ظاهرة المطرب ابو الليف

[myusername]

أستاذي الفاضل سين سين علي الرغم من اتفاقي معك في معظم ان لم يكن كل ارائك

وأعجابي انا شخصيا بمداخلاتك الاكثر من رائعة تصوغها دائما بحرفية عالية تؤهلك لها سرعة بديهة فطرية وحس دعابة يقظ

الي جانب ذكاء غير خافي

الا انني وللأسف الشديد مضطر ان اقول لك هذي المرة باردون يا معلم جات منك اوت المرة دي

لييييه بقيييي ؟

لأنه لا يجوز من الراعي الرسمي للفسيخ في المحاورات ان يقنعني هو بالذات بمبدأ البديهية

لأن من البديهيات عندي ان الفسيخ ما هو الا سمك منتن احافظ دائما علي مسافة لاتقل عن 180 فرسخ علي الاقل بيني وبينه

فما بالك بأكله - ده الاكل الحمضان ارحم -

لك الله يا يوزر فلقد احتملت في صمت بطنك اللي مغصت عليك يومين بحالهم لما جابوا سيرة جناب سعادة الفسيخ في المنتدي

ومرضتش تشتكي ولا تفتح بقك ولا حتي عملت تقرير تتهم فيه الفسيخ وراعيه بمحاولة تسميمك ع الريحة :sad:

تم تعديل 5 أبريل 2010 بواسطة myusername

[myusername]

علي فكرة بقي يا جماعة عشان ماسورة العشوائية اللي ضربت في التوبيك توضيح لابد منه

انا بسمع ام كلثوم وحافظتلها اغاني وأنا سني 12 سنه وكانت مطربتي المفضلة لما كانوا اللي ف سني مبيفهموش هي بتقول اية

وكانت احب اغانيها الي قلبي

انت الحب - الامل - هو صحيح الهوي غلاب - الف ليلة وليلة - اغدا القاك

تليها معشوقتي فيروز ودي بقي الفولتارين بتاعي ضد الصدع والزهق والطهقان

وعمري ما سمعت الاخ شعبولا ولا رفيق دربه سعد الصغير لأنهم لا صوت ولا رؤية ويستخفان بعقول الناس

وهذه الخصلة الاخيرة يشاركهما فيها الاخوين عمرو دياب و تامر حسني

هما دول بقي العشوائية بالنسبة لي

تم تعديل 5 أبريل 2010 بواسطة myusername

[MZohairy]

ولا عزاء لجهابزة النقد الفنى

كده بتلعب في الكهربا :blush2:

[myusername]

ولا عزاء لجهابزة النقد الفنى

كده بتلعب في الكهربا :blush2:

ده مش كده وبس ده بيلعب في الكهربا والسلوك عريانه

وأدي الفال أهه فوق كلمة عزاء اللي حطها بنفسه ربنا يستر الأمر ميسلمش :blink:

تم تعديل 5 أبريل 2010 بواسطة myusername

[myusername]

قراءة في كينج كونج

جمال العبارة في تضمينها لمعاني عميقة لاتري - بضم التاء - علي السطح وانما يلزم لأستكشافها غوصا عميقا وتجاوزا للقشور

الراجل بيقول - واقصد به الشاعر الفذ - ايمن بهجت قمر

بتحبني لا أشك...........................................الشاعر لديه قناعة وايمان بوفاء محبوبته له

من دون اللي علي الفيس بوك ............................أرتضته حبيبا علي الرغم من كثرة المنافسين

لو ما شلتيش العيال دي .....................تهديد لها وتعريض بالخصوم والمنافسين في نعتهم بعدم النضج

عليك هسك ........................................................... نتيجة منطقية للتهديد في البيت السابق

