تقدر تعيش من غير كدب؟؟؟

[قلب ابيض]

شفت فيلم من يومين اجنبى اسمه " اينفتيشن لاينج" الفيلم بيحكى عن بلد كامله مافيهاش حد بيكذب خاااالص لدرجه انه يروح البنك يسحب فلوس من غير اوراق ولا امضاء وما

الى ذلك 000المهم

فكره الفيلم لها مغزى تانى :closedeyes:

اللى انا فكرت فيه وتعالوا نعيشه سوا ...لو الدنيا دى من غير كذب تبقى شكلها ايه ؟

والحياه تبقى حلوه ولا ممله ؟

هايبقى فيه حب ولا لاء؟

تقدر تعيش من غير كدب؟؟

ماتقوليش بقى كدب ابيض ولا اسود ولا بنفسجى

الكدب هو الكدب

فكروا قبل ماتجاوبوا ورجااااااءا بلاش الشعارات والمثاليه

انا عن نفسى وجدت ان للكذب ضروره هاااامه فى حياتنا مش هاناقشها معاكم الا لما اعرف ارائكم ايه ؟

احتراماتى :lol:

تم تعديل 3 أبريل 2010 بواسطة قلب ابيض

[Simba]

لما شفت موضوع حضرتك جه في بالي مشهد من فيلم اشاعة حب في اول الفيلم لما طلبوا منه يكدب علشان يداري علي خاله وعمر الشريف رفض ولما سألته مرات خاله هو ايه اللي مش عايز تكدب علشانه قالها لما تسأليني هابقي اقولك ...

فيه مواقف وناس بتضطرنا فعلا نلجأ للكدب رغم ان اتفاق الجميع بان الكدب شئ سئ جدا .. لكن ساعات هو العلاج الوحيد الفعال

انا في مواقف كتير كنت مضطر اكدب فيها علي زوجتي علشان الدنيا ما تبوظش

يعني مثلا فيه خلاف كبير حصل بينها وبين اهلي ولما كنت مع والدي ثار واتكلم وحش في حقي وحقها هي سالتني وهي متاكده طبعا اتكلموا عني وحش

انا انكرت تماما وبالعكس خالص ... اكيد بكل المقاييس مكانش ينفع اقول الحقيقة

ومواقف تانية مشابهة

يعني مش حب في الكذب ولا دفاع عنه واتمني ان ما يحصلش اي ظروف والجأ له لكن فعلا كان علاج احيانا

[الباشمهندس ياسر]

انا من الوع الصادق حتي درجة الصدمة

و اتعرضت لمشاكل كتير بسبب كده

بس مؤمن ان الصدق منجي

[doha]

كنت ناوية اقولك اني مبكدبش خالص بس تذكرت اللغز بتاع واحد رايح يسال على الطريق وقدامه اثنين واحد كذاب مبيقولش الا الكذب والتاني صادق مبيقولش الا الصدق وعاوز يعرف الطريق ازاي بسؤال واحد بس .. المشكلة لو سأل الصادق الي مبيقولش الا الصدق هيقوله طبعا كلامي الحق وعمري مابكذب ولو سأل الكذاب الي مبيقولش الا الكذب هيرد بنفس الرد برضه .. مشكلة ..

مش عارفه هتعتبريني انهي واحد فيهم بس بجد ياقلب ابيض ممكن نعيش في الحياه بدون كذب نهائيا ..

لو كان الكذب زي الملح كده حاجه لايمكن الاستغناء عنها مكانش ربنا سبحانه اثم الي يعمله بل كونه مكروه في كل الاديان يدل انه مش بس شرع وانما من ( الفطرة ) الي احنا كبني آدمين انخلقنا عليها .. احنا اصلا جايين الدنيا ومخلوقين بطبيعتنا اننا منكذبش كون العكس هو الي بيحصل غالبا فده انحراف عن الفطره .. ولانه انحراف فمهما حصل ومهما كتر او انتشر ابدا مش هيكون له شرعية ..

طيب افرضي حصل موقف يضطر الانسان فيه للكذب ـ وبتحصل كتير ـ نعمل ايه لو مش هنكذب ؟

ابدا انتي مش مفروض تكذبي في نفس الوقت فانتي مش مضطره تقولي الحقيقة بحذافيرها ..

