أنا داخل أنام وأما أصحي أبقوا صحوني

[myusername]

يا اخوانا يا متجوزين نصيحة لوجه الله لأخوكم الغلبان :happy:

أنا واحد من الناس مبحبش حد يقولي اصحي وكفاية كدة نوم والحاجات الرخمة دي لأني لو قلقت لا يمكن أعرف اكمل نوم تاني

أنا بصحي لوحدي وبيدي لا بيد عمرو ولا اي كائن كان ... الا طبعا لو دورية شرطة معدية من تحت العمارة وقررت تشوف البطاقة

أذ ربما أكون حلمت وانا نايم حلم مش علي مزاجهم ولا حاجة :lol:

المهم يا جماعة الخير أنا ساعة صحياني من النوم دي ساعة نكد و شر علي البيت كله يعني ببقي قايم من النوم الله لا يوريكم بقول شكل للبيع فتلاقي الكل بيوسع من طريقي علي اعتبار اني قنبلة موقوته لم يتم تأمينها بعد ومحدش في البيت بيحاول يتكلم معايا الا بعد ما اصحي من النوم بساعة تقريبا وهي فترة كافية للتجميع ورجوع الذاكرة وتحديد مكاني بالظبط علي الكرة الارضية

طب والهانم اللي متعرفش الطقوس دي أعمل معاها أيه ؟

دي طيبة وعلي نياتها وبتصحيني بالموبايل وبمنتهي البراءة بتقولي صباح الخير

أنا قلقتك من النوم ولا ايه ؟

طب ارد عليها اقولها ايه دي بقي ؟

طبعا بقولها لاء مقلقتنيش ولا حاجة وحتي لو قلقتيني ايه يعني عني ما نمت

أنا ببقي هطرشق من الغيظ و بفضل استغفر في سري واردد الاية الكريمة ....والكاظمين الغيظ والعافين عن الناس ....صدق الله العظيم

بس دي لازم تفهم وتعرف اني لو سكتت النهاردة مش هقدر اسكت بكرة wst::

واللي يغيظ اكتر اني بعد النوم ما طار طار يا حبيبي طار اخرج الاقي الكل مش قادر يقاوم هسترية الضحك التي تنم عن شماتة من القلب ولسان حالهم يقول ليك يوم يا ظالم والحمد لله اننا عشنا وشفنا اليوم ده :blush2: :closedeyes:

تم تعديل 4 أبريل 2010 بواسطة myusername

[ozoozo]

حلين مالهومش تالت

اصبر عليها لغايه ماتيجي رجلها وبعد الجواز ابقي زعقلها-وسيبك من الرومانسيه والكلام الفاضي ده انك مش ممكن تزعقلها ابدا ابدا لانك لما ماتلاقيش مايه ساقعه في التلاجه هاتزعق,الاكل ماجهزش هاتزعق,القمصان ماتغسلتش هاتزعق..........الخ-

الحل التاني اعمل الموبايل سايلانت ولما تقولك ماصحتش ليه قولها اصل نومي تقيل ومش ممكن اصحي غير في الوقت اللي انا متعود عليه وكده هاتفهم انها بتصحيك بدري

[ذهبية]

الف مبرووووووك يا يوزر دخول القفص

اولا صباح الخير من نومك بس و النبى بلاش تزعق احنا الضهر اهوووو

نصيحة اخوية

اوع شوف اوع تزعق لها .......... قبل ما تكون فى بيتك رسمى .... البنت مش غلطانة... لا هى تعرف و لا انت انذرتها من قبل

ثانيا

انا اخويا كان زى ساعدتك كدة.... بالضبطططط

و ياما حصلت خناقات بسبب المووضع دةة قبل الجواز و بعدة..... و مكنش بيحتاج ساعة بقى علشان يفوق لا ..... يمكن ساعتين تلاتة كمان

بعد ما خلف بقىىىىىى...... مراتة كانت ذكية ......علشان تصحية تروح حطة جنبة بنتة العسولة ..... تصحية لا تلعب فى وشة لا تضربة

بمزاجها بقىىىى...... طبعا يصحى من النوم و لسة بقى...... هيفرم اللى قدامة

يلاقى مين ؟؟؟؟؟؟بنوتة العسل يقعد يضحك و ياخدها فى حضنة ..... و يبقى احلى صباح..... و مراتة تضحك من بعيد ما عرفت سرة

استحمل بقى شويتين ...... لحد ما يجيلك سى يوزر ضغنن كدة ...... يصحيك ياى طريقة تعجبة ......و انت مش ...

مش ....هتقدر تفح بقك

[myusername]

حلين مالهومش تالت

اصبر عليها لغايه ماتيجي رجلها وبعد الجواز ابقي زعقلها-وسيبك من الرومانسيه والكلام الفاضي ده انك مش ممكن تزعقلها ابدا ابدا لانك لما ماتلاقيش مايه ساقعه في التلاجه هاتزعق,الاكل ماجهزش هاتزعق,القمصان ماتغسلتش هاتزعق..........الخ-

الحل التاني اعمل الموبايل سايلانت ولما تقولك ماصحتش ليه قولها اصل نومي تقيل ومش ممكن اصحي غير في الوقت اللي انا متعود عليه وكده هاتفهم انها بتصحيك بدري

اولا يا باشا انا مقدرش ازعقلها وعارف ومقدر العواقب الوخيمة اللي ممكن تحصل بس الكلام ده بصفة مؤقته طبعا وكلها كام شهر والعلع براحتي

اما حكاية الموبايل سيلنت دي ففيها مشكلة لأن انا عامل لها موبايل مخصوص بنمرة محدش يعرفها غيرها لزوم الرومانسية والرسم والحبشتكانات فلو قفلت التليفون او عملته سايلنت هتبقي مفقوسة اوي ومعناها اني مش عايز ارد عليها وطبعا الكلام ده مينفعش اليومين دول

ثم ان موضوع اني اصارحها من دلوقتي واخلص برضه مش مضمون نتيجته ايه ولازم الواحد يكون حذر عشان ميلخبطش الدنيا مؤقتا يعني :closedeyes:

[pink rose]

يا نااااااااااااااااااااااااااااس اتقوا الله

بقى يا يوزر يا خويا في احلى من كده صباح لما تلاقي صوت ناعم و حنين و دافي بيقولك بكل رقة و دلع صباح الخير

يا ابني احمد ربنا عشان النعمة تدوم

استغفر الله العظيم يا رب

طب اسال اخوك ياسر كده على الموقف دا هايقولك انشالله عمري ما نمت في حياتي بس حد يقولي صباح بس من غير خير :blush2:

صحيح ما حدش عاجبه حاله يا ولاد :closedeyes:

عجايب

[hyyyr]

الموضوع كبيييييييير قوووووووووووي

ونصيحة لازم تشوف حل للمشلكة

دي قبل الجواز وبسرعة وربنا يستر

[myusername]

الف مبرووووووك يا يوزر دخول القفص

اولا صباح الخير من نومك بس و النبى بلاش تزعق احنا الضهر اهوووو

نصيحة اخوية

اوع شوف اوع تزعق لها .......... قبل ما تكون فى بيتك رسمى .... البنت مش غلطانة... لا هى تعرف و لا انت انذرتها من قبل

ثانيا

انا اخويا كان زى ساعدتك كدة.... بالضبطططط

و ياما حصلت خناقات بسبب المووضع دةة قبل الجواز و بعدة..... و مكنش بيحتاج ساعة بقى علشان يفوق لا ..... يمكن ساعتين تلاتة كمان

بعد ما خلف بقىىىىىى...... مراتة كانت ذكية ......علشان تصحية تروح حطة جنبة بنتة العسولة ..... تصحية لا تلعب فى وشة لا تضربة

بمزاجها بقىىىى...... طبعا يصحى من النوم و لسة بقى...... هيفرم اللى قدامة

يلاقى مين ؟؟؟؟؟؟بنوتة العسل يقعد يضحك و ياخدها فى حضنة ..... و يبقى احلى صباح..... و مراتة تضحك من بعيد ما عرفت سرة

استحمل بقى شويتين ...... لحد ما يجيلك سى يوزر ضغنن كدة ...... يصحيك ياى طريقة تعجبة ......و انت مش ...

