حد شاف اللي انا اللي انا شفته في السعودية؟؟

[محمد الششتاوي]

من حوالي اسبوعين كنت ماشي بالعربية وببص فوق كدا لقيت حاجة غريبة قوي في السما

لقيت خير اللهم اجعله خير حاجة عاملة زي الاباجورة كده والشابوه بتاعها ابيض وفي حاجة منورة نفس هيئة الاباجورة بس على كبير وطايره بشكل عمودي من تحت لفوق, هي لو كانت طايرة بشكل افقي كنت قلت طيارة بتصميم او بشكل جديد وخلاص, انما الهيئة دي وانها تطلع بالشكل ده استغربتله جدا جدا

المهم وقفت حاولت اني اصوره فيديو الصورة طلعت سوده خالص ومش باين منها اي حاجة.

المهم كبرت دماغي ونسيت الموضوع , قلت جايز تهيئات

المهم من يومين وانا قاعد في البيت مراتي جاتلي جري وقالتلي تعالي بسرعة في حاجة غريبة في السما

ماجاش في بالي الموضوع ده

روحت لقيت نفس الشيء وبنفس الشكل وطاير بشكل عمودي وهي مستغربة جدا زي ماكنت انا مستغرب في الاول.

ده بقى يطلع ايه ؟ وهل فيه حد تاني شاف الموضوع ده؟

تم تعديل 2 أبريل 2010 بواسطة محمد الششتاوي

[fatfouta]

عروستى

الحمد لله مش بفتح الشباك

انت فين فى السعودية يا استاذ محمد؟

واذاى كانت طايرة عمودى يعنى........حاجة تحير انت خوفتنى والله

[محمد الششتاوي]

عروستى

الحمد لله مش بفتح الشباك

انت فين فى السعودية يا استاذ محمد؟

واذاى كانت طايرة عمودى يعنى........حاجة تحير انت خوفتنى والله

انا في المنطقة الشمالية

طايرة عمودي يعني زي البالون كده , من تحت لفوق مش زي الطيارة يعني

كدهوت :lol:

كان نفسي يبقو ناس من بتوع الكواكب التانية واتصور معاهم wst::

[msayed]

ممكن دول زوار من كوكب تانى

على العموم مافيش داعى للفزع والفوضى

أنا مجهز مازنجر ولسه مزيته ومشحمه ومفوله بنزين

والواد ابنى عنده ساعة بن تن أصلية من نيو بوى

يعنى غزاة الفضاء دول بس يبدأوا الضرب وهم الجانيين على نفسهم

ماقلتليش ياعم إنت بتشوف الحاجات دى إمتى لحسن أنا بدأت أترعيييييييييييييب

سؤال أخير بقى

هى كذبة إبريل ممكن تيجى يوم ثلاثة منه؟

لازم الواحد يغطى كل الإحتمالات برضه

تم تعديل 2 أبريل 2010 بواسطة msayed

[محمد الششتاوي]

ممكن دول زوار من كوكب تانى

على العموم مافيش داعى للفزع والفوضى

عموماً أنا مجهز مازنجر

والواد ابنى عنده ساعة بن تن

http://users2.ml.mindenkilapja.hu/users/be...oads/Ben_10.jpg

ماقلتليش ياعم إنت بتشوف الحاجات دى إمتى لحسن أنا بدأت أترعببببببببببببببببببببب

سؤال أخير بقى

هى كذبة إبريل ممكن تيجى يوم ثلاثة منه؟

لازم الواحد يغطى كل الإحتمالات برضه

wst:: :lol: :blink: :blink:

القبضتان القاتلتان هع هع

لا والله ما هي كدبة ابريل ولا حاجة

فعلا حصل والله ومش لاقي تفسير

خد بالك بقى ممكن ينزلوا في اي حته وسمعت انهم بيخطفوا الناس اللي بيدخلوا المحاورات :lol:

[ذهبية]

انا طبعا كنت فى الاول باستغرب جدااا الحاجات دى

لكن لما عملت سيرش على اليوتويب من فترة ...... لان قريت عن الموضوع دة من زمان ......... لاقيت حاجات بجد عجب

من نفس اللوصف الى حضرتك بتقولة كدة

الى بعض الاشكال من الكواكب الاخرى و صور ليهم

من الضغير منها الى الكبير

يعنى ممكن حضرتك تدخل على اليوتويب........ و تشوف اللى انت بتقولة علية....... بيظهر من زمان جداااا

و قريت كمان ان الاسرار دى كلها معروفة........... و محتفظين بيها فى وكالة ناسا الفضائية فى امريكا

و تعبر من الاسرار القومية التى لا يطلع عليها الا الرئيس الامريكى فقط لا غير

اعمل بحث ابقى قولنا توصلت الى اية بالضبط

و

[الســـاري]

لو كانت الاباجورة الطائرة اللي تحكي عنها نفس دي اللي بمقطع اليوتيوب ...

http://www.youtube.com/watch?v=n9K5pBeZHow

يعني مقطع الفيديو هذا صحيح !!

[Mr MAGED]

لو كانت الاباجورة الطائرة اللي تحكي عنها نفس دي اللي بمقطع اليوتيوب ...

http://www.youtube.com/watch?v=n9K5pBeZHow

يعني مقطع الفيديو هذا صحيح !!

يا سبحان الله

الموضوع شكله بجد ولا ايه

بس اللي في اليوتيوب دي ... ممكن تكون مقطع من فيلم أمريكاني

ولا ايه ................

[الســـاري]

لو كانت الاباجورة الطائرة اللي تحكي عنها نفس دي اللي بمقطع اليوتيوب ...

http://www.youtube.com/watch?v=n9K5pBeZHow

يعني مقطع الفيديو هذا صحيح !!

يا سبحان الله

الموضوع شكله بجد ولا ايه

بس اللي في اليوتيوب دي ... ممكن تكون مقطع من فيلم أمريكاني

ولا ايه ................

الله اعلم .. !!

لا يبدوا لي تصويراً سينمائياً .. واول ما شفته قلت اكيد تركيب او حاجة ..

لكن ما قاله الاخ الششتاوي عن تشابه ما رآه مع الاباجورة خلى الفيران تلعب بعبي وتنط على قفايا ..

حيث تشبه هذه الاطباق الاباجورة بشكل كبير ..

[Simba]

أعلن علماء فضاء بلغاريون أنهم تمكنوا من الاتصال مع كائنات فضائية غريبة. وأعلنوا أن الكائنات الفضائية يراقبوننا ومستعدون لمساعدتنا ... يعمل حالياً العلماء من معهد البحوث الفضائية التابع للأكاديمية البلغارية للعلوم على فك شيفرة النقوش الظاهرة على الشكل المعروف بـدوائر المحاصيل والتي يدّعي الباحثون أن الكائنات الفضائية أجابوا من خلالها عن 30 سؤالا كانوا قد طرحوها عليهم.

وقال نائب مدير المعهد لاشهار فيليبوف "إنهم (الفضائيون) حولنا ويراقبوننا طوال الوقت، هم ليسوا عدائيين تجاهنا، يريدون مساعدتنا غير أننا لم نتطور بما فيه الكفاية لنتواصل معهم بشكل مباشر، إنهم مستعدون لمساعدتنا ولكننا لا ندري ما علينا أن نطلب منهم في حال حدوث الاتصال".

الله اعلم بحقيقة الخبر المنقول من موقع علي الشبكة

[قلب ابيض]

سبحان الله يا اخ محمد

اعدت الى ذهنى حادث منذ حوالى العشر سنوات 000

كنا فى طريق عمره بالبر000 وابنائى طوال الطريق مستيقظين ناظرين من الزجاج الخلفى للسياره واذا بأبنتى تصيح طبق طاااااير اهووو

فصرخنا فيها نااااامى " ظنا منا انها تهيؤات :happy:

وعند عودتنا كررتها ثانيه 0000وقالت انا شفت الطبق الطاير اللى فيه كائنات فضائيه !!!!(انا بكتيب فصحى ليه ؟) :lol:

طبعا سخرنا منها وافهمناها انها زى السراب كده 000مره تانيه واحنا فى العباره قالت انا شفت حوت والله فى البحر!!!

فقلنا البنيه لسعت يا ولداه......المهم انا قريت موضوعك ده وسالتها تانى دلوقتى حكيت لى بنفس التفاصيل وحلفت انها شافتها اكترمن مره فى السعوديه ومرضيتش تقولنا عشان مانزعقلهاش

اعتقد ان السبب هو مرتبط بنقاط الطاقه على سطح الارض

وعندما يتقاطع خطين،او عندما تنتج طاقة

من الارض فانها تنتشر بحركة لولبية

صعودا مع عقارب الساعة000بس علاقه ده بده ايه عاوز له بحث

اقولك يا ششتاوى انا هابحث فى الموضوع ده واجيلك تانى

[doha]

عادي ممكن تكون اطباق طائرة وممكن غير ذلك ..

الفيديو الي حطه الساري مثير للاهتمام فعلا .. يعني دققت فيه اوي اشوف ممكن يكون مزيف ولا لاه بس بصراحه من جمال التصوير ووضوحه تمنيت انه ميكونش كده ..

لقيت رابط تاني بيقول ان الفيديو ده مزيف والدليل لاحظ النخل هتلاقي كل النخيل واحد يعني كوبي وباست . .

على كل حال وايا كان مزيف او حقيقي فاحنا امام احتمالين ..

اولا لو كان الطبق الطائر ده او الاباجورة زي مابتسميه مجرد طائرة عسكرية او استطلاع زي مابيسموها فاحنا عمرنا ماهنعرف ببساطه لاننا عمرنا ماشفنا اطباق طائرة حقيقية وكل مابنشوف شكل ( الاباجورة ) ده ومن خبرتنا مع افلام الخيال العلمي على طول ارتبط في ذهننا انه هو ده شكلها ..

فطبيعي وزي ماالتقنية تطورة واصبح في كاميرات على شكل ساعه او قلم او ولاعه وغيرها من الاشياء المالوفه لدينا باستخدام آخر فبرضه توقع جدا ايه المشكلة يكون في طائرة عادي جدا وشكلها طبق طائر ؟

النقطه التانية كنت شفت مقطع على اليوتيوب لواحد اجنبي مش متذكرة امتى وكان بيقول ان الخطوة القادمه في الكام سنة الجايين ان الاطباق الطائرة هتظهر بجد وان الدول الكبرى هتعلن ان في غزو فضائي حاصل وكل ده لتوحيد العالم كله لمحاربة عدو واحد .. قال بان الافلام والمسلسلات والاخبار الي بيتم الادعاء ( بتسريبها ) من ناسا عن وجود سكان للفضاء او غيره ماهي الا تمهيد لهذا الاعلان ..

الله اعلم الحقيقة فين ..

عن نفسي لا استبعد وجود مخلوقات اخرى او اطباق طائرة وفي نفس الوقت لا اهتم بمحاولة البحث عن دليل على كده او نفيه ..

في سكان فضاء اهلا وسهلا .. مفيش ايه المشكلة ..

وعشان كده لا هندهش لو طلع فيه ولا هستغرب لو طلع مفيش ..

[OReX]

هتلاقيهم جاين بفيزا عامل ومتبهدلين يا عينى :lol: لا طايلين سما ولا طايلين ارض :happy:

استاذ محمد يعنى اللى انت شوفتة طبق طاير فعلا ؟

طيب يا ريت يا جماعة تشوفوا الفيديو دا فية كلام جميل اوى للدكتور مصطفى محمود

/?mjnwgj2mqef

[الســـاري]

لما كنت صغير واهبل ، كنت اقول لنفسي لو انا كائن فضائي واخترت اني انزل الارض اكيد بانزل بالسعودية لان منظرها على الخريطة مميز فأكيد رئيس الكوكب بيكون هناك .. خاصة واني جاي عمياني ما اعرف وين اروح و مين اكلم .. ذكاء زيادة البعيد عنكم ..

واخت ضحى ، انتي بموضوع سي السيد صوبتي اخطائي النحوية وهنا صوبتي الفيديو .. كان خليتينا نضحك شوي :happy:

طبعا الفيديو يقولوا تركيب واعتقادي كده برضو ... بس والله بصراحة موضوع الاباجورة اللي تكلم عنها الاخ الششتاوي هو اللي مخولني شوي ..

عموماً الله يحييهم عندنا ، وبلاش شغل التنفير يا عم OReX .. لا تفشلونا عندهم .. وان بغوا كفيل يسرني اكون اول كفيل لمخلوقات فضائية بالتاريخ .. بس احتياطاً باسحب جوازاتهم :lol:

الاية الكريمة تقول : ((سَنَفْرُغُ لَكُمْ أَيُّهَا الثَّقَلانِ)) .. ، استنتج من الآية الكريمة هذه ان الكائنات العاقلة الموكلة بالتكليف هم اثنين فقط ، الانس والجن .. لم يورد ثقل ثالث .. والله اعلم !

[عصام أبوالفتح]

أخ محمد اول ما تبادر لذهنى عند قراءة وصفك هو بالونات الارصاد

فهل يشبه ما رأيته هذا ؟

وكان بالليل ولا بالنهار

تبدو هذه الاشياء فى الظلام كأطباق طائرة فعلا

[محمد الششتاوي]

السلام عليكم

انا شوفت الفيديو بتاع الطبق الطائر وطبعا حافظ شكله من الافلام

بس هو مش شكل ده خالص

وكمان كان طالع بشكل رأسي

أنا مش مصر انه شيء يتبع لكائنات فضائية بس انا متأكد انه شيء غريب جدا واول مرة اشوف شيء بالشكل ده وطائر بالشكل ده

الله اعلم ده ايه بالظبط

الاخت قلب ابيض قالت ان اولادها شافوا نفس الشيء

منتظرين معلومات اكتر

:happy:

[محمد الششتاوي]

استاذ عصام أبوالفتح

قريب جدا من ده

وكان بالليل

مرة على 8.30 كده ومرة على حوالي عشرة

ده يطلع ايه بقى :happy:

على فكرة الشكل اللي تحت اقرب بكتير قوي

وكمان مصدر النور اللي فيها بيقوى ويضعف

زي الشمعة كده

تم تعديل 3 أبريل 2010 بواسطة محمد الششتاوي

[عصام أبوالفتح]

استاذ عصام أبوالفتح

قريب جدا من ده

وكان بالليل

مرة على 8.30 كده ومرة على حوالي عشرة

ده يطلع ايه بقى :blink:

على فكرة الشكل اللي تحت اقرب بكتير قوي

وكمان مصدر النور اللي فيها بيقوى ويضعف

زي الشمعة كده

يبقى فعلاً بالون ارصاد يا جميل

الحبال اللى تحت مش هاتشوفها فى الضلمة والصندوق الصغير اللى فيه المعدات والة النفخ الحرارى هو مصدر الاضاءة ومش هاتشوف منه غير الاضاءة المعكوسة على البالون

وطبيعى انها تقوى وتضعف

[doha]

استاذ عصام أبوالفتح

قريب جدا من ده

وكان بالليل

مرة على 8.30 كده ومرة على حوالي عشرة

ده يطلع ايه بقى bxg::

على فكرة الشكل اللي تحت اقرب بكتير قوي

وكمان مصدر النور اللي فيها بيقوى ويضعف

زي الشمعة كده

توقعت ان تطلع الصورة دي هي صورة مارايته ..

لما قريت وصف حضرتك في البدايه مش عارفه ليه جاء في بالي على طول ( قنديل البحر ) حسيت انك شفت حاجه زيه كده بيضاء وبتسبح في الهواء لاعلى ..

لما شفت الصورة الي حطها الاستاذ عصام ( الصورة الثانية تحديدا ) قلت بالظبط هي دي الي كانت في بالي . . شيء يشبه قنديل بحر كبير ..

هارد لك بقى يااستاذ محمد مطلعتش مخلوقات فضائية جايه تعمل عليك اختبارات ..

تتعوض بقى المرة الجايه باذن الله .. :blink:

[محمد الششتاوي]

اول مرة اشوف بالون الارصاد ده

يا خسارة

انا قلت الغزو قرب :blink: