خلاص قررت اسافر الاجازة بالسيارة

[essamlotfy]

اخواني الاعزاء المحاوراتية wst::

ربنا اكرمني وقررت اسافر اول اجازة ليه بعد 18 شهر غربة بالسيارة عن طريق العقبة - نويبع :110:

اللي نفسة ينزل ونبقي صحبة يتفضل و اول خطوة عملتها - طلعت دفتر التربتك كلفني 320 ريال وخدته وانا واقف مفيش 10 دقايق :110:

ارجو الدعاء بالتوفيق

واللي عنده نصايح هأكون شاكر جدا جدا :110:

وهنا صورة الدفتر

وسأواليكم بالاخبار أول بأول

[ام نور محمود]

تروح وترجع بالسلامة ان شاء الله

واسمحلي ادخل من وقت للتاني اشوف حضرتك وصلت لأيه عشان جوزي عايز ينزل بالعربية برضه بس كمان سنه

ماهو تيجي تصيده يصيدك :wub:

[ام نور محمود]

جوزي لسه داخل من الشغل وسألته عشان صاحبه كان نزل بالعرة من كام شهر

بصراحة اتكسفت ادخل الموضوع بايدي فاضية

هو صاحبه شحن العربية لتبوك وركب الطيارة من الرياض لتبوك وكان في بيته في المنصورة بعدها ب 12 ساعة

ودفع حوالي 200 جنيه للوحة بتاعة الارقام

وبس

ربنا ييسر لك طريقك يارب

ومش تنسى تحكي لنا تجربتك عشان نستفيد

[gazouly]

توصل بالسلامة

انا نزلت مرتين بالعربية اخر مرة من سنتين بس شحن جدة السويس معرفش خط العقبة ده

اهم حاجة جاية علي ذهني دلوقت قبل انتهاء الاجازة لازم تجيب شهادة مخالفات موقعة و مختومة بختم النسر

انا من القاهرة و كنت باجيبها من الدراسة و انا بعمل تصريح العمل الاتنين امام بعض

الا اذا النظام اتغير

[se_ Elsyed]

الموضوع مش بالبساطة دي يا جماعة

ياريت تعملوا بحث في باب المغتربين لأن في عدة موضوعات تتحدث بأستفاضة عن موضوع السفر بالسيارة

[engmido]

اود ان افهم ما هو الغرض من السفر بالسيارة

هل توفيرا للنفقات ام ماذا؟؟؟

معلوماتى انه ليس اسهل من الطيران خصوصا فى ظل وجود ناس وسما

ارجو التوضيح...خاصة على حد معلوماتى ان السيارات لها مش عارف رسوم واذا كانت هتستقر فى مصر يبقى جمارك دبح

ارجو التوضيح

[صافى]

:closedeyes: :lol: wst:: تروح وترجع بلسلامة سالم غانم يارب

[essamlotfy]

جوزي لسه داخل من الشغل وسألته عشان صاحبه كان نزل بالعرة من كام شهر

بصراحة اتكسفت ادخل الموضوع بايدي فاضية

هو صاحبه شحن العربية لتبوك وركب الطيارة من الرياض لتبوك وكان في بيته في المنصورة بعدها ب 12 ساعة

ودفع حوالي 200 جنيه للوحة بتاعة الارقام

وبس

ربنا ييسر لك طريقك يارب

ومش تنسى تحكي لنا تجربتك عشان نستفيد

جزاكي الله خير علي ردك علي الموضوع ،

بالنسبة لشحن السيارة لتبوك هايكون افضل لتقصير مسافة السفر،

لكن انا بعشق السفر والتجول بين البلاد والصحاري ورؤية خلق الله سبحانه وتعالي

ولذلك ناوي أبدأ من الرياض الي حائل ثم تبوك ومن بعدها الي حدود الاردن ان شاء الله

[essamlotfy]

توصل بالسلامة

انا نزلت مرتين بالعربية اخر مرة من سنتين بس شحن جدة السويس معرفش خط العقبة ده

اهم حاجة جاية علي ذهني دلوقت قبل انتهاء الاجازة لازم تجيب شهادة مخالفات موقعة و مختومة بختم النسر

انا من القاهرة و كنت باجيبها من الدراسة و انا بعمل تصريح العمل الاتنين امام بعض

الا اذا النظام اتغير

شكرا علي ردك اخي العزيز،

فعلا حكاية شهادة المخالفات دي مهمة،

ومرة تانية شكرا علي المعلومة القيمة وتم تسجيلها في دفتر الملاحظات.

