النساء يتمتعن ببعد النظر

[مصر عشقى]

اكتشفت سيدة مصباح علاء الدين ، وفركتة بحماس فخرج منة الجنى صائحا :

- شبيك لبيك عبدك بين ايد.......

-سيبك من الكلام دة حافظينة ،انا عايزة اقول الثلاث امانى بتاعتى بسرعة

- ماشى كلامك ، بس الامانى علشان تتحقق ليها شروط

- خير اللهم اجعلة خير

- اى حاجة هتطلبيها جوزك هياخد منها عشر اضعاف

-ياراجل خضتنى !موافقة ، اول امنية عاوزة ابقى اجمل ست فى العالم

- حاضر ، بس خدى بالك ،جوزك هيبقى احلى راجل فى العالم هوة كمان ، والستات هيجروا وراة

- واية يعنى، ماهو مش هيلاقى فيهم اجمل منى ، نفذ وانت ساكت

- امرى لله ، جلا جلا ، وفى ثوانى بقت اجملامرأة فى العالم

- الطلب التانى ،عايزة ابقى اغنى ست فى العالم

- خدى بالك ،جوزك هيبقى اغنى منك عشر مرات

- انت بتتكلم كتير لية، ما انا عايزة كدة ، هو فى فرق بين مالى ومال جوزى؟

- حاضر ، جلا جلا ، وفى ثوانى بقت اغنى ست فى العالم

- الامنية التالتة ، انا هطلع على المستشفى دلوقتى حالا ، اول ما اوصل عايزة تجيلى ازمة قلبية خفيفة

تم تعديل 29 مارس 2004 بواسطة مصر عشقى

[se_ Elsyed]

النساء يتمتعن ببعد النظر

دي معلومة طبية صحيحة 100 %

قرأت في موسوعة طبية قبل كده إسمها " علمني العوم والنبي يا أحمد " إن كثيراً من النساء يصابوا ببعد النظر أو حسب المصطلح العلمي طول النظر خاصة بعد سن الـ 20 عشان كده بنضطر نفصلهم نضارات كعب كوباية ليتمكنوا من التأقلم مع البيئة المحيطة بهم ...

س س طبيب عيون وصاحب مسمط السعادة ...

أما ألحق أقفل الموضوع ده قبل الأعداء ما يهجموا ...

يارب اللي في بالي مايقراش الموضوع ده دلوقت ، على الأقل لحد ما أعمل لوج أوت ...

[Falcon Egypt]

السلام عليكم

س س طبيب عيون وصاحب مسمط السعادة ...

أما ألحق أقفل الموضوع ده قبل الأعداء ما يهجموا ...

يارب اللي في بالي مايقراش الموضوع ده دلوقت ، على الأقل لحد ما أعمل لوج أوت ...

وبعدين معاك ياسى السيد انت دايما تضحكنى حتى لو كنت مشغول وجاد

لازم اشوف حل للموضوع ده cr((:

[ragab2]

النساء يتمتعن ببعد النظر, ذكاء السيدات

الكلام

دة من قلبك فعلا وبدون ضغط

يمكن تكون مزنوق .. ؟

[se_ Elsyed]

وبعدين معاك ياسى السيد انت دايما تضحكنى حتى لو كنت مشغول وجاد

لازم اشوف حل للموضوع ده cr((:

أضحك الله سنك يا فالكون ..

ماتقولش كده لحد احسن الحاجات دي بتتنظر ، خاصة نحن في زمن عز فيه الضحك وسامع إشاعات إن عاطف باشا عبيد هايخليه عالبطاقة بحيث كل أول شهر تروح تستلم نكتة بايتة أو لو النكت خلصت يبقى تاخدلك زوزوغاية عالماشي ..

بس على شرط لكن تكون عضو في الحزب الوطني .