الزواج عن طريق الإنترنت بين مؤيد ومعارض

[جميلة الكون]

السلام عليكم ورحمة الله وبركاته

موضوع فى غاية الاهمية ياعماد بجد

وده هيفتح فرصه عظيمة للجميع انه يتكلم على تجاربه ع النت

طبعا انا رافضه المبدأ اساسا

ازاى انا واحده اهلى مربينى كويس وادخل ادلل على نفسى على صفحات الشات او المواقع المختلفة

وازاى انا واحد عندى مبادئ وعادات وتقاليد هرضى اتزوج انسانه بتقول جوزونى ياولاد الحلال

مش مقتنعه اساسا بوجود شئ من الجدية فى المواقع دى او نسبة نجاح لموقع زى ده ولو 0,01%

طب فرضآ امنت بالمواقع دى ودخلت وكتبت بياناتى وهوبا جانى اللى عليه العين هنتكلم مع بعض هنقابل بعض ياترى ده كفايه؟؟؟؟؟؟؟؟؟؟؟؟؟

فين الشخصية الحقيقية,,فين الاخلاق,,فين الروح اللى هعيش معاها طول عمرى

كل ده بيتدارى وراء قناع المظاهر الخداعة

طيب فرضن انا اول مرة هقابل صاحب النصيب بعد مااتفقنا على مكان يناسب الطرفين ايه اللى بيحصل

تمثيل دور البرائة بيكون سيد المقابلة,,الهدف الاول والاخير من المقابلة الجواز يعنى الكل هيبان بشخصيه غير شخصيته خالص عشان المراكب تسير زى ماهما عاوزين

حتى كل شاب بيدور فى دماغه عند اول مقابله شئ واحد بس عاوزة يكون فى اللى هيقابلها انها تكون قمر14

مش شرط اخلاق عالية ولا اكبر منه ولا مطلقه قبل كده المهم لو لقيها حلوة بيكمل ولو لقيها حلوة نص نص بيبدا يتراجع من حيث بدأ

ده ايه ده,,,, ليهم حق الكبار يلعنوا جيلنا مليون لعنة بسبب تفكيره الغلط والغير متماشى مع تقاليد المجتمع المحترمة

ده بقى لو حصل جواز شرعى بسميه جواز تيك اوااااااااااااى وبيكون للناس البايره

لانه اكيد هينتهى بسرعه قوى زى مابدأ بسرعه باردو

انا ممكن اايد جواز النت فى حالة واحده ان الاتنين يكونوا عارفين بعض كويس قوى قبل مايتكلموا ع النت

طب فرضآ حصل تعارف طبيعى ع النت وراحوا اتقابلوا فى مكان عام وبعد مقابلتهم حصل حب وعاوز يكلم اهلها وكده عشان يتموا تعارفهم بزواج ده ساعتها نقول النت كانت وسيلة خيره عليهم لان نهايته خير وعارفين عيوب بعض قبل مميزاتهم بس ده قليل ونادرا اللى بينتهى بالجواز فيه

طبعا البنت مش عبيطه او من غير عقل لازم تميز بين الشاب اللعبى وبين الشاب الجاد

اما الشباب بقى مش هتفرق معاهم لان البنت لو مش لقيها محترمه وتنفع تكون زوجة له ممكن يستغلها فى حوار تانى................

لان النت قناع صعب ان تكتشف ماوراءه من حقائق

فبلاش نمشى فى طريق بدايتة سهلة لكن نهايته اشواك واحنا عارفين كلنا كده

واعتقد ان بالرغم كلامنا من هذا النوع من الجواز هنلاقى ملايين الناس بتخترق الطريق باردو يفردوا جناحيهم ويعتقدوا انهم هيعبروه بسلام

لان محدش بيحس بالالم الا اللى ذاقه

عن نفسى من خلال تجاربى ع النت اتعرض عليا فرص جواز كتيره لاصدقاء محترمين لكن رفضتهم بالرغم انى انسانه بيتيه يعنى مش بحب الخروجات كتير ممكن اقعد بالتلات اسابيع جوه البيت ومش اخرج منه الا للضرورة القصوى ونسبة الجواز للى زيى قليله لكن رفضت هذا النوع من الزواج

الحقيقة اجمل بكتير بعتبر النت انه تسليه ومصدر للمعلومات اول ما ادوس على ذر الاغلاق كل شئ بينتهى

الجواز مصيره يوم هيجى لكن الايام اللى عايشينها فى بيوت اهلنا لما هتروح مش هتيجى تانى ده احنا فى نعمه الحمدلله عليها

اللهم ان نسال الحق حقا وارشدنا اتباعه وارنا الباطل باطلنا وارشدنا اجتنابه

متابعه :closedeyes:

[Damo]

اعرف بنوتة عايشة مع عيلتها في نيوزلاندا و بينزلوا مصر لمدة شهر واحد فقط......بيكون اغلبه بتحاول تلقط كلمتين عربي .... البنت في الظروف اللي زي دي....قد يكون الانترنت طريقة تعارف لان برضه المجتمعات العربية في الخارج كثير منها غير مشجع...او بتبقي الناس خانقة علي نفسها اوي.

ملحوظة سريعة خارج الموضوع:

دي مش انا!! صدفة بحته. حتى العربي بتاعي مية مية...اااااه

انا بس بحب اتواضع عشان مش احسس اللي حواليا بالنقص :closedeyes:

وجب التنويه

[لماضة مصرية جدا]

اعرف بنوتة عايشة مع عيلتها في نيوزلاندا و بينزلوا مصر لمدة شهر واحد فقط......بيكون اغلبه بتحاول تلقط كلمتين عربي .... البنت في الظروف اللي زي دي....قد يكون الانترنت طريقة تعارف لان برضه المجتمعات العربية في الخارج كثير منها غير مشجع...او بتبقي الناس خانقة علي نفسها اوي.