[essamlotfy]

اود ان افهم ما هو الغرض من السفر بالسيارة

هل توفيرا للنفقات ام ماذا؟؟؟

معلوماتى انه ليس اسهل من الطيران خصوصا فى ظل وجود ناس وسما

ارجو التوضيح...خاصة على حد معلوماتى ان السيارات لها مش عارف رسوم واذا كانت هتستقر فى مصر يبقى جمارك دبح

ارجو التوضيح

أخي العزيز engmido ،

هو الغرض فقط الاحساس بمتعة السفر و التجول في بلاد المسلمين ( السعودية - الاردن - مصر سيناء ) وليس تخفيض النفقات،

لأن بحسبة بسيطة وجدت ان السفر بالسيارة تكلفته اعلي كتير من الطيران، بس أهي تجربة جديدة - ارجو الدعاء بالتوفيق.

[hyyyr]

السلام عليكم ورحمة الله وبركاته

ربنا ييسر لك الأمور ويستر طريقك

قمت بهذه التجربة عام 2007

والحمد لله كانت رحلة ميسرة

من الرياض الى حائل تبوك حقل

ثم الاردن العقبة والعودة بنفس الطريق

اهم حاجة تكون مرتاح في الطريق

ولا تتعجل يهني ترتاح وتريح العربية

واي استفسار انا تحت امرك

[mokhtarelmalahy]

توصل بالسلامه ياباشا ان شاء الله ورحله موفقه .... ان مجربتهاش قبل كده بس عندى معلومات كويسه لا باس بها هاحاول افيدك بيها ان شاء الله

الاول حضرتك فى مدينه ايه بمعنى هتتحرك ازاى وخط سيرك ايه ؟

مبدءيا لو حضرتك هتطلع من الرياض فيه طريقين

اولا : طريق من الرياض إلى القصيم بريده ثم إلى حائل 350 كم ثم من حائل إلى تبوك حوالي 700 كم باجمالى من الرياض لتبوك حوالى 1400 كم طبعا الرقم ممكن مايبقاش مزبوط بس ده حسب معلوماتى المتواضعه

ثانيا : من الرياض لجده لو عايز تعمل عمره حوالى 600 كم ومن جده لتبوك طريق الساحل على البحر الاحمر حوالى 1000 كم يعنى كله فى حدود 1700

طبعا قبل اى حاجه لازم حاله العربيه تكون تستحمل المشوار ده ولازم قبلها باسبوع تشيك على الزيت والاطارات والبطاريه والمياه عشان تبقى مطمن

وماتنساش طول الطريق تعبى بنزين باستمرار تحسبا لقله وجود محطات بنزين

وطبعا لازم النوم كويس جا قبل الرحله عشان تبقى فايق للطريق ولو لقيت نفسك تعبان شويه فى الطريق ريح شويه او ممكن تقضى ليله فى اى فندق فى مدينه على الطريق او رست

فى ميناء العقبه تقريبا الفرد ب 75 $ والسياره ب 200 $ فى العباره مابتاخدش وقت طويل فى السريعه والبطيئه والمسافه من تبوك للعقبه مش كبيره لا تتعدى 250 كم

تخلى بالك كويس جدا من طريق نويبع لحد النفق او كوبرى السلام لانه مزدوج حارتين بس وفى وسط الجبال وخطير شويه

الرسوم اللى هتدفع للسياره فى الميناء عشان تعلق لوحات جمرك نويبه او جمرك جنوب سيناء

لو العربيه اقل من 1300 سى سى هتبقى 250 جنيه

لو العربيه من 1300 ل 2000 سى سى هتبقى 500 جنيه

لو العربيه اكتر من 2000 سى سى هتبقى 1000 جنيه

المده المسموح يها على ماعتقد 3 شهور

حتعمل بوليصة تأمين على العربية .. حوالي 60 أو 70 جنيه ..

..

فيه فحص فني للسيارة .. حتدفع حوالي 30 جنيه ..

ودول خريطتين تفصيليتين للجزيره العربيه كلها بالمدن والطرق والمسافات يارب تفيدك

ارجو من الاخوه لو فيه معلومه خطا يصححوها....

اى خدمه ياباشا وتوصل بالسلامه .... اجازه سعيده

[mokhtarelmalahy]

الخريطه التانيه مطلعتش هاحاول ارفعها تانى

[mohamed mongy]

اخواني الاعزاء المحاوراتية :blush2:

ربنا اكرمني وقررت اسافر اول اجازة ليه بعد 18 شهر غربة بالسيارة عن طريق العقبة - نويبع :sofa:

اللي نفسة ينزل ونبقي صحبة يتفضل و اول خطوة عملتها - طلعت دفتر التربتك كلفني 320 ريال وخدته وانا واقف مفيش 10 دقايق :flr1:

ارجو الدعاء بالتوفيق

واللي عنده نصايح هأكون شاكر جدا جدا :blink:

وهنا صورة الدفتر

وسأواليكم بالاخبار أول بأول

السلام عليكم

ياريت تقولنا ده عملته فين بالضبط وايه رقم تليفونهم

وياريت تقولنا كمان حسبة العبارة بالضبط كام لاني ناوي انزل بس عن طريق الغردقة............

تحياتي

[Mr MAGED]

توصل بالسلامة ان شاء الله ... وتكون رحلة مريحة وممتعة

انا ماعرفش انت طالع منين بالظبط ... بس لو طالع من الرياض

اكيد هتاخد طريق القصيم : الرياض - بريدة - حائل - تبوك - العقبة

وده تقريبا 1200 كم ... ويفضل طبعا انك تريح في الطريق

وغالبا ً يكون في حائل .. لأنك لو عديت حائل المدن بعد كده علي الطريق هتكون قليلة اوي

والمسافات بينها متباعدة بعكس الطريق من الرياض لحائل

طبعا ً البنزين مش هاوصيك عليه ... دائما ً وابدا ً متخليش التانك يقل عن النص

ومتقفش غير في المحطات الكبيرة وتلاحظ ان فيها عربيات كتيرة واقفة

بعد ما توصل تبوك ان شاء الله وفي طريقك للعقبة هتمر بمنطقة جبلية صعبة شوية بين حقل والعقبة

حاول قدر الامكان انك تمشي فيها بالنهار مش بالليل ... لأنه طريق مرتفع في الجبل فيه تعرجات كتيرة

واتجاه واحد مش اتجاهين ... وعلي يمينك علي طول الطريق بيكون فيه وادي منخفض ... هيا مسافة صغيرة

بس تمشي فيها بالراحة وتركز كويس فيها .... ومتستعجلش

ميناء نويبغ من وجهة نظري هو أفضل الموانيء المصرية ...

والاجراءات فيه سهلة وسلسة ومش بتاخد وقت كتير بالكتير ساعتين بتكون مخلص اجراءاتك وخارج منه

متنساش طبعا طفاية الحريق ... لو عربيتك صغيرة طفاية واحدة ... لو سيارة كبيرة طفايتين

لأنك لو وصلت المينا ومش معاك طفاية هتشتريها ب 300 جنيه

توصل بالسلامة ان شاء الله ... وفي أمان الله

تحياتي

تم تعديل 5 أبريل 2010 بواسطة INVESTOR

[قاهرى]

تروح وتيجى بالسلامة طبعا دة اولا

وبالتوفيق انشاء الله ورحلة موفقة انشاء الله

انا ليا باء سوال انا عايش فى الامارات لو انا عايز انزل مصر بالعربية الى معايا هنا

هل لازم تكون العربية بأسمى ؟ ولو مش بأسمى هل من الممكن يكون هناك رسالة من صاحب العربية بالموافقة ولا الكلام دة مينفعش

ثانيا : لانى شخصيا انا مش متوقع انى اعرف اخد الطريق دة كلو

هل ينفع اشحن العربية من ميناء دبى مثلا لاى مينا فى القاهرة واروح استلمها هناك ونفس الكلام فى العودة واعلق نمر جمرك بردة ترب تكت

ولا لازم ادخل وانا سايق

تحياتى للجميع واسف على الغيبة الطويلة يمكن اكتر من سنة لكن متابع حركة المنتدى

قاهــــــــــــــــــــــــــرى

[herohero]

