الزواج عن طريق الإنترنت بين مؤيد ومعارض

[hOuSsAm]

الاولاد بقي.....

تعالولي ع جنب لو سمحتم......

ممكن افهم انتوا بكل تفكيركم الظريف اللطيف الشكاك....

ازاي بتقدر تبني علاقة ثقة تصل للزواج مع بنت عن طريق الانترنت؟؟؟

اول حاجة يا لماضة بشكرك عالسؤال ده لانه قوى وفعلا محتاجين راى الناس كلها

انا عن نفسى فى الموضوع ده بعتمد عالمعارف اكتر عشان بيبقوا مصدر ثقة نسبى ليا ايوة نسبى ماهو الحكاية كلها فى الثقة

ليه الناس ممكن تقول للنت لاء لانها مش واثقة فى الطرف التانى او مش عارفه هو جاى منين

المهم نمسك القصة من اولها

ونبدا بالطريق التانى اللى مش نت يعنى مهما كان المسمى

دلوقتى انا عايزاخطب ياما واحدة معايا فى الشغل او الكلية او العيلة او بنت معارف بابا وماما او اخت زميل ليا والعلاقات كتيرة ومتنوعة...........................

طيب مهما كانت (والناس الحلوة دى كلها بتشكر فيها وفلة شمعة منورة) هل تثق فيها تمام الثقة وخلاص هتدخل تقول اوكيه ولا هتقد معاها فى الصالون الاول وتتكلموا وبعدين فترة خطوبة قد تمتد لسنة وخروجات وقبل كدة هتسال على بيتها الجيران والمعارف والبواب والعشرة والعلاقة المباشرة فيس تو فيس هى اللى هتوضحلك كل حاجة

كل الزيطة دى كلها عشان تطلع بمعلومة عن حاضر البنت وشكل المستقبل المتوقع معاها بس ابقى قابلنى يا حلو لو عرفت حاجة من الماضى (ومحدش يقولى ولد خبرة ومقطع السمكة وديلها)

طريقة النت

طيب منتا ممكن من عالنت تعرف بنت باختلاف الطرق وهتقع فى طريقتين ليس لهما ثالث على حسب معلوماتى

الطريقة الاولى ودى مرفوضة تماما نبدا نتعرف طيب سنك وسنى هوياتك وهوياتى بتحلم بايه طب عايز ايه ومايكات وكاميرات وبعد كدة الشاطر بقى يكمل عشان هى اصلا علاقة ليست سوية لان الشاب هنا دخل من الشباك زيها بالظبط زى معرفة النادى او الكلية (بقصد طبعا الشبابيك وليس الابواب)

الطريقة الثانية من خلال مواقع الزواج والتى تحترم مشاعر وخصوصية الطرفين كل واحد بيقول هو ايه وعايز ايه وخلاص حصل قبول (مش عارف اسميه ايه بس هو زى مبداى او قبول فى الاختيارات) زى ما بوسى قالت واحترم القصص اللى هى نشرتها اوى وبعد كدة يا حلو روح كلم بابا وحدد معاه ميعاد (طيب ايه الفرق بينه وبين زواج الصالونات) ما الشاب هيعمل نفس الخطوات اللى فاتت اللى هى اعدة الصالون والكلام والخطوبة لمدة سنة وسؤال الاهل والاقارب والمعارف والجيران وبردوا كل الزيطة دى عشان تطلع بمعلومة عن حاضر البنت وشكل المستقبل المتوقع وابقى قابلنى بردوا يا حلو لو عرفت حاجة عن الماضى

ياعنى يا جماعة فى كل الحالات حتى لو هى بنت عمك منتش عارف سرها ايه (بدليل ان كتير من المصايب بتحصل والاب والام محترمين)

فيه حاجة بس نسيت اقولها ودى لازم نعملها فى كل الخطوات وده مربط الفرس الا وهى (صلاة الاستخارة) وفى رايي طالما انت صليتها ونويت خير ومشيت فى اى طريق من الطرق مهما كان ربنا مش هيخيب رجاؤك ابدا

وبالتوفيق للجميع باذن الله

[hOuSsAm]

حسام باشا ..

شكرا ً ع تلمحيك .. لكن فية حاجةو بس علشان نوسع نطاق المناقشة شوية ..

أنا أقصد الزواج من ع النت بطريقتين :-

مواقع الزواج " زي ما انت قولت بالظبط "

غرف الدردشة والفيس بوك وكل ما شابه

اللقاء الأول ع النت وتطوراته المستقبلية .. من تحديد موعد .. فلقاء .. يا إما ( مصيبة ) يا إما ( زواج )

وفي حالة الزواج يا إما ( ناجح ) أو ( فاشل ) ..