ملحوظة سريعة خارج الموضوع:

دي مش انا!! صدفة بحته. حتى العربي بتاعي مية مية...اااااه

انا بس بحب اتواضع عشان مش احسس اللي حواليا بالنقص :closedeyes:

وجب التنويه

ايه يا حاجة دامو

انتي حسستيني ان نيوزلندا دي....فيها محمدين و حسانين...و انتي واحد منهم.... لا احب اقولك برضك ان نيوزلندا فيها عوضين....و فيها كمان جوز شرابين

و دي بنوتة كانت بتشتغل معايا و ربنا كرمها دلوقتي و رجعت نيوزلندا.....عشان متسبشي عوضين و محمدين لوحديهم

و قد لزم التطبيخ...قصدي التنويه

بس خلاص

تم تعديل 10 أبريل 2010 بواسطة لماضة مصرية جدا

[الباشمهندس ياسر]

السلام عليكم ورحمة الله وبركاته

موضوع فى غاية الاهمية ياعماد بجد

وده هيفتح فرصه عظيمة للجميع انه يتكلم على تجاربه ع النت

طبعا انا رافضه المبدأ اساسا

ازاى انا واحده اهلى مربينى كويس وادخل ادلل على نفسى على صفحات الشات او المواقع المختلفة

وازاى انا واحد عندى مبادئ وعادات وتقاليد هرضى اتزوج انسانه بتقول جوزونى ياولاد الحلال

مش مقتنعه اساسا بوجود شئ من الجدية فى المواقع دى او نسبة نجاح لموقع زى ده ولو 0,01%

طب فرضآ امنت بالمواقع دى ودخلت وكتبت بياناتى وهوبا جانى اللى عليه العين هنتكلم مع بعض هنقابل بعض ياترى ده كفايه؟؟؟؟؟؟؟؟؟؟؟؟؟

فين الشخصية الحقيقية,,فين الاخلاق,,فين الروح اللى هعيش معاها طول عمرى

كل ده بيتدارى وراء قناع المظاهر الخداعة

طيب فرضن انا اول مرة هقابل صاحب النصيب بعد مااتفقنا على مكان يناسب الطرفين ايه اللى بيحصل

تمثيل دور البرائة بيكون سيد المقابلة,,الهدف الاول والاخير من المقابلة الجواز يعنى الكل هيبان بشخصيه غير شخصيته خالص عشان المراكب تسير زى ماهما عاوزين

حتى كل شاب بيدور فى دماغه عند اول مقابله شئ واحد بس عاوزة يكون فى اللى هيقابلها انها تكون قمر14

مش شرط اخلاق عالية ولا اكبر منه ولا مطلقه قبل كده المهم لو لقيها حلوة بيكمل ولو لقيها حلوة نص نص بيبدا يتراجع من حيث بدأ

ده ايه ده,,,, ليهم حق الكبار يلعنوا جيلنا مليون لعنة بسبب تفكيره الغلط والغير متماشى مع تقاليد المجتمع المحترمة

ده بقى لو حصل جواز شرعى بسميه جواز تيك اوااااااااااااى وبيكون للناس البايره

لانه اكيد هينتهى بسرعه قوى زى مابدأ بسرعه باردو

انا ممكن اايد جواز النت فى حالة واحده ان الاتنين يكونوا عارفين بعض كويس قوى قبل مايتكلموا ع النت

طب فرضآ حصل تعارف طبيعى ع النت وراحوا اتقابلوا فى مكان عام وبعد مقابلتهم حصل حب وعاوز يكلم اهلها وكده عشان يتموا تعارفهم بزواج ده ساعتها نقول النت كانت وسيلة خيره عليهم لان نهايته خير وعارفين عيوب بعض قبل مميزاتهم بس ده قليل ونادرا اللى بينتهى بالجواز فيه

طبعا البنت مش عبيطه او من غير عقل لازم تميز بين الشاب اللعبى وبين الشاب الجاد

اما الشباب بقى مش هتفرق معاهم لان البنت لو مش لقيها محترمه وتنفع تكون زوجة له ممكن يستغلها فى حوار تانى................

لان النت قناع صعب ان تكتشف ماوراءه من حقائق

فبلاش نمشى فى طريق بدايتة سهلة لكن نهايته اشواك واحنا عارفين كلنا كده

واعتقد ان بالرغم كلامنا من هذا النوع من الجواز هنلاقى ملايين الناس بتخترق الطريق باردو يفردوا جناحيهم ويعتقدوا انهم هيعبروه بسلام

لان محدش بيحس بالالم الا اللى ذاقه

عن نفسى من خلال تجاربى ع النت اتعرض عليا فرص جواز كتيره لاصدقاء محترمين لكن رفضتهم بالرغم انى انسانه بيتيه يعنى مش بحب الخروجات كتير ممكن اقعد بالتلات اسابيع جوه البيت ومش اخرج منه الا للضرورة القصوى ونسبة الجواز للى زيى قليله لكن رفضت هذا النوع من الزواج

الحقيقة اجمل بكتير بعتبر النت انه تسليه ومصدر للمعلومات اول ما ادوس على ذر الاغلاق كل شئ بينتهى

الجواز مصيره يوم هيجى لكن الايام اللى عايشينها فى بيوت اهلنا لما هتروح مش هتيجى تانى ده احنا فى نعمه الحمدلله عليها

اللهم ان نسال الحق حقا وارشدنا اتباعه وارنا الباطل باطلنا وارشدنا اجتنابه

متابعه

كمية سب رهييييييبة اوي يا جميلة الكون

مش هنكر ان مداخلتك فيها الصبح بنسبة كبيرة ..بس ده ميمعش ان فيها غلطات قوية برده

تحياتي ع المداخلة اللي طالعة من جوه

تم تعديل 10 أبريل 2010 بواسطة الباشمهندس ياسر

[عماد حمدي]

باشمهندس ياسر .. مش كدة برده .. حلو انك سبقتني

[hOuSsAm]

طبعا انا رافضه المبدأ اساسا

ازاى انا واحده اهلى مربينى كويس وادخل ادلل على نفسى على صفحات الشات او المواقع المختلفة

وازاى انا واحد عندى مبادئ وعادات وتقاليد هرضى اتزوج انسانه بتقول جوزونى ياولاد الحلال

مش مقتنعه اساسا بوجود شئ من الجدية فى المواقع دى او نسبة نجاح لموقع زى ده ولو 0,01%

صدقينى مش عيب ولا حرام.........

