اذهب إلى المحتوى
محاورات المصريين

بريمر يختار إمرأة وزير للدفاع في العراق

se_ Elsyed

بواسطة se_ Elsyed
في حرب العراق

 مشاركة

Recommended Posts

se_ Elsyed عضو جديد

se_ Elsyed

بتاريخ:
بتاريخ:

اكد راديو لندن ان بول بريمر الحاكم الأمريكي للعراق اختار "امرأة" هي سانجول تشابوك العضوة التركمانية السنية في مجلس الحكم الانتقالي لتحتل منصب وزير الدفاع العراقي!

نسب الراديو إلي سانجول قولها ان جميع أعضاء مجلس الحكم العراقي ساندوا هذا الاختيار وأعربوا عن دعمهم لقرار تعيينها..!

اعتقد إن الخبر كده ناقص .. فبول بريمر نسي يقول إن الزي العسكري للجيش هايبقى عبارة عن جلباب فضفاض بكرانيش ، والطاقية هاتبقى للقيادات العالية عبارة عن منديل بأويه ، اما الرُتب الاخرى فهايلبسوا طُرح ..

والسلاح كلنا عارفينه وهايبقى إما الشبشب .. او المقشة وفي مركز التدريب هايبدأ الجندي يتعلم إزاي يرقع بالصوت الحياني في حالة وجود هجوم عليه وبعد 6 شهور يبتدي يتلقى دورات تدريبية على أي من السلاحين المذكورين

موضوع إن واحده ست تتولى وزارة زي دي ممكن يبقى مقبول في اوروبا أو أمريكا أما في دولة إسلامية عربية شرقية هاتبقى مُسخه ....

أما من ناحية موافقة مجلس المحكومين النقالي فدول طبعاً لا يملكون إلا التصفيق للي إختارهم وممكن يخلعهم بجرة قلم ...

العراق - نحو مزيد من الديمقراطية وتكوين دولة حديثة ...

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
night prayer عضو جديد

night prayer

بتاريخ:
بتاريخ:

السلام عليكم و رحمة الله و بركاته

و يتوالى مسلسل النكسات على هذه الأمة المسكينة!!

امرأة وزير دفاع!! آخر ماكنت اتوقع ان اراه في حياتي!!

طبيعة المرأة النفسية التي خلقها الله بها لا تتوافق و هذا المنصب!! كمان هي ازاي توافق على ترشيحها لمنصب زي دة.. دة بيبقى تكليف مش تشريف ! و دي وزارة هامة جداًً من الوزارات القائدة في تكوين الدول !

دة احنا مرة كنا بنقول ان لو الستات حكموا العالم هتبقى كارثة!!

حبة و هتلاقي ملكة البلد الفلانية بتعلن حرب على البلد العلانية عشان رئيسة جمهورية البلد دي قالت عليها انها فلاحة و مش استايل!! و تخيل بقى! كل شوية الجيش يروح يحارب عشان الملكة الفلانية سمعت ان الملكة التانية اللي مش عارفة فين بتقول عليها تخينة او مناخيرها كبيرة!

على فكرة الموضوع دة معناه اضعاف القوى الداخلية للبلد اللي همة بيبنوها دة لو كان في بلد اصلاً بعد كدة!!

آه يا عرب!!

sig1.gif
رابط هذا التعليق
شارك
فــيــروز عضو جديد

فــيــروز

بتاريخ:
بتاريخ: (معدل)

الحقيقه :)

الحقيقه يعنى ;)

لا ادرى لماذا كلما جاء الحديث عن تولى امراه لمنصب من المناصب

بدا الكلام عن ان الزى العسكرى هيكون جلابيه بكرانيش

والاسلحه شباشب و مش بعيد قصافات ضوافر بالمره :D

وكنت اود ان اسال

وماذا فعلت الدول العربيه باسحلتها الثقيله؟ اكثر من الحصول على خيبه اثقل :)

خصوصا ان كان فيه موضوع من فتره قريبه عن "ماذا تفعل الدول العربيه باسلحتها"

والاجابه عن السؤال بالطبع معروفه

لا ادرى لم ينبغى ان تتميز نساء العالم العربى عن رجاله الاشاوس !! :P

العالم العربى يحكمه رجال منذ الازل و النتيجه معروفه حتى الآن .. فلم لا تجرب المراه فيكم هى الاخرى !! ولا هى جت علينا يعنى !! :D

ما العالم كله بيلطش فينا .. ولا هو يبقى حلو اما يبقى القلم من بوش ولو كان من سعديه يبقى كخه و التار ولا العار يا ردّاله !! :P