مثلا ..

وحده سألتك انا جميلة ؟ وهي مش جميلة .. تعملي ايه ؟

شوفي احلى حاجه فيها . .عينيها مثلا ولا شعرها ولا حتى طبعها .. وقولي ماشاء الله نفسك في الاكل لا يعلى عليه wst::

مثلا .. في موقف الاستاذ سمبا لما قال ان زوجته سالته .. انا لو مكانك بجد هقولها بالظبط مش مهم ايه الي اتقال والي حصل حصل المهم ان الانسان يركز على كذا وكذا ..

مش هنقل اخبار وحشه عشان موقعش حد في حد وهسعى اني ( اهدي النفوس ) بكلمتين طيبين بدون مااكون مضطره اني اكذب ..

احيانا لو مفيش بد ولا اقدر ارد بحاجه مناسبة بسكت وخلاص .. والسكوت بيبقى مفهوم منه ضمنا اجابتي لكنه بيظل اخف وطأه على النفس من مواجهتها بكلمه متعجبهاش ..

صدقيني ياقلب ابيض احنا مش مضطرين ابدا للكذب وممكن جدا نعيش حياتنا بدونه ودي مش مثاليات وانما واقع ..

ملاحظه اخيرة ..

في الشرع مسموح لن نكذب في ثلاث حالات فقط ..

بين الرجل وزوجته يعني ده الشخص الوحيد الي مسموح له يقول لزوجته انا بشوفك احلى ست في الدنيا حتى لو هو مش بيشوفها كده طالما غرضه او غرضها حسن المعاشرة ..

وفي الحرب .. طبعا لو واحد وقع اسير ولا حاجه وسألوه الاعداء مسموح له يكذب عشان يموههم .

والثالثه في الاصلاح بين الناس .. يعني على فكره ياسمبا كذبتك الى حد كبير متعتبرش كذبة وشرعا باذن الله لا تؤاخذ عليها لان كان غرضك ان متحصلش مشاكل ..

[لماضة مصرية جدا]

السلام عليكم و رحمة الله و بركاته

هو كان فيه فيلم حلو اوي بتاع جيم كاري اسمه "Liar"......عن واحد كان ناجح جدا في كل حياته المهنية و الاسرية عن طريق الكدب...و كل الناس كانت مصدقة كذبه...ما عدا ابنه الصغير اللي لسه فطرته سليمة مكنش بيحب يشوف باباه بيكذب.....راح عمل ايه راح في عيد ميلاده قبل ما يطفي الشمعة اتمني امنية ان والده يبطل كذب....لمدة يوم واحد بس

و لما جيم كاري رجع لحياته في الشغل...و هو سايق العربية....و هو في المحكمة لقي نفسه مش قادر يكذب...ووقع في مشاكل كتيرة جدا.....حياته اتدمرت....او هو اتهياله كده....

مش هقولكم النهاية.....بس هو فيلم حلو اوي

بعيدا بقي عن نادي السينما ده.......

انا مش ملاك يا تانت.....

بس لقيت حاجة ع اد ما احيانا كتيرة الواحد بيقعد يبرر لنفسه انه مضطر يكذب....و انه بكده مش عايز مثلا يضايق او يجرح اللي قدامه....اوقات اكتر بلاقي ان الكذب بيجرح و بيجرح اوي كمان

و ان صدمة الواحد لما بيعرف ان حد كذب عليه قد تكون اشد من صدمة معرفة الحقيقة و المواجهة اول مرة

افتكر كتير من الحوارات مع امي....لما كنا صغيرين....احيانا لما كنا بنعمل حاجة غلط.....كانت اول حاجة تقولهالنا قبل الجلسة التاديبية....محدش يكذب....و انا كطفة اقعد اقول لنفسي....ايه ده...انا عايزة افلت م العقاب....بلا وجع دماغ...كذب مش كذب....مش مشكلة المهم افلت......بس اخويا اللي هو دايما كان شريك ليا في كل الجرائم المدبرة كان دايما بيبقي اشجع مني....كان دايما يقول....ايوة احنا عملنا كذا و كذا....و الحقيقة برضه كنا بنتعاقب.....(مبدأ ماما مش المفروض اني أكافيء علي حاجة المفروض انت تعملها و مكنشي فيه مهرب من العقاب...اللي غلط....هياخد نفس العلقة...لا تزيد قلم و لا تنقص قلم)

