هل يوجد راديو كاسيت ديجيتال للسيارة

[se_ Elsyed]

أحب على إيدكم .. دلوني يا سيادي على نوع راديوهات بس يكون ديجيتال وبيتركب في السيارة ... احسن خلاص جبت جاز من الثلاث قنوات اللي موجودين هنا في السعودية بس

أم بي سي أف أم ... والتانية اللي هواها بحري قصدي خليجي .. والقرآن الكريم

نفسي في ماركة راديو كده زي اللي في الريسيفر اليومين اللي بيجيب قنوات الدنيا كلها

ها ... حد يسمعنا الصلاة عالنبي يا رجالة

[ahmos1]

ايدى على كتفك و انا نفسى حد يدلنى انا ايضااااااااااااااااااااااااااا

[se_ Elsyed]

تصدق بالله ؟

مش عارف اعمل فيك ايه

كنت فاكرك هاتبل ريقي بكلمة حلوه ولو حتى تقولي " بسبوسة "

خصوصاً إني لسه عامل معاك واجب ونقلت لك موضوع حيثيات قبول النقض بتاع طلعت مصطفى من باب المغتربين بابا حوادث وقياي وقلت ربنا يستر وسين سين ما يلحقش يشوفك

لكن حيث إن كل شيء أنكشف وبان .. يبقى اسمح له يديك 4 أنذارات

[سكر]

الحل المتاح حاليا فقط هو استخدام USB لسماع MP3 على موجات الراديو

وده جهاز قديم بقاله اكثر من اربع سنوات

يعنى تعمل لنفسك اذاعه خاصه تحملها على الفلاش مورى من اغانى او قران او محاضرات بس تكون mp3 وعيش اللحظه

وادينا فى انتظار الصين او تايوان يحلوا المشكله دى

[Diab]

معندكش حل غير انك تشتري شريحة بيانات من بتوع موبايلي او الجوال

وتسمع الاذاعات اللي بتبث من النت ودي فيها كل الاذاعات واولهم المصرية

وتشغل FM  transmitter علي الراديو بتاعك

هو حل مكلف شوية بس للأسف مفيش غيره

انا بعمل كدة في البيت بصراحة اشغل البرنامج العام من الكومبيوتر واسيبه 

تم تعديل 4 أبريل 2010 بواسطة Diab

[msayed]

هناك حلين فى نظرى لا ثالث لهما

الأول إنك تروح تسكن فى الدمام وهناك هتلاقى إذاعات بالهبل الكويت والبحرين وسلطنة عمان وغيره وغيره أو تروح القريات وهناك الأردن وسوريا

الحل الثانى إنك تركب دش فوق العربية وريسيفر وتعيش حياتك.

wst::

ولو ظهر حل ثالث أنا معاكم