مش ....هتقدر تفح بقك

السلام عليكم

انا شامم ريحة تأامر

وشامم ليه ماهي واضحة زي الشمس واكيد حضرتك هتيجي في صفها

لاء ومش كده وبس لاء بتبشريني كمان اني هيتلعب في وشي البخت بعد كدة وانا نايم

لا دي هزلت :closedeyes:

انا يوزر الصغير يلعب في وشي انا :blush2:

دا انا كنت اقوم

العب معاه علي طول :happy:

[myusername]

يا نااااااااااااااااااااااااااااس اتقوا الله

بقى يا يوزر يا خويا في احلى من كده صباح لما تلاقي صوت ناعم و حنين و دافي بيقولك بكل رقة و دلع صباح الخير

يا ابني احمد ربنا عشان النعمة تدوم

استغفر الله العظيم يا رب

طب اسال اخوك ياسر كده على الموقف دا هايقولك انشالله عمري ما نمت في حياتي بس حد يقولي صباح بس من غير خير :lol:

صحيح ما حدش عاجبه حاله يا ولاد

عجايب

كلام نظري بحت والنوم سلطان ويعلو صوت زئيره فوق صوت صوصوة القلب

[Damo]

انا مش فاهمة انتو معقدين الموضوع كده ليه و وخدينو خناق يا سوالمة!!!

يوزر...انتا جربت تقولها؟ لا؟ طيب المفروض هي تروح عند جارتهم العرافة و تقولها قوليلي يوزر بيحب يصحى ازاي.

يابني قولها! بدون اي نرفزة. استنا وقت معين قاعدين تهرجوا فيه يعني ش بتتكلمو في اي حاجة جد وحاول تقول الموضوع ده بضحك! او مثلا اعترفلها....انك فيك عيب خطير و لازم تقولهلها. اكيد طبعا قلبها هيطب وعقلها هيجيب يمين و شمال. قول انا بحب اصحى براااحتييييي و بضايق جدا لما اصحى على غير راحتي. لو زعلت و اتقمصت و قالت يعني انا بضايقك يعني انا دلوقتي وحشة يعني الحق عليا. عاااادي خالص صالحها بكلمتين بدون اي نرفزة زعلة و هتعدي بس بعد كده مش هتصحيك. بس!!

[myusername]

يا دامو معظم البنات وخطيبتي منهم فاكرين ان لو الراجل بيموت وبيطلع في الروح قبمجرد ما يسمع صوت حبيبته روحه ترد فيه في التو واللحظة

وده مرض ازلي يسمي الرومانسية المفرطة واعراضها ثقة شديدة زايدة عن اللازم في النفس لدرجة ان المريض يعتقد في امكانية ان يطير بلا جناحين او يمشي علي الماء مثلا بالاضافة الي سماع اصوات وهمية كزقزقة العصافير علي الرغم من عدم وجودها فيما يطلق علية audiotary halluasination ماتخديش في بالك

وبالعربي كدة يا دامو انا مقدرش اكسفها واكبسها واجيب معنوياتها الارض

يعني البنت متعشمة فيا والعشم واخدها شويتين ومتصورة ان الدنيا بالنسبة لي في كفة وهي لوحدها في الكفة التانية

ودي حقيقة -قبل ما تفهميني غلط - وهي فعلا عندي في كفة والدنيا في كفة وكفتها هي الارجح كمان بس ده لما اكون صاحي وفايق كدة وشاربلي قسطين نسكافية ولا مؤاخذة

غير كدة يبجي يجطع الجواز ع اللي بيتجوزوه ع الكل كليلة :blush2: