مطلوب علي وجة السرعة......

[mnman]

مش عارف لية بقالي كام يوم بفكر في موضوع عقود العمل.. ولاحظت ان معظم العرب ادام الله عمرهم بيستعينوا بخبراء اجانب في كافة المجالات.. وقد يكون هذا الخبير مجرد بياع كازوزة في بلدة لكن عنية الخضرة و شعرة الاصفر بيعطوة صفة الخبير في بلادنا.... ماعالينا...

فكنت بفكر لية منعملش عقودعمل للسياسيين... يعني كل دولة توقع عقد عمل مع رئيس جمهورية او ملك او رئيس وزراء... لمدة سنتين... مين عارف مش يمكن يعدل المايلة.... وهي كلها سنتين و مفيش تجديد... و لو نجح زي بتوع الكورة نفكر نمدلة المدة ولو فشل بالشلوت... فكرة عبقرية صحيح... وطبعا الخبراء دول حندفلهم مرتب كبير بس في كل الاحوال مش حيكون بحكم رواتب حكام اليومين دول... والراجل حيكون خايف لانة علي كف عفريت وممكن بالشلوت... واكيد اكيد حجم الاستفادة منة حتكون عظيمة لانة عندة شعر اصفر وعنين خضر....

وخلص الكلام....

عقيد منمان حزام اسود في شد الشعر....

[se_ Elsyed]

والله يا باتمان ياخويا هي صعبة شوية حكاية الرئيس الأجنبي خاصة لو في إجتماع زي بتوع القمة العربية اللي بقت تموت قبل ما تتولد ، فلو جبنا ( أو مربى ) مثلاً ريس إيطالي أو من لوكسمبورج يبقى هايروح القمة بصفتة أيه ؟

بس فكرتك دي انا هاحاول أطرحها ( أرضاً ) في القمة اللي الملغاه القادمة في الجزائر وهو إننا ممكن نستعين بخبراء أجانب كمستشارين فخد عندك مثلاً :

- خبير إقتصادي تقفيل الصين وده متوفر في شارع عبعزيز..

- خبير عسكري ... امريكي والكومبونانت تايواني عشان السعر ..

- خبير في إلإنتخابات ... ده المنصب الوحيد اللي لازم يبقى فيه مصري إبن مصري ..

- خبير نووي .... لازم يبقى ليبي

وهكذا لحد ما يبقى عندك كوكبة من الخبراء يعدوا بك بر الأمان ...

س س مراكبي وصاحب فلوكه قدام ماسبيرو ..

[White heart]

mnman كتب:

...كنت بفكر لية منعملش عقودعمل للسياسيين... يعني كل دولة توقع عقد عمل مع رئيس جمهورية او ملك او رئيس وزراء... لمدة سنتين... مين عارف مش يمكن يعدل المايلة.... وهي كلها سنتين و مفيش تجديد... و لو نجح زي بتوع الكورة نفكر نمدلة المدة ولو فشل بالشلوت... فكرة عبقرية صحيح... وطبعا الخبراء دول حندفلهم مرتب كبير بس في كل الاحوال مش حيكون بحكم رواتب حكام اليومين دول... والراجل حيكون خايف لانة علي كف عفريت وممكن بالشلوت...

بينى و بينك يا mnman الموضوع دة بالنسبه لى مش كوميدى بالمرة، بل هو جاد جدا، و المشكلة مش فى "بياع الكازوزة"، و لا "ابو شعر أصفر و عيون زرق"!!! و لا حتى فى اللى استوردهم!

المشكلة فى الأغلبيه الساحقه - الماحقه، اللى ها يطل عليهم ذو هذه المواصفات، هل سيعتقدون أم لا بافضليهتم على حكامهم الأصليين؟؟ و السؤال الأهم: اذا ما قمنا بعمل استطلاع للرأى على المستوى الشعبى فى بلدنا، فعلى أى اساس تعتقد انه سيقوم العامه بتقييم مثل هذه الشخصيات المقترحه، ماذا ينتظرون تحديدا أن يفعل لهم .... (من وجهه نظرهم هم و ليس نحن)؟؟!! هل سيكتفون بالمظهر فعلا كما ذكرت، أم سيذهبوا الى أبعد من ذلك؟

بصراحه انا أميل أكثر الى التعاقد مع "خبير" انتاج محلى، و ليس لدى أى شك فى توفرهم و بالمئات ... و اذا خيرت على ما اتمناه ان يتمتع به من صفات "الخبراء الخواجاتى" ، فسأطلب أن يجمع (فى المرحلة الراهنه) بعض مما لدى هذا السياسى المخضرم - الناجح:

تم تعديل 1 أبريل 2004 بواسطة White heart

[R.M.G.]

طب المدرب -أسف- الريس اللي حيجي ده حيجيب المدلك معاه ولا حنكتفي بالمدلكاتية الي هنا؟ وبرضو حيبقى رئيس الخزب الخاكم وخريستو معاه ولا لأ؟

أخلا ً وسخلا ً

أخلا ً أخلا ً

وخريستو خيمسك بعديه واخد خُكم ‍‍!!

أخلا ً أخلا ً

[R.M.G.]

ولو تخيلنا الزعيم المستورد مثلا أسمه فريدريك كومان ولأننا مغرمون بالأغاني الوطنية للزعماء فأول أغنية بعد ما يحلف اليمين حتكون:

يافريدريك يافريدريك

إحنا حمامه وانت فريك

يافريدريك يافريدريك

كل الشعب ايدو في اديك

يافريدريك يافريدريك

احكم على طول الله يخليك

يافريدريك يافريدريك

انت لينا واحنا ليك

يافريدريك يافريدريك

أحلى ريحه ريحة رجليك

يافريدريك يافريدريك

أأمر واحنا نيجي نفليك

يافريدريك يافريدريك

عايزين ابنك ييجي بعديك

يافريدريك يافريدريك

100%شوية عليك

يافريدريك يافريدريك

يافريدريك يافريدريك