قال الله تعالى :

( ولما توجه تلقآء مدين قال عسى ربي أن يهديني سوآء السبيل * ولما ورد مآء مدين وجد عليه أمة من الناس يسقون ووجد من دونهم امرأتين تذودان قال ما خطبكما ؟

قالتا لا نسقي حتى يصدر الرعآء وأبونا شيخ كبير * فسقى لهما ثم تولى إلى الظل فقال رب إني لما أنزلت إلي من خير فقير *

فجآءته إحدهما تمشي على استحيآء قالت إن أبي يدعوك ليجزيك أجر ما سقيت لنا فلما جآءه وقصَّ عليه القصص قال لا تخف نجوت من القوم الظالمين *

قالت إحداهما يا أبت استأجره إن خير من استأجرت القوي الأمين *

قال إني أريد أن أنكحك إحدى ابنتي هاتين على أن تأجرني ثماني حجج فإن أتممت عشرا فمن عندك وما أريد أن أشق عليك ستجدني إن شاء الله من الصالحين * قال ذلك بيني وبينك أيما الأجلين قضيت فلا عدوان علي والله على ما نقول وكيل * ) القصص (22 ـــ28)

موسى غريب طريد خائف وحيد يأتي إلى صالح مدين ، لا مال معه ولا متاع ، ومع هذا فقد أنكحه من ابنته لما تحقق من أمانته ودينه وخلقه ، وأعرض عما سوى ذلك يقينا منه أن الرجل الصالح جوهرة نيرة لا يفرط فيها ، فالسعادة الزوجية في بيوت نشأت تحت رعاية الله وطاعته, و أي عمل أرجى عند الله من تأ سيس بيوت سعيدة تعبد خالقها وتوحده .

اظن ان كتير من المحاوراتية زكروا قصص لنجاح زواج الانترنت (وده ميثبتش انها القاعدة بس نرجع ونقول ان حالات كتيرة نجحت)

والدتى كانت بتكلمنى من اسبوع وقالتلى هقفل بقى عشان رايحة خطوبة بنت زميلتها وبعد مرجعت قالتلى لعلمك هى متجوزة من عالنت

طب ازاى بقى يا ست الكل

قالتلى عن طريق واحدة زميلتها زوجها ليه صديق فى الخليج واستاذنوا والدها انه يشوفها عالنت ووالدها وافق انه يشوفها وحصل القبول ونزل اجازة وتمت الخطوبة بحمد الله وهما مش من نفس المدينة ولا نفس المحافظة (مع العلم ان والدها من العلماء اللى بيجوا على القنوات الاسلامية وانا اعرفه شخصيا)

خلص الكلام

[الباشمهندس ياسر]

والدتى كانت بتكلمنى من اسبوع وقالتلى هقفل بقى عشان رايحة خطوبة بنت زميلتها وبعد مرجعت قالتلى لعلمك هى متجوزة من عالنت

طب ازاى بقى يا ست الكل

قالتلى عن طريق واحدة زميلتها زوجها ليه صديق فى الخليج واستاذنوا والدها انه يشوفها عالنت ووالدها وافق انه يشوفها وحصل القبول ونزل اجازة وتمت الخطوبة بحمد الله وهما مش من نفس المدينة ولا نفس المحافظة (مع العلم ان والدها من العلماء اللى بيجوا على القنوات الاسلامية وانا اعرفه شخصيا)

خلص الكلام

ارزاق يا حسام يا اخويا

هنقول ايه بقي

كله بميعااااااااااااااااااااااااااد

[جميلة الكون]

سلام الله عليكم اخوانى واخواتى

:rolleyes: معلش ياجماعه انا نقلت صورة واضحه قوى اليومين دول

ده اللى شيفاه بعنيا ,, يمكن عنيا مش بتشوف غير كل غلط ,, بس ده كويس عشان اخد حذرى منه قوى

محدش يفهمنى غلط ياجماعة كل الشباب شيفاهم لم يصلحوا ليكونوا ازواج صالحه

وده يرجع لبعدهم عن دينهم واخلاقهم بقت فى النازل

الا قلة قليله جدا منهم قليلين قوى يتعدوا ع الصوابع

ومن جهة موضوع جواز النت

خلينا بننخدع فى الحقيقه بالاشخاص الأغلبية بيظهروا وش سيليكون غير وشهم الحقيقى لكن بيجى فى لحظة وضوء الشمس بيوضح عيوبهم,,,يبقى ع النت هما اللى هيكونوا قدوة نقتنع بيها من غير مانشوف الحقيقى ولا السيلكون حتى..........

يمكن زعلتوا من سبى المباشر للشباب لانى اكيد دوست على الجرح اللى مش يقدر حد ينكره ولا انا ولا انتم بذات نفسكم

:rolleyes: يلا تقبلوا تحياتىىىىىىىىى :rolleyes:

والكلام اخد وعطا ياخويا انت وهوووووو

[الباشمهندس ياسر]

والكلام اخد وعطا ياخويا انت وهوووووو

طب استلمي بقي و متزعليش

اتفقنا

اروح الشغل و ارجع افوقلك ان شاء الله و نتكلم واحدة واحدة مع بعضينا

[لماضة مصرية جدا]

السلام عليكم و رحمة الله و بركاته

هو ممكن ااقول حاجة....حكم انا الصراحة عندي بوقين و مش عارفة اخبيهم فين....(وش عبد الفتاح القصري...و هو لابس الجلابية البلدي)

من وجهة نظري المتواضعة.....

موضوع الزواج من ع النت.....اتحسم في اول صفحتين....يعني جبناه من فوق لتحت و من تحت لفوق....جميل....

