الزواج عن طريق الإنترنت بين مؤيد ومعارض

[عنبو]

من الاخر كده لو النت كان بداية لمرحلة للتعارف الجاد بغرض الزواج .. يبقى مرحا مرحا

أما لو الطرفان اعتبرا ان النت هو بمثابة فترة الخطوبة وكل التعارف وما كانوش شافوا بعض الا من خلال الصور او الكاميرات ... يبقى يتسحملوا ما سيحدث لهم من صدمات

لأن إذا كانت فترة الخطوبة اللي بيبقى فيها الطرفان وجهاً لوجه هي فترة التجمُل والتزين والعصافير المزقزقة فوق أشجار الزيفزون ... فما بالنا والطرفان يتخفيان وراء متاريس الكيبوردات ؟

وصدقوني ... يوم واحد في التعامل وجهاً لوجه والتعرض لظروف ومواقف مختلفه يرى ويشاهد فيها كل طرف ردود فعل الطرف الاخر = سنة تعارف عن طريق النت

فعلً ممكن النت يكون بدايه للتعارف ولكن لا يمكن ان نبنى عليه القرار الاخير لابد من السؤال عن الاهل ومعرفة كل شىء ولابد ان نتقابل لوجه لوجه

ونعرف بعض على الواقع

شكراً

[لماضة مصرية جدا]

الكلام اللي اتقال من قبل الاعضاء الافاضل جميل. بس انا اقول نقطة يمكن اتقالت بس هعيد صياغتها.

شخصيات الناس على النت بتكون غير الحقيقة. حتى لو هما صادقين جدا و مش بيتجملوا ولا حاجة. لكن النت ده عالم تاني و اي حد غصب عنو لااااازم شخصيته الطبيعية اللي هيحاول يظهرها على النت هتبان للي قصادوا حاجة تانيه. ده مش كذب ولا نفاق!! ده حكم الانترنت :rolleyes:

الشخصية اللي بتظهر على النت بيكون ليها dimension تاني. مثلا في فترة من الفترات اثناء السفر كان بابايا في بلد و احنا في بلد. فكنا بنتكلم معاه على النت صوت و صورة. حسيتو غير الحقيقة خااااالص. حتى تعاملتنا مع بعض على النت كانت غير تعاملتنا في الحقيقة. شوف!بابايا!!! :blink: ايه اكتر من كده.

اكيد في استثناءات في كل حاجة في الدنيا بس في رأيي القعدة العامة اللي يحب على النت خلاص يتجوز على النت! لان مينفعش اتنين dimensions مختلفين تركبهم على بعض.

بس عشان يبقى ضميري مستريح هقول حاجة اخيره. انا مش ضد انك تتعرف على شريكة حياة محتملة على الانترنت (الكلام ده لو قلتو لاهلي هبات عند الجيران :ninja: ) . عايزين تتعرفو اكتر على بعض يبقى في الحقيقة عشان عندكو انتو الاتنين الdimension الصح :happy:

تحياتي

دامو

السلام عليكم و رحمة الله و بركاته

دامو.....عجبني اوي فكرة ال dimension

ممكن اكمل عليها.....اللي بيبقي ناقص هو ال Human Dimension

يعني لا هي حروف تتكتب علي كي بورد....و لا وشوش واحد بيضحك....و لا وردة حمرا.......و لا صورة رمزية...نحط فيها اسقاطات عقلنا...و لا هو توقيع في اسف صندوق لا تزيد مساحته عن حجم ورقة في كشكول

ده بعد انساني........تفاعل حقيقي مش مفتعل

تحياتي

[عماد حمدي]

:) إحم

في طريقتين هقولهم وكل واحد يقول رأية إذا يفضل الخيار رقم واحد أو اتنين :-

الأول : :blink:

تعارف في البداية عن طريق النت فترة قصيرة

ثم

المواجهة وجها ً لوجه لفترة طويلة وإذا حدث توافق ينتهي بالزواج

* الفترة القصيرة ( شهر ) - الفترة الطويلة ( أكثر من سنة )

الثاني : mfb:

تعارف في البداية وجها ً لوجهة فترة قصيرة ..

ثم

الإستمرار عن طريق النت فترة طويلة

* الفترة القصيرة ( شهر ) - الفترة الطويلة ( أكثر من سنة )

:roseop:

عارف ان كلة هيقول عليا واحد مختل عقليا ً بس خدوني ع قد عقلي أنا أصلا ً مش عارف اشمعني دلوقتي بفكر في الموضوع دا .. بس زي ما قولت قبل كدة دي طرقعة ..

** الإختيار الأول :-

كمثال : ان واحد تقابل مع شخص ع الإنترنت فترة قصيرة وقرر انه ينزل يشوفها وبعدين يخطبها لو فية توافق .. كمثال لغير المغترب تقابلوا ع طريق النت وبعد كدة تقابلوا وجها لوجه

** الإختيار الثاني :-

كمثال : واحد نزل أجازتة شاف عروستة اللي أهلة أختاروها لية .. وخطبها ً .. وبعد كدة رجع تواصل معها عن طريق النت

في كلتا الحالتين فأنا شايف ان النت مشترك بمعني ان هيكون برده فية خداع وعمري ما هشوفها لوية بوز ع راي اختنا لماضة ولا هي شافتني اوان بنضف مناخيري :happy:

عايز أعرف وجهة نظر :

الشباب

البنات

[Damo]

في كلتا الحالتين فأنا شايف ان النت مشترك بمعني ان هيكون برده فية خداع وعمري ما هشوفها لوية بوز ع راي اختنا لماضة ولا هي شافتني اوان بنضف مناخيري wst::

طب انت ليه شايف كدة؟ في الاختيار التاني ايو بس الاولاني لا! مش هيقابلو بعض و يقضوا فترة الخطوبة فيس تو فيس؟ يبقى اكيد هتشوفك و انتا بتنضف مناخيرك. امال الخطوبة دي لزمتها ايه؟

[عماد حمدي]

في كلتا الحالتين فأنا شايف ان النت مشترك بمعني ان هيكون برده فية خداع وعمري ما هشوفها لوية بوز ع راي اختنا لماضة ولا هي شافتني اوان بنضف مناخيري wst::

طب انت ليه شايف كدة؟ في الاختيار التاني ايو بس الاولاني لا! مش هيقابلو بعض و يقضوا فترة الخطوبة فيس تو فيس؟ يبقى اكيد هتشوفك و انتا بتنضف مناخيرك. امال الخطوبة دي لزمتها ايه؟

الإختيار الثاني كويس طبعا ً ع أساس ان الأمال والأحلام اللي هتتبني بعد كدة عن طريق النت كان سابقها فترة معرفة ( فيس تو فيس ) بس دا لفترة قصيرة اوي ودي هيا المشكلة ...