متابع ,,

عمدة حبيب قلبى

انا بصراحة رافض لموضوع التعارف قبل معرفة الاهل وكدة فى رايي دخول من الشباك وليس الباب

والبنت لو هاودتنى فى كاميرا ولا صورة ولا مايك ولا خروجة عالكورنيش

بصراحة تفكيرى ميقدرش يستبعد انها عملت ده مع غيرى كتيييييييييييييييييييير :blink:

وفى الحالة دى مش مقبولة انها تبقى زوجة مهما كنت انا متعلق بيها

(وياريت لو تسالوا نفسكوا سؤال بينكوا وبين نفسكوا هل ربنا يرضى عن ده؟)

وللبنات بالمثل لو الولد طلب منك الحجات اللى فوق ده بيبقى حاجة من اتنين لما هو طلب الحاجة دى من بنات كتيرة واصلا دى شغلته او بيختبرك :lol:

[الباشمهندس ياسر]

مش عارف ليه حاسس اننا بنتناقش و كأننا علي خطين متوازيين مش هيتقابلوا ابدا

عموما

مش شرط ابدا ان سوء الظن يبقي من حسن الفطن

و الناس تقول يارب استرها و اجمعني مع الطيبين

و بس

[جميلة الكون]

ايه ياحسام ده

على فكرة صديقتى دى قربت تختم القران حفظ وتلاوة (لايسخر قوم من قوم........)وهى محترمه ولكن فى لحظات ضعف بتمر فيها اى بنت مش بمعنى ان صحبتى قابلت الشاب ده يبقى خلاص فقدت احترامها,واستحاله لانى سمحت لنفسى انى اعرفكم خصوصياتى انى هقبل منك سخريه على اى حد اعرفه, بناء على كلامك...يبقى كل الشباب غير محترميييييييييين لانهم بيقابلوا دى ويسيبوا دى ويمشوا مع دى ويهزروا مع دى ويتكلموا مع مليون غير دول,,,

كنت اتمنى بدل تعليقك الظريف ده كنت تقولنا مداخله تفيدنا بيها وتفيد غيرك ......يامحترم

متتعودش انك تنقد كلام غير من اجل النقد نفسه

تحياتى

متابعة

[hOuSsAm]

ايه ياحسام ده

على فكرة صديقتى دى قربت تختم القران حفظ وتلاوة (لايسخر قوم من قوم........)وهى محترمه ولكن فى لحظات ضعف بتمر فيها اى بنت مش بمعنى ان صحبتى قابلت الشاب ده يبقى خلاص فقدت احترامها,واستحاله لانى سمحت لنفسى انى اعرفكم خصوصياتى انى هقبل منك سخريه على اى حد اعرفه, بناء على كلامك...يبقى كل الشباب غير محترميييييييييين لانهم بيقابلوا دى ويسيبوا دى ويمشوا مع دى ويهزروا مع دى ويتكلموا مع مليون غير دول,,,

سبحان الله وبحمدك استغفرك واتوب اليك

منتى يا فندم مقولتيش لحظات ضعف

عالعموم انا مقصدتش تجريح فى حد وربنا يسامحنى لو كان عندى سوء نية

[الباشمهندس ياسر]

سلام الله عليكم

اهلا ب المش مهندس ياسر

ازاى مفيش شركة تانى هى كانت شركة زواج الحائرون والحائرات :blink:

اولا ربنا يوفقك فى شركتك حتى لو كان اسمها (يابخت من جمع راسين فى الحلال)

:lol: :lol: :lol:

المهم تعرفوا انا وصلت لحاله تمنيت حجب الشباب من الدنيا لكى نعيش فى استقرار تام

بصوا ياجماعة الموضوع ببساطه

مغزاه الحب

الواحد لو لقى حنيه وحب ولو حتى عارف انهم هيزولوا فى بضع ساعات هيكذب مبادئ نفسه وهيعيش ولو للحظات

الكل بيعيش يدور على الحب لغاية مايموت

هتقولولى بقى ع النت او حتى عند الميكانيكى او فى الصيدلية هقولكم طبيعه بشرية موجوده جوانا بنسب تختلف من شخص لاخر

المهم ياجماعه محدش يفرت فى مشاعره ولا يفرت فى صورته الجميله قدام عينه ولا قدام اللى بيحبوه سواء كانوا اهله او اصحابه