الحاجة الوحيدة اللي انا شايفاها إضافة في الموضوع هنا هي لما حد بيجيب خبرة حقيقية...يعني تجربة شخصية حصلت بجد لناس يعرفها و قريب منهم بجد....

و ده من وجهة نظري برضه بيساعد في حاجتين:

1- للفريق المقتنع بزواج النت.....اديه اهه يشوف الصورة كاملة و يعرف يمشي خطوات صح إزاي...و إزاي متبقاش تسلية.

2- لو الفريق اللي مش مقتنع بزواج النت.....يبقي برضه فهم...و اهه عرف الدنيا بقيت رايحة لفين.

عشان احنا كمان نطلع بره دماغنا اللي شايفة الدنيا بعنينا احنا و يمكن تكون بعيدة جدا عن الواقع.

انا بتابع الخبرات الحيايتة دي.....عشان نفسي اخرج بره حالة الصدمة و الذهول و السؤال اللي الواحد دايما يقعد يساله....(ليه ده .......هو فيه كده بجد....معقولة؟؟؟)

وواضح جدا ان احنا في وقت اصبح لا شيء يدعو للدهشة....فكل ما انت تبقي مستعد...كل ما تبقي قدرتك علي التكيف و التعامل مع الحياة ابسط.

عارفين ايه برضه اللي ممكن يثري الموضوع....ان حد من اللي اتجوزوا ع النت يتفضل مشكورا يدلي بدلوه....و ان كنت بشوف انها حاجة شخصية و مساحة خاصة مينفعشي نقتحمها....بس هو او هي...(و غالبا البنت بتكون اشجع مش عارفة ليه)....يخش يحدف و يمشي....و دي وجهة نظر

عندي برضه ملاحظة مش قادرة امنع نفسي منها

لما انطرح الموضوع ده

معرفشي ليه تخيلت ان الاولاد هيقولوا احنا مش موافقين....

و البنات تقول طب نعمل ايه مقدمناش غير الحل ده...لان محيطي في التعارف بقي ضيق

لكن سبحان الله

لقيت ان الاولاد مرحبين جدا....

و البنات.....قلقين او معارضين الفكرة

ايه ده معقولة....(برضه وش عيل عبيط)......معقولة برضه الواحد كده مبقاش فاهم دماغ الناس؟؟؟ و لا ايه؟؟

بس برضه ادينا بنتعلم.....

الاولاد بقي.....

تعالولي ع جنب لو سمحتم......

ممكن افهم انتوا بكل تفكيركم الظريف اللطيف الشكاك....

ازاي بتقدر تبني علاقة ثقة تصل للزواج مع بنت عن طريق الانترنت؟؟؟

و اوعي حد يهرش في دماغه و يقولي ايه يا بنتي الكلام القديم اللي بتقوليه....و لا الرجالة مش زي بعضها

خدوا كده حبوب الشجاعة وقولوا الحقيقة مرة في حياتكم

و دي وجهة نظر

===================================

ملحوظة علي جنب

بنرحب كتير ببنتنا جميلة الكون......(يا بنتي متمشيش ورا كلام عماد...جابك علي ملي وشك من التوبيك بتاعنا لغاية هنا..... )

عماد خد مني دي.....(عشان التسييح و التثبيت اللي انتي عملته هناااااااك bsh:) ...بطل تتفرج ع المصارعة مش كويسة لدماغك....و قووووووم ذاااااااكر....

بس خلاص

فوتكم بعافية

كان معكم مراسل قطاع الاخبار

برنامج

الحقيقة و السراب

لماضة عاوز يفهم

[عماد حمدي]

جميلة الكون , لماضة

هههههههههههههههههههههههه والله العظيم الواحد ما عارف يرد عليكم يقولكم اية ...

استني كدة أضرب حباية شجاعة وأدوبها بيبيسي علشان مرة أوي .. يالا 3 .. 2 .. 1 .. هووووووب :sofa:

انتي سالتي اية بقا ؟؟ اه افتركت ( آل اية ازاي الولد بيبني علاقة ثقة ع النت بتنتهي بالجواز ) مش السؤال كده برده

بس محدش يزعل مني .. وهقول كل اللي في نفسي .. ووجهة نظري دي تعبري عن رآيي فقط .. ومحدش ياخد فكرة كدة ولا كدة

والله والله والله قبل كدا تلاقي الشباب هما اللي بيجروا ورا البنات ( إرجعي بالذاكرة كدا للأفلام الأبيض وأسود ) هتلاقي عبد الحليم واقفلها تحت الشجرة هيموت ويشوفها ويكلمها ..

دلوقتي حدث ولا حرج البنات بقت هيا اللي يتغري الشباب وبتدلل ع نفسها علشان تنول بس كلمة رضا .. اه والله بجد

تلاقي البنت هيا اللي بتعاكس الشاب

من فرغها تلاقيها داخلة ع النت تشقط دا ودا ودا .. وتتلسع وتقول آي .. طيب هوه لية من الأول

تلاقيها بتتحجج بمليون حجة علشان تكلم فلان بن فلان

ع فكرة ( انا كاتب مذكراتي ) .. والله انا لو عرضتها هنا انتوا مش هتصدقوا هتشوفوا فيها اللونين ( ابيض وأسود & العصر الحالي )

دي وصلت المرحلة الي ما قبل الإغتصاب بقليل ( من قبل البنت للولد ) ايوة مش غلطان البنت للولد

الشباب دلوقتي بالعكس بقا عندهم وازع ديني .. وبيتحروا الحلال في كل كبيرة وصغيرة .. وبيخافوا ربنا كتير عن الأول واللي كنا بنشوفه وبنسمعة .. علي البر الآخر إنحلال ما بعده إنحلال للطرف الثاني البنات ( مش كلهم )

دا حتي من شهر تقريبا ً واحد صاحبي أكبر مني يجي ب 13 سنة قاعدين ساعة صفا كدة وقالي هسألك سؤال : انته ماشي مع حد ( ماشي مع بنت ياعني ) قولتله لا طبعا ً همشي معاها لية إذا كنت أنا مش هتجوزها .. هضيع وقتي لية !!