دا عكس الإختيار الأول " ان الواحد برده هيحلم وهيبني ىمال " وومكن في أول لقاء ( فيس تو فيس ) ينصدم ويروح فيها :lol:

انا ولا مع الأول ولا التاني بصراحة ..

بس أنا شايف ان فترة الخطوبة ايا كان التعارف سواء نت أو غيرة لازم تكون الفترة دي طويلة وتكون فيس تو فيس مش هنقول سنة هنقول مثلاً 6 شهور تقريبا ً ودا متوسط وخلال الـفترة دي الواحد هيقدر بقدر الإمكان انه يقدر العلاقة إذا كان إختيار سليم ويعيد النظر في بعض الأمور ومع مرور الوقت الطبيعة هتبان ياعني كل واحد هيتصرف بطبيعتة ..

المغترب بقا اللي بينزل أجازة شهر ذنبة اية ..

بصراحة الموضوع لخبط أوي .. او انا اللي لخبطة بالطرقعات بتاعتي دي :lol:

بس عاما ً فالموضوع مهم وهيفيد ناس كتير ..

تحياتي

:blink: :blink:

Emad Hamdy

[ذهبية]

انا هاحكى عن تجربة شوفتها قدام عينى

عريس فى سفر و طبعا علشان ضيق الوقت والدتة بعتت لة صورة للعروسة على النت و كذلك للعروسة

الاهل من الطرفين كانوا موافقين و فرحانين جدا

و بداوا طبعا يتكلموا على النت فترة طويلة فى انتظار انالعريس ياخد اجازة و يجى

و فعلا كانوا مبسوطين جدااااا

و جاءت اللحظة الحاسمة و فعلا اتقابلوا

العروسة اتقفلت و العريس اتقفل

لا مش زى ما كنت متخيلة خالص و هو مش زى ما كنت متخيل لالا دى سنانها وحشة و ضحكتها وحشة قوى غير الصورة انا مش

مندمج معاها و هى لالا دة اسمر قوى كان باين حاجة تانية و بعدين كنت فاكرها طويل عن كدة

بداوا بقى الخناق و شدة الاعصاب و بدوا الخلاف و بدات تتردد و هو يتردد

فضلوا فترة مش عارفين مشاعرهم اية مش عارفين يركبوا الشخصية الحقيقية على الشخصية الخيال

و فضلوا فى تردد لحد ما المووضع باز و انتهت القصة

[pocy]

ياهلا وغلا بالاخ عمده انت فين دلوقتى الامارات ولا السعوديه ربنا يكرمك ان شاء الله بالافضل

بص بقي ياسيدى الفاضل

النت :ماهو الانترنت ؟ هو عالم افتراضي احنا اللى بنعمله وبنرسم فيه شخصياتنا على حسب ماحنا عايزين الطرف التانى يشوفها مش اكتر

وبالنسبه للزواج عن طريق الانترنت انا مؤيده له وخصوصا للمغترب وللمحترمين اللى مش شافوا بنات قبل كده بسبب مثلا تعليمهم الازهرى ومش اتعاملوا معاهم مثلا ولى كذا قصه ساسردها عليك الان

فى موقع محترم جدا جدا من وجهه نظري وهو اسلام اون لاين في جزئيه اسمها شريك الحياه انت بتسجل وناوى خير وربنا بييسر الامور وبمأنى كنت مهندسه كمبيوتر فكانوا في بنات اصدقائي بيطلبوا منى انى

اسجلهم ووالله كان فى ارامل ومطلقات كمان وسبحان الله كانوا بيجوا ويحكولى لاقوا ايه ويتصرفوا ازاى وانا كنت عند مبدأ معين ودايما بقنعهم بيه الاول بحذرهم انهم ممكن يكونوا شباب بيلعب وعايز صيده

سهله من موقع زواج وخلاص وفى شباب فعلا نيتها الزواج بس معندهم وقت لانهم يدورا ولا بيروحوا حفلات ولا معاهم بنات فى الشغل مثلا وهكذا وبيخافوا يروحوا لناس معارف فيترفضوا ويحصل صدمه والعلاقه

بينهم يخسروها

لذا فكانت نصيحتى كالتالى للبنات :-

1- عندما يراسلك شخص ويقولك ان قريت الصفحه بتاعتك وان شاء الله ربنا ييسر اللى فيه الخير تراسليه على نفس الموقع وهو اسلام اون لاين

2- الاتفاق معه من البدايه ان الهدف من التعارف هو الزواج ان شاء الله لذا لن نحيد عن اى كلام يهالف شرع الله وشرط ان يكون تحت مراقبه اهلها

3- الاتفاق ان محادثتين فقط خلال اى برنامج ماسنجر ثم اعطاءه رقم الوالد او الاخ ولا تعطيه ابدا رقمك الشخصي حتى تحافظى على نفسك

4- عدم الخضوع فى القول اثناء المحادثه وده لصالحك حتى تحافظى على حيائك وتفهيم الشاب جيدا ان هذا التعارف فقط بدايه لزواج الصالونات بمعنى انه بعد المحادثتين يتصل بوالدك لتحديد موعد

ثم الالتقاء فيه خير اوك مفيش خير يبقي ربنا رايد كده ومش تضايقي

وهناك الكثير من الزيجات تمت واعلمها وبسم الله ماشاء الله معاهم اطفال الان

وهناك الكثير من التعارف لم يتم لأسباب عديده ولو اردتم سرد هذه القصص سأقص عشرات منها ومش كل مواقع الزواج زى بعضها وانصح بموقع اسلام اون لاين وعن تجربه

وربنا يبارك يارب اللهم امين

متابعه ولى عوده ان شاء الله

[لماضة مصرية جدا]

السلام عليكم و رحمة الله و بركاته

للوهلة الاولي بعد طرح الموضوع تخيلت ان ده سؤال اجابته فيه....بس لما بقرا المداخلات و الخبرات الحياتية الواحد بيقعد يتأمل فيها...مش عشان يغير وجهة نظره...بالعكس....لازلت عند اعتقادي....بس عشان نفهم واقعنا اكتر

ذهبية

الجوازة باظت....طبعا عشان مافيش نصيب....بس كمان عشان كل طرف محاولش يدي لنفسه فرصة يشوف الكائن اللي قدامه مش الصورة الهلامية اللي رسمها في دماغه عن الكائن ده

و ع فكرة ده بيحصل كتير جدا في الحياة العادية بعيد عن الانترنت....يعني بيتقدملك واحد....و طبعا بتسمعي عنه قصص جبااارة.....تحسي انك هتقابلي بقي تامر صلاح الدين الايوبي....حتي لما تحصل المقابلة برضه بتلاقي ناس بتصر انها ترسم عن نفسها حاجة بعيدة عن واقعها.........و لان مبيبقاش فيه فرصة كويسة للتعارف قبل الخطوبة او لما بناخد خطوة رسمية.....فبتلاقي كلا الطرفين فعلا معندوش لا الرغبة و لا القدرة انه يستحمل عشان يكتشف الطرف الخر زي ما هو مش زي ما الواحد او الواحدة راسمين في دماغهم

===========================================

بوسي

مداخلتم ثرية جدا.....و اكتر ما لفت نظري فيها ترتيب الخطوات......لان فيه ناس ممكن تقول...ان الشاب.....ممكن يشوف البنت (او بمعني اصح البنت تشوف الولد )مثلا الاول قبل ما ياخد خطوة رسمية للبيت.....ع اعتبار ان دي الدفعة الاولانية اللي بتخليه هو او هي يحددوا الموضوع هيمشي في انهي اتجاه.

بس فيه جزئية يا بوسي محتاجين رايك فيها لانك بتقولي عندك خبرات واقعية في الموضوع ده........و ده السؤال اللي حطه عماد......

ايه راي المجتمع في كده؟؟؟؟؟؟

القصص اللي انتي حكيتيها.....ناقصة حتة الاهل....تقبلهم للفكرة...او بمعني اصح تعاملهم مع الفكرة في حد ذاتها......و برضه عايزين طرح واقعي....مش فلسفي....او تنظيري

تحياتي

[pocy]

السلام عليكم و رحمة الله و بركاته

بوسي

مداخلتم ثرية جدا.....و اكتر ما لفت نظري فيها ترتيب الخطوات......لان فيه ناس ممكن تقول...ان الشاب.....ممكن يشوف البنت (او بمعني اصح البنت تشوف الولد )مثلا الاول قبل ما ياخد خطوة رسمية للبيت.....ع اعتبار ان دي الدفعة الاولانية اللي بتخليه هو او هي يحددوا الموضوع هيمشي في انهي اتجاه.

بس فيه جزئية يا بوسي محتاجين رايك فيها لانك بتقولي عندك خبرات واقعية في الموضوع ده........و ده السؤال اللي حطه عماد......

ايه راي المجتمع في كده؟؟؟؟؟؟

القصص اللي انتي حكيتيها.....ناقصة حتة الاهل....تقبلهم للفكرة...او بمعني اصح تعاملهم مع الفكرة في حد ذاتها......و برضه عايزين طرح واقعي....مش فلسفي....او تنظيري

تحياتي

بصي يا لمضمض يا اختى انا كنت متردده جدا فى الاول انى اقدم على هذا الامر وانى اساعد البنات وكده واللى بدأ الموضوع كان فى واحده زميلتى فى الشغل فى مصر وكانت مطلقه ولسه صغيره فى السن وعايزه تتجوز تانى وكان سبب طلاقها انها عرفت ان جوزها اتجوز عليها عرفي السكرتيره بتاعته المهم كرامتها نقحت عليها جدا ورفضت ترجعله نهائيا المهم جتلى وقالتلى ممكن تساعدينى قلتلها مش هتاخر لو فى استطاعتى المهم قالتى عايزاكى تسجليلي فى اى موقع من مواقع الزواج مكنتش مقتنعه بحاجه زى كده فى الاول واتناقشت معاها يابنتى انتى اموره وفى ناس اكيد هتجيلك كتير وكمان اهلك ناس محترمه جدا واعتقد انها ممكن ترفض تقلي اهلى هم اللى جوزونى طليقي والنتيجه زى مانتى شايفه المره دى انا اللى عايزه اختار واحدد انا عايزه ايه المهم قلتلها اوك عملت بحث على مواقع الزواج لقيت كتير بس بصراحه انا فاكره ان كان فى اسلام اون لاين شوفت كلمه شريك الحياه وانا من معجبي هذا الموقع وسبحان الله دخلت وسجلت باسمها ومواصفاتها هى اللى كتبتها وبعدين تصفحت الموقع وكنت افتحه لها كل فتره وتشوف حد بعتلها ولا لا وسبحان الله وجدت من هم مهتمين وعلمتها ازاى تدخل وتتابع بنفسها وسبحان الله جت بعدها وبتقلي فى واحد عايز يقابلنى ويشوفنى الاول وهو من القاهره وهى رفضت وهو مصر انه يقابلها رحت قلتلها وافقى بس قولى انك هتاخدى حد من اخواتك معاكى وشوفي رد فعله ووافق الراجل وسبحان الله اخدت زميل لينا فى الشغل معاها على اعتبار انه اخوها لان مش عندها اخوات ولاد المهم قابلت الراجل فى مكان عام مع زميلنا فى الشغل على اعتبار انه اخوها بس مش حصل نصيب للاسف بس الفكره فى حد زاتها انها انطبقت دى كانت بدايه معاها الى ان كرمها الله بعد ذلك بزوج صالح ترضي بيه ويرضي بيها وكان من سأل عليه هو زميلنا هذا فى العمل وبعد كده اتفقوا انهم يقولوا لاهلها انه جي عن طريق زميلنا ده والحمد لله متزوجه وعندها بنتين زى القمر وهو كان ارمل وعنده ولد والحمد لله ربنا كرمهم وسعدت كتير لانى كنت طرف فى الموضوع ده

