع انه يمشي بكل صمت

واول ما سمع الموضوع رحب بالموضوع جدا وقالي ليه مبلغتنيش من زمان ان بيجيلك عروض افضل من عروضي..وراتب احلا من راتب الي بدهولك

وفورا في نفس الوقت قالي اعمل اتصالاتك وكلم صاحب العمل لو محتاج نقل كفاله او هشتغل معاه على كفالته ..

وطبعا قالي يستحسن متنقل لما تشوف كفيلك الجديد وهل فعلا هيلتزم بالعقد وبالراتب الجديد وكل الاتفاقات الي قالك عليها علشان لو حصل في الامور امور يبقا نخصرناش حاجه..

فا مش هقول الا جزاه الله كل خير على مراعاته في رزق غيره واهتمامه بيا وديه اقل حاجه اعملها علشانه ان انا ادعيلو واخلى الناس تعرف ان الدنيا لسه فيها خير والله

ياجماعه بمناسبه ان انا هبقا في الرياض اي حد محتاج مساعده في الكمبيوتر شراء او صيانه ان شاء الله انا تحت امر اي حد مصري وربنا يقدم الي فيه الخير للجميع

السلام عليم و رحمة الله و بركاته

حلوة أوى المشاركة دى , عشان ما حدش يقول أننا بنتجنى على الأخوة السعوديين .

أهوه, لما واحد مصرى لقى واحد سعودى طيب و فيه الخير . قال عليه, أهوه.

ماشى ؟؟؟؟؟؟

و ربنا يقدم اللى فيه الخير للجميع

MERCEDES S430

[الســـاري]

طيب كويس لقينا واحد :unsure: .. دا انا كنت ح ادوخ السبع دوخات عشان اطلع واحد ..

ومع كفيل الششتاوي بقوا اتنين .. ومع الاخ مسافر زاده الخيال صاروا تلاتة .. . ومعايا انا بقينا اربعة :blink: ..

همتكم معانا يا جماعة ندور واحد خامس ... لسه باقي لنا سبعة انفار عشان نكون فريق ..

الأصل بالناس الخير .. والعيب مش فينا .. العيب في النظام .. وربنا ما يرضاش بالظلم ..

تشااااو :big_boss:

[mekkawy]

انا لسة جديد يا جماعة في الرياض ... لكن حتى الان الكفيل محترم الصراحة و مش شفتش منهم غير كل أدب و احترام و شوية لكاعة و بطئ وصاية يا معلم ... لكن طيبين و الله ... واضح اننا في مصر رتم حياتنا هو اللي سريع و هنا مريحين ع الاخرررر بس لذاذ يعني ... أدي الخامس يا باشا

و الأخ عبقرينو ... انا في الرياض و متاج اشتري كمبيوتر لو تقدر تساعدني يبا كتر خيرك ... لابتونج مش ديسكتونج.

مكاوي من المعتقل الصناعي

[بركة]

انا لسة جديد يا جماعة في الرياض ... لكن حتى الان الكفيل محترم الصراحة و مش شفتش منهم غير كل أدب و احترام و شوية لكاعة و بطئ وصاية يا معلم ... لكن طيبين و الله ... واضح اننا في مصر رتم حياتنا هو اللي سريع و هنا مريحين ع الاخرررر بس لذاذ يعني ... أدي الخامس يا باشا

و الأخ عبقرينو ... انا في الرياض و متاج اشتري كمبيوتر لو تقدر تساعدني يبا كتر خيرك ... لابتونج مش ديسكتونج.

مكاوي من المعتقل الصناعي

لا تذم ولا تشكر قبل سنة وست اشهر

اصبر معظمهم كده في الاول :happy:

[شمس العروبة]

الحق يتقال إنى هنا فى الرياض من ستة شهور ما شفتش من كفيلى الا كل حب وإحترام وذوق وأدب، وبيدينى حقى كاملاً غير منقوص منه شىء وبيتعامل كأننا إخوان وليس علاقة كفيل بواحد شغال تحت كفالته

والحقيقة كنت قلقان وأنا جاى السعودية من حوارات المعاملة السيئة للكفلاء السعوديين للى تحت كفالتهم بس الصراحة ربنا سترها معايا وكرمنى بواحد ممتاز ولو قعدت أقول على أوصافه وطريقة معاملته مش هتكفينى صفحات المنتدى لدرجة ان طيبته وكرم أخلاقه للأسف بيستغل من بعض اللى شغالين تحت كفالته بطريقة انى عيان وعندى ظروف ومش عارف مراتى بتولد والكلام ده فيجزل لهم مكافأت عشان يحل ظروفهم الوهمية دى

وعموماً ما ينفعش إنى أعمم تجربتى مع كفيلى على الكل ولا يمكن يكون كل الكفلاء برضه وحشين فى وفى وكل إنسان مقدر له نصيبه

[AbkaReno]

شكرا للردود الجميله..

حصل تطورات في الامر بس لما تتأكد هنزلها في الموضوع !