كيف نعلو عن الأنانية

[عبير يونس]

امبارح كنت -كالعادة- في مكالمة مطولة مع انسانة قريبة جدا من قلبي

الانسانة دي عرفتها من أقل من سنة

11 شهر تقريبا

بس كأني أعرفها من زمان اوي

الانسانة دي طوال الفترة الماضية

كانت و لا زالت أذن كبيرة تسمع لكل ما أقوله

اعطتني مساحات ضخمة للفضفضة

تسمع بكل ود و تحسس على مشاعري

و لا تتركني قبل أن أفرغ كل شحنة الهم و الغم

بدون انتقاد لاذع

بصراحة مهما اتكلمت مش حأقدر أوفيها مكانتها عندي

و على فكرة هي واحدة من عائلتنا الكبيرة هنا

و لولا خوفي أن أسبب لها حرجا لكشفت عن شخصيتها

المهم ان الانسانة دي

زي أي حد من البشر

لازم يجي عليها وقت تتضايق هي كمان

و تحتاج لحد تفضفض معاه

و للأسف

لم أكن هذا الشخص

و عملت معاه عكس اللي بتعمله معايا

لم أعطها أي مساحة للفضفضة

بل كنت أصادر كلامها قبل أن تنهي الجملة

و كنت اقوم بدور المرشد الواعظ

في وقت كان هذا آخر ما تحتاجه فيه

قالت لي كلمة واحدة

و بدون تغيير لأسلوبها الرقيق معايا

هو انا ليه أسمع للناس كلها و مفيش حد بيسمعني

الجملة دي

زلزلتني من جوة

و فضلت طول الليل أفكر

و قعدت ألوم نفسي

و افتكر قد ايه كنت بأغرقها في مشاكلي

و قد ايه كانت بتسمعني

قررت أتصل و اعتذر و اديها فرصة من فرص كتير اقتطعتهم من وقتها عشان تسمعني

الموضوع ده فوقني على حقيقة مرة اوي

اني بقيت في الفترة الأخيرة أنانية اوي

أو بمعنى أصح و أدق

اكتشفت اني طول عمري أنانية

زمان سألت والدي الله يرحمه

هو الانسان لازم ما يحبش نفسه

قال لي حب النفس شيء مطلوب

بس إلى درجة معينة لا يجب تجاوزها

يعني لازم نحب نفسنا عشان نقدر نحب الآخرين

بس التمادي بيوصلنا للأنانية البغيضة

الحقيقة لا أنكر ان طول عمري عندي قدر لابأس به من حبي لنفسي

و بحب جدا استمتع بحياتي

طبعا في حدود حريتي التي لا تتعدى على حرية الآخرين

بس فعلا في الفترة الأخيرة

اكتشفت اني بقيت أريح دماغي من الناس

و أزهق بسرعة من مشاكلهم

مبقتش أسأل على حد الا في المناسبات

انعزلت عن الدنيا

حتى زوجي و اولادي

بقيت روتينية جدا معاهم

بجد صديقتي الجميلة دي فتحت عيني على كل ده

بس دلوقتي حيرانة

ازاي أغير ده

ازاي اخفف الأنانية دي

مش حأقول ألغيها

ازاي أبطل تفكير في نفسي و حالي و مشاكلي؟

ده أنا بقيت أبعد عن كل حاجة بتضايقني

و أقرب من أي حاجة تفرحني

بقيت قاسية جدا مع الآخرين

و للأسف و انا بأكتب مش حاسة بندم

و لا حاسة اني غلطانة

كل اللي حاسة بيه اني المفروض مابقاش كده

أصل انا اتربيت على المفروض دي طول عمري

لدرجة كنت مش عارفة شخصيتي ايه بالضبط

كل حياتي كانت مثاليات

و أخلاق عالية

كنت دايما باتساءل أنا ايه

مش معقول اكون الانسان السوبر اللي ربوني عليه ده

الانسان اللي بيحسب كل حاجة

و ما يعملش الا الصح

يعني دلوقتي

حاسة اني وحشة اوي

عشان المفروض كذا و كذا

لكن لسه عندي مشاعر الانعزال عن الناس

و لا زلت مش عايزة أقرب من حد

و للأسف لا زلت حتى اللحظة دي حاسة ان الناس و مشاكلها ....وجع دماغ

يمكن ده تمرد؟؟؟

تمرد على الشخص السوبر اللي أهلي ربوني أكون عليه

يمكن مبسوطة اني اكتشفت اني وحشة؟؟؟

لا زلت و انا بأكتب لكم برضه بأحلل نفسي

و مهتمة بحالي

هو ده مش غلط

بس لازم يبقى بحدود

متهيألي اني تجاوزت الحدود دي

و مش عارفة ارجع تاني

ساعدوني

[رضوي]

