العالم المصرى مصطفى السيد يعلن نجاح المرحلة الأولى من مشروع علاج السرطان بالذهب

[أبو العز]

العالم المصرى مصطفى السيد يعلن نجاح المرحلة الأولى من مشروع علاج السرطان بالذهب..

ومفتى الجمهورية يؤكد: البحث العلمى تحرير لرقابنا من سيطرة المستغلين

أكد الدكتور مصطفى السيد نجاح المرحلة الأولى من المشروع والتى أثبتت عدم وجود أية آثار جانبية لوجود جزيئات الذهب متناهية الصغر بأعضاء الجسم المختلفة سواء على المخ أو الكبد أو القلب وغيرها من أجزاء جسم حيوانات التجارب.

وأوضح العالم المصرى الحاصل على أعلى وسام فى العلوم من الولايات المتحدة الأمريكية والمشرف على مشروع علاج السرطان بجزيئات الذهب متناهية الصغر بالمركز القومى للبحوث أن المرحلة القادمة من التجارب سوف يتم فيها دراسة نتيجة تسليط شعاع الليزر على هذه الجزيئات لتسخينها مما يساعد على قتل الخلايا السرطانية فقط دون التأثير على الخلايا السليمة جاء ذلك خلال مؤتمر عقد صباح اليوم السبت بالتعاون مع مؤسسة مصر الخير الممولة للمشروع للإعلان عن آخر النتائج.

وأكد السيد أن هذا النوع من العلاج يتسم باستهدافه للخلايا السرطانية فقط، مما يعد إنجازاً علمياً خاصة أن 50% من علاج مرضى السرطان يتم بالجراحة التى تعرض المريض خلال العملية للعديد من الميكروبات والعدوى، كما يتميز علاج السرطان بجزيئات الذهب بعدم وجود مقاومة للخلية السرطانية له مع مرور الوقت وهو الأمر الذى يحدث فى العلاج الكيماوى الذى تتمكن الخلايا السرطانية بعد نحو أربع أشهر من مقاومته وعدم الاستجابة له.

وقال الدكتور على جمعة مفتى الجمهورية ورئيس مجلس أمناء جمعية مصر الخير، إن البحث العلمى أصبح هو الحياة مؤكدا على أهميته فى رفع شأن الأمة ومواجهة الإرهاب والتطرف وأحادية النظرة، وأضاف قائلا "إن البحث العلمى هو تحرير لرقابنا من سيطرة المستغليين"، مطالبا بالاهتمام به حتى لا يتم إذلالنا من أجل الحصول عليه وإن للمصريين حق المعرفة وتطبيقها، وأكد أن السيد هو من يملك المعرفة والعلم والعبد هو من يقوم بطلبها.

وأضاف الدكتور جمعة أن مؤسسة مصر الخير لا يقتصر أعمالها الخيرية على المسلمين بل هى لجميع المصرين من المسلمين والمسيحيين، موضحاً على أن تمويل البحث العلمى سوف يصل نتائجة للجميع.

وقال الدكتور أشرف شعلان رئيس المركز القومى للبحوث أن جمعية مصر الخير سوف تمول المرحلة الثانية من مشروع علاج السرطان بجزئيات الذهب بنحو مليون ونصف جنيه وأن هذه المرحلة سوف تتراوح ما بين سنتين إلى ثلاث وإذا ثبت أن أشعة الليزر التى يتم استخدامها فى تسخين الذهب لا تسبب أضراراً سوف يتم الانتقال إلى مرحلة التجريب على الإنسان بعد أخذ تصريح من وزارة الصحة من خلال التعاون مع المعهد القومى للأورام بجامعة القاهرة.

وقال الدكتور على شبكة الباحث الرئيسى للمشروع لأن النتائج الأولية أثبتت أن الجرعات جرعات الذهب التى يتم حقن حيوانات التجارب بها لم تسبب الوفاة كما أن حجمها يتضاءل فى الجسم مع مرور الوقت مما يعنى تخلص الجسم منها.

[Damo]

اخيييييرا

الحمد لله. لسه من قريب كنت بقول مصطفى السيد راح فين! ملوش حس يعني!! اتاريه شغال الله ينور.

يا ترى كمان مية سنة من دلوقتي هيقولو للعيال في المدارس ' تخيلوا ان الناس كانت زمان تموت من السرطان. الفضل يرجع لباحث مصري اكتشف كذا كذا كذ ' ولا هيقولوا ' اكتشف الفكرة عالم مصري من مية سنة و اثبت فعاليتها بس معهد الاورام طلع عينو و مسبهوش يكمل لحد ما عالم امريكي اخد الفكرة و طورها و اخد نوبل عليها و سموا اسلوب العالج ده على اسمو '

[لماضة مصرية جدا]

السلام عليكم و رحمة الله و بركاته

متتخيلوش الخبر ده اسعدني ازاي..... يا ربي انت كريم اوي

بس هو في انهي مرحلة من تجريبه.....يعني انتهي من تجريبه ع الانسان.....

طب ايه انواع السرطان اللي ممكن ينفع معاها.....

طب فيه اثار جانبية....

لو سمحتم اللي عنده تفاصيل يكون مشكور جدا لو دلنا عليها

تحياتي

جزاكم الله كل خير

[Damo]

السلام عليكم و رحمة الله و بركاته

متتخيلوش الخبر ده اسعدني ازاي..... يا ربي انت كريم اوي

بس هو في انهي مرحلة من تجريبه.....يعني انتهي من تجريبه ع الانسان.....

طب ايه انواع السرطان اللي ممكن ينفع معاها.....

طب فيه اثار جانبية....

لو سمحتم اللي عنده تفاصيل يكون مشكور جدا لو دلنا عليها

تحياتي

جزاكم الله كل خير

بصي يا لماضة الفكرة ان جزيئات الدهب دي لما بتتسخن بالليزر بتقضي على خالايا السرطان. ماشي لحد كده؟ طيب المرحلة اللي الخبر بيقول عليها انها خلص تانهم يتاكدو ان جزيئات الدهب دي ملهاش تاثير ضار على جسم الفار (زاي اي تجربه بيعملو كل حاجة في الفيران الاول) يعني تخيلي يحقنو الواحد دهب! متخيلة؟ معايا لحد كده؟

خلاص اتاكدو ان ملوش اي تاثير خاااالص و بالعكس ده كمان بيروح لوحدو. طيب عال قوي. دلوقتي المرحلة التانيه اللي لسه هيعملوها لسه في الفيران برضو. مش قولنا هيسخنوا الدهب بالليزر؟ دلوقتي هما عايزين يعرفو تاثير الليزر شخصيا على الجسم. لو طلعت النتيجة ان ملوش تاثيرات سلبية هيخدوا اذن من معهد الاورام و يقولوله بص اهوه كل حاجة نجحت في الفيران و مفيش اي حاجة وحشة حصلتلو و اتفضلو النتيجة. ممكن بقى نختبروا على الانسان؟

وصل؟ :closedeyes:

يا ريت لو قلت حاجة غلط او زاي ما لماضه قالت حد عندو معلومات اكتر يقولنا

تحياتي

[الباشمهندس ياسر]

اخيييييرا

الحمد لله. لسه من قريب كنت بقول مصطفى السيد راح فين! ملوش حس يعني!! اتاريه شغال الله ينور.

يا ترى كمان مية سنة من دلوقتي هيقولو للعيال في المدارس ' تخيلوا ان الناس كانت زمان تموت من السرطان. الفضل يرجع لباحث مصري اكتشف كذا كذا كذ ' ولا هيقولوا ' اكتشف الفكرة عالم مصري من مية سنة و اثبت فعاليتها بس معهد الاورام طلع عينو و مسبهوش يكمل لحد ما عالم امريكي اخد الفكرة و طورها و اخد نوبل عليها و سموا اسلوب العالج ده على اسمو '

هتفائل و رجو الله ان يوفق المتخلفين ذهنيا بتوعنا انهم يوفروا للدكتور كل الاحتياجات و يعاونوه حتي يخرج الامر علي افضل صورة ممكنة

[midotornado]

الحمد لله ربنا يشفي كل مريض ويجزي الدكتور مصطفى كل خير الي رافع اسم مصر

[Alshiekh]

موضوع عن العالم مصطفى السيد وقت حصوله على جائزة " زويل " فى العلوم