من ساعتها بحاول اقول لنفسي حاجة.....آه انا مش ملاك.....و لا انا شيطان

الكذب....وااااااااااااضح

الصودق.....واااااااااااااااضح

لو اتحطيت في موقف.....الاختيار عندك انت

بس و انت بتختار افتكر ان لكل منهم تباعته....و اتحمل مسئولية قرارك و فعلك

الكذب اقسي حاجة فيه انك ممكن تفقد ثقة شخص قريب منك....ا

و انك تسقط من نظر عين حد كان شايفك نجمة في السما....لانه خلاص بقي مش عارف يصدق منك حاجة

و الصدق.....مش المفروض يبقي ليه مكافأة....لانه هو في حد ذاته....بيجيب راحة....حتي لو حطك في مواقف محرجة

طب انا مثلا زوجي يسالني....ايه رايك في القميص ده......و انا من جوايا ابقي حاسه انه عامل زي الجلابية المخططة المتقيفة في شكل قميص.....هنا لو رديت عليه و قولت له بمنتهي الصدق.....حواري الداخلي...هيطبق ايده ع شكل بونية

بس ممكن اشوف فعلا زي ما استاذة ضحي قالت.....حاجة حلوة....اللون حلو....بس تصدق انت ممكن يخيل فيك ديزاين تاني اكتر....بيخليك كوووووووول و حاجة جامدة كده

فيه حديث للرسول صلي الله عليه و سلم....فيما معناه...:( إنّ الصدق يهدي إلى البر، وإن البرّ يهدي إلى الجنة، وإن الرجل ليصدق ، حتى يكتب عند الله صديقا ، وإن الكذب يهدي إلى الفجور ، وإن الفجور يهدي إلى النار ، وإن الرجل ليكذب حتى يكتب عند الله كذابا )...

تحياتي

سلااااااااااااااااااااااااام

تم تعديل 28 أبريل 2010 بواسطة أسد
تصحيح الحديث الشريف

[Diab]

لما شفت موضوع حضرتك جه في بالي مشهد من فيلم اشاعة حب في اول الفيلم لما طلبوا منه يكدب علشان يداري علي خاله وعمر الشريف رفض ولما سألته مرات خاله هو ايه اللي مش عايز تكدب علشانه قالها لما تسأليني هابقي اقولك ...

فيه مواقف وناس بتضطرنا فعلا نلجأ للكدب رغم ان اتفاق الجميع بان الكدب شئ سئ جدا .. لكن ساعات هو العلاج الوحيد الفعال

انا في مواقف كتير كنت مضطر اكدب فيها علي زوجتي علشان الدنيا ما تبوظش

يعني مثلا فيه خلاف كبير حصل بينها وبين اهلي ولما كنت مع والدي ثار واتكلم وحش في حقي وحقها هي سالتني وهي متاكده طبعا اتكلموا عني وحش

انا انكرت تماما وبالعكس خالص ... اكيد بكل المقاييس مكانش ينفع اقول الحقيقة

ومواقف تانية مشابهة

يعني مش حب في الكذب ولا دفاع عنه واتمني ان ما يحصلش اي ظروف والجأ له لكن فعلا كان علاج احيانا

بالعكس اللي انت عملته هو اللي صح والرسول امر بكده

اسمع الحديث ده

لا يحل الكذب إلا في ثلاث : يحدث الرجل امرأته ليرضيها ، والكذب في الحرب ، والكذب ليصلح بين الناس

الراوي: أسماء بنت يزيد المحدث: الألباني - المصدر: صحيح الترمذي - الصفحة أو الرقم: 1939

