بقلظ وماما نجوي .. راجعين تاني قريب

[Simba]

تقوم الفنانة نجوي ابراهيم بإجراء جلسات علاج طبيعي لعلاج الانزلاق الغضروفي الذي أصيبت به إثر تعرضها لحادث اصطدام بدراجة بخارية منذ شهرين‏

‏ وكان من المفترض ان تقوم نجوي بتصوير توك شو بقلظ الا ان الحادث عطل بدء التصوير تقول نجوي ابراهيم‏:‏ كان من المفترض ان ابدأ تصوير برنامج بقلظ الا ان الحادث أجل تنفيذ المشروع الذي سبق وحقق نجاحا علي شاشة التليفزيون المصري‏..‏ واضافت ان الحلقات يكتبها شوقي حجاب ولم يتم ترشيح المخرج إلي الان وسيناقش القضايا المعاصرة مثل الانترنت والمحمول وتأثيرهما واستخدامهما الخاطيء والمدارس والامهات والجدات والمدرسات وعلاقتهم بالاطفال وسيتم عرضه علي عدة قنوات فضائية لأن الفكرة يملكها شوقي حجاب ولم تكن ملكا للتليفزيون المصري وسيقدم دور بقلظ الفنان سيد عزمي

.........................

حقيقي ده كان من اجمل البرامج اللي كنت بشوفها زمان وفتشت عنه في النت في كل مكان ماقدرتش الاقي ولا تتر المقدمة حتي

انا مبسوط جدا ان البرنامج ده هيرجع تاني حتي لو بشكل جديد :closedeyes: :lol:

[قلب ابيض]

تفتكر لو رجع تانى هيلاقى الاقبال بتاع 20 سنه فاتوا؟؟

العيال دلوقتى بتلعب بالبى اس بى والاكس بوكس

لسه هايشوفوا بقلظ؟؟؟

احنا اللى هانقعد نشوفه ده اكيد

[justme]

زمان في عصر كان كل قنوات التلفزيون 3 بس

وكانت برامج الاطفال مقارنة بما رأيناه فيما بعد اشبه ببرامج المعاقين عقليا

حاجة بيقضوا فيه الوقت وخلاص

يعني ايه نوع الفكر اللي كانت بتنميه

وطول البرنامج سلامات لبابا وماما وطنط من فلان لفلان

بس مكنش فيه غيره وانا فاكر زمان اني لما كنت بقعد مستني علشان الكرتون بس

ويا سلام على الاحباط بتاع لما يقطعوه اصل الوقت مكفّاش

دلوقتي عندك قنوات كتيير فيها مشاكل وعيوب بس الطفل بيدور على عناصر الجذب اللي بقت اكتر من الهم على القلب

كمان نجوى ابراهيم وسيد عزمي اتوقع عدوا الستين من زمان يعني انا فاكر الرصاصة لا تزال في قلبي شوفوا ده كان سنة كام واحكموا

طب سؤال معلش لو عندك طفل في البيت واديته الريموت هيروح اصلا على قناة مصرية ولو راح حيقعد من غير ما يحول اد ايه

طبعا مش الكل

انا فاكر بصراحة برنامج داتا داتا كمبيوتر

بصراحة كنت بحب اسمع بجد الولد اللي كان بيقدمه في الاول لأنه كان بيعرف يجذب الانتباه(على الاقل بالنسبة لي)

نفسي في حاجة تخاطب تفكير المراحل دي وتنميها بجد وان اللي يكتب البرنامج يشترك معاه ناس متخصصين في التربية وعلوم الطفولة سواء نفسية او تربوية

ويدرسوا البيئة كويس ويعرفوا يوجههوا الخطاب مظبوط

ساعتها هيكون البرنامج ناجح مهما كان المذيع

معلش في رأيي الشخصي انه مش هينجح زي تجربة بوجي وطمطم

خالص تحياتي

[Simba]

تفتكر لو رجع تانى هيلاقى الاقبال بتاع 20 سنه فاتوا؟؟

العيال دلوقتى بتلعب بالبى اس بى والاكس بوكس

لسه هايشوفوا بقلظ؟؟؟

احنا اللى هانقعد نشوفه ده اكيد

البرنامج هيتذاع علي القنوات الفضائية مش علي الاولي زي زمان وفيه قنوات اشترت حق عرضه فاكيد هسيتخدموا التقنيات الحديثة فيه