السلام عليكم ورحمة الله وبركاته

حبيبتي مصرية مغتربة

بداية عايزة الفت نظري ونظرك لحاجة مهمة جداً ........... مبداْ الفروق الفردية

مش كلنا بنقدر نسمع لبعض ............. مش كلنا عندنا مهارة الاستماع

احياناً بيكون هدفنا من الكلام هو الفضفة ............. مجرد الفضفضة في حد ذاتها بتريحنا ......... مابنتكلمش علشان نسمع حل لمشالكنا ....بس بنتكلم علشان عايزين نتكمل مع حد بنثق فيه تمام الثقة ........ ولما بنتكلم معاه بنكون عايزينة يسمعنا بس بنطلب منه ان يكون اذن صاغية لنا لكن مش كلنا بنقدر نكون آذان صاغية لبعض ......... دي مهارات وهبة من عند الرحمن

أنا معاكي انه كان لازم تسمعي صاحبتك وتديها الفرصة تتكلم وتشكي وتحكي ......... انتي بس تكوني مستقبل لكلامها ومستمع لحديثها إلي أن تنتهي من فضفضتها تبدئي انتي كلامك

لكن لايكلف الله نفساً إلا وسعها

انتي ممكن تغيري النقطة دي وتنمي مهارة الاستماع عندك ......... وتزودي صبرك وقدرتك علي الاستماع للآخر ............ مش صعب ابداً انك تعملي كدة

بالعكس

نيجي بقي للنقطة التانية

الانانية

حبيبتي اكدت معظم الدراسات ان الانسان اناني بطبعه ............ حتي في الحالات اللي بيضحي فيها من أجل الاخرين ..........برده أناني

طيب ازاي

أقولك ............ لما ييجي انسان يضحي علشان صاحبه ....... مثلا يضحي بوظيفة أو شقة أو عربية .........الخ

هو بيضحي علشان يعلو بمبدأ الاناينة عنده ......... علشان يعيش في حالة سلام داخلي مع نفسه ......... علشان يبقي في نظر نفسه انسان كويس ......... ببساطة علشان يقدر يعيش ويتعايش مع نفسه في أمن

النفس البشرية مكونة من 3 مكونات

- الانا

- الهو / الهي

- الانا العليا / النفس اللوامة

وطبعاً علشان الانسان يتعايش مع نفسه دايما بيلاقي صراع بين الانا والانا العليا ........ فيه ناس بتقدر تقتل الأنا العليا تماماً ( والناس دي هم المذمومين في المجتمع ) ............. وفيه ناس بتقدر تغلب الأنا العليا علي الأنا السفلي وتعيش في مثالية مع نفسها

وفيه ناس بتقدر توازن بين طلبات الاتنين

شكلي بدأت الخبطكم ..........

علشان نركز مع بعض

طبيعي جداً ان الانسان يكون اناني .............. لكن انانيتة دي بدرجات مختلفة من شخص للتاني

طبيعي جداً إن الانسان يبعد عن أي حاجة تضايقة أو تزعجه ويهرب لأي حاجة تفرحة وتدخل السرور عليه ............ بس برده بنسب متفاوته .......... المشكلة كلها فين ؟؟؟؟ المشكلة في النسب ............ اننا نقدر نظبط نسبه كل حاجة في حياتنا بالشكل اللي يناسب ظروفنا وطبيعة حياتنا

والا احساسنا بالذنب الشديد أو المثالية الشديدة ممكن يولد عندنا أزمة نفسية لا قدر الله لأننا في البداية حملنا نفسنا فوق طاقتها ........وهي تعبت من الحمل دة ......... فبتهرب من الحمل الزايد وتلجأ للاشعور للهروب به من الواقع المرفوض لعالم تاني كما ينبغي أن يكون وليس كما هو كائن فعلاً ............ ومن هنا بتبدأ الأزمة

طبعاً انا بتكلم في حاجة بعييييييييييييدة عنك تمام البعد ........... أنا بتكلم بصفة عامة

