فكره انشاء نادي للمغتربين الجدد بالسعوديه

[annas]

نظرا لان انا باقالي حوالي شهرين بس في المملكه ونظرا للحوسه والبهدله اللي انا فيها فكرت في عمل نادي للغلابه اللي ذي حالاتي نتكلم ونفضفض عن همومنا بسبب حاجااااااااات كتير:

ذي بهدله التنضيف

والاكل

واللبس

اما البعد عن الاهل والعيال اللي طول اليوم يكلموني بكلام يقطع القلب "بابي انت رحت عند ربنا" النهارده بنتي 4 سنوات بتقولي "انا بيعط عليك كتير يا بابي عشان مش بنام في حضنك " ويا سلام لو عيل تعبان وسخن وانت قلبك واكلك عليه ومن ده كتير

خد عندك بقي الناس اللي بتتعامل معاهم لاول مره وتثق فيهم وتحس انهم حبايبك .. يعني ي ي اخر حاجه وبعد شويه يشتكيك للمدير والحركات القارعه دي

وتلاقي ساعات مصريين من نفس مدينتك ويمكن من نفس المنطقه ولا كأنه يعرفك وقافل علي نفسه ببوابات حديد

وناس مش عاوزه توصلك بعربيتها برغم ساكنين في منطقه واحده قال ايه بيخاف من الحسد

وللاسف ولاد بلدك يسيبوك فريسه لغيرك من البنجال والفليبينين والعالم العجيبه دي

ونادر قوي لما تلاقي ولاد حلال يساعدك في الحصول علي سكن

مش عارف اقول ايه ولا ايه

المهم

دعــــــــــــــــــــــــــــــــــــــــــــــــــــــــــــــــــــــــــــــ

ــــــــــــــــوه

الي المغتربي القدامي كونوا رحماء باخوانكم الجدد

باب العضويه مفتوح مجانا للمغتربين الجدد وياللاااا مش مشكله عضويه شرفيه للمغتربين القدامي

الكارنيهات بالصور الشخصيه بعد اسبوع من دفع الاشتراك

[fatfouta]

اما البعد عن الاهل والعيال اللي طول اليوم يكلموني بكلام يقطع القلب "بابي انت رحت عند ربنا" النهارده بنتي 4 سنوات بتقولي "انا بيعط عليك كتير يا بابي عشان مش بنام في حضنك " ويا سلام لو عيل تعبان وسخن وانت قلبك واكلك عليه ومن ده كتيرالي

والله انت وجعتلى قلبى بالكلمتين دول ربنا يخليهالك ويجمعكم على خير قريب ان شاء الله

انا اعتبر من القدامى....اى خدمة اقدر اقوم بيها والله؟؟

بس ليه بتقول للمغتربين القدامى خليكو رحماء بالجدد؟؟؟ هو احنا عملنا لكم حاجة؟؟

ربنا معاك يارب

بس هقولك حاجة اصبر كده لما تبقى 6 اشهر فى السعودية هتلاقى نفسك بقيت كويس ان شاء الله wst::

[sarmar]

اما البعد عن الاهل والعيال اللي طول اليوم يكلموني بكلام يقطع القلب "بابي انت رحت عند ربنا" النهارده بنتي 4 سنوات بتقولي "انا بيعط عليك كتير يا بابي عشان مش بنام في حضنك " ويا سلام لو عيل تعبان وسخن وانت قلبك واكلك عليه ومن ده كتيرالي

والله انت وجعتلى قلبى بالكلمتين دول ربنا يخليهالك ويجمعكم على خير قريب ان شاء الله

انا اعتبر من القدامى....اى خدمة اقدر اقوم بيها والله؟؟

بس ليه بتقول للمغتربين القدامى خليكو رحماء بالجدد؟؟؟ هو احنا عملنا لكم حاجة؟؟

ربنا معاك يارب

بس هقولك حاجة اصبر كده لما تبقى 6 اشهر فى السعودية هتلاقى نفسك بقيت كويس ان شاء الله wst::

نعـــــــــــــــــــــــم اسمع كلام الحاجة فتفوتة وان شاء اللة هتكون كويس لان الموضوع بيتطور وانت نفسك بتتغير وتاخد على المكان بس حتى لو جلست سنين وسنين هيكون جواك احساس الغربة ايضا وسوف تتغلب على هذا الاحساس بانشغالك بعملك واتقانة والعلاقات الشخصية مع اصدقاء جدد سوف تملأ الفراغ الذى ربما تعانى منة

وعلى اى حال اخنا اخواتك وتحت امرك فى خدمة من اخ لاخية وربنا يوفقك

[msayed]

أحيانا فعلاً بيحصل بعض الجفاء عند المغتربين تجاه من يأتى جديد

والسبب الديناميكية الغريبة واللاثبات فى المجتمع هنا بالنسبة للمغتربين لكن ما أعرفش السعوديين عندهم نفس المشكلة ولا لأ.

فأول مرة بتصاحب واحد وتتعرف عليه وتاخذوا على بعض بل وتتداخل الأسرتان بتعارف الزوجات والأولاد وفجأة إما يتنقل مكان تانى او يجيله عقد عمل فى مكان تانى

وهنا الدنيا مش زى مصر، يعنى مش إنك شغلك يتنقل طنطا وإنت لسه ساكن فى بيتكم إللى فى القاهرة وتقعد ثلاثين أربعين سنة فى نفس البيت

لأ

لو واحد شغال وساكن شمال الرياض وبعدين إتنقل جنوب الرياض يقوم واخذ عزاله وناقل فى سكن جديد جنوب الرياض وتنقطع علاقته بشمال الرياض بسبب المشاغل وضغط الشغل.

وبالتالى تلاقى أعز أصحابك إللى اتصاحبت عليه فجأة بقى بعيد

وبعدين تصاحب واحد تانى ويحصل نفس الموضوع

فيبقى عندك فتور إنك تصاحب حد تانى.

ليا واحد صاحبى قاعد فى سكن العزاب فى الشركة من ييجى أربع سنين

لقيته بيعامل زميله فى السكن معاملة جافة جداً مع إنه غير كده خالص

وفهمت منه أنه من كثر ما بييجى واحد يقعد معاه فى الشقة ثلاث أربع شهور ويمشى أحاسيسه إتبلدت ومبقاش يهتم مين ييجى ومين يروح.

تم تعديل 3 أبريل 2010 بواسطة msayed

[عنبو]

انت فين فى المملكه ؟

[gazouly]

عندك حق معرفة الغربة بتكون شبه معرفة الجيش في زمالة و صداقة طول ما في شركة واحدة او سكن واحد

و بعد كدة خالتي و خالتك و تفرقوا الخالات

مغترب قديم

[مصطفى بيبو]

انا اعتبر قديم هنا لان بأقلي حولي سنتين ونصف لو تحتاج أي مساعدة أو أي أحاول اساعدة أن استطعت إن شاء الله

اخوك مصطفى مدخل بيانات مقيم في المنطقة الشرقية - الظهران

[gazouly]

انا اعتبر قديم هنا لان بأقلي حولي سنتين ونصف لو تحتاج أي مساعدة أو أي أحاول اساعدة أن استطعت إن شاء الله

اخوك مصطفى مدخل بيانات مقيم في المنطقة الشرقية - الظهران

مرحب يا درش

انا علي كدة من قدماء المصريين في المملكة من الاسرة الحادية عشر

تم تعديل 3 أبريل 2010 بواسطة gazouly

[AbkaReno]

هوا انا مفهمتش الموضوع عن ايه بالظبط..بس ياريت توضح شويه

[annas]

اما البعد عن الاهل والعيال اللي طول اليوم يكلموني بكلام يقطع القلب "بابي انت رحت عند ربنا" النهارده بنتي 4 سنوات بتقولي "انا بيعط عليك كتير يا بابي عشان مش بنام في حضنك " ويا سلام لو عيل تعبان وسخن وانت قلبك واكلك عليه ومن ده كتيرالي

والله انت وجعتلى قلبى بالكلمتين دول ربنا يخليهالك ويجمعكم على خير قريب ان شاء الله

انا اعتبر من القدامى....اى خدمة اقدر اقوم بيها والله؟؟

بس ليه بتقول للمغتربين القدامى خليكو رحماء بالجدد؟؟؟ هو احنا عملنا لكم حاجة؟؟

ربنا معاك يارب

بس هقولك حاجة اصبر كده لما تبقى 6 اشهر فى السعودية هتلاقى نفسك بقيت كويس ان شاء الله :closedeyes:

معذره يا فتوته

ماقصدت اثاره مشاعر حزينه لك

وشكرا علي رقه كلماتك

وياريت الخناشير ولاد بلدي اللي معايا في الشغل يحسوا علي دمهم ويكسروا اطنان الخشب والجبس اللي لبسينها علي وشوشهم

[annas]

نعـــــــــــــــــــــــم اسمع كلام الحاجة فتفوتة وان شاء اللة هتكون كويس لان الموضوع بيتطور وانت نفسك بتتغير وتاخد على المكان بس حتى لو جلست سنين وسنين هيكون جواك احساس الغربة ايضا وسوف تتغلب على هذا الاحساس بانشغالك بعملك واتقانة والعلاقات الشخصية مع اصدقاء جدد سوف تملأ الفراغ الذى ربما تعانى منة

وعلى اى حال اخنا اخواتك وتحت امرك فى خدمة من اخ لاخية وربنا يوفقك

جزاك الله خيرا

صحيح بجد فيه مصريين جدعان كتيير

ربنا ما يحرمني منكم كلكم

[annas]

انت فين فى المملكه ؟

انا يا استاذ عنبي في خميس مشيط

ونفسي بقي حد يكلمني من بره الشغل عشان اكسر الملل والشلل اللي انا فيه

بس علي فكره كلام كل الاعضاء بجد لذيذ ومريح نفسيا ع الاخر

شكرا للجميع

برغم ولا مغترب جديد اتكلم يعني

[mekkawy]

السلام عليكم

ايه يا بومبو زعلان ليه بس

أخوك مكاوي بقالي اسبوعين ... براند نيو يعني :) ... بص يا باشا ... اليك بعض النصائح الهامة و المفيدة في طبخة طبق اليوم.

المقادير: كثير من الجبلنة مع خلطة الصبر الشهيرة .. بعض من المشاعر القليلة مع كثير من التنفيض لنفسك و للأخرين كل بحسب طاقته .. أضف الى الخليط كثير من تطنيش المعقب في اصدار الاقامة و ما الى ذلك ... ضع الخليط في الثلاجة حتى يبرد.

الطريقة:

1 - اوعى و اياك ثم اياك تنتظر حاجة من حد ... سيرفايف يورسيلف

2 - بنفس طريقة رقم واحد محدش بينفع حد ... سيرفايف يورسيلف بردو

3- بالنسبة للأولاد و الله معلش هي مرحلة و بتعدي لو حطيتها في دماغك هتتعب أوي ... انا كمان عندي بنتي وحشاني جداً بس لو فكرت هأتعب ... شغل شغل شغل و في اقرب فرصة تعمل استقدام و ما تستناش يوم واحد.

4- ما تتسرعش في الصحوبية و ما تستعجلهاش ... رب اخ لم تلده امك .. بس ربنا يبعتهولك قريب.

5 - هي كدة كدة خنقة ... فما تقعدش تقول ... مخنوق ... قرفان ... زهقان ... حشان ما تحش بيها أكتر.

6- ارفع اعظم شعار للمغترب......... كله بيفوت

7- بالمناسبة يا شباب ... بلاش احنا و هم و قدام و جداد ... و الله الواحد حاسس انه في بيته بسبب الناس اللي في الموقع ده ربناي بارك فيهم كانوا مع الواحد من أول ما فكر و قال يا سفر و حتى في المطار و الى بعد أن وصلنا ... ربنا يعزكم و الله بجد

مكاوى من دار الحكمة wst::

تم تعديل 4 أبريل 2010 بواسطة mekkawy

[عنبو]

رجاله وتشيل جبال

[مصطفى بيبو]

محدش مقيم في المنطقة الشرقية الدمام أو الظهران يعرف أماكن كويسة للخروج

[hosambob]

كل الل انت بتحس بيه دلوقتي .. مريت بيه .. و بعد كدة مشي الحال و اتعودت و لكن ؟؟؟؟ جبت اهلي زيارة و دة كانت الغلطه ؟؟ بجد غلطة ؟؟؟

أولا : الولد كان مش عارفتي أول ( 4 ) أيام و كان بيعيط لما نيجي ننام بالليل مش عاوزني جمبه و الحمد الله بعد كدة اتعود و بقي بيعيط لما اجي انزل الشغل

ثانيا : فتور الحياة الزوجية ( الحوار بيني و بين زوجتى ) مفيش حوار زي الأول مفيش كلام ..

ثالثا : و ده الأهم ( لما مدة الزيارة أنتهت و قررت انهم يرجعوا ) و بعد ما سافروا ( غربة من تاني ) او بجد ( غربة اصعب من الأول ) لحد دلوقتي مش عارف اسيطر علي الأكتئاب اللي عندي و بحاولي اشغل نفسي بالشغل طوال اليوم علشان انسي بس مليش مزاج من حاجة خالص كل اللي بفكر فيه دلوقتي اني ارجع مصر أمته كمان كام شهر و بقول يعدو بسرعة ان شاء الله ..

ربنا يكون في عون كل المتجوز و عنده عيال صغيرين و سابهم و سافر علشان تحسين الدخل أو لقمة العيش ...

و سلمولي علي مصر ... سلمولي ...

[ozoozo]

انت ساكن فين في الخميس وشغلك فين؟

انت ممكن تروح حي الهميله هاتلاقي هناك قهوه المصريين هاتلاقي كل حاجه مصريه هناك من عيش بلدي وابيض وفول وطعميه مصري

وهاتحس هناك بجزء من روح مصر المفقوده

[محمد الشافعى]

لسلام عليكم ورحمة الله وبركاته

كنت من فترة بستفسر عن تأشيرة سائق خاص والحمد لله انكم افتدونى فى الموضوع ده والحمد لله سافرت وحاليا موجود بالرياض بالمنفوحه على فيزا حره عامل معمارى بقالى شهر بس للأسف الوظايف الموجوده حاليا مصف بضائع أو بائع وكلها بمرتبات قليله جدا 1500أو1800 وبعت السى فى على اكثر من مؤسسه بس بدون رد http://www.BLOCKED77/file/256714093/36ef.../___.htmlالرابط ده عليه السيره الزاتيه لو فى حد من الأخوه الى معانا هنا فى مجال المحاسبه او اى مجال اخر يقدر يساعدنى وده اميلى m_abdelshafy87@yahoo.com

[engmido]

الاستاذ ozozoo

اعتقد فى خميس مشيط

[annas]

السلام عليكم

ايه يا بومبو زعلان ليه بس :lol:

أخوك مكاوي بقالي اسبوعين ... براند نيو يعني wst:: ... بص يا باشا ... اليك بعض النصائح الهامة و المفيدة في طبخة طبق اليوم.

المقادير: كثير من الجبلنة مع خلطة الصبر الشهيرة .. بعض من المشاعر القليلة مع كثير من التنفيض لنفسك و للأخرين كل بحسب طاقته .. أضف الى الخليط كثير من تطنيش المعقب في اصدار الاقامة و ما الى ذلك ... ضع الخليط في الثلاجة حتى يبرد.

الطريقة:

1 - اوعى و اياك ثم اياك تنتظر حاجة من حد ... سيرفايف يورسيلف

2 - بنفس طريقة رقم واحد محدش بينفع حد ... سيرفايف يورسيلف بردو

3- بالنسبة للأولاد و الله معلش هي مرحلة و بتعدي لو حطيتها في دماغك هتتعب أوي ... انا كمان عندي بنتي وحشاني جداً بس لو فكرت هأتعب ... شغل شغل شغل و في اقرب فرصة تعمل استقدام و ما تستناش يوم واحد.

4- ما تتسرعش في الصحوبية و ما تستعجلهاش ... رب اخ لم تلده امك .. بس ربنا يبعتهولك قريب.

5 - هي كدة كدة خنقة ... فما تقعدش تقول ... مخنوق ... قرفان ... زهقان ... حشان ما تحش بيها أكتر.

6- ارفع اعظم شعار للمغترب......... كله بيفوت

7- بالمناسبة يا شباب ... بلاش احنا و هم و قدام و جداد ... و الله الواحد حاسس انه في بيته بسبب الناس اللي في الموقع ده ربناي بارك فيهم كانوا مع الواحد من أول ما فكر و قال يا سفر و حتى في المطار و الى بعد أن وصلنا ... ربنا يعزكم و الله بجد

مكاوى من دار الحكمة

يا عم الشيخ

يا مولانا

افهمني الخلطه الملهلبه دي عاوزه واحد جتته منحسه من كتر اكل الحراق قصدي من كتر السفر او واحد كده يعني ذي خوط الصعيد واد دايس ومخلص

صايع بحر ومن الاخر..................................عقبالنا قول ان شاء الله

انا لما بقول مغتربين جدد يعني ناس مسافره وسايبه اهلها لاول مره

وانا عمري ماانكر ان الواحد استفاد كتير من الموقع الجبار ده بس تقولي انك حاسس انك في بيتك دي بقي صعبه

بس نفسي بقي اكلم الناس دي ويبقوا معايا لايف لايف مش بس حروف وايكونات يبقي ساعتها فعلا انت في بيتك