يعنى مثلا هقولكم موقف صحبتى محترمه جدا المهم حبت واحد فراحم اتقابلوا فى الجامعه كذا مره

جيت اخد رايها فى انسان عاوز يتعرف عليا وشكله محترم لسه بقولها انا هقابله مرة واحده اشوف نظامه ايه قالتلى اوعى تقابليه عيب وكده روحت قولتلها نعم طب واحده غيرك هى اللى تقول الكلام ده ولا هو حلو ليكى ومر ليا

اصل انا نوعى غريب بحب اتعرف على كل شئ معرفهوش

يعنى مثلا بحب ادوق الطعم المر عشان استمتع بالطعم المعسل

وبحب احس شكه الدبوس عشان اتلاشى ألمه

غريبه صح؟؟؟؟؟؟؟؟؟؟؟؟

وهقولكم على حاجه كمان

انا حبيت من على النت طبعا كنت عرفاه قبل النت صلحلى جهاز الكمبيوتر وبعدين بدا تليفونات وبعدها ايميلات المهم قابلته قالى عاوز اجيب مامتى ونتم موضوعنا المهم هوبا جات مامته واتعرفنا عليها وبعدين حست ان ابنها بيحبنى جدا قالت اه دى البت هتضحك عليه وهتخليه يعيش فى بلدها وهتحرمنى منه(طبعا ده اللى حسيته) وطبعا من ساعتها مشوفتش وش مامته بصراحه لما عرفنى ان موضوعنا هيفشل بدا يسقط من نظرى لكن ولا انا قادره انساه ولاهو قادر ينسانى ولا انا راضيه بغيره ولاهو راضى بغيرى بس بقولكم ايه ممكن اى حد مكانا كانت تطورت الاحداث ولجأوا مثلا للجواز العرفى وممكن كانت تطورت الاحداث اكتر وعاشوا مع بعض وخلاص ولا جواز ولا وجع دماغ........وده اللى بنسمعه ونقراه كل يوم مصايب وبلاوى الله يحفظناااااااا

مش كل واحده زيى ولا كل واحد زيه

عشان كده بقولكم ابعدوا عن جواز النت لو مثلا مش كان عندى نت ممكن مكنتش اتماديت علاقتى بيه بالشكل ده ولا كنا اتعلقنا ببعض بالشكل ده ولا أتألمنا بالشكل ده

انا كل كلامى اللى فات كان من واقع تجربة انا عشتها اصحابى عاشوها فى ناس خسرت فيها وفى ناس كسبت

بس صدقونى اللى خسروا اكتر بكتيرررررررررر من اللى كسبوا لان اللى خسروا خسروا نفسهم قبل كل شئ لكن اللى كسبوا كسبوا خبرات يمكن تفيدهم (احتمال ضعيف)

عشان كده ازعل اوى اللى يشكك فى كلامى ولا ياخده بنظرة تريقه

كل ده عشان نفسى احب من اجل الحب وعلى فكره انا مش زعلانه من تجربتى دى لانى طلعت منها بشئ انى اللى عشته وشوفته وسمعته وصبرت عليه هيخلينى انتظر الحب حتى الممات لو مكملش معاه يبقى اكيد ربنا هيعوضنى بحب هينسينى كل المر اللى عيشته بس بعيددددددددددددد عن النت

يلا اختلاف الراى لايفسد للود قضيه

عاوزة اسمع رايكم بجديه الموضوع مش هوين ياجماعة

يلا متابعاكم ومتابعه كلامك اللى زى العسللللللللل

تصدقي اني من كتر التهيييييييس مشفتش الرد ده غير دلوقتي

بس شكلك موجوعه اوي يا امورة قصدي يا جميلة الكون بحااااااااااااااااااااله

بس ايه بقي موضوع المش مهندس ... قصدك محمد رجب

تصدقي اني بحب استايلات لبس الواد ده اوي

بحس انه بيعرف يلبس بجد

المهم ..ايه الحوار بقي

الشركة.. بصي يا وااااااااااااصلة يا صاحب السر الباتع

انا لسه واصل ليلة امس ... و اليوم اول يوم ف الشغل و رحت المكتب و الحمد لله

الحمد لله ... جيبت م الاخر و راجع ف خلال كام يوم ان شاء الله

شركتي الخاصة ... طب بالذمة ينفع اعتبرها بشري بعد البشري اللي فاتت

طيب هاعتبرها بشري

و اوعدك لما اعمل شركة ... مش هسميها توفيق راسيين ف الحلال و لا غيره

نرجع لموضوعنا

يا استاذه

مينفعش ابدا اننا نعمم تجربة واحدة ف حياتنا علي بقية حياتنا و لا علي بقية الناس

صدقيني مينفعش

خلي بالك من نفسك و افتحي قلبك للحياة

[عماد حمدي]