علشان مانبعدش عن موضوعك

كل ماهنالك ......... بلاش تحملي نفسك فوق طاقتها .......... بلاش دايماً تدوري علي ايه اللي المفروض يحصل .......... ادي لنفسك مساحة حرية تعمل اللي هي عايزاه في حدود حريتها الشخصية وبعيداً عن حريات الآخرين ........... من حقك مساحة حرية تعملي فيها الصح من وجهه نظرك انتي بس مش من نظرة المفروض !!!! لازم تديها مساحة حرية للتنفيس عنها

حاولي تغيري الحاجات اللي مضايقاكي في حدود الامكان واستطاعتك بس .......... بلاش تضغطي علي نفسك علشان تغيريها

( لايكلف الله نفساً إلا وسعها )

آسفة للاطالة

ولكي مني خالص التحيات والتقدير

[محمد الششتاوي]

الانانية

حبيبتي اكدت معظم الدراسات ان الانسان اناني بطبعه ............ حتي في الحالات اللي بيضحي فيها من أجل الاخرين ..........برده أناني

طيب ازاي

أقولك ............ لما ييجي انسان يضحي علشان صاحبه ....... مثلا يضحي بوظيفة أو شقة أو عربية .........الخ

هو بيضحي علشان يعلو بمبدأ الاناينة عنده ......... علشان يعيش في حالة سلام داخلي مع نفسه ......... علشان يبقي في نظر نفسه انسان كويس ......... ببساطة علشان يقدر يعيش ويتعايش مع نفسه في أمن

النفس البشرية مكونة من 3 مكونات

- الانا

- الهو / الهي

- الانا العليا / النفس اللوامة

وطبعاً علشان الانسان يتعايش مع نفسه دايما بيلاقي صراع بين الانا والانا العليا ........ فيه ناس بتقدر تقتل الأنا العليا تماماً ( والناس دي هم المذمومين في المجتمع ) ............. وفيه ناس بتقدر تغلب الأنا العليا علي الأنا السفلي وتعيش في مثالية مع نفسها

وفيه ناس بتقدر توازن بين طلبات الاتنين

شكلي بدأت الخبطكم ..........

علشان نركز مع بعض

طبيعي جداً ان الانسان يكون اناني .............. لكن انانيتة دي بدرجات مختلفة من شخص للتاني

طبيعي جداً إن الانسان يبعد عن أي حاجة تضايقة أو تزعجه ويهرب لأي حاجة تفرحة وتدخل السرور عليه ............ بس برده بنسب متفاوته .......... المشكلة كلها فين ؟؟؟؟ المشكلة في النسب ............ اننا نقدر نظبط نسبه كل حاجة في حياتنا بالشكل اللي يناسب ظروفنا وطبيعة حياتنا

والا احساسنا بالذنب الشديد أو المثالية الشديدة ممكن يولد عندنا أزمة نفسية لا قدر الله لأننا في البداية حملنا نفسنا فوق طاقتها ........وهي تعبت من الحمل دة ......... فبتهرب من الحمل الزايد وتلجأ للاشعور للهروب به من الواقع المرفوض لعالم تاني كما ينبغي أن يكون وليس كما هو كائن فعلاً ............ ومن هنا بتبدأ الأزمة

.

السلام عليكم

وأنا بقرا الموضوع كنت بفكر في نفس الكلام ده وكنت بستعد اني اكتبه

لكن حضرتك قلتى المعنى بشكل علمي راقي جدا وبشكل جميل ومبسط وانا استفدت منه كتير لانه زادني معرفة بالنقطة دي اللي ناس كتير اختلفت معايا فيها وعارضتني بشدة

تحياتي

وتحياتي للاخت كاتبة الموضوع

:)

[Damo]

انا متفقة مع كلام رضوى ان اي انسان لازم يكون عندو قدر معين من الانانية. بس مفيش مانع ان حد يحس ان عندو عادة ممكن تضايق اللي حواليه و يعوز يصلحها. و منها ممكن تكون الاهتمام باالنفس الزائد اللي ممكن يوصل للانانية المعروفة. موضوع بقى الانانية اللي عندك يا مغتربة معقولة زي الطبيعي ولا بزياده فده موضوع يرجعلك انتي تعرفي بنفسك.

انا شخصيا بكتشف فيا عادات في التعامل مع الناس التانيه و بفضل اني اغيرها. و زاي ما مغتربة قالت بلاقي فعلا العادات دي جاتلي من التربية.

[عبير يونس]

طبعا بأشكركم على التفاعل

حبيباتي رضوى و دامو

و الأخ الفاضل محمد الششتاوي

بس تعرفوا ايه الشعور اللي عندي دلوقت؟

لقيت نفسي عجباني كده

و مش عايزة اتغير

أنا فعلا معنديش مهارة الاستماع

و مش حينفع تبقى عندي

و ده فعلا فوق طاقتي

الصح بقى

اني زي ما انا مش عايزة اسمع

اني كمان ما اتكلمش و ما ضايقش حد بمشاكلي

لأني كمان لقيت ان الكلام بيتعبني أكتر ما بيريحني

و بعد الفضفضة اللي المفروض بتريح

في أغلب الحالات بتتعبني اكتر

الكلام ما بيحلش حاجة

ده تضييع لوقت المستمع

و نقل طاقة سلبية ليه

و هو الناس بإيديهم ايه

عشان الواحد يحملهم مشاكله فوق مشاكلهم

مفيش حل غير عند ربنا بس

هو وحده القادر على تفريج الهم

و هو الوحيد اللي ما بيملش و لا يزهق من عباده

و صدق المثل القائل:

الشكوى لغير الله مذلة"

"

تحياتي

[بركة]

اختنا الفاضلة العزيزة :

موضوعك اسمه كيف نعلو عن الانانية مش كيف نصبح مستمعين جيدين للاخرين

نعلو عن الانانية ليه حلول لكن ان نكون غير انفسنا صعب

شوفي انت تقصدي انهي ونكمل معاكي نقاش

:happy:

تم تعديل 3 أبريل 2010 بواسطة بركة

[عنبو]

كلام حضرتك غريب قووى

حضرتك قولتى فى الاول

الانسانة دي طوال الفترة الماضية

كانت و لا زالت أذن كبيرة تسمع لكل ما أقوله

اعطتني مساحات ضخمة للفضفضة

تسمع بكل ود و تحسس على مشاعري

و لا تتركني قبل أن أفرغ كل شحنة الهم و الغم

بدون انتقاد لاذع

ورجعتى قولتى

لأني كمان لقيت ان الكلام بيتعبني أكتر ما بيريحني

و بعد الفضفضة اللي المفروض بتريح

في أغلب الحالات بتتعبني اكتر

الكلام ما بيحلش حاجة

ده تضييع لوقت المستمع

و نقل طاقة سلبية ليه

هل حضرتك بتحبى الفضفضه ولا على حسب المزاج ساعات تحبى تتكلمى وساعات لا ؟

بس على العموم اللى اعرفه وعن تجربه يعنى ان اى شخص ممكن يغير فى نفسه اللى هو عاوزه اذا اقتنع اساسا من جواه انه المفروض يتغير

شكراً

[sarmar]

حضرتك وانتى بتصلى وانتى ساجدة مش ممكن تكلمى ربنا وتناجية على اساس انة الله وانة خالق وقوى وقادر وجبار وانتى ساجدة فى الارض راسك تتشرف بالذل لعظمتة وعلى الرغم من ذلك عندما تقومى من السجود تشعرى بمدى قربك من الرحمن الرحيم بل تشعرى بحنان يسرى فى كل كيانك لاتعرفى مصدر لة الا ان يكون بسبب سجودك لة

بهذة الطريقة بصرف النظر عن السجود لكن استحضرى نفسك وانتى على وضوء وقفى بين يدية خاشعة مبجلة لجلالتة وعظمتة واستحضرى مدى قوتة وضعفك ومدى كرمة وتقطيرك ومدى رحمتة وجفاؤك استحضرى انة احن من الام بوليدها حتى يرجع تخيلى مدى ذلك فى هذة الحالة ان استطعتى ان تحكى لة عن مابكى ستجدى منة العون اكثر من اى مخلوق وحاشى للة ان يتنافس او يتماثل مع اى من خلقة وللة المثل لاعلى

احكى لة وانتى خاشعة لاتتجرأى وتخاطبية الا كما يخاطب العبد اعظم ملك وملك الملوك فى الدنيا والاخرة لن تحتاجى بعد ذلك لمن تريدى من يفتح لكى اذنة ويسمع شكواكى سوف تستغنى بة عما سواة

بعد ذلك سوف تتغلب الانا العليا عندك على الانا

[عبير يونس]

كلام حضرتك غريب قووى

حضرتك قولتى فى الاول

الانسانة دي طوال الفترة الماضية

كانت و لا زالت أذن كبيرة تسمع لكل ما أقوله

اعطتني مساحات ضخمة للفضفضة

تسمع بكل ود و تحسس على مشاعري

و لا تتركني قبل أن أفرغ كل شحنة الهم و الغم

بدون انتقاد لاذع

ورجعتى قولتى

لأني كمان لقيت ان الكلام بيتعبني أكتر ما بيريحني

و بعد الفضفضة اللي المفروض بتريح

في أغلب الحالات بتتعبني اكتر

الكلام ما بيحلش حاجة

ده تضييع لوقت المستمع

و نقل طاقة سلبية ليه

هل حضرتك بتحبى الفضفضه ولا على حسب المزاج ساعات تحبى تتكلمى وساعات لا ؟

بس على العموم اللى اعرفه وعن تجربه يعنى ان اى شخص ممكن يغير فى نفسه اللى هو عاوزه اذا اقتنع اساسا من جواه انه المفروض يتغير

شكراً

ايوة بحب الفضفضة

بس كانت مع بابا الله يرحمه و ماما الله يرحمها

ثم صديقة مقربة جدا من أيام الشغل

و دلوقتي صديقتي اللي حكيت عنها

و غير الناس دي لا يمكن

بس بعد ما بارتاح

بارجع احس احاسيس وحشة جدا

واندم جدا اني حكيت

و اقعد ألوم نفسي ليه حكيت

فبأتعب أكتر

بأتعب لأني استرجعت الاشياء اللي ضايقتني تاني

و باتعب لأني أكيد سببتلهم غم بمشاكلي

و بأتعب ان الأمور برضه ما بتتحلش

تعرف يا عنبو

المحاورات دي أحسن حاجة لحالتي

لأننا كلنا مش عارفين بعض

و بنحكي على راحتنا

ومبنعطلش بعض

و لا بنزهق بعض

ربنا يخليكم ليا يارب

[عبير يونس]

حضرتك وانتى بتصلى وانتى ساجدة مش ممكن تكلمى ربنا وتناجية على اساس انة الله وانة خالق وقوى وقادر وجبار وانتى ساجدة فى الارض راسك تتشرف بالذل لعظمتة وعلى الرغم من ذلك عندما تقومى من السجود تشعرى بمدى قربك من الرحمن الرحيم بل تشعرى بحنان يسرى فى كل كيانك لاتعرفى مصدر لة الا ان يكون بسبب سجودك لة

بهذة الطريقة بصرف النظر عن السجود لكن استحضرى نفسك وانتى على وضوء وقفى بين يدية خاشعة مبجلة لجلالتة وعظمتة واستحضرى مدى قوتة وضعفك ومدى كرمة وتقطيرك ومدى رحمتة وجفاؤك استحضرى انة احن من الام بوليدها حتى يرجع تخيلى مدى ذلك فى هذة الحالة ان استطعتى ان تحكى لة عن مابكى ستجدى منة العون اكثر من اى مخلوق وحاشى للة ان يتنافس او يتماثل مع اى من خلقة وللة المثل لاعلى

احكى لة وانتى خاشعة لاتتجرأى وتخاطبية الا كما يخاطب العبد اعظم ملك وملك الملوك فى الدنيا والاخرة لن تحتاجى بعد ذلك لمن تريدى من يفتح لكى اذنة ويسمع شكواكى سوف تستغنى بة عما سواة

بعد ذلك سوف تتغلب الانا العليا عندك على الانا

كلام حضرتك عو عين الصح

انا اللي بأعمل في نفسي كده

ببعدي عن الخالق عز وجل

الصديقة اللي بتسمعني طبعا كتر خيرها

بس بجد الموضوع فوق طاقتها

بس على فكرة هي دايما بتذكرني بربنا

و اللجوء له سبحانه و تعالى

أنا اللي حاسة اني بقيت بعيدة عنه اوي

و لازم افوق من اللي انا فيه

ادعوا لي

[عبير يونس]

اختنا الفاضلة العزيزة :

موضوعك اسمه كيف نعلو عن الانانية مش كيف نصبح مستمعين جيدين للاخرين

نعلو عن الانانية ليه حلول لكن ان نكون غير انفسنا صعب

شوفي انت تقصدي انهي ونكمل معاكي نقاش

wst::

بركة

أنا آسفة اني مارديتش عليكي على طول

بس بجد أنا مش عارفة بجد ايه المشكلة عشان اقولها لكم

انا بس بأنقل أحاسيسي

و بأفكر معاكم بصوت عالي

من غير ما ارتب أفكاري

و لا أختار كلامي

اللي على بالي بأقوله

انا مش عايزة ابقى مستمعة

مش حأعرف أصلا

أنا بس عايزة ما اكونش ظالمة

يعني مش معقول

أبقى بأزهق من الناس و مشاكلهم

و أقوم أحمل الآخرين مشاكلي

هي دي الأنانية اللي أنا بأرفضها

أما حبي لنفسي فده انا مش زعلانة منه

و مش عايزة ألغيه

لأني لو مش بأحب نفسي أكيد مش حأعرف أحب حد

على فكرة أنا مبكرهش مساعدة الناس

أنا بس بأكره الزن و نقل الطاقة السلبية ليا

بصراحة مبحبش حد يتسلى عليا و يطلع همه فيا و يضيع لي وقتي

في ناس هوايتها كده

مبتبقاش عايزة منك حاجة غير انها تفش خلقها و خلاص

الناس دي بجد كرهتني في حياتي

و للأسف بيبقى صعب تفكي منهم بعد ما غلطتي و ادتيهم مساحة من وقتك و قلبك

أنا أصلي اترعبت لما صاحبتي قالتلي اني ما سمعتهاش و ماديتهاش فرصة تفضفض

خفت اوي اكون بقيت زي الناس اللي زهقوني دول

و حبيت اقف وقفة مع نفسي

عشان الحق نفسي

اقبل ما اتحول للشخصية البغيضة دي

يا ريت أكون عرفت أوصل لك اللي قصدته

[عبير يونس]

بعد سنتين

لازلت كما أنا !!!

زعلانة اوي

خيبت أمل كل اللي بيقرب مني

معنديش حاجة اديها لحد

معنديش غير اكتشافاتي وتأملاتي في الدنيا و بس

معنديش غير شوية افكار بأعرضها يمكن تفيد حد

يا كل المنتظرين مني أي شيء

سامحوني

عمري ما فهمت انتو محتاجين ايه

و صدقوني

لسه مش فاهمة

لأن الحاجات دي ما تتفهمش

لكن تتحس

و اكشفت مؤخرا اني معنديش احساس

و متهيألي ان ده ملوش دوا

اللي زيي اتخلقوا للعزلة عن الناس

عشان يتفرغوا للتأمل و الاكتشاف و الاندهاش

و النوعية دي

ما بتنجحش في العلاقات الثنائية

و متعرفش قانون الأخذ و العطاء!!!

لا أعرف عطاء سوى أن أعطي ما أمتلك من معرفة لا أبخل بها أبدا

و لا أملك غير الدعاء و الأماني الطيبة

أما الدعم و الاحتواء و الدفء

لا أعرف كيف أعطيهم لأحد و أنا لا أمتلكهم!!

و اتساءل بصدق

هل هناك حقا من يمتلك تلك الأشياء و يفيض بها على غيره؟!

أم أننا جميعا نبحث عنها في الآخرين

و لا نجد أبدا ما يكفينا منها؟؟؟

[رضوي]

حبيبتي عبير

دعم

احتواء

دفء

ثلاث أشياء يبحث كل منا عنها في اشخاص وجدوا في حياته

وفيه ناس بتدور جوانا على الحاجات دي

كل واحد فينا يببقى محتاج لحد يحتويه ... حد يديله الأمل .... حد يحسسه بأهميته في الحياه

وكل واحد فينا عنده القدره انه يدي الحاجات دي للي حواليه

يعني لما ابنك يكون داخل على امتحان صعب وانتي تدعمه وتأكديليه انه هيقدر يجتاز الامتحان دة وانه على قدر كبير جداً من القوة تمكنه من اجتياز ماهو أصعب

يعني لما يكون حد قريب منك تعبان وعنده ضغوط كتير وتقدري تحتويه وتحسسيه انه مش لوحده في الحياه وانه مش هو بس اللي بيدي لأ فيه حد تاني على استعداد انه يقف جنبه ويشد اذره

كلنا ربنا وهبنا القدرة دي بس بمقدار ...... المشكلة اننا ساعات بنصدق اننا ماعندناش المهارات دي ..... ودة مش حقيقي

احنا بس محتاجي نصدق اننا نقدر ...... المهم اننا نكون بنحب الاشخاص اللي قدامنا وعايزين نساعدهم ,,,,, ولو فعلاً احنا عايزين نساعدهم وصدقنا اننا نقدر نساعهدهم يبقى اكيد ان شاء الله هنقدر

اكيد بتمتلكي القدرة والمهارة ,,,,,,, بس صدقي انك تقدري وان شاء الله هتقدري