والنتيجة محب غيور لا يرضي عن صون كرامته بديلا { راجل دمه حامي ميرضاش بالغلط }

أذن فهو يصون كرامته من قبل حبه

وهذه النقلة السريعة ما بين اعترافه بصدق حبها له - الذي لايشك في صدقة -في البيت الاول وبين التهديد الحاد لهابأنها ان لم تطعه وتقطع اي علاقة بأخرين حتي وان تأكد له براءة هذة العلاقات فأنه سيغلق الباب وينهي حبهما ثأرا لكرامته وخروجها عن طاعته

ومن المحسنات البديعية التضاد بين عدم شكه في حبها في البيت الاول وتهديده بتركها في نفس الوقت في البيت الذي يليه مباشرة وهو ما يخلق نوعا من الصدمة لدي المتلقي تقوده بالضرورة الي إعمال الذهن والخيال

كما يحسب للشاعر سرعة القفز علي الاحداث وعدم المط والتطويل والذي قد يلجأ اليه كثير من الشعراء بغرض الحفاظ علي الوزن والقافية حتي وان كان ذلك علي حساب المعني مما ينتقص من بلاغة النص

كما ان تعريضه بمنافسيه والذين هم مصدرا لغيرته علي محبوبته و تحقيره لهم يدل علي عظيم حبه لها أليست الغيرة هي دليل الحب الدامغ دائما

ملحوظه :يقال سك الباب فهو مسكوك { فصحي سليمة }

ومما قدلا يري بالعين المجردة بل يلزمه حس أدبي بلاغي عالي قوله ;

من دون اللي علي الفيس بوك ........... إذن هو مميز وجدير بأختيار المحبوبة له والذي هو _ الاختيار _ اعتراف ضمني بتفوقه وتميزه عليهم مما أدي الي فوزه هو _ دون غيره _ بقلبها

ولنا عودة :blush2:

تم تعديل 5 أبريل 2010 بواسطة myusername

[MZohairy]

الله ينور عليك يا استاذ

[myusername]

الله ينور عليك يا استاذ

ميرسي يا زوهيري باشا

ده أنا اللي المفروض اشكرك علي الأغنية الجميلة

وكل شم نسيم وأنت tres content :blush2: :blink: :sofa:

[engmido]

على فكرة ممكن تعملولكم مجموعة واديكو دروس فى الكهربا

:blink: :blush2:

بس تسخنوا قبلها كويس.....

اى خدمة ماتقولوش حارمكو من حاجة

[ssmaly]

قراءة في كينج كونج

جمال العبارة في تضمينها لمعاني عميقة لاتري - بضم التاء - علي السطح وانما يلزم لأستكشافها غوصا عميقا وتجاوزا للقشور

الراجل بيقول - واقصد به الشاعر الفذ - ايمن بهجت قمر

بتحبني لا أشك...........................................الشاعر لديه قناعة وايمان بوفاء محبوبته له

من دون اللي علي الفيس بوك ............................أرتضته حبيبا علي الرغم من كثرة المنافسين

لو ما شلتيش العيال دي .....................تهديد لها وتعريض بالخصوم والمنافسين في نعتهم بعدم النضج

عليك هسك ........................................................... نتيجة منطقية للتهديد في البيت السابق

والنتيجة محب غيور لا يرضي عن صون كرامته بديلا { راجل دمه حامي ميرضاش بالغلط }

أذن فهو يصون كرامته من قبل حبه

وهذه النقلة السريعة ما بين اعترافه بصدق حبها له - الذي لايشك في صدقة -في البيت الاول وبين التهديد الحاد لهابأنها ان لم تطعه وتقطع اي علاقة بأخرين حتي وان تأكد له براءة هذة العلاقات فأنه سيغلق الباب وينهي حبهما ثأرا لكرامته وخروجها عن طاعته

ومن المحسنات البديعية التضاد بين عدم شكه في حبها في البيت الاول وتهديده بتركها في نفس الوقت في البيت الذي يليه مباشرة وهو ما يخلق نوعا من الصدمة لدي المتلقي تقوده بالضرورة الي إعمال الذهن والخيال