وعلى فكره .. اقسم بالله العظيم تلاته هذا ليس رد للدفاع عن المراه او حقوقها او اى من هذا الكلام الحمضان :) الذى شبعنا منه وما اشبعنا

لكن فى الحقيقه لا ادرى ما الذى قدمته الشوارب للعالم العربى حتى نستهزئ بما يمكن ان تقدمه الشباشب :P

اعطوا الشباشب فرصه .. ربما تكون السلاح الوحيد المتبقى لنحارب به chf::

تم تعديل بواسطة فــيــروز

"أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ"

صدق الله العظيم

-----------------------------------

قال الصمت:

الحقائق الأكيده لا تحتاج إلى البلاغه

الحصان العائد بعد مصرع فارسه

يقول لنا كل شئ

دون أن يقول أى شئ

tiptoe.gif

مريد البرغوثى

رابط هذا التعليق
شارك
amir عضو جديد

amir

بتاريخ:
بتاريخ:
لكن فى الحقيقه لا ادرى ما الذى قدمته الشوارب للعالم العربى حتى نستهزئ بما يمكن ان تقدمه الشباشب  :)

اعطوا الشباشب فرصه .. ربما تكون السلاح الوحيد المتبقى لنحارب به  chf::

للعلم و المعرفه .... وزيرة الدفاع فى فرنسا واحده ست من بتوع الشباشب و لكنها ست بمليون راجل من أمثال وزير الدفاع العراقى السابق الذى أحكم خطة الهروب الكبير للجيش العراقى .

يا وطنى : كل العصافير لها منازل

الا العصافير التى تحترف الحريه

فهى تموت خارج الأوطان

ـ نزار قبانى ـ

103.gif

رابط هذا التعليق
شارك
sos عضو جديد

sos

بتاريخ:
بتاريخ:

اهى ....تجربة.....لو نجحت....

يمكن يطبقوها....على كل الوزارات....فى.........العراق....

تمهيدا.....لتعميمها....فى كل المنطقة....

فاكرين المثل...

ان ضايقك راجل سلط عليه....امرأة

وان ضايقتك امرأة....سلط عليها طفل...

يبقى يا حلوين الخطوة القادمة ايه...طبعا كلكم متابعين المسلسل....

وتتوالى الاحداث...

لا

==================================

كل شيىء لابد ان يكون بسيط ولكن ليس ابسط....من اقوال اينشتين

رابط هذا التعليق
شارك
se_ Elsyed عضو جديد

se_ Elsyed

بتاريخ:
  • كاتب الموضوع
بتاريخ:

أنا كنت متوقع رد فيروز بالذات على هذا الموضوع ...

وعلى العموم أمريكا لا يعنيها بالمرة حقوق المرأة في العالم العربي .. او لماذا لا نعطي المرأة حق تولي وزارة مثل الدفاع .. إلخ

ولكن الهدف واضح وهو مزيد من إذلال الشعب العراقي أو بالبلدي كده " شايفين الجيش اللي كانوا عاملين أشاوس .. أنا هاخليهولكوا جيش من الحريم "

هذا وقد سجلت بورصات الطُرح والجلبيات أم كرانيش إرتفاعاً ملحوظاً في الأسعار بعد إعلان هذا الخبر ..

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
linux عضو جديد

linux

بتاريخ:
بتاريخ:

اعتقد إن الخبر كده ناقص .. فبول بريمر نسي يقول إن الزي العسكري للجيش هايبقى عبارة عن جلباب فضفاض بكرانيش ، والطاقية هاتبقى للقيادات العالية عبارة عن منديل بأويه ، اما الرُتب الاخرى فهايلبسوا طُرح ..

والسلاح كلنا عارفينه وهايبقى إما الشبشب .. او المقشة وفي مركز التدريب هايبدأ الجندي يتعلم إزاي يرقع بالصوت الحياني في حالة وجود هجوم عليه وبعد 6 شهور يبتدي يتلقى دورات تدريبية على أي من السلاحين المذكورين 

...

هذا وقد سجلت بورصات الطُرح والجلبيات أم كرانيش إرتفاعاً ملحوظاً في الأسعار بعد إعلان هذا الخبر ..

يا أستاذ س س من حقك عدم الموافقه و لكن مش من حقك "التريقة" بالشكل ده على المرأه العربية. أنا عن نفسي غير موافق بالمرة على تعين سيدة في هذا المنصب و أدرك تماما أبعاد هذا التعين و المعني المقصود به و لكن لا أوافقك البتة على التريقة و النمطية تجاه المرأة ...

بصراحة مش كل الأوقات تصلح للهزار و القفش.

رابط هذا التعليق
شارك
omtmam عضو جديد

omtmam

بتاريخ:
بتاريخ:

انا عن نفسى كسيدة شعرت بالحزن عندما قرات هذا الخبر فهو ازلال ليس للشعب العراقى وحده كما قال الاستاذس س ولكنه للعالم العربى كله وكان امريكا تقول لهم هااااا اللى مش حيسمع الكلام حنسيب عليه حريمه يا حسرتى على العروبة و على العرب يا ترى اخرتها ايه

رابط هذا التعليق
شارك
Lighthouse عضو جديد

Lighthouse

بتاريخ:
بتاريخ:

art:) mf(

مش عارفة حتى متي سنظل ننظر للمرأة العربية بهذه النظرة الدونية وكأن نساء العالم اجمع يصلحن لاي شيئ والمرأة العربية لاتصلح الا لغسل اقدام الرجل وخلاص rs:

ادينا طول عمرنا بيحكمنا رجالة لم نرى من وراء ذلك الا خيبة الامل اللى راكبة جمل ( حيث ان الامثال العامية هي المستشهد بها في هذه النوعية من الموضوعات :) )

مش يمكن الامور تتصلح والحال يتعدل لو جربوا واحدة ست

وبعدين فيه ازمة اصلا :huh:

مٌر الكلام

زي الحسام

يقطع مكان ما يمر

اما المديح سهل ومريح

يخدع صحيح ويغٌر

والكلمة دين

من غير إيدين

بس الوفا

ع الحر

رابط هذا التعليق
شارك
فــيــروز عضو جديد

فــيــروز

بتاريخ:
بتاريخ: (معدل)

الحقيقه يابو السيد الموضوع مش محتاج فراسه عشان تعرف رد فيروز على الموضوع هيكون ازاى ;)

زى بالظبط ما هو مش محتاج منى فراسه عشان اتوقع ردود من نوعية "الست بنلبس جلابيه بكرانيش و منديل بأويه تبقى عمده او وزير ازاى" ;)

يعنى اللى بيضحك فى مثل هذه الامور ان المراه فى هذه الحاله لا تكون لها فى ذهن المعارضين غير صوره واحده .. صورتها بالمنديل ابو أويه او الملايه اللف مثلا !! :huh: رغم ان هناك نماذج نسائيه عديده محترمه جدا "مش معنى كلامى طبعا ان ذات الملايه اللف او المنديل ابو أويه غير محترمه" لكن قصدى المراه المناسبه فى المكان المناسب .. اللى بيضايق فعلا ان لو حد فكر يهاجم المراه العربيه تجد كثيرين يهبون للدفاع عنها بشتى الطرق مؤكدين على فضائلها العديده :o .. بينما لو وصلت لمنصب وزيره او فكر البعض فى تعيينها قاضيه مثلا تجد نفس هؤلاء المدافعين يشمرون سواعدهم للسخريه من نفس المراه التى كانوا يدافعون عنها منذ لحظات !! :)

اذا كان هدف امريكا اذلال العرب فعفوا يعنى .. الذل راكبنا من ايام حكم الرجال .. بل ربما ركبنا بسببهم و بسبب خوفهم على مناصب زائله و كراسى موسيقيه هزازه .. rs: يعنى يا اعور ضربوك على عينك .. او هيسخطوك يا قرد هيعملوك ايه !!

مش عارفه ليه كل ما كنت اشوف رجل عراقى وله شارب يسد عين الشمس اتخيل ان وجود شارب هو شرط اساسى لاثبات الرجوله فى العراق mf( .. ورغم البطولات العظيمه التى يحققها بعض اصحاب الشوارب فى المقاومه العراقيه الآن لا يمكن ان ننسى او نتناسى ان كان فيه شارب آخر له ضلع كبير فيما يحدث للعراق الآن .. واعتقد مش محتاج فراسه كى يعرفه اى شخص .. واذا كنت بتقول ان امريكا تقول لنا بطرف خفى "هاخليلكو جيش الاشاوس حريم" فيمكن يكون ده لصالحنا بعد ما جيش الاشاوس كان له نصيب الاسد فيما يحدث للعراق الآن .. بكلمات اخرى يا اخى الفاضل الانجاز الجيد لا يرتبط برجل او امراه فى احوال كثيره .. وليس معنى انها امراه انها ستفشل ولا معنى انه رجل انه سينجح

الاخ الفاضل لينوكس

انا ايضا للحقيقه غير موافقه على تعيين امراه فى هذا المنصب

واسبابى ليست لانها امراه كما يرى البعض ولكن لانى لا اعتقد انها مؤهله لشغل هذا المنصب art:)

تحيانى لجميع المشاركين بالموضوع :P

تم تعديل بواسطة فــيــروز

"أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ"

صدق الله العظيم

-----------------------------------

قال الصمت:

الحقائق الأكيده لا تحتاج إلى البلاغه

الحصان العائد بعد مصرع فارسه

يقول لنا كل شئ

دون أن يقول أى شئ

tiptoe.gif

مريد البرغوثى

رابط هذا التعليق
شارك
se_ Elsyed عضو جديد

se_ Elsyed

بتاريخ:
  • كاتب الموضوع
بتاريخ:

أولاً مش ذنبي أن البعض فهمني غلط ..

ثانياً : أنا لم أقم بالتريقة على المرأة العربية أو أعترضت إن المراة تبقى إن شالله رئيسة وزراء .. ولكن كل كلامي كان على ان أمريكا اللي بتعيين الوزراء كان عندها 50 وزارة هناك إشمعنى اختارت واحده ست لوزارة شاقة مثل الدفاع ؟ ...

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
فــيــروز عضو جديد

فــيــروز

بتاريخ:
بتاريخ:

الله الله الله :P

س.س. زعل ولا ايه :)

اعتذر لو كان فيه فى كلامى ما ضايقك يا س.س. ;)

لكن الوضع فى العراق بخصوص الحكومه ووزرائها ينطبق عليه المثل الذى يقول : ضربوا الاعور على عينه cl:

"أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ"

صدق الله العظيم

-----------------------------------

قال الصمت:

الحقائق الأكيده لا تحتاج إلى البلاغه

الحصان العائد بعد مصرع فارسه

يقول لنا كل شئ

دون أن يقول أى شئ

tiptoe.gif

مريد البرغوثى

رابط هذا التعليق
شارك
se_ Elsyed عضو جديد

se_ Elsyed

بتاريخ:
  • كاتب الموضوع
بتاريخ:
الله الله الله  :P

س.س. زعل ولا ايه  B)

اعتذر لو كان فيه فى كلامى ما ضايقك يا س.س. cl:

لكن الوضع فى العراق بخصوص الحكومه ووزرائها ينطبق عليه المثل الذى يقول : ضربوا الاعور على عينه  :)

الحمد لله نحن هنا في المحاورات لا توجد حزازيات او خلافات شخصية .. لذلك فطالما بنتحاور يبقى من حق كل واحد يقول رأيه الذي يمكن أن يكون مخالفاً لأراء الأخرين .. لذلك مافيش سبب للزعل ...

وعلى رأي عم عبدو صاحب بقالة الأمانة .." الشكك ممنوع والزعل مرفوع والرزق على الله ;) "

وبالنسبة للمثل اللي إنتي قولتيه يا فيروز .. طب طالما هو اعور يبقى أجي انا وأعوره زياده ... ما هو ممكن نعمل له عمليه أو نزرع له قرنية ..

لكن ما تفعله أمريكا عكس ذلك .. لأن هدفها هو خلع عيون العراقيين ..

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
فــيــروز عضو جديد

فــيــروز

بتاريخ:
بتاريخ:

لا ما هو حضرتك مش واخد بالك

انا مارضيتش اقول انه مش اعور بس .. لا هو فاقد البصر تماما

عشان بس محدش يقول لى ايه الانهزاميه دى يا فيروز :P

على العموم يا سيدى ربنا مايجعلنا من قطاعين الارزاق ;) cl:

"أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ"

صدق الله العظيم

-----------------------------------

قال الصمت:

الحقائق الأكيده لا تحتاج إلى البلاغه

الحصان العائد بعد مصرع فارسه

يقول لنا كل شئ

دون أن يقول أى شئ

tiptoe.gif

مريد البرغوثى

رابط هذا التعليق
شارك
Seafood عضو جديد

Seafood

بتاريخ:
بتاريخ: (معدل)

الأستاذة فيروز كتبت ...

واسبابى ليست لانها امراه كما يرى البعض ولكن لانى لا اعتقد انها مؤهله لشغل هذا المنصب

cnst: طيب ما هيّ هيّ يا أستاذة فيروز .. ما هي المرأة مش مؤهلة عشان هيّا إمرأة .. ..

:blink:

تم تعديل بواسطة Seafood

سيتوصل المصريون إلى حلول لمشاكلهم ...عندما يكفون عن النظر إليها

بعيون أمريكية

يقاد للسجن من سب الزعيم .. ومن سـب الإله فإن النـاس أحـرار

يخاطبني السفيه بكل قبح *** وآسف أن أكون له مجيبا

يزيد سفاهة وأزيـد حلما **** كعود زاده الاحراق طيبا

رابط هذا التعليق
شارك
فــيــروز عضو جديد

فــيــروز

بتاريخ:
بتاريخ:
الأستاذة فيروز كتبت ...
واسبابى ليست لانها امراه كما يرى البعض ولكن لانى لا اعتقد انها مؤهله لشغل هذا المنصب

cr((: طيب ما هيّ هيّ يا أستاذة فيروز .. ما هي المرأة مش مؤهلة عشان هيّا إمرأة .. ..

cnst:

ده من وجهة نظر حضرتك :blink:

"أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ"

صدق الله العظيم

-----------------------------------

قال الصمت:

الحقائق الأكيده لا تحتاج إلى البلاغه

الحصان العائد بعد مصرع فارسه

يقول لنا كل شئ

دون أن يقول أى شئ

tiptoe.gif

مريد البرغوثى

رابط هذا التعليق
شارك
Seafood عضو جديد

Seafood

بتاريخ:
بتاريخ: (معدل)

طيب ممكن نعرف وجهة نظر حضرتك ؟ .. يعني ببساطة ممكن تقوليلنا إيه الأسباب إللي خلت حضرتك تقتنعي إن المرأة مش مؤهلة لهذا المنصب ؟ .. سبب واحد بس يكون غير إنها إمرأة ؟

تم تعديل بواسطة Seafood

سيتوصل المصريون إلى حلول لمشاكلهم ...عندما يكفون عن النظر إليها

بعيون أمريكية

يقاد للسجن من سب الزعيم .. ومن سـب الإله فإن النـاس أحـرار

يخاطبني السفيه بكل قبح *** وآسف أن أكون له مجيبا

يزيد سفاهة وأزيـد حلما **** كعود زاده الاحراق طيبا

رابط هذا التعليق
شارك
فــيــروز عضو جديد

فــيــروز

بتاريخ:
بتاريخ: (معدل)
يعني ببساطة ممكن تقوليلنا إيه الأسباب إللي خلت حضرتك تقتنعي إن المرأة مش مؤهلة لهذا المنصب ؟ .. سبب واحد بس يكون غير إنها إمرأة ؟

انا لم اقل ان المراه غير مؤهله لهذا المنصب

انا قلت انى لا اعتقد انها هى شخصيا مؤهله لهذا المنصب !!

يا ترى الفرق واضح ولا مش واضح كالمعتاد !! fsh::

على العموم

اعتقد و الله اعلم ان هناك صفات مؤهله لاى منصب

ومنها منصب وزير الدفاع

وحسب فهمى المتواضع للامر ينبغى ان تكون له خلفيه عسكريه لا اعتقد انها تتوافر للوزيره العراقيه .. وهذا ما يجعلها غير مؤهله لشغل المنصب فى رايى .. مثلها بالظبط لو اتوا برجل لا يتمتع بالخلفيه العسكريه المطلوبه سيصبح هو الآخر غير مؤهل فى وجهة نظرى .. يعنى ماينفعش وزير الدفاع يبقى رجل لمجرد انه رجل .. وكمثال على هذا السيد عبد الحكيم عامر طيب الله ثراه

تم تعديل بواسطة فــيــروز

"أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ"

صدق الله العظيم

-----------------------------------

قال الصمت:

الحقائق الأكيده لا تحتاج إلى البلاغه

الحصان العائد بعد مصرع فارسه

يقول لنا كل شئ

دون أن يقول أى شئ

tiptoe.gif

مريد البرغوثى

رابط هذا التعليق
شارك
عصام عضو جديد

عصام

بتاريخ:
بتاريخ: (معدل)

عودة مفاجأة للموضوع

جاءنا الخبر التالى من موقع الجزيرة بدون تفاصيل (مؤقتا)

بول بريمر يسمي عبد الأمير علاوي وزيرا للدفاع

تم تعديل بواسطة esssothegreat

[وسط]!Question everything

[/وسط]

رابط هذا التعليق
شارك
فــيــروز عضو جديد

فــيــروز

بتاريخ:
بتاريخ:
بول بريمر يسمي عبد الأمير علاوي وزيرا للدفاع

بركاتك يا امير :blink:

"أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ"

صدق الله العظيم

-----------------------------------

قال الصمت:

الحقائق الأكيده لا تحتاج إلى البلاغه

الحصان العائد بعد مصرع فارسه

يقول لنا كل شئ

دون أن يقول أى شئ

tiptoe.gif

مريد البرغوثى

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...