دى اول حكايه من العشره وبالنسبه لنظره المجتمع مش اختلفت عن انه واحد جى عن طريق واحد تانى وباقي القصص ساعرضها فى مداخلات اخرى

اروح اجرى اعمل الاكل بقي وسلام مؤقت ولى عوده ان شاء الله

تم تعديل 3 أبريل 2010 بواسطة pocy

[عماد حمدي]

عريس فى سفر و طبعا علشان ضيق الوقت والدتة بعتت لة صورة للعروسة على النت و كذلك للعروسة

الاهل من الطرفين كانوا موافقين و فرحانين جدا

و بداوا طبعا يتكلموا على النت فترة طويلة فى انتظار انالعريس ياخد اجازة و يجى

و جاءت اللحظة الحاسمة و فعلا اتقابلوا

العروسة اتقفلت و العريس اتقفل

و فضلوا فى تردد لحد ما المووضع باز و انتهت القصة

همسك كلمة كلمة .. اللي بالون الأحمر ..

1- ( ضيق الوقت )

* هيا دي بقا المشكلة اللي كان قصدي عليها .. ضيق الوقت هيخليه غصب عنه يرسم ليها صورة في خيالة جميلة ولذيذه ويتخيل انه عايش في الجنة .. ياعني زي ما بنقول الحب أعمي !! هنقول برضة ضيق الوقت بيخليك تحب والحب أعمي !! :110: بنلف في دائرة مقفولة

أي كان الإتصال سواء وجها ً لوجهة لفترة قصيرة جدا تكون لمدة اسابيع قليلة أو ع النت لفترة طويلة اوي .. وكلتا الحالتين الرغبة عند الطرف الأول بالذات اللي هوه العريس خاصة لو قرب ع الثلاثين هتعمية عن سلبيات تكاد تكون موجوده بالطرف الاخر ويقول " اهو عصفور في اليد خير من ألف ع الشجرة . هوه انا لسة هسافر وأضيعلي كمان سنة وأنزل ادور والعمر بيجري ووو وهتلاقي عقلة بيخترعلة أسباب كتير وهتخليه يقبل .. ولما يقبل بتكون الكارثة عدم توافق لان كلا الطرفين هيبان ع طبيعته للأخر والطباع كمان " ..

2- ( الأهل من الطرفين كانوا موافقين )

* ياعني فيه سابق معرفة بين الأهل .. ومع ذلك أنا برفض الفكرة دي نهائي .. هيترتب عليها مشاكل كتير اوي خاصة لو محصلش نصيب .. لان الناس كلها هتبقي عارفة ان دا لدي ودي لدا .. وبعد انتظاااااار لوصول العريس يفاجأ الجميع بان مفيش نصيب .. ودا هيدفع بعض ضعيفي النفوس للهمس واللمز .. وبعدين دي فكرة قديمة وبلدي أوي :110: دلوقتي الفوتو شوب بيخلي الوحشة شبه نانسي عجرم !! فدي انا مش متفق مع الأهل خالص .. وأعتبرهم أساس ان الزيجة دي تفشل

3- ( يتكلموا ع النت )

* طبعا ً الفوتو شوب عمل عمايلة wst:: العريس أسمراني أصلا ً الفوتو شوب خلاه زي القمر وبشرة فاتحة وشال ورحط ووو .. والعروسة الغلبانة كل يوم بيعدي قاعدة تبني في أحلام وأوهام والعريس الغليان برده قاعد يبني في أحلام وأوهام .. :110:

4- ( العروسة اتقفلت والعريس اتقفل )

* شيء أكيد طبعا ً لان أحلامهم اتبنت ع أساس رخو .. " زي بالظبط اساس بيت يتحمل دورين روحت انا بنيت عليه 10 أدوار طبيعي لازم ينهدم "

النت :ماهو الانترنت ؟ هو عالم افتراضي احنا اللى بنعمله وبنرسم فيه شخصياتنا على حسب ماحنا عايزين الطرف التانى يشوفها مش اكتر

لذا فكانت نصيحتى كالتالى للبنات :-

1- عندما يراسلك شخص ويقولك ان قريت الصفحه بتاعتك وان شاء الله ربنا ييسر اللى فيه الخير تراسليه على نفس الموقع وهو اسلام اون لاين

2- الاتفاق معه من البدايه ان الهدف من التعارف هو الزواج ان شاء الله لذا لن نحيد عن اى كلام يهالف شرع الله وشرط ان يكون تحت مراقبه اهلها

3- الاتفاق ان محادثتين فقط خلال اى برنامج ماسنجر ثم اعطاءه رقم الوالد او الاخ ولا تعطيه ابدا رقمك الشخصي حتى تحافظى على نفسك

4- عدم الخضوع فى القول اثناء المحادثه وده لصالحك حتى تحافظى على حيائك وتفهيم الشاب جيدا ان هذا التعارف فقط بدايه لزواج الصالونات بمعنى انه بعد المحادثتين يتصل بوالدك لتحديد موعد

ثم الالتقاء فيه خير اوك مفيش خير يبقي ربنا رايد كده ومش تضايقي

ربنا ييسر الحال ان شاء الله قريب هحدد للناس مكاني ع الخريطة دعواتكم بس .. وشكرا ً ع سؤالك

1- ( تعريفك للنت )

* ممكن نقول مش بالظبط كدا دا من وجهة نظري برده .. لان ببساطة لية منقولش العكس وانا مثلاً ممكن اكلم واحد اتعرفت عليه لقيته من كلمة محرتم اوي اوي اوي واتقابلت انا وهوه واتضح ليه انه أشد إحتراما ً .. مش شرط ان الإنسان بيرسم لنفسة الشخصية اللي عايز الطرف الثاني يشوفها بيه .. ممكن يكون ع طبيعته خالص .. بس رأيك وارد ودا الغالب ع فكرة

2- ( مراقبة أهلها )

* طيب دا اية دا بقا .. بجد عايز افهمها .. ياعني عايزة تقولي ان الأهل عارفين ان بنتهم عملة إعلان عن نفسها في موقع زواج ومتقبلين الموضوع كدا عادي .. ياريت زي ما الأخت لماضة قالت تجيبلنا قصص واقعية في النقطة دي بالذات ..