كما يحسب للشاعر سرعة القفز علي الاحداث وعدم المط والتطويل والذي قد يلجأ اليه كثير من الشعراء بغرض الحفاظ علي الوزن والقافية حتي وان كان ذلك علي حساب المعني مما ينتقص من بلاغة النص

كما ان تعريضه بمنافسيه والذين هم مصدرا لغيرته علي محبوبته و تحقيره لهم يدل علي عظيم حبه لها أليست الغيرة هي دليل الحب الدامغ دائما

ملحوظه :يقال سك الباب فهو مسكوك { فصحي سليمة }

ومما قدلا يري بالعين المجردة بل يلزمه حس أدبي بلاغي عالي قوله ;

من دون اللي علي الفيس بوك ........... إذن هو مميز وجدير بأختيار المحبوبة له والذي هو _ الاختيار _ اعتراف ضمني بتفوقه وتميزه عليهم مما أدي الي فوزه هو _ دون غيره _ بقلبها

ولنا عودة :blush2:

اولا تحليل جميل (مع اعتراضى على المحلل له) بيفكرنى بالصحفيين الذين يمدحون كلام الريس حتى عطسته بيقولوا فيها شعر

ثانيا انت لجأت الى الكلام العربى الجميل لتحليل هذا الكلام ليه لم تستخدم عباراته او بنفس مستواها اذا كانت بالفعل على المستوى الذى بتحبه؟

فيه اغانى كثيرة انتشرت كاالنار فى الهشيم وراحت ولم تترك اى اثر ولا ذكرى

وفيه اغانى صادمة او دون المستوى فى اوقات كانت الكلمة لها مكانة مهمة وتذكر الان فقط للتدليل ان هناك بعض الأعمال الغير جيدة ومن فنانين عظام او حتى غير معروفين

انا رأى ان الاغانى والكتب او اى وسيلة للكتابة شعر او غيره هى انتقاء وارتقاء

انتقاء الكلمات والمواضيع

وارتقاء بفكر وذوق القارىء او المستمع او المشاهد

يعنى مش علشان ابقى واقعى اجيب كلمات من الشارع فيها سباب بالأب والأم

برضه تحليك حلو :blink:

[ذهبية]

سؤال يا يوزر جة على بالى و انا بقرا تحليلك

هو انت جيبت كام فى اللغة العربية فى ثانوية عامة ؟؟؟

يا جماعة انتم زعلانين لية

المجتمع مقسم طبقات..... فية العالى و المتوسط و الادنى..... و كل حسب ثقافتة و ميولة و تربيتة

لولا اختلاف الاذواق لا بارت السلع

يعنى متطلبش من واحد مستوى تعليمى تحت الصفر..... يسمع اوبرا مثلا

زى ما تروح تشترى اى حاجة .....فية الماركة ... و اللى خارج من بيوت الازياء العالمية ....و فية التقليد... و فية الى من سوق الكانتو

انت حر بقى اختار الى انت عايزة ؟؟؟؟؟

بس اية الى بيتحكم فيك تعليمك ...و اسلوب حياتك... و ثقافتك.... و فلوسك

دى زيها بالضبطططط

[reemragab]

انا بسمع عنه من فترة

واول مرة بسمعه دلوقتى وانا بكتب الرد

صوته مش وحش والله

ومتهيألى مقصود انه يظهر بالصورة المتناقضة دى

اقصد التناقض بين الكلام واللحن لانه لصالحه تماما

بغض النظر عن اننا كلنا(مستخسرين)اللحن ده على الكلام ده واللى هو من كلمات واحد زى ايمن بهجت قمر

مش عارفه شايفاه شغال

بس هو ابو الليف وصل كندا؟؟؟!!!!

[قلب ابيض]

انا شايفه ان صوته قريب جدااا من حسن الاسمر " فاكرينه"

دى اغنيه للاطفال اسمعوها وابقوا احذفوها

سى السيد ممكن تسمعها لوسمحت ؟؟؟

abl-ma-anm.rm

بس من غير ....وقولوا رأيكم

تم تعديل 6 أبريل 2010 بواسطة قلب ابيض

[pink rose]

ما شاء الله تبارك الله

بما انك كده جهبذ في اللغة العربية و التحليل الفني يا يوزر

ابقى حللنا اغنية دولا مجانين للاستاذ ليفة

كنت النهاردة باتمشي في محطة الرمل و لقيت محل كاسيت حاطط حتة صورة اقسم بالله لو مريم شافتها تتسرع

رجل الغاب طويل الناب شعره منكوش ولابس لبس من العصر الحجري و ماسك فخدة لحمة نية و تقولولي المطرب ابو الليف

الناس اتهبلت و الله كل محلات الكاسيت مشغلين يا اما ابوالليف دا يا اما التاني المسطول بتاع الغسيل بينقط او المتخلف اللي بيشرب بني دا

و الله لو ام كلثوم سمعت الناس دا كانت ماتت بحسرتها

[أسد]

هي خلاص بقت كده .. ؟؟

أول مرة أسمع عن هذا أبو الليف ... كان أمس ليلاً ..

لم أسمع عنه .. أو أعرف عنه أي شئ إطلاقاً مطلقاً قبل أمس ليلاً ..

قال لي أحد الأصدقاء .. إدخل على اليوتيوب .. واكتب أبو الليف وحيطلعلك كل حاجة ..

لسه داخل على المحاورات لقيت الموضوع ده .. افتكرت ..

خدت جولة في اليوتيوب ..

بس لي سؤال ..

هل تعتقدون .. أن الحكومة المصرية .. بتحط للمصريين حاجة في مياه الشرب مثلاً .. علشان الناس تبقى كده ... ؟؟؟؟

[se_ Elsyed]

سى السيد ممكن تسمعها لوسمحت ؟؟؟

abl-ma-anm.rm

بس من غير :lol: ....وقولوا رأيكم

سمعتها يا قلب

وأي هبل في الجبل وعبي يا عم كلام على إيقاع وبيع والكل بيُرزق

وربنا يخلي اللي بيشتروا أو بيسمعوا ...

ما هو لولا اختلاف الأذواق

عارفين ...

هي بتبدأ كده ..

تسريب كلمة وكلمتين منحطين في عمل درامي ... زي ما بدأت سيده الشاشة العربية في فيلم الخيط الرفيع ولأول مره تتقال جُملة " يا أبن الكلب "

شوية تبقى جُملتين تلاته

شوية تبقى اغنيه

تتحول بقى لمشهد سينمائي عابر ..

شويه تانيين يبقى فيلم للكبار فقط يحتوي على بعض المشاهد .. وده بقى عادي وموجد بكثرة وما بيعديش موسم دلوقت إلا وفيه فيلم أو أتنين للكبار فقط .

هيييييييييييييييييييييه .. خلاص نوصل للبورنو

ومش عاجبك يا عم غير المحطه

أنا كتبت كلام كتير دلوقت على فكره عن برنامج شوفته من كام يوم على قناة موجه كوميدي - ومسحت كل الكلام من قرفي بصراحه - أسمه موجه أستاندر وقلت خلاص إحنا ما بقناش في مصر ... إحنا بقينا في بلد فيها البورنو مسموح وحلال .. والبورنو مش شرط يكون مشاهد ومناظر .. لأ ده ممكن يبقى كلام إباحي ... وأقسم بالله ما قادر أفوق من الصدمة اللي حصلت لي في برنامج - واخدين بالكم - على قناة كوميدية ...

وأقعدوا بالعافية

[doha]

هي خلاص بقت كده .. ؟؟

أول مرة أسمع عن هذا أبو الليف ... كان أمس ليلاً ..

لم أسمع عنه .. أو أعرف عنه أي شئ إطلاقاً مطلقاً قبل أمس ليلاً ..

قال لي أحد الأصدقاء .. إدخل على اليوتيوب .. واكتب أبو الليف وحيطلعلك كل حاجة ..

لسه داخل على المحاورات لقيت الموضوع ده .. افتكرت ..

خدت جولة في اليوتيوب ..

بس لي سؤال ..

هل تعتقدون .. أن الحكومة المصرية .. بتحط للمصريين حاجة في مياه الشرب مثلاً .. علشان الناس تبقى كده ... ؟؟؟؟

سبقتني بدقيقة ..

عن نفسي عمري ماسمعت عنه وان كنت على مااذكر قريت قبل كده في مكان ما هنا في المحاورات حته انا مش كينج كونج دي ..

من يومين دخلت المحاورات وشفت الموضوع ده ..

مشتركه من كام سنة في قائمه بريدية بتبعت لي آخر الاخبار وعناوين الصحف في مصر .. وصلني منها من ضمن اخبار كتيرة التالي :

أبو الليف: شخصية (أبو الليف) أنقذتني من الشقاء.. وحماقي وقف بجانبي.. وتامر حسني خذلني

Posted in Category: Egypt Entertainment �

استضاف الإعلامي عمرو أديب في برنامجه "القاهرة اليوم" الفنان ابو الليف خريج الكونسرفتوار للحديث عن ألبومه "volume1″، الذي يرى البعض أنه اعاد الانتعاش إلى سوق الكاسيت في مصر ، وهو السوق الذي أصابه الانهيار ، بسبب الانترنيت ، وتداول الاغاني هناك.

وقال أبو الليف في حواره مع عمرو أديب إن اسمه الحقيقي نادر أحمد ، واسم أبو الليف هو لقب كان اصدقائه يطلقونه عليه، لذقنه الطويله وشعرها الكثيف الذي يشبه اللوف.

Click here for more details

توقعت ماذكرته الفاضلة remo من ان اصحاب المحلات مشغلين شريطه ليل نهار عشان يروجوا لبضاعتهم .. وطالما دخل فيها عمرو اديب من الواضح انها عملية ( صناعة ظاهرة ) باكثر منها ظاهرة فعلية ..

الي بستغرب له بجد ان ابو لوفه ده وصل كنده .. هل نفهم من كده ان اكشاك الكاسيت وشوادر السمك هناك برضه بيشغلوه ولا الراجل صوته مجعجع في مصر فبيسمع هناك ؟

[doha]

أنا كتبت كلام كتير دلوقت على فكره عن برنامج شوفته من كام يوم على قناة موجه كوميدي - ومسحت كل الكلام من قرفي بصراحه - أسمه موجه أستاندر وقلت خلاص إحنا ما بقناش في مصر ... إحنا بقينا في بلد فيها البورنو مسموح وحلال .. والبورنو مش شرط يكون مشاهد ومناظر .. لأ ده ممكن يبقى كلام إباحي ... وأقسم بالله ما قادر أفوق من الصدمة اللي حصلت لي في برنامج - واخدين بالكم - على قناة كوميدية ...

اساسا قناة موجه كوميدي دي تحديدا من اقذر القنوات على الاطلاق .. عن نفسي مبتفرجش عليها ابدا نتيجه لارتفاع الضغط والغثيان الي بيصيبني لما بشوف الفواصل مابين الفقرات خاصة الكائن العجيب الي عامل نفسه ست ده ..

نفسي اعرف ايه وجه الكوميدي او الاضحاك في القذارة والانحطاط الي بيقدموه في برامج من انتاج القناه ؟ ولا هي الفكرة مش اضحاكنا بقدر تدريبنا على تقبل ( الآخر ) المختلف في الميول ؟

حاجه تكسف .. وتقرف ..

[MZohairy]

هي خلاص بقت كده .. ؟؟

أول مرة أسمع عن هذا أبو الليف ... كان أمس ليلاً ..

لم أسمع عنه .. أو أعرف عنه أي شئ إطلاقاً مطلقاً قبل أمس ليلاً ..

قال لي أحد الأصدقاء .. إدخل على اليوتيوب .. واكتب أبو الليف وحيطلعلك كل حاجة ..

لسه داخل على المحاورات لقيت الموضوع ده .. افتكرت ..

