ظاهرة المطرب ابو الليف

[fatfouta]

سى السيد ممكن تسمعها لوسمحت ؟؟؟

abl-ma-anm.rm

بس من غير :closedeyes: ....وقولوا رأيكم

سمعتها يا قلب

وأي هبل في الجبل وعبي يا عم كلام على إيقاع وبيع والكل بيُرزق

وربنا يخلي اللي بيشتروا أو بيسمعوا ...

ما هو لولا اختلاف الأذواق

عارفين ...

هي بتبدأ كده ..

تسريب كلمة وكلمتين منحطين في عمل درامي ... زي ما بدأت سيده الشاشة العربية في فيلم الخيط الرفيع ولأول مره تتقال جُملة " يا أبن الكلب "

شوية تبقى جُملتين تلاته

شوية تبقى اغنيه

تتحول بقى لمشهد سينمائي عابر ..

شويه تانيين يبقى فيلم للكبار فقط يحتوي على بعض المشاهد .. وده بقى عادي وموجد بكثرة وما بيعديش موسم دلوقت إلا وفيه فيلم أو أتنين للكبار فقط .

هيييييييييييييييييييييه .. خلاص نوصل للبورنو

ومش عاجبك يا عم غير المحطه

أنا كتبت كلام كتير دلوقت على فكره عن برنامج شوفته من كام يوم على قناة موجه كوميدي - ومسحت كل الكلام من قرفي بصراحه - أسمه موجه أستاندر وقلت خلاص إحنا ما بقناش في مصر ... إحنا بقينا في بلد فيها البورنو مسموح وحلال .. والبورنو مش شرط يكون مشاهد ومناظر .. لأ ده ممكن يبقى كلام إباحي ... وأقسم بالله ما قادر أفوق من الصدمة اللي حصلت لي في برنامج - واخدين بالكم - على قناة كوميدية ...

وأقعدوا بالعافية

تصدق بالله كنت لسه هعمل موضوع اسميه موجه استاند اب واشوف الناس رايها ايه فى القرف ده

واذا بى ادخل هنا الاقيكم انتوا كمان ملاحظين التفاهة وقلة الادب اللى فيها القناة دى وبالذات البرنامج المبتزل ده

وكل شوية اعلانات عن ابو الليف الله يخرب بيته

والله قناة مقرفة فعلااااااااا

[myusername]

افتكر ان الاسلوب الفج اللي البعض انتقد بيه ابو الليف اكثر خروجا عن اللياقة من اغنية ابو الليف نفسه

و هذه نماذج من الالفاظ التي قيلت في هذا الشأن

ايه القرف ده - قذارة - حاجة تقرف - انحطاط - الله يخرب بيته

ايه رأيكم مش كلمات اغنية ابو الليف ارقي ؟

وبعدين الدعاء بخراب البيوت ده شييء منفر للغاية وذنب كبير

يبقي ليه كده ؟

تم تعديل 8 أبريل 2010 بواسطة myusername

[قلب ابيض]

افتكر ان الاسلوب الفج اللي البعض انتقد بيه ابو الليف اكثر خروجا عن اللياقة من اغنية ابو الليف نفسه

و هذه نماذج من الالفاظ التي قيلت في هذا الشأن

ايه القرف ده - قذارة - حاجة تقرف - انحطاط - الله يخرب بيته

ايه رأيكم مش كلمات اغنية ابو الليف ارقي ؟

وبعدين الدعاء بخراب البيوت ده شييء منفر للغاية وذنب كبير

يبقي ليه كده ؟

انا معاك يا يوزر :lol:

الاختلاف فى الرأى لا يفسد للود قضيه

كل واحد حر فى رأيه يا جماعه مالم يضر بالاخرين :closedeyes:

تم تعديل 8 أبريل 2010 بواسطة قلب ابيض

[Princesse]

و دي كلمات الأغنيه لبهجت قمر

انا مش خرونج ... لا .... لا .... لا .... انا كنج كونج .

.. ده انا وانا رابط ايدى بلعب بنج بونج ....

مش ابن هانم ولا ابن لورد اتفضلي ادى الباسورد

ده انا اراجوز متربي في سيرك مش عيل كاورك ....

وانااااااااااااااا

انا مش خرونج ... لا .... لا .... لا .... انا كنج كونج

... ده انا وانا رابط ايدى بلعب بنج بونج

هو يعني ايه : خرنج؟ كاورك ؟

و بالمرة يا ريت حد يشرح لي يعني ايه كلمة شنكوتي ؟

انا حاسة اني ثقافتي بقت في الضياع معقول مش عارفة افهم حتة اغنية؟؟ :closedeyes:

ولما دخلت فيلم ابراهيم الابيض ، كنت مش فاهمة اغلب الكلام : يعلم عليه و يشرب 98 او 89 ...كنت محتاجة ترجمة مصاحبة للفيلم بصراحة، بس الحمدلله في زميل تطوع و شرح لى معاني بعض الكلمات ...بعد كدة الواحد هيأخذ كورسات علشان يحسن مستواه في اللغة العامية ..