لان دره الفعل تختلف من شخص لأخر .. وحسب البيئة التي نشأ وولد بها و أسلوب التربية والتعليم .وكمان الظروف الإجتماعية المحيطة بيه هي اللي هتحدد رده فعل الأهل ومدي تقبلهم أو تعارضهم مع هذه الفكرة ..

** تسمحيلي .. ياعني أنا أروح أتدم لواحده ولا عمري شفت حتي شكلها ولا أعرف أهلها ولا هيا بنت مين ولا لا وخاصة بقا لو طلعت من مدينة تانية خاااااااااالص غير مدينتي .. مش عارف شايف ان الفكرة دي ممكن متنفعش

وعايزين نعرف رأي الدين في الموضوع دا .. ودا أهم شيء ..

السلام عليكم و رحمة الله و بركاته

للوهلة الاولي بعد طرح الموضوع تخيلت ان ده سؤال اجابته فيه....بس لما بقرا المداخلات و الخبرات الحياتية الواحد بيقعد يتأمل فيها...مش عشان يغير وجهة نظره...بالعكس....لازلت عند اعتقادي....بس عشان نفهم واقعنا اكتر

و ع فكرة ده بيحصل كتير جدا في الحياة العادية بعيد عن الانترنت....يعني بيتقدملك واحد....و طبعا بتسمعي عنه قصص جبااارة.....تحسي انك هتقابلي بقي تامر صلاح الدين الايوبي....حتي لما تحصل المقابلة برضه بتلاقي ناس بتصر انها ترسم عن نفسها حاجة بعيدة عن واقعها.........و لان مبيبقاش فيه فرصة كويسة للتعارف قبل الخطوبة او لما بناخد خطوة رسمية.....فبتلاقي كلا الطرفين فعلا معندوش لا الرغبة و لا القدرة انه يستحمل عشان يكتشف الطرف الخر زي ما هو مش زي ما الواحد او الواحدة راسمين في دماغهم

تحياتي

كدا تمااااااااااااااام أوي وقولتي اللي انا عايز أقولة والله

===========================================

متابع ,,

[pocy]

النت :ماهو الانترنت ؟ هو عالم افتراضي احنا اللى بنعمله وبنرسم فيه شخصياتنا على حسب ماحنا عايزين الطرف التانى يشوفها مش اكتر

لذا فكانت نصيحتى كالتالى للبنات :-

1- عندما يراسلك شخص ويقولك ان قريت الصفحه بتاعتك وان شاء الله ربنا ييسر اللى فيه الخير تراسليه على نفس الموقع وهو اسلام اون لاين

2- الاتفاق معه من البدايه ان الهدف من التعارف هو الزواج ان شاء الله لذا لن نحيد عن اى كلام يهالف شرع الله وشرط ان يكون تحت مراقبه اهلها

3- الاتفاق ان محادثتين فقط خلال اى برنامج ماسنجر ثم اعطاءه رقم الوالد او الاخ ولا تعطيه ابدا رقمك الشخصي حتى تحافظى على نفسك

4- عدم الخضوع فى القول اثناء المحادثه وده لصالحك حتى تحافظى على حيائك وتفهيم الشاب جيدا ان هذا التعارف فقط بدايه لزواج الصالونات بمعنى انه بعد المحادثتين يتصل بوالدك لتحديد موعد

ثم الالتقاء فيه خير اوك مفيش خير يبقي ربنا رايد كده ومش تضايقي

ربنا ييسر الحال ان شاء الله قريب هحدد للناس مكاني ع الخريطة دعواتكم بس .. وشكرا ً ع سؤالك

1- ( تعريفك للنت )

* ممكن نقول مش بالظبط كدا دا من وجهة نظري برده .. لان ببساطة لية منقولش العكس وانا مثلاً ممكن اكلم واحد اتعرفت عليه لقيته من كلمة محرتم اوي اوي اوي واتقابلت انا وهوه واتضح ليه انه أشد إحتراما ً .. مش شرط ان الإنسان بيرسم لنفسة الشخصية اللي عايز الطرف الثاني يشوفها بيه .. ممكن يكون ع طبيعته خالص .. بس رأيك وارد ودا الغالب ع فكرة

اخى الفاضل حبيت ارد علة نقطه نقطه وبالنسبه للتعريف النت وانى قلت انه عالم افتراضي اى انه يحاكى عالم الواقع اللى احنا عايشين فيه ممكن جدا الانسان يرسم لنفسه شخصيه قدام خطيبه او خطيبته علشان يشجعها على الموافقه والمضي في الخطوبه طالما مقتنع بده فعلا هضربلك مثال كان اول واحد متقدملى كان عايزنى البس النقاب واقعد فى البيت الشروط دى لو كانت طالعه من واحد تانى كنت رفضت من البدايه ومن اول قعده بس لما لقيت كلامه ولشانه بيقوا اعذب الكلام وصوته فى قراءه القران احسست انى اريد ان اتزوج هذا الرجل حتى يأخذنى الى الجنه من اوسع باب واكون مرافقه لرسول الله بس طبعا الرفض جه من عند اهلى لاسباب اخري المهم بس ساعتها حسيت انى اتغيرت 180 درجه وانا بتكلم معاه حسيت انى عايزه اظهر كل ما اعرفه عن الدين علشان ربنا يوفقنا مش اكتر معنى كده انى رسمت شخصيه ملتزمه بس علشان ربنا يكرمنا بالافضل

2- ( مراقبة أهلها )

* طيب دا اية دا بقا .. بجد عايز افهمها .. ياعني عايزة تقولي ان الأهل عارفين ان بنتهم عملة إعلان عن نفسها في موقع زواج ومتقبلين الموضوع كدا عادي .. ياريت زي ما الأخت لماضة قالت تجيبلنا قصص واقعية في النقطة دي بالذات ..