خلاصة حكم المحدث: صحيح دون قوله: "ليرضيها

http://www.dorar.net/enc/hadith/%D9%84%D8%...7%D8%AB/+d1,2+w

بالنسبة للموضوع ده هتلاقوا الأجابة هنا

سورة الملك - سورة 67 - عدد آياتها 30

بسم الله الرحمن الرحيم

تَبَارَكَ الَّذِي بِيَدِهِ الْمُلْكُ وَهُوَ عَلَى كُلِّ شَيْءٍ قَدِيرٌ

الَّذِي خَلَقَ الْمَوْتَ وَالْحَيَاةَ لِيَبْلُوَكُمْ أَيُّكُمْ أَحْسَنُ عَمَلا وَهُوَ الْعَزِيزُ الْغَفُورُ

صدق الله العظيم

مينفعش نعيش من غير كذب

مش عشان احنا عاوزين نكذب

لا لان ده قدر نافذ

الشيطان موجود

والانسان موجود

والصراع قائم حتي يوم القيامة

اما حكاية الافلام فهي فانتازيا ليس الا وكلها من امنيات المؤلف ولكن هيهات

حد شاف فيلم أدم بدون غطاء

تم تعديل 4 أبريل 2010 بواسطة Diab

[قلب ابيض]

لما شفت موضوع حضرتك جه في بالي مشهد من فيلم اشاعة حب في اول الفيلم لما طلبوا منه يكدب علشان يداري علي خاله وعمر الشريف رفض ولما سألته مرات خاله هو ايه اللي مش عايز تكدب علشانه قالها لما تسأليني هابقي اقولك ...

فيه مواقف وناس بتضطرنا فعلا نلجأ للكدب رغم ان اتفاق الجميع بان الكدب شئ سئ جدا .. لكن ساعات هو العلاج الوحيد الفعال

انا في مواقف كتير كنت مضطر اكدب فيها علي زوجتي علشان الدنيا ما تبوظش

يعني مثلا فيه خلاف كبير حصل بينها وبين اهلي ولما كنت مع والدي ثار واتكلم وحش في حقي وحقها هي سالتني وهي متاكده طبعا اتكلموا عني وحش

انا انكرت تماما وبالعكس خالص ... اكيد بكل المقاييس مكانش ينفع اقول الحقيقة

ومواقف تانية مشابهة

يعني مش حب في الكذب ولا دفاع عنه واتمني ان ما يحصلش اي ظروف والجأ له لكن فعلا كان علاج احيانا

بالعكس اللي انت عملته هو اللي صح والرسول امر بكده

اسمع الحديث ده

لا يحل الكذب إلا في ثلاث : يحدث الرجل امرأته ليرضيها ، والكذب في الحرب ، والكذب ليصلح بين الناس

الراوي: أسماء بنت يزيد المحدث: الألباني - المصدر: صحيح الترمذي - الصفحة أو الرقم: 1939

خلاصة حكم المحدث: صحيح دون قوله: "ليرضيها

http://www.dorar.net/enc/hadith/%D9%84%D8%...7%D8%AB/+d1,2+w

بالنسبة للموضوع ده هتلاقوا الأجابة هنا

سورة الملك - سورة 67 - عدد آياتها 30

بسم الله الرحمن الرحيم

تَبَارَكَ الَّذِي بِيَدِهِ الْمُلْكُ وَهُوَ عَلَى كُلِّ شَيْءٍ قَدِيرٌ

الَّذِي خَلَقَ الْمَوْتَ وَالْحَيَاةَ لِيَبْلُوَكُمْ أَيُّكُمْ أَحْسَنُ عَمَلا وَهُوَ الْعَزِيزُ الْغَفُورُ

صدق الله العظيم

مينفعش نعيش من غير كذب

مش عشان احنا عاوزين نكذب

لا لان ده قدر نافذ

الشيطان موجود

والانسان موجود

والصراع قائم حتي يوم القيامة

اما حكاية الافلام فهي فانتازيا ليس الا وكلها من امنيات المؤلف ولكن هيهات

حد شاف فيلم أدم بدون غطاء

اقطعت لعده ايام عن المنتدى ..ملل ...تأديب ...علاج لحاله الادمان اللى قررت اقاطعها ....المهم لاقتنى بدور على الموضوع ده

ان لا اكذب ولكنى اتجمل ...عباره رنانه وروايه معظمنا يعرفها

انا مع اخويا دياب تماما والعزيز سمبا ومش ضد ضحا ولا لماضه

فقط سرحت بخيالى كده دقايق ..انا مرهقه جدا ونفسيتى تعبانه للغايه وتقريبا داخله على اكتئاب ..وفجأه جالى تليفون من امى تتطمن على

هنا بقى لو حكيت لها حالى هانكد عليها ايام فاكون مضطره انى ارسم ابتسامه تحسها فى صوتى انى تماااااااااام" اذن لا ضرر ولا ضرار" بس هو كذب0

حاجه تانيه صديقه لى ماشاء الله طولها وعرضها واحد ...نبهتها لاختيار ملابسها لتناسب سنها وحجمها كتيير وبشكل راقى وغير جارح بالمره ..اعتبرته كلام وعدى وموصره تاخد رائى برده فى اللى لابساه وهو مش مناسب بالمره ....

انا عارفه ان مش ده الكذب المقصود 000

افتكروا معايا كده فيلم الحاسه السابعه بتاع احمد الفيشاوى ...يحصل ايه لو نطقنا بكل اللى بيدور فى خاطرنا للى قدامنا؟؟؟

من غير ادعاء للمثاليه ولا التظاهر بانى فعلا اقدر0

يعنى ممكن تكون معزوم عند حماتك مره وانت عريس وتقدم لك طبق كشك المظ وتصر انك تاكله تقوم حضرتك مش قادر تبلعه وتقولها ..الله تسلم ايديك يا تانت؟؟؟

صدقونى لاااااااااااااازم شويه كذب -انا مش بشجع عليه -بس ده الواقع بدون مثالييات

[se_ Elsyed]

تقدر تعيش من غير كدب؟؟؟

بسم الله الرحمن الرحيم

الإجابة : لأ طبعاً ..

لكنه كدب بناء مش هدام

يعني أنا كل يوم تقريباً لازم أكدب على مراتي ...

طب اعمل إيه أوقات كتير بأتغدا في الشغل ... وهي تفضل مستنياني لحد المغرب ومتزنبه من غير أكل .. وأنا راجع البيت وهاموت من التخمه ... ولما الأكل يتحط أعمل نفسي باكل بس بتفقسني فتقول لي : إنت متغدي بره يا لئيم ؟

فباقول لأ طبعاً ما حصلش بس نفسي مصدوده - على رأي زكي رستم -

لكن كذب يودي في داهيه لأ طبعاً ..

لأني بأعتبر الكذب من شيم الضعفاء

لكن هل يُمكن أن نتخيل مجتمع بدون كذب ؟

مستحيل .. لأن الحاجات دي بتجري في دم الأنسان

افتكروا معايا كده فيلم الحاسه السابعه بتاع احمد الفيشاوى ...يحصل ايه لو نطقنا بكل اللى بيدور فى خاطرنا للى قدامنا؟؟؟

دي من نعم ربنا إننا لا نستطيع ان نقرأ ما في ضمير اللي امامنا .... وإلا هاتبقى العملية زي كإننا مثلاً عارفين موعد موتنا أو نعلم قدر من الغيب وهكذا

[engmido]

لا خالص

عمر الكذب ماكان حل ....انا لا ادعى انى نبى ولا اكذب ولكن لا استطيع ان اتخيل نفسى كاذبا

انا اذنبت ولكنى لا اكرر او اصر على هذا الذنب

والصدق تعود ...فاذا وطنت نفسك على عدم الكذب قن تكذب واذا وضعت لنفسك خطوط حمراء

فلن تكذب

وقد قال المعصوم صلى الله عليه وسلم

تحروا الصدق وإن رأيتم أن الهَلَكَة فيه، فإن النجاة فيه....وابتعدوا عن الكذب وان رايتم ان النجاة فيه فان الهلكة فيه

( الموضوع قوة ايمان ليس الا وتوطينا للنفس)

وقال ايضا

إن الصدق يهدي إلى البر، وإن البر يهدي إلى الجنة، وإن الرجل ليَصْدُقُ؛ حتى يُكْتَبَ عند الله صِدِّيقًا، وإن الكذب يهدي إلى الفجور، وإن الفجور يهدي إلى النار، وإن الرجل لَيَكْذِبُ، حتى يكْتَبَ عند الله كذابًا) [متفق عليه].

[pink rose]

باحاول على اد ما اقدر اتحرى الصدق في كلامي

عارفين ليه

اولا طبعا لانه من اهم قيم دين الاسلام و دا شئ مفروغ منه

ثانيا اني لو حد كذب عليا مرة عمري في حياتي ما هاصدقه تاني و اتوقع كل الناس كده زيي فا بالتالي احب احافظ على مصداقيتي مع الناس و ما بيفقدوش ثقتهم فيا

[لونا]

اقطعت لعده ايام عن المنتدى ..ملل ...تأديب ...علاج لحاله الادمان اللى قررت اقاطعها ....المهم لاقتنى بدور على الموضوع ده

ان لا اكذب ولكنى اتجمل ...عباره رنانه وروايه معظمنا يعرفها

انا مع اخويا دياب تماما والعزيز سمبا ومش ضد ضحا ولا لماضه

فقط سرحت بخيالى كده دقايق ..انا مرهقه جدا ونفسيتى تعبانه للغايه وتقريبا داخله على اكتئاب ..وفجأه جالى تليفون من امى تتطمن على

هنا بقى لو حكيت لها حالى هانكد عليها ايام فاكون مضطره انى ارسم ابتسامه تحسها فى صوتى انى تماااااااااام" اذن لا ضرر ولا ضرار" بس هو كذب0

حاجه تانيه صديقه لى ماشاء الله طولها وعرضها واحد ...نبهتها لاختيار ملابسها لتناسب سنها وحجمها كتيير وبشكل راقى وغير جارح بالمره ..اعتبرته كلام وعدى وموصره تاخد رائى برده فى اللى لابساه وهو مش مناسب بالمره ....

انا عارفه ان مش ده الكذب المقصود 000

افتكروا معايا كده فيلم الحاسه السابعه بتاع احمد الفيشاوى ...يحصل ايه لو نطقنا بكل اللى بيدور فى خاطرنا للى قدامنا؟؟؟

من غير ادعاء للمثاليه ولا التظاهر بانى فعلا اقدر0

يعنى ممكن تكون معزوم عند حماتك مره وانت عريس وتقدم لك طبق كشك المظ وتصر انك تاكله تقوم حضرتك مش قادر تبلعه وتقولها ..الله تسلم ايديك يا تانت؟؟؟

صدقونى لاااااااااااااازم شويه كذب -انا مش بشجع عليه -بس ده الواقع بدون مثالييات

أنا مش شايفة في المواقف اللي ذكرتيها داعي إنك تكذبي

و في الغالب إنت مش بتكذبي كدة

إنت عارفة لما أكون متضايقة لا يمكن أكلم مامتي لأنه حيحصل حاجة من اتنين

يا إما حتعرف من صوتي إني متضايقة و تقولي مالك .. و ساعتها حابكي و أقولها اللي مضايقني

يا إما أنا أول ما أسمع صوتها .. حابكي برضه و أقول لها

الموقف التاني : حد بيسألك عن رأيك في لبسه اللي مش عاجبه

اعملي تعبير إندهاش .. آه دا جديد .. و عبري عن أي حاجة عاجباكي فيه .. اللون .. القماش .. الزراير

الموقف الثالث :

عزومة و الاكل مش قد كدة..تسلم الأيادي .. ده دعاء جميل بسلامة الأيدي اللي تعبت في الأكل (بغض النظر عن جودته )

أكل طعامكم الأبرار و صلت عليكم الملائكة .. و أفطر عندكم الصائمون ..

يجعله عامر

كله كلام جميل ... و لم نكذب و الحمد لله

[myusername]

انا مبعرفش اكدب

بس ساعات بضطر اكدب... او اخبى معلومة.. و لكن عمرى ما بكدب فى حاجة مصيرية.

لكن عمليا... انا فعلا مبعرفش اكدب, و اول ما اكدب... بيبان عليا على طول... طبعا للى يعرفونى بشكل شخصى.

السؤال الاهم بقى... هل الكدب مطلوب؟ لا طبعا.. مش مطلوب... و ينفع نعيش من غيره.