أتيلــــــــــــــــــــــيه الهـــــــــوانــــــــــــــــــــم

[fatfouta]

بسم الله الرحمن الرحيم

من اولها كده عاوزة نباهة عشان انا طول عمرى بكره التدريش يعنى مش بعرف اوصل المعلومة وتلاقينى احتاست من الاسئلة........اوكى يا نون؟؟؟

على فكرة اللى عاوز ييجى من السوالمة يتفرج ماعندناش اى مشكلة بس ده اتيليه حريمى بس يعنى مش هعمل حاجة رجالى.....اوكى يا سوالمة؟؟

قبل ما تكلم عن الادوات اللى هنعوزها مع بعض عاوزة اقول حاجة هى كانت الفكرة فى انى اذاى اعلمكم تعملوا جيبة او بنطلون لنفسكن بطريقة سهلة ومبسطة وكمان ممكن اوريكوا تحطوا الباترون عالقماش اذاى

بس لقيت الموضوع وسع وفيه ناس عاوزة تتعلم بجد وشيكو عاوزة تعمل مقلمة ومريلة وحاجات كده........ماشى يا شكشك هنعمل كا حاجة مع بعض ماتقلقوش ولو عاوزة تدوير الملابس كمان مش مشكلة

الموضوع هيبقى عبارة عن سؤال وجواب بمعنى ان اللى عاوزة تسأل على حاجة مش فاهماها فى الشرح انا هعيدها تانى

وممكن كمان احط بعض الصور التوضيحية.......واللى مش هتفهم هعيد تانى وامرى لله

بس نخلص حاجة حاجة يعنى ماكونش بتكلم فى المريلة تيجى واحدة تنط تقوللى اعمل اذاى تنية الجيبة هنبدأ بحاجة حاجة ولما تخلصوا اسئلتكم عليها نشتغل فى التانية..ممكن يا نون؟؟

وكمان عاوزة اشوف بعد كل حاجة هنشرحها تجاربكن يعنى عملتوها ولا لأ؟؟ وطلعت ايه؟ وغلطتن فى ايه؟ وهكذا

ياللا نون نبدأ بسم الله

المداخلة الجاية هحط الادوات المطلوبة بس خليكن معايا :blink:

[fatfouta]

اولا : الادوات المطلوبة

كراسة التفصيل

دى لازم على فكرة عشان هنعمل منها المازورة الصغننه اللى فى الصورة دى اللى هنعمل عليها الاول عشان مش هنجرب على قماش كبير وبالتالى هنستخدم المازورة الورق وهقولكم تعملوها اذاى

..

المارزورة

مقياش القماش نفسة ودى لازم فى الخطوات اللى هى بعدين عشان لما تيجى تعملى جيبة لنفسك وتقيسى مقاساتك او تعملى حاجة لولادك او كده يعنى

..

ورق الباترون

ده برضو مهم لاننا فى الاول هنشتغل عليه او على قطع قماش قديمة عندنا واللىى هتقوللى عليه غالى تبقى تستخدم ورق الجرايد مافيش مشاكل بس انا افضله طبعا عشان لما نعام عليه نبقى شايفين العلامات

..

يتبع

[fatfouta]

الدبابيس الابرة

دى اللى هندبس بيها الورق واحنا بنجرب طبعا او القماش

..

الإبر

لازم طبعا يبقى معانا إبر اومال هنشتغل اذاى؟؟ بصوا فيه ابره اسمها نمرة 7 او 8 دول بيبقوا حلوين اوى ومريحين فى الخياطة وبيبقوا رفيعين كده وسمباتيك وبيدخلوا فى القماش بسهولة

..

المارك او عجلة اتعليم عالقماش

المارك ده هنستخدمه عالورق عشان نعلم بيه طبعا

..

اما العجلة فدى خليها فى القماش وممكن نستغنى عنها ونستخدم المارك علطول زده شكلها

..

يتبع برضو

تم تعديل 3 أبريل 2010 بواسطة fatfouta

[fatfouta]

الخيوط

طبعا عارفينها ولا غنى عنها فى التفصيل

..

القماش

وده ان شاء الله لما تبقوا شطار وتنفذوا بنفسكن

..

المقص

وهنستخدم نوعين واحد للقماش وواحد للورق عشان بتاع القماش لما بنستخدمه فى الورق بيتلم وبيعض بعد كدع فى القماش

قلم رصاص

عاوزينه عشان هنعلم بيه عالورق بس والقماش لأ طبعا

حضروا الحاجات دى واندهوا عليا :blink:

[رضوي]

السلام عليكم ورحمة الله وبركاته

الف الف مبروك علي المشروع الجديد يافتفوتي........... بس بجد هايل

طب سؤال ع الماشي كدة معلش

وسيلة الخياطة بقي .؟؟؟؟؟؟ ياتري هنستعمل ماكينة الخياطة ؟؟؟؟

ولا ناويين تخلونا نخيط بادينا ولا ايه بالظبط ؟؟؟؟

طيب حاضر حاضر

هتابع في صمت

هربع ايدي واسكت خاااااااااااااااالص .......... ولا نفس

بس يعني معلش اصلي بحب ادقق شوية .......... ممكن تقوليلي ايه أفضل أنواع القماش اللي ممكن نستخدمها في تفصيل الجيبة ؟؟؟

[mama nona]

الله ينور يا ابله فتفوته ....قصدى يا اسطى فتفوته

بجد مشروع جميل ومفيد

ان شاء الله ونعمل اتيليه متكامل من كله

انا ليه فالكروشية والليسيه والتابلوهات والمفارش السيرما ومكمان تطريز السيرما

الاهم بقى ال انا عاوزاكى تعلميهولى ازاى اقصر او اضيق ملابس عندى

مش مهم تردى على سؤالى الوقتى

ابدئى وسيرى يا نورماندى على بركة الله

اخلص بس من السفر والذى منه وافضالكم

سلام

[shiko]

تسجيل متابعة...

استمرى ...

[زهره]

تسجيل متابعه يا فتافيت السكر wst::

[pocy]

بسم الله ماشاء الله

ممتاز جدا الموضوع ده لشغل الفراغ

تسجيل متابعه يا فتفوته وانا هقعد فى صمت لحد ما اعملكم حاجه تحفه ان شاء الله

[pocy]

امال فين أبله فتفوته

هى نسيتنا النهارده ولا ايه ؟؟؟؟؟؟؟؟؟؟؟؟

طب انا قاعده من الصبح ومحدش عبرنا هنا ولا ايه ؟؟؟؟؟؟؟؟؟؟؟؟؟؟؟؟

يا ابله يا ابله انتى فين ؟؟؟؟؟؟؟؟؟؟؟؟؟؟؟

[لونا]

مبروك إفتتاح الأتيليه

كلنا آذان صاغية

[ام نور محمود]

الف مبروك افتتاح الاتيليه يافوفوت

يارب نكون تلاميذ نجباء ومش نتعبك معانا

انا معاك يامعلم

[pink rose]

انا هنا اهووووووووووووو

و مربعة ايدي و مفنجلة عينيا

و فاضيالكم خاااااااااااااااالص خااااااااااااااااااااااالص

يا سلام يا ولاد و الله و هاروح زنقة الستات تاني ههههههههههههههه

عشان اجيب الادوات اللي طلبتها ابلة الاسطى فتفوتة

[fatfouta]

امال فين أبله فتفوته

هى نسيتنا النهارده ولا ايه ؟؟؟؟؟؟؟؟؟؟؟؟

طب انا قاعده من الصبح ومحدش عبرنا هنا ولا ايه ؟؟؟؟؟؟؟؟؟؟؟؟؟؟؟؟

يا ابله يا ابله انتى فين ؟؟؟؟؟؟؟؟؟؟؟؟؟؟؟

انا هنا يا بوسى كنت فى المستشفى حضرتك ولسه جايه زراعى اليمين كله اتحرق والحمد لله