قالي يا اخي سبحان الله اان برده سألت السؤال دا لأربعة غيرك وفي نفس سنك وقالوا نفس الإجابة .. قولتلة طيب انته أصلا ً إشمعني السؤال دا بالذات ؟؟!!! قالي دا اللي بنشوفة اليومين دول ... وبقت العملية أوفر

في النهاية بعد كل القصة الطويلة العريضة اللي فوق دي أن أصلا ً ودا سبب حيرتي في الجواز ( اني مش لاقي ثقة اصلا ً ) ياعني لو راجعت ذكرياتي السودة هتلاقيني اتعاملت مع كل الأشكال والألوان .. وكلهم وزة بيضة حلوة .. فلة شمعة منورة .. بس الوقت بيخلي الطبع يغلب ويبان وتظهر علي حقيقتها .. ودا ( فيس تو فيس ) والشاب اللي يقولك انا من أول تعامل مع البنت أعرف هيا اية وتفكيرها ازاي ووو ( حتي لو زي ما بنقول مقطع السمكة وديلها ) يبقي شاب تيت !! بتاع كوكاكولا زيرة :lol: ع راي لماضة

المكر والدهاء والحيلة = المرآه

أومال بقا .. لو ع النت ؟؟ طبيعي كلة هيقول دا يبقي أسخم مليون مرة .. أنا وجهة نظري لأ .. ماشيها بالعكس ..

بصوا أخاف أكمل أكون أوفر في كلامي او كلامي مش مستحب .. بعدين خبطه لماضة ع دماغي وجعتني أوي :blush2:

فلو عايزني اكمل اتفضلوا

تم تعديل 11 أبريل 2010 بواسطة omda2006

[لماضة مصرية جدا]

جميلة الكون , لماضة

هههههههههههههههههههههههه والله العظيم الواحد ما عارف يرد عليكم يقولكم اية ...

استني كدة أضرب حباية شجاعة وأدوبها بيبيسي علشان مرة أوي .. يالا 3 .. 2 .. 1 .. هووووووب

انتي سالتي اية بقا ؟؟ اه افتركت ( آل اية ازاي الولد بيبني علاقة ثقة ع النت بتنتهي بالجواز ) مش السؤال كده برده

بس محدش يزعل مني .. وهقول كل اللي في نفسي .. ووجهة نظري دي تعبري عن رآيي فقط .. ومحدش ياخد فكرة كدة ولا كدة

والله والله والله قبل كدا تلاقي الشباب هما اللي بيجروا ورا البنات ( إرجعي بالذاكرة كدا للأفلام الأبيض وأسود ) هتلاقي عبد الحليم واقفلها تحت الشجرة هيموت ويشوفها ويكلمها ..

دلوقتي حدث ولا حرج البنات بقت هيا اللي يتغري الشباب وبتدلل ع نفسها علشان تنول بس كلمة رضا .. اه والله بجد

تلاقي البنت هيا اللي بتعاكس الشاب

من فرغها تلاقيها داخلة ع النت تشقط دا ودا ودا .. وتتلسع وتقول آي .. طيب هوه لية من الأول

تلاقيها بتتحجج بمليون حجة علشان تكلم فلان بن فلان

ع فكرة ( انا كاتب مذكراتي ) .. والله انا لو عرضتها هنا انتوا مش هتصدقوا هتشوفوا فيها اللونين ( ابيض وأسود & العصر الحالي )

دي وصلت المرحلة الي ما قبل الإغتصاب بقليل ( من قبل البنت للولد ) ايوة مش غلطان البنت للولد

الشباب دلوقتي بالعكس بقا عندهم وازع ديني .. وبيتحروا الحلال في كل كبيرة وصغيرة .. وبيخافوا ربنا كتير عن الأول واللي كنا بنشوفه وبنسمعة .. علي البر الآخر إنحلال ما بعده إنحلال للطرف الثاني البنات ( مش كلهم )

دا حتي من شهر تقريبا ً واحد صاحبي أكبر مني يجي ب 13 سنة قاعدين ساعة صفا كدة وقالي هسألك سؤال : انته ماشي مع حد ( ماشي مع بنت ياعني ) قولتله لا طبعا ً همشي معاها لية إذا كنت أنا مش هتجوزها .. هضيع وقتي لية !!

قالي يا اخي سبحان الله اان برده سألت السؤال دا لأربعة غيرك وفي نفس سنك وقالوا نفس الإجابة .. قولتلة طيب انته أصلا ً إشمعني السؤال دا بالذات ؟؟!!! قالي دا اللي بنشوفة اليومين دول ... وبقت العملية أوفر

في النهاية بعد كل القصة الطويلة العريضة اللي فوق دي أن أصلا ً ودا سبب حيرتي في الجواز ( اني مش لاقي ثقة اصلا ً ) ياعني لو راجعت ذكرياتي السودة هتلاقيني اتعاملت مع كل الأشكال والألوان .. وكلهم وزة بيضة حلوة .. فلة شمعة منورة .. بس الوقت بيخلي الطبع يغلب ويبان وتظهر علي حقيقتها .. ودا ( فيس تو فيس ) والشاب اللي يقولك انا من أول تعامل مع البنت أعرف هيا اية وتفكيرها ازاي ووو ( حتي لو زي ما بنقول مقطع السمكة وديلها ) يبقي شاب تيت !! بتاع كوكاكولا زيرة :lol: ع راي لماضة

المكر والدهاء والحيلة = المرآه

أومال بقا .. لو ع النت ؟؟ طبيعي كلة هيقول دا يبقي أسخم مليون مرة .. أنا وجهة نظري لأ .. ماشيها بالعكس ..

بصوا أخاف أكمل أكون أوفر في كلامي او كلامي مش مستحب .. بعدين خبطه لماضة ع دماغي وجعتني أوي :blink:

فلو عايزني اكمل اتفضلوا

السلام عليكم و رحمة الله و بركاته

استاذي الفاضل عماد

مكنتش اعرف ان حبوب الشجاعة مع البيبسي بيعملوا الفوران ده

راي حضرتك محترم للغاية............

