ال"جيم" الصعيدى = دال

[maksoof]

المناقشة عن لدغة الصعايدة فى حرف ال"جيم" فى باب آخر فكرتنى بالقصة دى (كصة واكعية مش زي كصص أخونا حشيش)

كان زمان فيه واحد دكتور معرفة إسمه أديب حنا و جاله أمر تكليف فى الصعيد (أعتقد إنه كان فى جرجا). فأول ما نزل من القطار جاله ولد يسأله لو عايز يجيب له جحش عشان يشيل الشنط و يوصله مطرح ما هو رايح.

الولد سأله " أديب الدحش؟"

قال له "لأ .. أديب حنا"

و من يومها بقى إسم الشهرة بتاعه أديب الدحش cr((:

[فــيــروز]

قصه حلوه ددا cr((:

[مصر عشقى]

قصة حقيقية تانية

صعيدى من بتوع الدال دخل اجزخانة ( ادزخانة )

وسأل بجدية شديدة

- عندك دخل عدل؟

- لم يفهم احد ما يريد وبدانانخمن دون جدوى ،وافتى الصيدلى

ان عدل هذة تعنى عضل وانة يريد ان يأخذ حقنة فى العضل

وبسؤالة عن نوع الحقنة رد غاضبا

حجنة اية ، انا عايز دخل عدل

يعنى اية دخل عدل ؟

شنبر داخلى عدل

قصدك شنبر داخلى بتاع كاوتش عربيات ؟

عليك نور

بس يا بلدينا دى اجزخانة

يعنى عنديكوا ولا لع ؟

---------------

واتنين صعايدة هاجموا الناس اللى بتطلع نكت على الصعايدة ،

لأن الصعايدة اذكية مش زى النكت ما بتقول

قررواحد يعمل ليهم اختبار ،

اخد الاول فى غرفة وسألة :

حاجة سودا برباط بنحطها فى رجلينا ، تبقى اية؟

اية السؤال الغبى دة؟ جذمة طبعا ،

اعتذر الرجل للصعيدى:

يظهر ان الصعايدة صحيح اذكى مما تصورت ، ابعت زميلك

خرج الصعيدى واشار لزميلة بالدخول هامسا فى اذنة :

هيسألك عن حاجة سودة وبرباط قول لة جزمة

دخل التانى والراجل سألة

حاجة سوداء بنقليها ونعملها مسقعة وناكلها ، تبقى اية ؟

برباط ؟ ؟

لأ

تبقى بلغة

----------------------

اخذ الاراجوز يهز طرطورة الاحمر سعيدا وهو يلقى النكات

بصوتة الرفيع الأخنف ، وبالطبع كان موضوع النكت على حبايبنا

اللى متحلاش النكت غير عليهم ، ووسط ضحكات الجمهور قفز احدهم الى المسرح صائحا :

اية قلة الادب دى ، انتم جايين تضحكوا الناس ولا تتمسخروا

بيهم ، الصعايدة دول جزمهم برقبتكوا يا ولاد ال 000000

وبعدين نص اللى قاعدين هنا صعايدة ،

شعر المهرج الذى يحرك الاراجوز انة عك ، وان نهايتة هتكون علقة من الصعايدة ( مثل نهايتى ان شاء الله ) فخرج من وراء مسرحة المتنقل مذعورا

انا اسف جدا يا جماعة والله مش قصدى ، الصعايدة دول اجدع ناس

فرد الصعيدى الغاضب :

وانت مالك انت ، انا بتكلم على ابن ال----- ابو طرطور احمر

ولسان عاوز قطعة !

تم تعديل 29 مارس 2004 بواسطة مصر عشقى

[فــيــروز]

وعلى راى مصطفى كامل

لو لم اكن صعيديا لوددت ان اكون صعيديا cr((:

عاشت دردا حره مستجله cr((:

انا هاقول لكم زى السادات ما قال ايام احداث الزاويه

فيه ناس عاوزه تعمل فتنه طائفيه rs: بين ابناء الشعب المصرى .. ما بين الصعايده و البحاروه

انا باحذرهم جميعا :P

اصل اللقطه دى من الفيلم بتعجبنى اوى ;)

تم تعديل 29 مارس 2004 بواسطة فــيــروز

[ragab2]

حلوة جدا

بس وحياتك بلاش الصعايدة

قول بلادينا واحنا هانفهمها ونعرف قصدك

[Abouhemeed]

طيب واحد بلادينا إشترى دبه دديده ( جبه جديده ) و من كتر حبه فيها نام بيها في الليل ، و هوبيتقلب بليل طاح ع الأرض محدثا ضوضاء ، هبت مرته مفزعه و دار الحوار التالي

مرته : من دب دي الدبه؟

البلديات: دي الدبه !

مرته: و هي الدبه تدب دي الدبه؟

البلديات: أيه ... ماني دوها .... هع.. هع ..هع ..

cr((: cr((:

[se_ Elsyed]

الولد سأله " أديب الدحش؟"

قال له "لأ .. أديب حنا"

والله العظيم لو لفينا الدنيا بحالها إستحالة نلاقي قفشات ومواقف تلقائية تضحك زي دي .. وهو ده اللي مصبر الواحد ومش مخليه يفرط في برميل الجاز اللي حيلته ويولع في البلد ..

س س ( إسم حركي )

لكن الإسم الحقيقي " دُندي مُدند / داد داد عبد المودود من مدينة دردا ودارنا دنب الدامع المودود بدوار دوارالعمدة "

وقد تم الإستعانة بالمرحوم انيس عبيد لترجمة هذا الطلسم وأفاد بالتالي

" جندي مجند / جاد جاد عبد الموجود من مدينة جرجا ودارنا جنب الجامع الموجود بجوار دوار العمدة "

[maksoof]

و دى كمان كصة واكعية حصلت فى الديش:

أول ما دخلنا الجيش أنا و مجموعة من دفعتى من جامعة الإسكندرية (كنا أول دفعة مؤهلات عليا تجند بعد إنتصار 5 يونيو 67 العظيم) كنا قاعدين فى معسكر مصطفى باشا و بنشتكى من الجيش.

واحد بلدينا كان قاعد قريب مننا سمع شكوانا و ما عجبوش الكلام فلقيناه نط من مكانه و وقف قدمنا و بدأ يزعق فينا:

ماله الديش؟

بيعطيك مخلة تضرب يدك فيها جطن (قطن) تطلع و صوف تطلع و دزم (جزم=أحذية) تطلع و جماشات (قماشات= أقمشة) على كل لون تطلع

ماله بجا الديش يا ولاد ال...

اللى خطر فى بالى وقتها: طيب لما هو بيعرف يقول "جطن" و "بجا" ليه مش بيقول "جيش" و "جزم"؟

clp:: non::