عمدة حبيب قلبى

انا بصراحة رافض لموضوع التعارف قبل معرفة الاهل وكدة فى رايي دخول من الشباك وليس الباب

والبنت لو هاودتنى فى كاميرا ولا صورة ولا مايك ولا خروجة عالكورنيش :D

بصراحة تفكيرى ميقدرش يستبعد انها عملت ده مع غيرى كتيييييييييييييييييييير :D

وفى الحالة دى مش مقبولة انها تبقى زوجة مهما كنت انا متعلق بيها

(وياريت لو تسالوا نفسكوا سؤال بينكوا وبين نفسكوا هل ربنا يرضى عن ده؟)

وللبنات بالمثل لو الولد طلب منك الحجات اللى فوق ده بيبقى حاجة من اتنين لما هو طلب الحاجة دى من بنات كتيرة واصلا دى شغلته او بيختبرك :blush2:

لو أطول أظلل مشاركتك كلها باللون الأحمر .. كنت عملت بس مبحبش اللون دا أوي :D

بجد يا حسام أتفق معاك 100 % وانتة كدة جبت من الأخر زي ما بيقولوا

خير الكلام ما قل ودل

الشك والإختبار وجهان مختلفان لكنهما أحيانا ً متفقان

تم تعديل 12 أبريل 2010 بواسطة omda2006

[عماد حمدي]

مش عارف ليه حاسس اننا بنتناقش و كأننا علي خطين متوازيين مش هيتقابلوا ابدا

عموما

مش شرط ابدا ان سوء الظن يبقي من حسن الفطن

و الناس تقول يارب استرها و اجمعني مع الطيبين

و بس

أنته لية مصر يا باشمهندس علي النقطة دي ..

كل ذي طبع يري الناس بطبعة !!

ياعني الكويس هيعامل اللي قدامة ع أنه كويس

والشخص اللعوب هيشوف اللي قدامة لعوب برده ..

بصراحة الجملة دي مضيقاني أوي أوي أوي

كل ذي طبع يري الناس بطبعة !!

فهمهالي بالله عليك ..

بعدين انا أعرف عائلات محترمة جدا جدا جدا .. وبناتهم أستغفر الله مقضينها ..

لو واحد بقا عايز يخطب البنت دي .. طبيعي لو سأل عليها في الحي بتاعها هيقولوا دول ناس محترمين وناس أخلاق واهلها ونعم الناس والله وووو ويقعدوا يقولوا شعر من هنا لبكرة .. أنا هتجوز مين !أهلها ولا البنت نفسها !!؟؟؟

مش شرط ان اهلها يكونوا محترمين .. هيا تكون محترمة

ومش شرط ان اهلها يكونوا غير محترمين .. وهيا تكون غير محترمة

ومش كل واحد بيشوف اللي قدامة وبيقيم اللي قدامة علي حسب ما هو عايز أو زي ما بتقول بطبعّه ...

نحن نفترض حسّن النية لحين إثبات العكس .. وع الطرف الأخر أن يثبت ذلك في فترة الخطوبة سواء بقا للشاب او الفتاه

[الباشمهندس ياسر]

عماد

انا مش فاهم التعليق ده فعلا ع المداخلة المقتبسة ولا ع حاجة تانية؟

اصل المداخلة دي كانت تعليقا علي حسام ... مش عندك خالص

[عماد حمدي]

باشمهندس ياسر

هيا فعلا ً تعليقا ع المداخلة بتاعت حضرتك اللي قبل كدا اللي ذكر فيها الجملة اللي بالخط الأحمر + ردك ع أخونا حسام

وتقبل مروري يا جميل

وليا عتاب عندك .. وانتهز الفرصة دي واقولك عليه

لية حضرتك إفتكرت ان الشر سيطّر علي تفكيري ؟؟ بالعكس انا بقول وجهة نظري ورأي ورأي الناس اللي حوليا في الموضوع دا

مش معني اني كويس لازم اشوف الناس اللي حوليا كويسين ؟؟ ولا انته اية رأيك

ربنا أدانا عقل نميز بيه ونعرف نتعامل مع اللي قدامنا بأسلوبه هوه .. لاني مش هطبعة بطبعي !! ولا اية

وعشان خاطري خدها بصدر رحب ..

أخوك

عماد

تم تعديل 12 أبريل 2010 بواسطة omda2006

[الباشمهندس ياسر]

وعشان خاطري خدها بصدر رحب ..