بعيد عن تزويق الكلام.....ايون جبت انت كده م الاخر......و اهم حاجة اخر سطر في الصفحة.........بس بنحب نسمعه منكم و خصوصا لما تتجلوا كده و تاخدكم الحماسة

نصيحة مني شخصية

افتح توبيك في موضوعات شخصية.........

سميه "سيداتي ....آنساتي........ايه رايكم في مذكراتي"....مش تريقة و الله

عارف لو استمريت تاخد حبوب الشجاعة و تكتب فيه....و الله و بجد....مع توبيك تاني بحبه جدا اسمه "أحاديث رجل".....لاستاذي الفاضل سمبا في باب الادب و الشعر....هيبقي من احسن ما كتب عن الرجل

سلااااااما

[عماد حمدي]

لماضة مش عارف لية حاسس انك زعلتي مني ..

[الباشمهندس ياسر]

والكلام اخد وعطا ياخويا انت وهوووووو :blink:

طب استلمي بقي و متزعليش

اتفقنا

اروح الشغل و ارجع افوقلك ان شاء الله و نتكلم واحدة واحدة مع بعضينا

تصدقي يا جميلة الكون

شكلك سرك باتع

وصلت الشركة و خربت الدنيا و جيت الحمد لله

مبقاش فيه شركة تاني

تعالولي ع جنب لو سمحتم......

ممكن افهم انتوا بكل تفكيركم الظريف اللطيف الشكاك....

ازاي بتقدر تبني علاقة ثقة تصل للزواج مع بنت عن طريق الانترنت؟؟؟

و اوعي حد يهرش في دماغه و يقولي ايه يا بنتي الكلام القديم اللي بتقوليه....و لا الرجالة مش زي بعضها

خدوا كده حبوب الشجاعة وقولوا الحقيقة مرة في حياتكم

و دي وجهة نظر

ببساطة

بنت الناس باينة و بنت التييييييييت باينة

في النهاية بعد كل القصة الطويلة العريضة اللي فوق دي أن أصلا ً ودا سبب حيرتي في الجواز ( اني مش لاقي ثقة اصلا ً ) ياعني لو راجعت ذكرياتي السودة هتلاقيني اتعاملت مع كل الأشكال والألوان .. وكلهم وزة بيضة حلوة .. فلة شمعة منورة .. بس الوقت بيخلي الطبع يغلب ويبان وتظهر علي حقيقتها .. ودا ( فيس تو فيس ) والشاب اللي يقولك انا من أول تعامل مع البنت أعرف هيا اية وتفكيرها ازاي ووو ( حتي لو زي ما بنقول مقطع السمكة وديلها ) يبقي شاب تيت !! بتاع كوكاكولا زيرة :lol: ع راي لماضة

المكر والدهاء والحيلة = المرآه

أومال بقا .. لو ع النت ؟؟ طبيعي كلة هيقول دا يبقي أسخم مليون مرة .. أنا وجهة نظري لأ .. ماشيها بالعكس ..

بصوا أخاف أكمل أكون أوفر في كلامي او كلامي مش مستحب .. بعدين خبطه لماضة ع دماغي وجعتني أوي

فلو عايزني اكمل اتفضلوا

مش عارف اقولك ايه

بس

كل ذي طبع يري الناس بعين طبعه .. ده مبدئيا كده بالصلاة علي النبي

تعالي بقي هنا

افهم من كلامك انك انت بس اللي صح و الناس ف الجوانب التانية كلهااااااااااا غلط

اكيد ده مش منطق ولا انت ايه رايك؟

[عماد حمدي]

باشمهندس ياسر انتا معايا ولا معاهم :blink:

في البداية أشكرك ع ردك ولوني شايف انه فيه تلميح مش مباشر ... بس رأيك يحترم

انا مقولتش اني صح والناس الباقية غلط .. ولا حاجة

أنا وجهة نظري .. انه في الوقت اللي احنا عايشين فية دا .. لو نظرت بعين المحايد الي وضع الشباب والبنات وقارنت بينهم وبين كام سنة ورا كدة هتلاقي ان الدنيا أتعكست بطريقة كبيرة وملفته ..

الأول .. كان الشباب مهووس بالبنات وبيخترع 100 حيلة وطريقة علشان يكلم دي او دي .. وع الجانب الأخر بتلاقي الإلتزام والسلوك الحسن من قبل البنات ..

دلوقتي ,,,

الوضع إختلف تماما ً الشباب بقا أكثر تدين ( مش كلهم ) بس الملاحظ ع الساحة انهم بدأو يتحروا الحلال والحرام في كل حاجة ,,

وبعض الشباب ومنهم أنا .. بقيت ضد فكرة أني أمشي مع بنت زي ايام الجامعة والجو دا .. وبقي في مقولة شهيرة من تأليفي لية أضيع وقتي وأغضب ربي وأضحك عليها وأنا مش في نيتي الجواز .. حتي لو بحبها .. بس في أولويات

يا باشمهندس .. دلوقتي البنات ( مش كلهم ) بقوا مستفزين اوي في لبسهم .. ودول بيبقوا فريسة سهلة للشباب ضعيفي النفوس ..

أي شاب دلوقتي صدقني بقا بيشك في صوابع إيديه .. لما تيجي تتعرف ع بنت بغرض الزواج ( هتبينلك كل محاسنها وإيجابياتها ووو ) والشاب هيصدق لان ليه إللي قدامة .. ولما يفاجأ بعد كدة بالتغير الجذري .. بينصدم .. فالأزمة يا سيدي الفاضل أن مبقاش في ثقة خالص

أنا لو جه اليوم وعايز أتجوز .. مهما كنت مش هقدر أحكم علي اللي قدامي وبالذات ( البنات ) .. والله لو مقطع السمكة وديلها صعب اني أحكم عليها .. والشكوك هتراودني خاصة من اللي بنشوفة الأيام دي وبنسمعة ..

مسمعتش انته قبل كدة عن ان بنت عايشة مع اسرة متدينة جدا واهلها ناس ملتزمين .. وهيا تمثل الإلتزام علي أهلها وأهلها مقتنعين تماما ً ويفاجئوا بعد ذلك انها ( ...... ) تخيل هيا ضحكت علي ابوها وامها وأهلها اللي عايشين معاها .. امال بقا اللي اول مرة يشوفها وعايز يتجوزها ..

إذا وجد الصدق والثقة والصراحة بين الطرفين ايا كان وسيلة التعارف بينهما .. فالعلاقة ناجحة ...

الموضوع اتغير مسارة ع فكرة بس أسف ع ذلك ..

[الباشمهندس ياسر]

فهمت وجهة نظرك

بس متخليش الشر يسيطر علي تفكيرك

الخير كتير و لسه موجود

و كله واحد بياخد من اللي شبهه ... رغم انه مش شرط طبعا

[عماد حمدي]

بص انا مؤمن جدا ً بأن :

الطيبون للطيّبات

وربنا يصلح حال الشباب والبنات ..

[جميلة الكون]

سلام الله عليكم

اهلا ب المش مهندس ياسر

ازاى مفيش شركة تانى هى كانت شركة زواج الحائرون والحائرات :blink:

اولا ربنا يوفقك فى شركتك حتى لو كان اسمها (يابخت من جمع راسين فى الحلال)

:lol: :lol: :lol:

المهم تعرفوا انا وصلت لحاله تمنيت حجب الشباب من الدنيا لكى نعيش فى استقرار تام

بصوا ياجماعة الموضوع ببساطه

مغزاه الحب

الواحد لو لقى حنيه وحب ولو حتى عارف انهم هيزولوا فى بضع ساعات هيكذب مبادئ نفسه وهيعيش ولو للحظات

الكل بيعيش يدور على الحب لغاية مايموت

هتقولولى بقى ع النت او حتى عند الميكانيكى او فى الصيدلية هقولكم طبيعه بشرية موجوده جوانا بنسب تختلف من شخص لاخر

المهم ياجماعه محدش يفرت فى مشاعره ولا يفرت فى صورته الجميله قدام عينه ولا قدام اللى بيحبوه سواء كانوا اهله او اصحابه

يعنى مثلا هقولكم موقف صحبتى محترمه جدا المهم حبت واحد فراحم اتقابلوا فى الجامعه كذا مره

جيت اخد رايها فى انسان عاوز يتعرف عليا وشكله محترم لسه بقولها انا هقابله مرة واحده اشوف نظامه ايه قالتلى اوعى تقابليه عيب وكده روحت قولتلها نعم طب واحده غيرك هى اللى تقول الكلام ده ولا هو حلو ليكى ومر ليا

اصل انا نوعى غريب بحب اتعرف على كل شئ معرفهوش

يعنى مثلا بحب ادوق الطعم المر عشان استمتع بالطعم المعسل

وبحب احس شكه الدبوس عشان اتلاشى ألمه

غريبه صح؟؟؟؟؟؟؟؟؟؟؟؟

وهقولكم على حاجه كمان

انا حبيت من على النت طبعا كنت عرفاه قبل النت صلحلى جهاز الكمبيوتر وبعدين بدا تليفونات وبعدها ايميلات المهم قابلته قالى عاوز اجيب مامتى ونتم موضوعنا المهم هوبا جات مامته واتعرفنا عليها وبعدين حست ان ابنها بيحبنى جدا قالت اه دى البت هتضحك عليه وهتخليه يعيش فى بلدها وهتحرمنى منه(طبعا ده اللى حسيته) وطبعا من ساعتها مشوفتش وش مامته بصراحه لما عرفنى ان موضوعنا هيفشل بدا يسقط من نظرى لكن ولا انا قادره انساه ولاهو قادر ينسانى ولا انا راضيه بغيره ولاهو راضى بغيرى بس بقولكم ايه ممكن اى حد مكانا كانت تطورت الاحداث ولجأوا مثلا للجواز العرفى وممكن كانت تطورت الاحداث اكتر وعاشوا مع بعض وخلاص ولا جواز ولا وجع دماغ........وده اللى بنسمعه ونقراه كل يوم مصايب وبلاوى الله يحفظناااااااا

مش كل واحده زيى ولا كل واحد زيه

عشان كده بقولكم ابعدوا عن جواز النت لو مثلا مش كان عندى نت ممكن مكنتش اتماديت علاقتى بيه بالشكل ده ولا كنا اتعلقنا ببعض بالشكل ده ولا أتألمنا بالشكل ده

انا كل كلامى اللى فات كان من واقع تجربة انا عشتها اصحابى عاشوها فى ناس خسرت فيها وفى ناس كسبت

بس صدقونى اللى خسروا اكتر بكتيرررررررررر من اللى كسبوا لان اللى خسروا خسروا نفسهم قبل كل شئ لكن اللى كسبوا كسبوا خبرات يمكن تفيدهم (احتمال ضعيف)

عشان كده ازعل اوى اللى يشكك فى كلامى ولا ياخده بنظرة تريقه

كل ده عشان نفسى احب من اجل الحب وعلى فكره انا مش زعلانه من تجربتى دى لانى طلعت منها بشئ انى اللى عشته وشوفته وسمعته وصبرت عليه هيخلينى انتظر الحب حتى الممات لو مكملش معاه يبقى اكيد ربنا هيعوضنى بحب هينسينى كل المر اللى عيشته بس بعيددددددددددددد عن النت

يلا اختلاف الراى لايفسد للود قضيه

عاوزة اسمع رايكم بجديه الموضوع مش هوين ياجماعة

يلا متابعاكم ومتابعه كلامك اللى زى العسللللللللل

[hOuSsAm]

سلام الله عليكم

اهلا ب المش مهندس ياسر

ازاى مفيش شركة تانى هى كانت شركة زواج الحائرون والحائرات :blink:

اولا ربنا يوفقك فى شركتك حتى لو كان اسمها (يابخت من جمع راسين فى الحلال)

:lol: :lol: :lol:

المهم تعرفوا انا وصلت لحاله تمنيت حجب الشباب من الدنيا لكى نعيش فى استقرار تام

لو كان ده الحل مكنش ربنا خلق الشباب :lol:

بصوا ياجماعة الموضوع ببساطه

مغزاه الحب

الواحد لو لقى حنيه وحب ولو حتى عارف انهم هيزولوا فى بضع ساعات هيكذب مبادئ نفسه وهيعيش ولو للحظات

الكل بيعيش يدور على الحب لغاية مايموت

هتقولولى بقى ع النت او حتى عند الميكانيكى او فى الصيدلية هقولكم طبيعه بشرية موجوده جوانا بنسب تختلف من شخص لاخر

المهم ياجماعه محدش يفرت فى مشاعره ولا يفرت فى صورته الجميله قدام عينه ولا قدام اللى بيحبوه سواء كانوا اهله او اصحابه

يعنى مثلا هقولكم موقف صحبتى محترمه جدا المهم حبت واحد فراحم اتقابلوا فى الجامعه كذا مره

هو فيه حد محترم جدا بيقابل حد كذا مرة فى الجامعة!!!!!!

جيت اخد رايها فى انسان عاوز يتعرف عليا وشكله محترم لسه بقولها انا هقابله مرة واحده اشوف نظامه ايه قالتلى اوعى تقابليه عيب وكده روحت قولتلها نعم طب واحده غيرك هى اللى تقول الكلام ده ولا هو حلو ليكى ومر ليا

اصل انا نوعى غريب بحب اتعرف على كل شئ معرفهوش

يعنى مثلا بحب ادوق الطعم المر عشان استمتع بالطعم المعسل

وبحب احس شكه الدبوس عشان اتلاشى ألمه

غريبه صح؟؟؟؟؟؟؟؟؟؟؟؟

وهقولكم على حاجه كمان

انا حبيت من على النت طبعا كنت عرفاه قبل النت صلحلى جهاز الكمبيوتر وبعدين بدا تليفونات وبعدها ايميلات المهم قابلته قالى عاوز اجيب مامتى ونتم موضوعنا المهم هوبا جات مامته واتعرفنا عليها وبعدين حست ان ابنها بيحبنى جدا قالت اه دى البت هتضحك عليه وهتخليه يعيش فى بلدها وهتحرمنى منه(طبعا ده اللى حسيته) وطبعا من ساعتها مشوفتش وش مامته بصراحه لما عرفنى ان موضوعنا هيفشل بدا يسقط من نظرى لكن ولا انا قادره انساه ولاهو قادر ينسانى ولا انا راضيه بغيره ولاهو راضى بغيرى بس بقولكم ايه ممكن اى حد مكانا كانت تطورت الاحداث ولجأوا مثلا للجواز العرفى وممكن كانت تطورت الاحداث اكتر وعاشوا مع بعض وخلاص ولا جواز ولا وجع دماغ........وده اللى بنسمعه ونقراه كل يوم مصايب وبلاوى الله يحفظناااااااا

مش كل واحده زيى ولا كل واحد زيه

عشان كده بقولكم ابعدوا عن جواز النت لو مثلا مش كان عندى نت ممكن مكنتش اتماديت علاقتى بيه بالشكل ده ولا كنا اتعلقنا ببعض بالشكل ده ولا أتألمنا بالشكل ده

اظن اللى كان يقصده عماد فى الاول الجواز من عالنت وليس الحب عالنت بمعنى ان اللى بيتقدم بيجيب البيانات من عالنت وبعد كدة بيتقدم اكنه جواز صالونات لكن مش بيحبوا بعض الاول والله اعلم وعشان كدة فى اختلاف كبير اوى بين اللى مكتوب فوق وبين الزواج من عالنت بمعنى انى لو ضاقت بيا الدنيا وهتجوز من عالنت خلاص يبقى هجيب بيانتها واكلم اهلها واسال عليها

انا كل كلامى اللى فات كان من واقع تجربة انا عشتها اصحابى عاشوها فى ناس خسرت فيها وفى ناس كسبت

بس صدقونى اللى خسروا اكتر بكتيرررررررررر من اللى كسبوا لان اللى خسروا خسروا نفسهم قبل كل شئ لكن اللى كسبوا كسبوا خبرات يمكن تفيدهم (احتمال ضعيف)

انا اتفق معاكى

عشان كده ازعل اوى اللى يشكك فى كلامى ولا ياخده بنظرة تريقه

لاء يا فندم ابدا المكان هنا للنقاش الجاد وتبادل الخبرات بل وكلامك محل اهتمامنا

كل ده عشان نفسى احب من اجل الحب وعلى فكره انا مش زعلانه من تجربتى دى لانى طلعت منها بشئ انى اللى عشته وشوفته وسمعته وصبرت عليه هيخلينى انتظر الحب حتى الممات لو مكملش معاه يبقى اكيد ربنا هيعوضنى بحب هينسينى كل المر اللى عيشته بس بعيددددددددددددد عن النت

يلا اختلاف الراى لايفسد للود قضيه

عاوزة اسمع رايكم بجديه الموضوع مش هوين ياجماعة

يلا متابعاكم ومتابعه كلامك اللى زى العسللللللللل

[عماد حمدي]

حسام باشا ..

شكرا ً ع تلمحيك .. لكن فية حاجةو بس علشان نوسع نطاق المناقشة شوية ..

أنا أقصد الزواج من ع النت بطريقتين :-

مواقع الزواج " زي ما انت قولت بالظبط "

غرف الدردشة والفيس بوك وكل ما شابه

اللقاء الأول ع النت وتطوراته المستقبلية .. من تحديد موعد .. فلقاء .. يا إما ( مصيبة ) يا إما ( زواج )

وفي حالة الزواج يا إما ( ناجح ) أو ( فاشل ) ..

متابع ,,