مراقبه الاهل دى اساس من اساسيات اى زواجه او خطوبه فى هذا العصر اصبح الزواج من اصعب المواقف التى يمر بها الفرد فى حياته فهناك من يخافون ان يترفضوا من اول مره وده طبيعي بس بالنسبه ليهم مش طبيعي علشان كده بقول انه يكلمها مرتين يمكن ربنا ييسر الحال ومن غير ما يشوفوا بعض وصدقنى ده افضل وهقولك ليه بس مش دلوقتى

لان دره الفعل تختلف من شخص لأخر .. وحسب البيئة التي نشأ وولد بها و أسلوب التربية والتعليم .وكمان الظروف الإجتماعية المحيطة بيه هي اللي هتحدد رده فعل الأهل ومدي تقبلهم أو تعارضهم مع هذه الفكرة ..

** تسمحيلي .. ياعني أنا أروح أتدم لواحده ولا عمري شفت حتي شكلها ولا أعرف أهلها ولا هيا بنت مين ولا لا وخاصة بقا لو طلعت من مدينة تانية خاااااااااالص غير مدينتي .. مش عارف شايف ان الفكرة دي ممكن متنفعش

طبعا فى اهل بيرفضوا الفكره بس فى اهل بيوافقوا عليها وده على حسب اسلوب التربيه والمعيشه والظروف المحيطه بس البنت بتبقي عارفه اهلها هيوافقوا ولا لا ؟؟؟؟؟؟؟؟؟ واعتقد ان هى اللى ممكن تقرر الموضوع ده يعنى مثلا انا زوجى قبل ان يتقدم لى طلب انه يكلمنى الاول فى التليفون قبل ما يجي البيت لانه كان من القاهره وانا من السويس وفى ناس وسيطه هم اللى عرفونا على بعض والناس بيشكروا فى قوى وبيشكروا فى اهل زوجى قوى وسبحان الله رغم اختلاف الطباع الا ان ربنا كرمنا والحمد لله وجه فعلا وتانى يوم كان فى رساله على موبيلي انه منتظر الرد وطبعا عرفت ساعتها انه والحمد لله حصل قبول وبعدين اهلى بدأوا يخدوا الخطوات انهم يسالوا عليه فى المنطقه بتاعته وفى شغله والحمد لله رب وفق اللى فيه الخير يعنى اللى عايزه اقوله هل هو شافنى قبل كده ده مجرد واحده اتكلمت عنى مع امه والواحده دى جت اتكلمت عنه مع امى وبس هل الكلام صحيح لابد من التاكد منه ولا ايه ؟؟؟؟؟؟؟؟؟؟؟؟؟؟؟؟؟؟؟ وده بيحصل فى زواج الصالونات ايضا وزواج الانترنت

[الباشمهندس ياسر]

فيه نقطة لفتت انتباهي

يعني ايه الشاب كان اسمر...؟

يعي ايه اه استخدم الفوتوشوب و بدأ يغير ف تفاصيل الصورة بتاعته...؟

ايحاءات لا تستحق عناء الالتفات اليها..لكن التبيه كان واجب

تحياتي

[se_ Elsyed]

فيه نقطة لفتت انتباهي

يعني ايه الشاب كان اسمر...؟

يعي ايه اه استخدم الفوتوشوب و بدأ يغير ف تفاصيل الصورة بتاعته...؟

ايحاءات لا تستحق عناء الالتفات اليها..لكن التبيه كان واجب

تحياتي

إيه الأسلوب الغير مقبول ده يا ياسر ؟؟؟؟

مدام ذهبية ذكرت ذلك على سبيل المثال مع تصورات أخرى عن الولد والبنت ولم يكن هناك شخصنة في الموضوع ...

بدليل إنك تركت الجُملة دي عن تصور الولد للبنت ولم تُعلق عليها !!!!!!!!!!!!

العروسة اتقفلت و العريس اتقفل

لا مش زى ما كنت متخيلة خالص و هو مش زى ما كنت متخيل لالا دى سنانها وحشة و ضحكتها وحشة قوى غير الصورة انا مش

فمن فضلك .. الإدارة هي من تُدير دفة الحوار .. ولو عندك إعتراض على حاجه معينة فقُم بمراسلة الإدارة للتدخل .

[الباشمهندس ياسر]

فيه نقطة لفتت انتباهي

يعني ايه الشاب كان اسمر...؟

يعي ايه اه استخدم الفوتوشوب و بدأ يغير ف تفاصيل الصورة بتاعته...؟

ايحاءات لا تستحق عناء الالتفات اليها..لكن التبيه كان واجب

تحياتي

إيه الأسلوب الغير مقبول ده يا ياسر ؟؟؟؟

مدام ذهبية ذكرت ذلك على سبيل المثال مع تصورات أخرى عن الولد والبنت ولم يكن هناك شخصنة في الموضوع ...

بدليل إنك تركت الجُملة دي عن تصور الولد للبنت ولم تُعلق عليها !!!!!!!!!!!!

العروسة اتقفلت و العريس اتقفل

لا مش زى ما كنت متخيلة خالص و هو مش زى ما كنت متخيل لالا دى سنانها وحشة و ضحكتها وحشة قوى غير الصورة انا مش

فمن فضلك .. الإدارة هي من تُدير دفة الحوار .. ولو عندك إعتراض على حاجه معينة فقُم بمراسلة الإدارة للتدخل .