خدت جولة في اليوتيوب ..

بس لي سؤال ..

هل تعتقدون .. أن الحكومة المصرية .. بتحط للمصريين حاجة في مياه الشرب مثلاً .. علشان الناس تبقى كده ... ؟؟؟؟

سبقتني بدقيقة ..

عن نفسي عمري ماسمعت عنه وان كنت على مااذكر قريت قبل كده في مكان ما هنا في المحاورات حته انا مش كينج كونج دي ..

من يومين دخلت المحاورات وشفت الموضوع ده ..

مشتركه من كام سنة في قائمه بريدية بتبعت لي آخر الاخبار وعناوين الصحف في مصر .. وصلني منها من ضمن اخبار كتيرة التالي :

أبو الليف: شخصية (أبو الليف) أنقذتني من الشقاء.. وحماقي وقف بجانبي.. وتامر حسني خذلني

Posted in Category: Egypt Entertainment �

استضاف الإعلامي عمرو أديب في برنامجه "القاهرة اليوم" الفنان ابو الليف خريج الكونسرفتوار للحديث عن ألبومه "volume1″، الذي يرى البعض أنه اعاد الانتعاش إلى سوق الكاسيت في مصر ، وهو السوق الذي أصابه الانهيار ، بسبب الانترنيت ، وتداول الاغاني هناك.

وقال أبو الليف في حواره مع عمرو أديب إن اسمه الحقيقي نادر أحمد ، واسم أبو الليف هو لقب كان اصدقائه يطلقونه عليه، لذقنه الطويله وشعرها الكثيف الذي يشبه اللوف.

Click here for more details

توقعت ماذكرته الفاضلة remo من ان اصحاب المحلات مشغلين شريطه ليل نهار عشان يروجوا لبضاعتهم .. وطالما دخل فيها عمرو اديب من الواضح انها عملية ( صناعة ظاهرة ) باكثر منها ظاهرة فعلية ..

الي بستغرب له بجد ان ابو لوفه ده وصل كنده .. هل نفهم من كده ان اكشاك الكاسيت وشوادر السمك هناك برضه بيشغلوه ولا الراجل صوته مجعجع في مصر فبيسمع هناك ؟

:lol: :lol:

لأ طبعا ما وصلش كندا

كله عن طريق النت يا ضحى

انما حبيت اعلق على نقطه معينه

و هي صناعة الظاهره

مفيش ظاهره بتتصنع ما يكونش وراها مقومات للسطوع

معرفش توعي او تفتكري مسلسل قديم اسمه حنفي الونش (نجم الموسم)

ده باختصار بيحكي قصة رجل اعمال حاول يعمل من المعلم رضا مطرب و فشل

الظاهره لا تظهر الا اذا كان فيها مقومات الظهور (مش لازم تكون مقومات عبقريه)

بس ممكن تكون شيئ جديد مجاش قبل كده

او شيئ غريب مش مفهوم

او شيئ قريب للقلب و يتحب بسرعه

شكوكو ظاهره

و عدويه ظاهره

و شعبولا ظاهره

و ام كلثوم ظاهره

و عبد الحليم ظاهره

و لكل ظاهره فيهم اسباب مختلفه لسطوعها

[عاشق الترحال]

لا أملك إلا أن أقول مقولة الفنان العبقري الشهير شعبولا

( تعبنا من الفن يا أنا .... من اللي قال كانا ومانا , فيه ناس تغني الهاري كاري ... وناس تغني كامانانا )

إنانا إنانا ............. bv:-

ولك أن تتدبر المعنى والكلمات حتى ترى الإبداع في النقد الفني ومدى شموله لكل ما أردنا أن نقوله في هذا الشأن :closedeyes:

[Simba]

حد فاكر المسرحية

اللي قال بطلها

قالت لي يا خورنج

الكلمة مش جديدة ولا حاجة

وكلمات الاغنية تتحسب نقطة للمؤلف في ابداعه

لكل فنان لحظة جنون