تحياتي للجميع انا يمكن ل تعقيب تاني ف اتجاه مختلف هو اصلا ايه دواعي النزول بالسياره زمان كان لنا تجربة مع والدي ونزلنا بالسيارة والسبب كان الاتي نا معندناش سيارة ف مصر وكنا بنبي بيتنا ف منطقه تعتبر بعيده ساعتها وكان محتاجين السيارة

اما لو مكنش كده فاريح مليون مرة التنقل بالتاكسيات لان بجد وجع دماغ المشوار من الكويت لمصر بيتقضي بس السواقه ف مصر مولد ووجع دماغ ف ع ايه يعني ده مجر اقتراح لان دلوقتي الطيران الاقتصادي حل ازمة ارتفاع اسعار التذاكر بتاعت الطيران

[dream rose]

بالتوفيق ان شاء الله وتوصل بالف سلامة

[essamlotfy]

السلام عليكم ورحمة الله وبركاته

ربنا ييسر لك الأمور ويستر طريقك

قمت بهذه التجربة عام 2007

والحمد لله كانت رحلة ميسرة

من الرياض الى حائل تبوك حقل

ثم الاردن العقبة والعودة بنفس الطريق

اهم حاجة تكون مرتاح في الطريق

ولا تتعجل يهني ترتاح وتريح العربية

واي استفسار انا تحت امرك

يا باشا جزاك الله كل خير وان شاء الله هانف

[essamlotfy]

توصل بالسلامه ياباشا ان شاء الله ورحله موفقه .... ان مجربتهاش قبل كده بس عندى معلومات كويسه لا باس بها هاحاول افيدك بيها ان شاء الله

الاول حضرتك فى مدينه ايه بمعنى هتتحرك ازاى وخط سيرك ايه ؟

مبدءيا لو حضرتك هتطلع من الرياض فيه طريقين

اولا : طريق من الرياض إلى القصيم بريده ثم إلى حائل 350 كم ثم من حائل إلى تبوك حوالي 700 كم باجمالى من الرياض لتبوك حوالى 1400 كم طبعا الرقم ممكن مايبقاش مزبوط بس ده حسب معلوماتى المتواضعه

ثانيا : من الرياض لجده لو عايز تعمل عمره حوالى 600 كم ومن جده لتبوك طريق الساحل على البحر الاحمر حوالى 1000 كم يعنى كله فى حدود 1700

طبعا قبل اى حاجه لازم حاله العربيه تكون تستحمل المشوار ده ولازم قبلها باسبوع تشيك على الزيت والاطارات والبطاريه والمياه عشان تبقى مطمن

وماتنساش طول الطريق تعبى بنزين باستمرار تحسبا لقله وجود محطات بنزين

وطبعا لازم النوم كويس جا قبل الرحله عشان تبقى فايق للطريق ولو لقيت نفسك تعبان شويه فى الطريق ريح شويه او ممكن تقضى ليله فى اى فندق فى مدينه على الطريق او رست

فى ميناء العقبه تقريبا الفرد ب 75 $ والسياره ب 200 $ فى العباره مابتاخدش وقت طويل فى السريعه والبطيئه والمسافه من تبوك للعقبه مش كبيره لا تتعدى 250 كم

تخلى بالك كويس جدا من طريق نويبع لحد النفق او كوبرى السلام لانه مزدوج حارتين بس وفى وسط الجبال وخطير شويه

الرسوم اللى هتدفع للسياره فى الميناء عشان تعلق لوحات جمرك نويبه او جمرك جنوب سيناء

لو العربيه اقل من 1300 سى سى هتبقى 250 جنيه

لو العربيه من 1300 ل 2000 سى سى هتبقى 500 جنيه

لو العربيه اكتر من 2000 سى سى هتبقى 1000 جنيه

المده المسموح يها على ماعتقد 3 شهور

حتعمل بوليصة تأمين على العربية .. حوالي 60 أو 70 جنيه ..

..

فيه فحص فني للسيارة .. حتدفع حوالي 30 جنيه ..

ودول خريطتين تفصيليتين للجزيره العربيه كلها بالمدن والطرق والمسافات يارب تفيدك

ارجو من الاخوه لو فيه معلومه خطا يصححوها....

اى خدمه ياباشا وتوصل بالسلامه .... اجازه سعيده

يا اخي العزيز انا مش عارف اشكرك ازاي علي المعلومات القيمة دي،

انا استفدت جدا من الخرايط دي وسجلت النقط المهمة.