حاضر يا عمو

هسمع الكلام م ها و رايح

[pocy]

نرجع تانى لموضوعنا وهو مين مؤيد ومين معارض اعرف واحده والله العظيم الكلام ده حصل

هى مهندسه زميله وصديقه لى وحبوبه قوى بس عندها مشكله انها مش حاسه انها حلوه مع ان روحها جميله جدا واكد عندها الاحساس ده ان محدش بيتقدملها وبيتقدم لاخواتها اللى اصغر منها ومش مقتنعه انها علشان تعليم عالى وهندسه وكده فالمتقدمين لازم يكونوا على نفس المستوى وسبحان الله نصحتها بانها تدخل على الموقع ده لانى لقيت انه فى ناس التجربه نفعت معاهم راحت قالت لامها ماما انا هعمل كذا رفضت رفض تام والدتها وقالتلها النصيب مسيره يجى وانتى لسه 24 سنه ايه المشكله واخواتك اتخطبوا بس علشان مخلصين دبلومات لكن انتى مش اى حد يجيلك انتى مهندسه و....... و............ لكن البنت قعدت تعيط واقنعت امها ان شكلها وحش ومهندسه واخواتها الاصغر منها اتخطبوا مين هيتقدملها راحت امها وافقت على مضض المهم سجلت وبالفعل بعد فتره وجدت ناس بيراسلوها وكانت بترد عليهم لاقيت البنت اختلفت من حيث حالتها النفسيه والاهتمام بالشكل والهندام و..............زز وحتاجات كده كتير وسبحان الله بعد شهرين والله العظيم شهرين

بتقلي فى مدرس علوم متقدملى شخصيته ممتازه جدا وعنده شقه تمليك بس فى مشكله انه من اسوان ولو وافقت هسكن هناك قلتلها انتى موافقه على شخصيته وهو والحمد لله مدرس وخريج علوم واقنعتها ان المكان بتاعها هو اللى يكون فى جوزها وهى كانت بتحاول تقنعه بالسويس وسبحان الله ربنا كرمها ووافقت واقنعت اهلها وعاشت مع جوزها فى اسوان ومعها الان مصطفي وحنان سبحان الله وربنا يرزقهم كمان وكمان يارب وطبعا دى مكنتش المحاوله الاولى ليها بس هى من الاول كانت بتدى وش خشب ومش ادت الوش التانى الا اللى وافق انه يجي البيت ويتعرف عليها وسبحان الله كانت بتتصل بي من اسوان وهى فرحانه وبتقول فيه اشعار بس ترجع تقولى اخواتى وماما واهلى وحشنى قوى بس النت كان موفر عليها شويه والحمد لله

ودى كانت بقي بعلم الاهل بس محدش يعرف من الجيران او اى حد انه جاى من اسوان يعرفوا انه جى من ناحيه بوسي وخلاص والحمد لله تمت الزيجه على خير

وللحديث بقيه ان شاء الله :closedeyes:

[عماد حمدي]

Pocy

تسجيل متابعة .. كملي كملي حلوة اوي التجربة دي ..

[hyyyr]

السلام عليكم ورحمة الله وبركاته

النت هو وسيلة زيه زي الخاطبة واعلانات الجرايد اريد عريسا واريد عروسة

يعني كل الحكاية ان الوسائل زادت وكلها ليها مميزاتها وعيوبها شخصيا

اعرف ثلاث زيجات ناجحة تمت من الانترنت وكذلك اعرف الكثير من التجارب الفاشلة

[pocy]

السلام عليكم ورحمة الله وبركاته

النت هو وسيلة زيه زي الخاطبة واعلانات الجرايد اريد عريسا واريد عروسة

يعني كل الحكاية ان الوسائل زادت وكلها ليها مميزاتها وعيوبها شخصيا

اعرف ثلاث زيجات ناجحة تمت من الانترنت وكذلك اعرف الكثير من التجارب الفاشلة

أخي الفاضل اتمنى انك تسرد الينا بعض القصص الناجحه والغير ناجحه حتى نتعلم منها ونخرج بنتيجه لهذه القصص

تحياتى ولى عوده ا ن شاء الله :sad: :sad:

[لماضة مصرية جدا]

نرجع تانى لموضوعنا وهو مين مؤيد ومين معارض اعرف واحده والله العظيم الكلام ده حصل

هى مهندسه زميله وصديقه لى وحبوبه قوى بس عندها مشكله انها مش حاسه انها حلوه مع ان روحها جميله جدا واكد عندها الاحساس ده ان محدش بيتقدملها وبيتقدم لاخواتها اللى اصغر منها ومش مقتنعه انها علشان تعليم عالى وهندسه وكده فالمتقدمين لازم يكونوا على نفس المستوى وسبحان الله نصحتها بانها تدخل على الموقع ده لانى لقيت انه فى ناس التجربه نفعت معاهم راحت قالت لامها ماما انا هعمل كذا رفضت رفض تام والدتها وقالتلها النصيب مسيره يجى وانتى لسه 24 سنه ايه المشكله واخواتك اتخطبوا بس علشان مخلصين دبلومات لكن انتى مش اى حد يجيلك انتى مهندسه و....... و............ لكن البنت قعدت تعيط واقنعت امها ان شكلها وحش ومهندسه واخواتها الاصغر منها اتخطبوا مين هيتقدملها راحت امها وافقت على مضض المهم سجلت وبالفعل بعد فتره وجدت ناس بيراسلوها وكانت بترد عليهم لاقيت البنت اختلفت من حيث حالتها النفسيه والاهتمام بالشكل والهندام و..............زز وحتاجات كده كتير وسبحان الله بعد شهرين والله العظيم شهرين

بتقلي فى مدرس علوم متقدملى شخصيته ممتازه جدا وعنده شقه تمليك بس>>>>>???? يه اللعلاقة؟؟؟؟

فى مشكله انه من اسوان ولو وافقت هسكن هناك قلتلها انتى موافقه على شخصيته وهو والحمد لله مدرس وخريج علوم واقنعتها ان المكان بتاعها هو اللى يكون فى جوزها وهى كانت بتحاول تقنعه بالسويس وسبحان الله ربنا كرمها ووافقت واقنعت اهلها وعاشت مع جوزها فى اسوان ومعها الان مصطفي وحنان سبحان الله وربنا يرزقهم كمان وكمان يارب وطبعا دى مكنتش المحاوله الاولى ليها بس هى من الاول كانت بتدى وش خشب ومش ادت الوش التانى الا اللى وافق انه يجي البيت ويتعرف عليها وسبحان الله كانت بتتصل بي من اسوان وهى فرحانه وبتقول فيه اشعار بس ترجع تقولى اخواتى وماما واهلى وحشنى قوى بس النت كان موفر عليها شويه والحمد لله

ودى كانت بقي بعلم الاهل بس محدش يعرف من الجيران او اى حد انه جاى من اسوان يعرفوا انه جى من ناحيه بوسي وخلاص والحمد لله تمت الزيجه على خير

وللحديث بقيه ان شاء الله :sad:

السلام عليكم و رحمة الله و بركاته

العزيزة جدا بوسي

شكرا علي طرحك و مشاركتك...و مساعدتك لينا ان احنا نلمس الواقع

تصدقي يا اخت بوسي...انا توقفت عند الكلمات اللي بالفونت العريض دي فوق....و جالي احساس بالياس الشديد اللي البنت ممكن بتقع فيه....و احيانا بيخليها صيدة سهلة لناس تسوي...او ناس....معذرة

مش قادرة امنع نفسي اني افكر في طريقة تربيتنا....

و خصوصا للبنت....انها لازم تكون جميلة....مش ذكية....

لازم تاخد التقدير و نظرة الاعجاب من الراجل....مش من جواها هي.....

لازم مهما كانت ناجحة لازم....يبقي ليها ضل راجل...

ايه التربية الصادمة دي....انا اتربيت كده علي فكرة....

بس رافضاه تماما...رافضاه و لو فيه كلمة اكبر من الرفض لاخترعت ليها مصطلح....و كتير بيقولولي بلاش تمشي في اتجاه معاكس...بس انا همشي فيه طول ما مبيحترمشي انسانيتي

قصة حضرتك بتضرب في صميم حياة البنت...اللي خلصت دراسة و قعدت هي و مامتها يعدوا الايام....و يحسبوا كام عريس اتقدم.....و تتحول الليالي لدعوات لا تنقطع عن العريس اللي تاه في الحرب (ده مصطلح اتعلمته من صديقتي العراقية....بتقولي اكيد يا لماضة عريسي تاه في حرب العراق مع ايران....و اذا مكنشي يبقي في غزو العراق ع الكويت....بس اكيد تاه.... :sad: )

البنت دي....دليرتها اصبحت انها تلاقي عريس.....راحت ع الانترنت....

اللي تاعبني مش انها راحت ع النترنت...لانه كما استعرضت المداخلات هو مجرد وسيلة للتعارف او خطوة مبدئية....اللي تاعبني و تاعبني اوي...انها بدأت التعارف...و هي احساسها بنفسها احساس الدونية.....يعني انها اقل...يعني انها اوحش...يعني انها لا تجد....

احساس....و اسمحيلي في اللفظ.....يدعو للغثيان.....بس البنت بتبقي مسئولة عنه لحد كبير....و تربيتها لحد اكبر

اللي تاعبني ان الام كمان كانت يائسة...و بدل ما تقلو لبنتها....اكتشفي في نفسك جمال يضفي عليكي قوة....يضفي عليكي بريق...الام وافقت

مش بلوم حد.....القصة ربنا يبارك لهم تبدو ناجحة.....لكنها بالنسبة لي غير مشبعة انسانيا ع الاطلاق

القصة وظفت التعارف عن طريق النت كوسيلة للهروب من حالة الياس...من حالةالهروب من الواقع الضاغط للبنت...لكن بالنسبة لي.....مش مكفياني....مش مريحاني....و دي وجهة نظري الخاصة جدا

لو البنت بتدور علي ضل راجل........صدقوني....هتلاقي ما يكفي من الرجال لملء مساحات ع مدد الشوف من الظلال

لو البنت بتدور انها تاخد اللقب و تكمل الوجاهة الاجتماعية.....و الله ما هيفرق النت و لا حتي ام فاروق الخاطبة

لو البنت بتدور علي شريك حياة......كتف في كتف....او بيعجبني بقي اوي soulmate....يعني شريك روحي...(اه يطلع روحي اوقات....بس يعرف يشبع الروح دي انسانيا و عقليا...و نفسيا...و يخليني استغني عما شابه من رجال او ارواح اخري)

يبقي هتتعب.....و هتتعب اوي.....و يمكن تفكر في طرق غير تقليدية....و يمكن تفكر في طرق في منتهي التقليدية....

بس و هي بتتعب......هتبقي مبسوطة اوي بنفسها عشان هي عارفة هي بتدور علي ايه......و متاكدة ان مش كل الظلال يمكن ان ترضيها

و برضه دي وجهة نظر

تحياتي

[pocy]

عزيزتى لماضه

انا معاكى قلبا وقالبا فيما تقولينه وتحياتى لك :closedeyes: bv:-

كلامك هذا فكرنى فيما كنت اعانيه مع صديقتى هذه فلقد كانت جميله الروح جدا ودمها خفيف لابعد الحدود ولكن سبحان الله حاولت اقناعها بشتي الطرق انها جميله فى داخلها وان هناك من يري هذا الجمال وليس الجمال جمال الشكل ولكنه فى الاساس جمال الروح و لكنها فكره مترسخه فيها من ايام الطفوله وصعب تغيري حاجه مترسخه من زمان قوى كده والحمد لله ربنا وفقها لما يحبه ويرضاه

ساحكى لك عن قصه اخرى وهذه الفتاه اول ما تخرجت تقدم اليها شخص وتم رفضه من قبل الاهل وبعدها لم يتقدم لها احدا ابدا لمده عامين كاملين وفى زياره لها ووجدت امها تحادثنى وتطلب منى اذا كان لدى خطيبك اى أصحاب ولا حاجه ابقي قوليلهم على بنتى وكانت امها كل ما ترى امى كانت تطلب منها نفس الطلسبحان الله البنت غايه فى الجمال وخفه دمها غير معهوده ولكن امها هى من وضعت بها قله الثقه وسبحان الله مش اتجوزت الا لما جالها نصيبها والحمد لله على كل شئ

تحياتى ولى عوده بإذن الله