توريطة قذافية للقيادة المصرية في الخيبة النووية

[se_ Elsyed]

طرابلس تزعم تورط القاهرة في دعم برامج انتاج أسلحة الدمار الشامل الليبية

المخابرات الأمريكية والبريطانية تحصل على معلومات وبراهين من ليبيا أثناء تفقدها المنشآت النووية الليبية تفيد بوجود دور مصري في إمداد هذه المنشآت بتكنولوجيا منقولة من باكستان وكوريا الشمالية وبمساعدات لوجستية وتقنية مصرية خاصة في مجال صناعة الصواريخ الموجهة القادرة على حمل رؤوس نووية وان القاهرة كانت على علم تفصيلي بما لدى ليبيا ........

موقع محيط للأخبار بتاريخ 1/4/2004 م

[DARWEEN]

الأخ العقيد حاليا بيفكرني بنشال كان عامل فتوه على زمايله في الموقف وأول ما أتمسك أيده في جيب زبون وخد أول قلمين في القسم قعد يعيط ويقول حأعترف لكم باللي أنتم عايزينه بس سيبوني أبوس أيديكم

وفي الآخر تقولولي قمه عربيه وقرارات ... قرارات إيه طول ما الأشكال دي مستلمه مسئوليات دول وكراسي حكم ...

يعني وهو مين فيهم كلهمممممم ماعندوش إستعداد يرمي الكل في جهنم بس يفضل قاعد على كرسيه ؟؟؟

من أول قطر للكويت مرورا بالأردن وسيادة الشاويش علي عبدالله للعقيد لزين العابدين علي لموريتنيا .....

ياناس ... يا عرب ب ب ب ب ب ب ب ب ب ب ب

[تصحيح]

الأخ العقيد حاليا بيفكرني بنشال كان عامل فتوه على زمايله في الموقف وأول ما أتمسك أيده في جيب زبون وخد أول قلمين في القسم قعد يعيط ويقول حأعترف لكم باللي أنتم عايزينه بس سيبوني أبوس أيديكم

وفي الآخر تقولولي قمه عربيه وقرارات  ... قرارات إيه طول ما الأشكال دي مستلمه مسئوليات دول وكراسي حكم ...

يعني وهو مين فيهم كلهمممممم ماعندوش إستعداد يرمي الكل في جهنم بس يفضل قاعد على كرسيه ؟؟؟

ما أول قطر للكويت مرورا بالأردن وسيادة الشاويش علي عبدالله للعقيد لزين العابدين علي  لموريتنيا .....

ياناس ... يا عرب ب ب ب ب ب ب ب ب ب ب ب

استاذ داروين

انت مش واخد بالك ... ده كان شغال مرشد من زمان ..

[فــيــروز]

وعلى راى المثل chf::

اللهم اعنى على اصدقائى .. اما اعدائى فانا كفيل بهم :D

ولا المثل التانى اللى بيقول :)

حاذر من اصدقاء اليوم اذا انقلبوا الى اعداء فى الغد vmp:

بتصرف كبير اوى :P

[night prayer]

صواريخ؟؟

صواريخ ايه بس.. انا عاوزة افهم حاجة!!

يعني قصده صواريخ صواريخ و لا صواريخ من بتاعت العيد ؟؟ اللي العيال بترميها على الرايح و الجاي؟

أشك في كدة اصلاً!!

ماحدش يقدر يعمل كدة.. احسن بعدين ماما تعرف!! (ماما امريكا) و تبقى علقة توجع اوي!!

[Abouhemeed]

بسم الله الرحمن الرحيم

مالك يا سيدي رجعت ف كلامك ليه؟

دا الراجل مننا كلمته محسوبة عليه

يوم تقول كلام و تمشي متلفع بيه

خايف اليانكي يزعل فتطولك اديه ؟

يتغير كلامك و تقول حرمت يا بيه

أديك شايف بيكم حالنا ما يسرش حد

سواء قلنا اللي ف قلبنا و لا بقنا إنسد

كل الناس الدنيا أخذينها جد في جد

و إنتم أخذينها عبط و هجص ماله حد

و الله لو بإيدي ع الرجلين لنزلت فيكم مد

من طفولتي بتسمعوني كلام كبير حسبتكم منقذين

لنا من فقرنا و جهلنا و لشأننا في وسط الأمم رافعين

قضيت شبابي أهتف لكم و أعتبر معارضيكم خاينين

تقولوا دا العدو أجري بالسلاح و معايا شباب كتير آخرين

أحاربهم عشانكم و لا عشان الوطن كنتم واحد لنا لتنين

جعت أنا و عيالي و تقولوا أصبر على طرح البساتين

زرعناها عشانك و عشان عيالك لتعيشوا مبسوطين

و مدارس فتحناها لكم و بكره راح تصبحوا متعلمين

لا أكلنا و لا اتعلمنا و كل العيال جعانين عاطلين

و انتم و حبايبكم في هارديز و كنتاكي قاعدين

من زمان و إنتم على كراسي الحكم لازقين

تحكموا و تتأمروا علينا كأنكم من ربنا مبعوتين

جبتونا ورا مليون سنه و على جهلكم صابرين

نشكي لمين ظلمكم ... لكم؟ و لا لعدا متربصين

فوضنا الأمر لله ياخدكم و يرحمنا من المجانين

و التقيل لسه ورا لما مصر ينطلب منها التفتيش ..... chf::

أبو حميد المصري

[مصر عشقى]

الاخ القعيد قصدى العقيد مش عارف لية كل ما اسمع اسمة

بتيجى على بالى لية صورتة بالقصرية

وبيفكرنى بيعيل لئيم كان دايما بيعملها وهوة نايم فيروح ينام جنب اخوة وبعد ما يعملها يروح ينام فى سريرة واخوة ياخد العلقة الصبح

[فــيــروز]

الاخ القعيد قصدى العقيد  مش عارف لية كل ما اسمع اسمة 

بتيجى على بالى لية صورتة بالقصرية

وبيفكرنى بيعيل لئيم كان دايما بيعملها وهوة نايم  فيروح ينام جنب اخوة وبعد ما يعملها يروح ينام فى سريرة واخوة ياخد العلقة الصبح

:D chf:: :)

[se_ Elsyed]

الخبر اللي انا منتظر أقرأه هذه الأيام عن ليبيا هو التالي :

" هذا وقد تم عقد قران الأخ العقيد على الأخ اللواء بوش .. بعد قصة حب دامية إستمرت عشرات السنين من الحصار واللوعة والهجر والفراق ..... مع تمنياتنا للعروسين بحياة سعيده "

[Handicraft]

الغريبه توقيت إعلان الخبر قبل زيارة الرئيس مبارك لأمريكا مباشرة وفى وقت تتزعم فيه مصر حركة العصيان والتمرد على خطة الشرق الأوسط الكبير والجميل كمان إن اجتماعات التحضير للقمة العربية البديلة تم ارجائها "تحريف كلمة الغائها".

على فكرة حصلت مرة قبل كده أزمه دبلوماسية بين مصر وأمريكا أعتقد فى عهد كلينتون عندما ضبطت المخابرات الأمريكية عملاء مصريين يحاولون تهريب المادة التى يتم طلاء الطائرة الشبح بها.

نعود لموضع العقيد الراجل فتن على طوب الأرض والمصيبة إن الناس دى كانت بتساعده وفاكره انه أسد جسور غدنفر يعنى بس الحقيقه دايما مره لما الأقزام يحاولوا يتعملقوا على أكتاف الآخرين والظاهر سيادة العقيد بيؤمن بالمثل المصرى اللى بيقول "إن جالك الطوفان ... حط إبنك تحت رجليك".

[Salwa]

توريطة ايه بس ياجماعة ؟؟؟........ونفرض ان فعلا مصر ساعدته هو وغيره .......فيها ايه يعنى ؟؟؟

حايعملوا ايه ؟؟؟

حايلغوا المعونة ؟؟؟

حايعملوا حصار اقتصادى ؟؟؟...حايضعوا مصر فى سلة واحدة مع دول محور الشر ؟؟؟

هل تعتقدوا ان مشكلة مصر ...انها وثقت فى العقيد ..فقط ؟؟؟

ام ان مشكلتها ..هى ..انها حاولت اساسا ...تقوم بعمل ..// ممنوع عليها //؟؟؟......وقالت ..احنا كلنا عرب !!!!!!...

طيب......محدش للآن ...قادر يقول ..واسرائيل ايه ؟؟؟

امس قرأت الاغنية الجديدة لشعبان عبد الرحيم ../بالصدفة قرأتها/

مش عارفة ليه ...كان عندى احساس ....انهم //يتعمدوا //..تركه..

اى...انهم لايضعوا له العراقيل عندما يتغنى بهذه الكلمات ..لغرض فى نفس ابن يعقوب ../وايضا يقول ما لا يستطيعوا هم قوله ...

////مش انتم بتقولوا مفيش حرية ولا ديمقراطية والحاجات اللى هى..////.....طيب آهو احنا ...سايبناه عليكم....واثبتنا لكم تقدمنا..

ورأيى الشخصى ...اننا نقترح على شعبان عبد الرحيم ..يغنى لنا اغنية على العقيد...واغنية يفضح بيها كل اللى بيحصل فى العالم .

وبصراحة ده حايكون مكسب اكثر من كل المكاسب التى //ستسفر // عنها اجتماعات ...الغمة..العربية ..

وعلى الأقل ...حايقول حاجة ...