عادى ماحدش يتخض واخدة عالحوادث....بس المشكلة انهم حجزونى فى المستشفى وطالعة بإقرار من جوزى ماكانوش راضيين يخرجونى...بس هربت برضو عشان العيال

الحمد لله على كل شئ

انا بقولكم كده بس مش عاوزة الموضوع عشان خاطرى لو بتحبونى يتحول لسلامات عاوزين نشتغل بجد عشان بجد عندى افكار حلوة قوى وهتنفعكوا

وعندى اشكال كمان لستائر بالزراير كنت عملتها فى شقتى ساعة الجواز لانها شكلها رقيقة وبسيطة جداااا هتعجبكوا قوى

بس عاوزاكوا تجيبوا الادوات بجد عشان نبتدى نشتغل

وقولوا عاوزين نيتدى بأيه

اهم حاجة يا بنات كراسة التفصيل عشان هى اللى هنعمل منها المازورة اللى هنشتغل منها مبدئيا وهنسجل كمان فيها كل اللى عملناه

مااااااااااااشى

[fatfouta]

السلام عليكم ورحمة الله وبركاته

الف الف مبروك علي المشروع الجديد يافتفوتي........... بس بجد هايل

طب سؤال ع الماشي كدة معلش

وسيلة الخياطة بقي .؟؟؟؟؟؟ ياتري هنستعمل ماكينة الخياطة ؟؟؟؟

ولا ناويين تخلونا نخيط بادينا ولا ايه بالظبط ؟؟؟؟

طيب حاضر حاضر

هتابع في صمت

هربع ايدي واسكت خاااااااااااااااالص .......... ولا نفس

بس يعني معلش اصلي بحب ادقق شوية .......... ممكن تقوليلي ايه أفضل أنواع القماش اللي ممكن نستخدمها في تفصيل الجيبة ؟؟؟

بصى يا رضوى هو لازم طبعا عشان تفصلى لنفسك يبقى عندك ماكينة خياطة لكن احنا هنبدا كده دلوقتى لغايت مانتعلم اذاى نعمل بجد وبالمقاسات هنعمل عالورق او قماش قديم عندنا او اى حاجة قديمة هنشتغل عليها بالمازورة الصغننة

نجحت........ وهتنجح ان شاء الله هنبتدى بعدها ننفذ الكبير ونعمل جيبات وبنطلونات لنفسنا

المهم انا هبقى اشرح بالكلام واللى مش هتفهم هصورلها وامرى لله

قماش تستخدمية فى ايه بالضبط؟؟ مش فاهمة سؤالك

لو على التعليم هاتى اى حاجة قديمة عندك بس بلاش الجينز عشان مايضايقيش وانتى لسه بتتعلمى

اوكى يا اوختشى

تم تعديل 3 أبريل 2010 بواسطة fatfouta

[fatfouta]

الله ينور يا ابله فتفوته ....قصدى يا اسطى فتفوته

اللى هتقول فيكن يا اسطى...هقعدها ورا ومش هخليها تشوف حاجة

وانتى بالذات انا عارفة هتجيلى بعد كام صفحة تقوليلى الله يخليكى وقفى عشان الحق اقرأ ...فاهماكى انا

بس عاذراكى عشان السفر وكده....مستنياكى ياللا

[fatfouta]

طب على ماتجيبوا الحاجة هقولكن اذاى تعملن المازورة الورق واللى قلبها جامد بقى فيكن تبقى تشتغل عالقماش علطول

بعد ماتجيبى كراسة التفصيل اقطعى صفحة منها واتنيها مرتين بالطول هيبقى عندك شريك طويل

بما انها هى مربعات صغننه....حضرتك هتكتبى فى كل مربع الارقام بالتسلسل ذى اللى فى الصورة التوضيحية اللى فى المداخلة رقم 2

وبعدين اعملوها واركنوها على جمب لما ارجعلكن

[doudy]

تسجيل متابعة يا فتافيتو

موضوع رى العسل زيك wst::

[pink rose]

فين يا ستي الاتيليه و الموديلات و الزباين

انا عاوزة اتعلم اعمل فساتين زي دي