أخوك

عماد

:D

ربنا يديم الموده ف الله يا عمدة

بس الفكرة كلها .. اني من الناس المؤمنة بعدم التعميم

لازم نبطل نعمم

كمان نقطة هقولك عليها

انا مؤمن ان اي جريمة اختلاط ع النت .. سببها ولد و بنت

ليه مصر انك تسيب البنت تشيل الليلة لوحدها و يطلع الولد في صورة .. الواد الشقي حلو اخواته ننوس عين امه

مش منطق برده يا عمدة

نقطة اخيرة

قلبك ابيض و حقك عليا يا عم

بس سؤال بقي قبل ما تمشي

تضمن منين ان البنت اللي حد هيرشحها لحد للجواز من قرايبه او معارفه .. مكنتش خارباها و فاتحاها ع البحري....؟ :D

[pocy]

الاولاد بقي.....

تعالولي ع جنب لو سمحتم......

ممكن افهم انتوا بكل تفكيركم الظريف اللطيف الشكاك....

ازاي بتقدر تبني علاقة ثقة تصل للزواج مع بنت عن طريق الانترنت؟؟؟

اول حاجة يا لماضة بشكرك عالسؤال ده لانه قوى وفعلا محتاجين راى الناس كلها

انا عن نفسى فى الموضوع ده بعتمد عالمعارف اكتر عشان بيبقوا مصدر ثقة نسبى ليا ايوة نسبى ماهو الحكاية كلها فى الثقة

ليه الناس ممكن تقول للنت لاء لانها مش واثقة فى الطرف التانى او مش عارفه هو جاى منين

المهم نمسك القصة من اولها

ونبدا بالطريق التانى اللى مش نت يعنى مهما كان المسمى

دلوقتى انا عايزاخطب ياما واحدة معايا فى الشغل او الكلية او العيلة او بنت معارف بابا وماما او اخت زميل ليا والعلاقات كتيرة ومتنوعة...........................

طيب مهما كانت (والناس الحلوة دى كلها بتشكر فيها وفلة شمعة منورة) هل تثق فيها تمام الثقة وخلاص هتدخل تقول اوكيه ولا هتقد معاها فى الصالون الاول وتتكلموا وبعدين فترة خطوبة قد تمتد لسنة وخروجات وقبل كدة هتسال على بيتها الجيران والمعارف والبواب والعشرة والعلاقة المباشرة فيس تو فيس هى اللى هتوضحلك كل حاجة

كل الزيطة دى كلها عشان تطلع بمعلومة عن حاضر البنت وشكل المستقبل المتوقع معاها بس ابقى قابلنى يا حلو لو عرفت حاجة من الماضى (ومحدش يقولى ولد خبرة ومقطع السمكة وديلها)

طريقة النت

طيب منتا ممكن من عالنت تعرف بنت باختلاف الطرق وهتقع فى طريقتين ليس لهما ثالث على حسب معلوماتى

الطريقة الاولى ودى مرفوضة تماما نبدا نتعرف طيب سنك وسنى هوياتك وهوياتى بتحلم بايه طب عايز ايه ومايكات وكاميرات وبعد كدة الشاطر بقى يكمل عشان هى اصلا علاقة ليست سوية لان الشاب هنا دخل من الشباك زيها بالظبط زى معرفة النادى او الكلية (بقصد طبعا الشبابيك وليس الابواب)

الطريقة الثانية من خلال مواقع الزواج والتى تحترم مشاعر وخصوصية الطرفين كل واحد بيقول هو ايه وعايز ايه وخلاص حصل قبول (مش عارف اسميه ايه بس هو زى مبداى او قبول فى الاختيارات) زى ما بوسى قالت واحترم القصص اللى هى نشرتها اوى وبعد كدة يا حلو روح كلم بابا وحدد معاه ميعاد (طيب ايه الفرق بينه وبين زواج الصالونات) ما الشاب هيعمل نفس الخطوات اللى فاتت اللى هى اعدة الصالون والكلام والخطوبة لمدة سنة وسؤال الاهل والاقارب والمعارف والجيران وبردوا كل الزيطة دى عشان تطلع بمعلومة عن حاضر البنت وشكل المستقبل المتوقع وابقى قابلنى بردوا يا حلو لو عرفت حاجة عن الماضى

ياعنى يا جماعة فى كل الحالات حتى لو هى بنت عمك منتش عارف سرها ايه (بدليل ان كتير من المصايب بتحصل والاب والام محترمين)

فيه حاجة بس نسيت اقولها ودى لازم نعملها فى كل الخطوات وده مربط الفرس الا وهى (صلاة الاستخارة) وفى رايي طالما انت صليتها ونويت خير ومشيت فى اى طريق من الطرق مهما كان ربنا مش هيخيب رجاؤك ابدا

وبالتوفيق للجميع باذن الله

بصراحه يا حسام احييك كل التحيه على تلخيصك للامر بهذا الشكل وهذا الاسلوب فى تلك المداخله(جبت من الاخر بصراحه)

وانتهز تلك الفرصه لاقول الاتى :-

هى قصه انتهت للاسف بالفشل ولكن لاسباب خارجه عن الطرفين واثرت فيهم كتير

ومشاببه للقصه اللى قالتهها الاخت جميله الكون

زميلتى فى الشغل كانت متابعه معايا اللى كنت بعمله فى الموقع ده وسجلت هى فى الموقع ده وسبحان الله هى اللى ارسلت لشاب كان مهندس زيها وكاتب كلام يعنى مش هقولك على نفسه والبنت اقدمت انها تبعتله وتمنت كل التمنى ان ربنا يكرمها بيه طبعا هى كانت داخله بس علشان تقرا وتتصفح المهم

ارسلت له وهورد عليها لما شاف صفحتها وبعد ذلك تراسلوتا عن طريق الموقع وسبحان الله طلع كان فى كليه البترول اللى فى السويس عندنا يعنى حافظ المنطقه كلها وحاب انه ربنا يكرمه هناك لانه حابب البلد وسبحان الله حست انه انسان الطريق معاه هيكون الجنه مش عارفه الاخ مكاوى فكرنى بيه ليه المهم

سبحان الله قالها طب ممكن اعرف العنوان علشان اجى وياريت رقم تليفون الاب اعطيته العنوان و رقم التليفون بس بتاع اخوها واتفقت معاه انه يقول انه جاى عن طريق حد تعرفه فى الكليه بس هو رفض لانه مش بيكذب فراحت قالتله استخدم الاعراض يعنى قول انى فى ناس اعرفهم يعرفوها هم اللى دلونى عليها ومش تزود بالكلام وخلاص قالها كده اوك

وجه وسأل على البنت واهلها واتصل بالاخ وجه البيت وكان اول مره يشوفها وسبحان الله تمسك بيها جدا وكانت ظروفه مساعده بس فى مشكله بسيطه انه لسه متخرج ومخلص جيش يعنى مفيش شغل ووالده هو اللى هيجهز الشقه وكل حاجه راحوا قالوا خلاص احنا نقرأ الفاتحه وان شاء الله ربنا يسهل لما تلاقي شغل ربنا يكرم ساعتها

ولاسف 7 شهور وهو بيدور على شغل ومش لاقي وكل شويه تصبر هى اهلها وهو مكسوف لحد ما لاقي شغل ب450 جنيه ومش فى تخصصه تخيلوا هو مهندس بترول واشتغل حارس امن وفى مصر الكلام ده

المهم اب البنت رفض رفض تام انهم يرتبطوا بيه اكتر من كده ولما جه يتصل الوالد علشان ينهى الخطبه راحت البنت طبعا بعد محاولات منها يائسه لرجوعه الموضوع تانى قالت لا انا اللى هقوله

وسبحان الله قالتله وهى بتبكى والله يوميها البنت فضلت اسابيع مش فى حالتها الطبيعيه ومكتئبه وتحاول تمنع نفسها من الاتصال بيه مره تانيه او الرد على محاولاته الاتصال

واتصلحت نفسيتها شويه لما بقي مش يتصل بيها ولا يرد عليها وكانت اخر رساله منه ربنا يصلحلك الحل ويسرلك كل امورك ولو افتكرتينى فى يوم من الايام ابقي ادعيلي بالخير

وجزاكى الله انتى واهلك كل الخير وبعدها لا كلام وسلام منه

بس البنت بعدها بشهور دخلت تانى الموقع وبدأت تتصفح مره اخرى

وللحديث بقيه ان شاء الله

تحياتى :D :D :blush2:

[hOuSsAm]

وجه وسأل على البنت واهلها واتصل بالاخ وجه البيت وكان اول مره يشوفها وسبحان الله تمسك بيها جدا وكانت ظروفه مساعده بس فى مشكله بسيطه انه لسه متخرج ومخلص جيش يعنى مفيش شغل ووالده هو اللى هيجهز الشقه وكل حاجه راحوا قالوا خلاص احنا نقرأ الفاتحه وان شاء الله ربنا يسهل لما تلاقي شغل ربنا يكرم ساعتها

ولاسف 7 شهور وهو بيدور على شغل ومش لاقي وكل شويه تصبر هى اهلها وهو مكسوف لحد ما لاقي شغل ب450 جنيه ومش فى تخصصه تخيلوا هو مهندس بترول واشتغل حارس امن وفى مصر الكلام ده

المهم اب البنت رفض رفض تام انهم يرتبطوا بيه اكتر من كده ولما جه يتصل الوالد علشان ينهى الخطبه راحت البنت طبعا بعد محاولات منها يائسه لرجوعه الموضوع تانى قالت لا انا اللى هقوله

قطعتى قلبى بالقصة دى بس شاء الله وما قدر فعل

بلوم عالشاب انه يتقدم قبل ميكون حط رجله على اول الطريق ويمسك وظيفة عالاقل كدة هو بهدل بنات الناس معاه من غير ذنب (وانا لو من مكان ابوها مكنتش هوافق ولكن ممكن اوافق لو انه بدا طريقه ومستقبله بقى واضح ولو حتى مش عنده شقة) فى رايي المستقبل اولوية عن الشقة وليس العكس

بس انا بفكر فى حاجة دلوقتى مقتبسة من قصة اتقالت هنا فى موضوع اول حب ليك (فاكرين الولد اللى كل ميروح يتقدم لاهل البنت حد من عندهم يموت اللى اعد يتقدملها خمس سنين (يا صبر ايوب :lol: ))

هى ليه متحولش تتصل بيه تانى طالما هى لسه مرتبطتش وهو ممكن يكون ربنا يسر حاله ولاقى شغل كويس وباذن الله مستقبله كويس بس بتوع بترول كدة شغلهم قليل بس باذن الله بتظبط معاهم بعد كدة واصحابى مروا بنفس الظروف دى قبل كدة

شوفى كدة بجد لو هى تصلى صلاة استخارة وتكلمه تانى ويعالم :lol: ده النصيب غلااااااااااااااااب

واللى نعرفه احسن من اللى منعرفوش

[pocy]

والله يا اخ حسام

هى ارتبطت بإنسان تانى وهو واول ما مسك شغل فى البحر الاحمر وحس ان ربنا كرمه اتصل بيها ولكنها كانت اتخطبت لشخص اخر مش فاكره ابن خالها ولا خالتها والحمد لله على كل شئ وده فى الاول والاخر نصيب وكل واحد بياخد نصيبه

والبنت لما رجعت وحكتلى اللى حصل وانه اتصل تانى وقالها كده قلتلها انتى الان مخطوبه لواحد تانى واعتقد انك بقالك سنه معاه ومينفعش تفكري فى اى حد تانى طالما وافقتى ترتبطى بيه والحمد لله ربنا كرمها واتجوزت وسافرت السعوديه مع جوزها طبيب بشري وربنا رزقها بطفل زى القمر الله يحميه ليها يارب

[عماد حمدي]

تضمن منين ان البنت اللي حد هيرشحها لحد للجواز من قرايبه او معارفه .. مكنتش خارباها و فاتحاها ع البحري....؟ wst::

أولا ً يا باشا اشكرك علي الروح الرياضية بتاعتك دي .. وخدي دي عربون محبة وصداقة ودا يشرفني أنا طبعا :blush2:

ثانيا ً تعقيبي علي كلمة ( التعميم ) انا والله معممت خالص انا حتي كنت بفتح قوسين واكتب بداخلهم ( مش كلهم ) وراجع المشاركة تاني

ثالثا ً إجابتي ع الإقتباس بتاع حضرتك .. جاوبت عليها قبل كدة وملخصها أنه حاليا ً فيه أزمة ثقة ساعه لما قولتلك

مش شرط ان الأهل محترمين البنت تكون محترمة ( والعكس ) ..

دي بقا بتبقي نصيب وتوفيق من عند ربنا .. والإستخارة زي ما قال حسام

والطيبون للطيبّات .. والخبيثون للخبيثّات ..

تقب مروري

أخوك

عماد

[جميلة الكون]

pocy :D

ربنا يوفق صاحبتك بافضل منه بانسان يكون كامل الاوصاف

انا مشتاقه للتكملة جداااا

[عماد حمدي]

:D

أعتقد ان تكملة الموضوع هيبقي في مسار تاني خالص .. عن الموضوع الأصلي

اللي هو :

الزواج عن طريق الأنترنت بين مؤيد ومعارض ..

شكرا ً لكل من ساهم في إبداء رآية في الموضوع ..

:stop:

تم تعديل 13 أبريل 2010 بواسطة omda2006

[عبيد الله]

السلام عليكم ورحمة الله

أنا شخصيًا أرى أن الانترنت نُسخة كربونيّة من الواقع..

عليه تجد الإنسان التقي النقي الذي يخشى الله بالغيب وينشد رضاه.. وعليه أيضاً تجد الذئب البشري الذي لا يرقبُ في المؤمنين إلاً ولا ذمة..

مواقع الزواج – من وجهة نظري – هي وسيلة مثل باقي الوسائل المتعارف عليها كالخاطبة مثلاً.. ومن خلال تلك المواقع تزوج آلاف الشباب والشابات..أعرف بعضهم..

لي تجربة شخصية مع موقع زواج منذ عدة أشهر:

سجلت في أحد المواقع، وتعرفت على فتاة توسمت فيها الخير.. لم أرها بعيني لكني رأيتها ببصيرتي.. تراسلنا ووجدت في حديثها أدب جم، ولباقة ملفتة، وسعة اطلاع باهرة..

لكنها في البداية اشترطت علىّ - قبل أن نتفق - على أن نبقى في مصر.. ذلك لأنها لا تحب الغربة، ولا تقدر على البعد عن أهلها، وأمها خصوصًا..

فشق علىّ الأمر، ووقعت في حيرةٍ كبيرة.. فمن ناحية لا أستطيع ترك شغلي.. ومن ناحية أخرى الفتاة تعجبني.. وحتى لو وافقتها وبقيت أنا هنا وهي في مصر.. ما الفائدة إذن من الزواج؟ وما الفرق بين العزوبية والزوجية؟

اعتذرت لها لصعوبة الأمر.. وكل منا سار إلى حال سبيله.. أسأل الله عز وجل لها السعادة في الدارين... حذفت اشتراكي في ذلك الموقع.. ورأيت أن الزواج من مصرية هنا في الإمارات سيكون الحل الأمثل..

تبقى نقطة من جزئين في غاية الأهمية يغفل عنها البعض، وخصوصاً الشباب:

1 - لابد وأن يكون هناك اقتناع تام بالزواج من خلال الانترنت.. وأنت الانترنت وسيلة مثل باقي الوسائل.. نحن من نحسن أو نسيء استخدامه..

2- لابد وأن يكون الشاب بالذات حَسَن الظن ومتفهم..

وفق الله الجمع لما فيه الخير والصلاح..

[Dr.mmfriend]

حرام عليكم عقدوتنا وكرهتونا فى الجواز كله

ايه الموضوع ده كله

انا جبته من اوله لاخره فى قعده واحده لغايه اما ااتعقدت

هو حد لاقى عروسه اليومين دول عن طريق النت ولا غيره

يخرب بيت الغربه وسنينها والسعوديه كلها ..............

[لماضة مصرية جدا]

حرام عليكم عقدوتنا وكرهتونا فى الجواز كله

ايه الموضوع ده كله

انا جبته من اوله لاخره فى قعده واحده لغايه اما ااتعقدت

هو حد لاقى عروسه اليومين دول عن طريق النت ولا غيره

يخرب بيت الغربه وسنينها والسعوديه كلها ..............

السلام عليكم و رحمة الله و بركاته

يااااااااااااااااه آديلي زمان مجتشي التوبيك دوت

بس واضح انكم برضه وصلتوا الجدع....لحالة التعقيد....و الله براوة عليكو يا ولاد....

انتو عارفين رايي الشخصي بقي

هو التوبيك يقف لحد كده.... لان مبقاش فيه جديد

إلا إذا

كل الشباب العترة اللي دخل الحتة دي.......و شاركنا بوجهة نظره......و قلبناها يمين و شمال

يقولنا بقي ان شاء الله لما ينزل اجازة الصيف اتجوز إزاي............. :lol:

و بجد ممكن نحط الموضوع ده ع توبيك تاني..."اتعرفت علي شريك حياتك إزاي؟"....بس المرة دي....احنا مسجلين ليكوا كل واحد قال ايه.....كله مكتووووووووووووووب.....

أنادي علي اساميكم....و لا كل واحد عارف نفسه

يالا بقي يا شطار....مستنيكم.....و هنشوف كل واحد طبق اللي قاله

و لا طبقه و حطه في جيبه الوراني.....!!!!

و يجعله عامر

لماضة.....فاهم و مصدق ان ساعة القدر يعمي البصر....لا تقولي انترنت و لا ام فاروق الخاطبة.

فوتكم بعافية