بس مش ده المهم

المهم انه بيرجعني بذكرياتي لزمان خالص لاوقات حلوة جدا مفيش حاجة تعوضها

[Simba]

زمان في عصر كان كل قنوات التلفزيون 3 بس

وكانت برامج الاطفال مقارنة بما رأيناه فيما بعد اشبه ببرامج المعاقين عقليا

حاجة بيقضوا فيه الوقت وخلاص

يعني ايه نوع الفكر اللي كانت بتنميه

وطول البرنامج سلامات لبابا وماما وطنط من فلان لفلان

بس مكنش فيه غيره وانا فاكر زمان اني لما كنت بقعد مستني علشان الكرتون بس

ويا سلام على الاحباط بتاع لما يقطعوه اصل الوقت مكفّاش

دلوقتي عندك قنوات كتيير فيها مشاكل وعيوب بس الطفل بيدور على عناصر الجذب اللي بقت اكتر من الهم على القلب

كمان نجوى ابراهيم وسيد عزمي اتوقع عدوا الستين من زمان يعني انا فاكر الرصاصة لا تزال في قلبي شوفوا ده كان سنة كام واحكموا

طب سؤال معلش لو عندك طفل في البيت واديته الريموت هيروح اصلا على قناة مصرية ولو راح حيقعد من غير ما يحول اد ايه

طبعا مش الكل

انا فاكر بصراحة برنامج داتا داتا كمبيوتر

بصراحة كنت بحب اسمع بجد الولد اللي كان بيقدمه في الاول لأنه كان بيعرف يجذب الانتباه(على الاقل بالنسبة لي)

نفسي في حاجة تخاطب تفكير المراحل دي وتنميها بجد وان اللي يكتب البرنامج يشترك معاه ناس متخصصين في التربية وعلوم الطفولة سواء نفسية او تربوية

ويدرسوا البيئة كويس ويعرفوا يوجههوا الخطاب مظبوط

ساعتها هيكون البرنامج ناجح مهما كان المذيع

معلش في رأيي الشخصي انه مش هينجح زي تجربة بوجي وطمطم

خالص تحياتي

ممكن ينجح ممكن لا محدش عارف

كلامك فعلا صحيح وانا متفق معاك فيه لكن مش مبرر لنجاح البرنامج او فشله

احنا لسه مش عافين هيتقدم ازاي

لكن الاكيد ان ف ناس كتير البرنامج ده بمثلها ذكريات من زمن جميل

[justme]

ممكن ينجح ممكن لا محدش عارف

كلامك فعلا صحيح وانا متفق معاك فيه لكن مش مبرر لنجاح البرنامج او فشله

احنا لسه مش عافين هيتقدم ازاي

لكن الاكيد ان ف ناس كتير البرنامج ده بمثلها ذكريات من زمن جميل

كلامك سليم في موضوع الفشل والنجاح بس انا حكمت بناء على معطيات اهمها هو نوعية البرامج الحالية ونوع الخطاب فيها

بس اتوقع ان الغالبية هيتابعوه في الأول بس علشان الذكريات يعني الكبار

[لماضة مصرية جدا]

السلام عليكم و رحمة الله و بركاته

الله يطمنك يا استاذ سمبا

بس مافيش اخبار عن كرمبة....اصلي كنت بحبها اوي.... wst::

انا اطفال العيلة معجبين جدا ببوجي و طمطم...و ظاظا فظاظا و جرجير طازة.....

بس فيه واحد مش قادرة اتابعه معاهم....اسمه فتيات القوة.....كل ما اتفرج عليه احس انهم شوية دبان كده بس مركبين اجنجة ملونة....يمكن الدماغ اتغيرت....

حاولت معاهم كتير برضه انهم يشوفوا بكار...بس بيخافوا م المعزة بتاعته....الا هي اسمها ايه؟؟؟

ايه رايكو صحيح في الحاجات المدبلجة دي....انا اتربيت عليها....بس لما كبرت حسيت انها متنفعشي للاطفال

اللي هيسال من فضلك ارجع للتااااااااريخ...."سالي....بوليانا.....عدنان و لينا....أهو الاخراني ده كان عدنان بيحب البت لينا...طب ده كلام.... )

سلااااااااام

[shiko]

بجد....ده احلى خبر ...سمعته انهاردة ....

لاء بجد....

اصلى ساعات بحس انى معقدة علشان مابحبش الكرتون ....

وكتير بحس ان الزمن وقف بيه عند بقلظ وسابنى هناك ...من غير ماعيش عصر الازدهار بتاع الكرتون ....

بجد انا سعيدة من قلبى ....فلقد ارضيت رغبات الطفولة الملحة فى مشاهدة ماما نجوى تانى ...

الا صحيح مافيش ...ليها حلقات على اليوتيوب؟؟

[سكر]

سوال بيهبد نفسه وينط قدامى كل ما يجى سيرة برامج الاطفال

ليه مفيش قناة مصريه مصريه متخصصه لبرامج واغانى الاطفال

ولا هو كله كبار بس

(براعم &وسبيس تون & والجزيرة &وطيور الجنه) كل دة مش مصرى

دة اغنيه محمد فوزى ماما زمانها جايه يتعملها لوحدها اذاعة وتليفزيون وفضائيات

[doudy]

تفتكر لو رجع تانى هيلاقى الاقبال بتاع 20 سنه فاتوا؟؟

العيال دلوقتى بتلعب بالبى اس بى والاكس بوكس

لسه هايشوفوا بقلظ؟؟؟

احنا اللى هانقعد نشوفه ده اكيد

البرنامج هيتذاع علي القنوات الفضائية مش علي الاولي زي زمان وفيه قنوات اشترت حق عرضه فاكيد هسيتخدموا التقنيات الحديثة فيه

بس مش ده المهم

المهم انه بيرجعني بذكرياتي لزمان خالص لاوقات حلوة جدا مفيش حاجة تعوضها

انا كمان كنت بحب اتفرج عليه جدا :closedeyes:

و كنا بنستنى ميعادة

ياه ه بجد حاجة حلوة قوى انه يرجع تانى

و يفكرنا بايام الطفولة و الروقان و البال الخالى

طبعا هوة مش هيعجب لاعبد الرحمن و كنزى لانهم كبروا شوية عليه

بس عمورة سنتين بيحب العرايس المتحركة جدا فاكيد هيعجبه

يلا اهو كدة الاقى حد يقعد يتفرج معايا على ماما نجوى و بقلظ :blink:

[لونا]

سوال بيهبد نفسه وينط قدامى كل ما يجى سيرة برامج الاطفال

ليه مفيش قناة مصريه مصريه متخصصه لبرامج واغانى الاطفال

ولا هو كله كبار بس

(براعم &وسبيس تون & والجزيرة &وطيور الجنه) كل دة مش مصرى

دة اغنيه محمد فوزى ماما زمانها جايه يتعملها لوحدها اذاعة وتليفزيون وفضائيات

لو عملوا قناة للأطفال حيكون مصيرها زي النيل الثقافية و الأسرة و الطفل .. قليل أما حد بيتفرج عليها

و إن كانت النيل للكوميديا .. ناجحة جداً مع أولادي .. :closedeyes:

[Simba]

نا اطفال العيلة معجبين جدا ببوجي و طمطم...و ظاظا فظاظا و جرجير طازة.....

بس فيه واحد مش قادرة اتابعه معاهم....اسمه فتيات القوة.....كل ما اتفرج عليه احس انهم شوية دبان كده بس مركبين اجنجة ملونة....يمكن الدماغ اتغيرت....

حاولت معاهم كتير برضه انهم يشوفوا بكار...بس بيخافوا م المعزة بتاعته....الا هي اسمها ايه؟؟؟

ايه رايكو صحيح في الحاجات المدبلجة دي....انا اتربيت عليها....بس لما كبرت حسيت انها متنفعشي للاطفال

اللي هيسال من فضلك ارجع للتااااااااريخ...."سالي....بوليانا.....عدنان و لينا....أهو الاخراني ده كان عدنان بيحب البت لينا...طب ده كلام.... )

سلااااااااام

انا بنتي متعلقة بسبيس تون خالص وكانت كل شوية تقولي فتيات جت

الدبان اللي بتقولي عليه ده :closedeyes:

بالعكس الحاجات المدبلجة كلها موجهه للاطفال غير اصلا المؤثرات الصوتية والاثارة الحركية اللي بتخلي مخ العيل يفصل وما يركزش غير في القناة اللي قدامه زي كابتن ماجد كده كان الشوطة من اللاعب للاعب تاني تاخدها لا سنة

شلل بصراحة بس الاطفال بيحبوها

[Simba]

اصلى ساعات بحس انى معقدة علشان مابحبش الكرتون ....

وكتير بحس ان الزمن وقف بيه عند بقلظ وسابنى هناك ...من غير ماعيش عصر الازدهار بتاع الكرتون ....

بجد انا سعيدة من قلبى ....فلقد ارضيت رغبات الطفولة الملحة فى مشاهدة ماما نجوى تانى ...

الا صحيح مافيش ...ليها حلقات على اليوتيوب؟؟

كارتون عن كارتون يفرق كتير ... طب شوفي افلام والت ديزني وقارنيها بسبيس تون

حرام اصلا تتقارن بيهم

للاسف مالهاش ولا اي حلقة علي النت

[Simba]

سوال بيهبد نفسه وينط قدامى كل ما يجى سيرة برامج الاطفال

ليه مفيش قناة مصريه مصريه متخصصه لبرامج واغانى الاطفال

ولا هو كله كبار بس

(براعم &وسبيس تون & والجزيرة &وطيور الجنه) كل دة مش مصرى

دة اغنيه محمد فوزى ماما زمانها جايه يتعملها لوحدها اذاعة وتليفزيون وفضائيات

كفاية علينا مودرن اسبورت وحازم امام واونكل شوبير

[Simba]

و كنا بنستنى ميعادة

ياه ه بجد حاجة حلوة قوى انه يرجع تانى

و يفكرنا بايام الطفولة و الروقان و البال الخالى

طبعا هوة مش هيعجب لاعبد الرحمن و كنزى لانهم كبروا شوية عليه

بس عمورة سنتين بيحب العرايس المتحركة جدا فاكيد هيعجبه

يلا اهو كدة الاقى حد يقعد يتفرج معايا على ماما نجوى و بقلظ

اي والله البال الخالي والروقان

انا فاكر اني قدام البرنامج ده كان بيبقي قدامي 3 ولا 4 كيلو جزر عمال اقزز افيهم وانا منشكح علي الاخر

[سكر]

لو عملوا قناة للأطفال حيكون مصيرها زي النيل الثقافية و الأسرة و الطفل .. قليل أما حد بيتفرج عليها

و إن كانت النيل للكوميديا .. ناجحة جداً مع أولادي ..

على الاقل تكون مصريه احس فيها ان اطفالى ممكن يشوفوا حاجة مصرى

مش كله مدبلج

امال فين بقى الريادة والتقدم الاعلامى

[se_ Elsyed]

ما هو العقل الخايب يعمل أكتر من كده بعيد عنكم

يعني لو علموا قناة أطفال محترمة بعيده عن الخبط والرزع والأعصار المدمر والقبضة الحديدة .. خصوصاً إن برامج الكمبيوتر دلوقت تقدر تعمل شخصيات وكارتون بمنتهى السهولة وإنت قاعد على الشلته ... في المقابل تُسوق منتجات أطفال من أول البامبرز لحد الطيارة أم ريموت اللي هاموت وأجيبها للعيال عشان العب بيها أنا ..

بالله عليكم مش يبقى مشروع ناجح 100 % ؟

تيجوا نتشارك ونعمل قناة أطفال ؟ ..

أنا هالعب دور بُقلظ ... وننقي واحده مبطرخه شويه ونعملها كرومبة ( كله بالوزن وبما يُرضي الله )

مش عارف ليه حاسس إن عُنبو ممكن يلعب دور بكار ...

وأنا حاجز دور لولو الصغيرة للولا

وعاوز حد يتقدم ويلعب دور عم شكشك ...

------------

بس اللي هايجنني ... إزاي ماما نجوى تسوق دراجة بخارية وهي فوق السبعين ؟

[myusername]

إضغط هنا لزيارة موقعي

حد فيكم فاكر لولو ونفيخة :closedeyes:

[myusername]

اتفضلوا بقلظ وعيشوا بقي

إضغط هنا لزيارة موقعي

[myusername]

كده انا مش حارمكم من حاجة

وعايزكم تعيشوا طفولتكم علي قد ما تقدروا

إضغط هنا لزيارة موقعي