و بصراحة اغنية ابو الليف تعتبر راقية بالنسبة لاغاني تانية افظع

و حد سمع أغاني : الدنيا خربانة ؟؟؟؟؟؟؟؟؟؟

http://www.youtube.com/watch?v=oIJ3w3Ae6sY...feature=related

و اغنية شربت حجرين على الشيشة : و دي اغنية مكسرة الدنيا بتوصف حالة شلة من الاصدقاء بيشربوا حاجات وحشة

http://www.youtube.com/watch?v=f_trxkOXEBg

زمان كانت الاغاني الشعبية مختلفة

عبد المطلب كان مطرب شعبي و كان بيغني اغاني شعبية زي :

مبيسألش عليا ابدا...

ساكن في حي السيدة و حبيبي ساكن في الحسين..

و اغاني تانية كتيرة جميل

و الموال الشعبي :: كلمات رائعة و مش كلها بتتكلم عن الحب ، بالعكس بتتكلم عن الاخلاص و اولاد الاصول :

مثال موال : هون علينا ..علينا هون..و الطف بعبيدك يا حنين...يا خالق من الليل نهار يا مفرق بين جنة ونار اشكي لمين الي فيا و انت يا كريم عالم بيا..الطف بعبيدك يا حنين

و موال/ : موال وانا كل ما اجول التوبة يا بوي ترميني المجادير يا بوي ..وعد و كتوب على يا بوي و مسطر على الجبين...

موال غزل : يا صاحب ان بعتني خلي التمن غالي ...وعلي سعري و خلي لي شرف غالي...يا حلوة اصلك عريق و من فرع شأن عالي...ادبك و شرفك مخلي مركزك عالي

هم الي كانوا بيسمعوا السيرة الهلالية و التواشيح و المديح الديني في الموالد في اقصى الريف مش كانوا شعبيين برضه؟

هو ايه الي حصل و ليه مستوى طبقة الشعبية بقى في النازل كدة؟ و لمصلحة مين؟ الموضوع له بعد سياسي علشان الناس تبقي جهلة او مدمنين

بجد انا كنت اتمنى اعيش في الزمن الجميل دا...

[se_ Elsyed]

افتكر ان الاسلوب الفج اللي البعض انتقد بيه ابو الليف اكثر خروجا عن اللياقة من اغنية ابو الليف نفسه

و هذه نماذج من الالفاظ التي قيلت في هذا الشأن

ايه القرف ده - قذارة - حاجة تقرف - انحطاط - الله يخرب بيته

ايه رأيكم مش كلمات اغنية ابو الليف ارقي ؟

وبعدين الدعاء بخراب البيوت ده شييء منفر للغاية وذنب كبير

يبقي ليه كده ؟

فعلاً يا يوزر عندك حق

المفروض إننا لما نشوف او نسمع شي قبيح نقول : إيه الحلاوه دي ... إيه الروعه دي .. عشان ما يبقاش أسلوبنا فج

تفتكر إيه هو الأسلوب اللي مش فج من وجهة نظرك لنقد الإبتذال ؟

[MZohairy]

تفتكر إيه هو الأسلوب اللي مش فج من وجهة نظرك لنقد الإبتذال ؟

كتير

يعني ممكن تقول ابو الليف ده مش جانتيي

او شانتور سوفاج

او تقوله روح فاتفير فوتر

يعني حاجه من دول

[لولا]

تفتكر إيه هو الأسلوب اللي مش فج من وجهة نظرك لنقد الإبتذال ؟

كتير

يعني ممكن تقول ابو الليف ده مش جانتيي

او شانتور سوفاج

او تقوله روح فاتفير فوتر

يعني حاجه من دول :wub:

سيبك من الكلام الأفرنجى دوت يا سين سين لأن فيه تعالى وعنطزة .. :blink:

بص انت ممكن تعبر عن استيائك بعبارات بسيطة ومعبرة مثل :

يع

كخ

ياى

:lol:

بس كده حتبقى بتدايق الناس اللى معجبة بيه عشان كده ممكن تقول " لا اتفق مع هذا النوع من الفن /اللافن " wst::

على فكره انا معرفتش برضو مين ابو الليف غير من يومين ..

رأيى بقى ..

ساعات بحب اسمع اغانى تهيييييس .. وساعات اغانى فرفشه .. مش بشوف الحاجه بعين الناقد ولا بتذوقها باحساس الفنان 24 ساعه

لكن مجرد ساعات بتشدنى اغنيه ممكن تخرجنى من مود لمود ومن حالة لحالة..

تمام زى لما بتسمع اغانى سعد الصغير وامينه فى فرح فتلاقى الناس كلها قامت ترقص وتفرفش مهندسين دكاتره كبار صغيرين كلكهم بيبقو عايشين احساس واحد .

ومش معنى انى انا او غيرى ممكن نستمتع بشيء ممكن يصنفه البعض "باللا فن " او "فن هابط " او " تهيييييس " ان الواحد معدوم الذوق الفنى

وفاقد القدرة على التذوق ..لأن نفس الودن اللى بتحب تسمع ساعات اغانى كده بتسمع برضو لحليم وورده وام كلثوم وانغام وصابر الخ الخ ..

المود يحكم برضو يا سيدى ..

خد دى :lol:

لولا

[سهران]

المفروض أن الناس بتشوف الحياة أكثر تنظيما و تركيزا في عمل فني ..... بتشوف حزنها ... فرحها ... ألمها

و غضبها .... أيا كانت الحالة اللي بتعبر عنها الأغنية لازم التعبير يكون مليء بمشاعر راقية و اسلوب محترم

مش تهييس ... أنا قريت الأغنية ما فهمتش حاجة ... حسيت أن واحد فعلا بيهيس .

هو أحنا هانفضل في القرف ده لحد أمتى ... ليه نسينا نفسنا و نسينا قيمتنا و نسينا اللي كنا بنسمعه

هو يعني عبد الحليم ما عبرش عن الفرح و السعادة في ( عيش أيامك عيش لياليك خلي شبابك يفرح بيك )

كدة ما فيش فرق بين الأغاني المنحطة دي عن تجارة المخدرات .... تهييس و تغييب و تفاهة و يمكن تأثيرها

و ألعن كمان ...... باحس بصراحة لما باسمع الخزعبلات دي أن فيه حد بيضرب المصريين على قفاهم .....

و بيبقى مليونير على حسابهم و هو ما يسواش تمن القميص اللي هو لابسة و الأمثلة كتير .

طالما البشر دول اللي بقوا نجوم على قفانا ..... يبقى أحنا نستاهل أكتر من كدة ....

[Rock]

يا جماعة انا شايف انة لو اخدنا الموضوع من وجهة نظر اللي عملوا الكاسيت دة ,هنلاقي الموضوع بسيط و بل لذيذ كمان

اللي عملوا الكاسيت دة قصدوا بس انة يبقي حاجة زي المنولوجات القديمة ....يعني الاخ ابو الليف مونولوجيست مش مغني بس كدة يبقي الاغاني دى ممكن نسمعها عشان نضحك.......و لا هو الضحك متحرم علينا

دة احنا اللي كنا معروفين بخفة دمنا ..صبح دمنا تقيل

[لماضة مصرية جدا]

السلام عليكم و رحمة الله و بركاته

ممكن ااقول حاجة

انا شايفة التوبيك علي البانر آديله يمكن حوالي اسبوع

اسبوع من عمرنا عمالين في معظمنا ان الفن اختيار....و حرية....و حاجات تانية كتير

كتير مننا اتفق علي المستوي المتدني

طب ما تيجوا ناخد اتجاه معاكس

ما تيجوا نفتح حتة نحط فيها....كل الغنا الشعبي.....اللي بيعبر اوي

من سيد درويش....من منولوجات شكوكو.....من السيرة الهلالية....من المواويل في الصعيد...من الريس متقال ......احنا عندنا تراث...ثري جدا....بس مش معروف غير للي فوق سن معين

الجيل الجديد مسمعشي الحاجات دي.......عشان يبقي عنده حرية الاختيار

خلونا نفتح مشربية.....تفكرنا بحاجات حلوة اوي فينا

و لما الجيل الجديد يسمعها ....لو عجبته يبقي خير و بركة.....

لو برضه لقي نفسه بيرجع لابو الليف و ربعه....يبقي ع الاقل عملنا اللي علينا

يبقي فيه كده و كده

صباااااااااااااحك مشربية...معشقة من خشب الارابيسك....وراها نوووووووور بيقولنا ان لسه فيه خير

فوتكم بعافية

[MZohairy]

السلام عليكم و رحمة الله و بركاته

ممكن ااقول حاجة

انا شايفة التوبيك علي البانر آديله يمكن حوالي اسبوع

اسبوع من عمرنا عمالين في معظمنا ان الفن اختيار....و حرية....و حاجات تانية كتير

كتير مننا اتفق علي المستوي المتدني

طب ما تيجوا ناخد اتجاه معاكس

ما تيجوا نفتح حتة نحط فيها....كل الغنا الشعبي.....اللي بيعبر اوي

من سيد درويش....من منولوجات شكوكو.....من السيرة الهلالية....من المواويل في الصعيد...من الريس متقال ......احنا عندنا تراث...ثري جدا....بس مش معروف غير للي فوق سن معين

الجيل الجديد مسمعشي الحاجات دي.......عشان يبقي عنده حرية الاختيار

خلونا نفتح مشربية.....تفكرنا بحاجات حلوة اوي فينا

و لما الجيل الجديد يسمعها ....لو عجبته يبقي خير و بركة.....

لو برضه لقي نفسه بيرجع لابو الليف و ربعه....يبقي ع الاقل عملنا اللي علينا

يبقي فيه كده و كده

صباااااااااااااحك مشربية...معشقة من خشب الارابيسك....وراها نوووووووور بيقولنا ان لسه فيه خير

فوتكم بعافية

و الله انتي مخ يا لماضه

يعافيكي mil:

[se_ Elsyed]

أُقر أنا سين سين الرابع عشر وأنا في كامل قوايا الفنية .. أنني لست ضد الأغاني الشعبية .. الغربية منها او الشرقية .. ولكنني ضد الأبتذال وقلة الأدب والمهيستية .

الرياض ... الساعة 6 ونص مساءً .. والجو تراب ومش شايفين صوابعنا

[Alshiekh]

أُقر أنا سين سين الرابع عشر وأنا في كامل قوايا الفنية .. أنني لست ضد الأغاني الشعبية .. الغربية منها او الشرقية .. ولكنني ضد الأبتذال وقلة الأدب والمهيستية .

الرياض ... الساعة 6 ونص مساءً .. والجو تراب ومش شايفين صوابعنا

هاتوا لسى السيد واحد ابو الليف لفلترة الجو من التراب ،

شوفت اهو ممكن ينفع برضه .

[Alshiekh]

خذوا عندكوا الحتة دى

مناسبة جدا لهذه الظواهر

[لماضة مصرية جدا]

خذوا عندكوا الحتة دى

مناسبة جدا لهذه الظواهر

السلام عليكم و رحمة الله و بركاته

جوووووووووووووووووووووووووووووووووووووووووووووووووووووووووووووووون

لا بس مقطع يا عيني يا ليلي....قطع فيا اوي....... :lol:

يلا بقي عايزين اغنية....زيديني عشقا.....

قصدي.....زيديني ترفيصا.... :blink:

فوتكم بعافية

[HanaaOsama]

خذوا عندكوا الحتة دى

مناسبة جدا لهذه الظواهر

[اغابي]

يا جماااااااعة فيه مشكلة غريبة - بس مش عارفة ايه سببها -

فيه اعراض جانبية بتظهر فور سماع الاغنية - مطلوب تفسير ليها

اول واحد بيكتشف الاغاني الغريبة دي هو جوزى

اول ما يجي من بره - يقولى تعالى اسمعك اغنية فظيعة ويقعد على النت ويحملها

ويسمعهالنا سماعت عاليه - كلنا بنسمع - اولادى الاتنين بيسمعوها معانا

انا فى االغالب ييييييع بقرف من كلماتها -

بس مفيش شوية وتظهر الاعراض الجانبية

والاقى اولادي انسجموا

كمان شوية اشتغلوا يرقصوا عليها بمباركة والدهم وتشجيعه وسعادته الغامرة

الله - ايه داه - بس ياللاه انت وهو :lol:

كمان خلصنا وقفلنا الكمبيوتر

تلاقي العيل من دول شغال مع نفسه يدندنها اثناء المذاكرة او الاكل او الحمام

ازعقلهم واحمل جوزى مسؤولية التدنى فى التذوق الفنى للاولاد smk:

بعد شوية الاقى نفسي بدندن الاغنية وجوزى بيرد على بيها

وتانى يوم لازقه فى دماغى مش راضية تطلع - وفى الطريق مش معايا غيرها ادندنها ( ياادي النيـــلة )

وابدأ محاولات مستميتة الاقى تفسير لكلماتها الجبارة مش عارفة

ايه السبب

يمكن اللحن - فريش - او رزع الات ملفت -

مش عارفة ايه سبب الاعراض الجانبية دي

تم تعديل 10 أبريل 2010 بواسطة اغابي

[اغابي]

أُقر أنا سين سين الرابع عشر وأنا في كامل قوايا الفنية .. أنني لست ضد الأغاني الشعبية .. الغربية منها او الشرقية .. ولكنني ضد الأبتذال وقلة الأدب والمهيستية .

الرياض ... الساعة 6 ونص مساءً .. والجو تراب ومش شايفين صوابعنا

هاتوا لسى السيد واحد ابو الليف لفلترة الجو من التراب ،

شوفت اهو ممكن ينفع برضه .

كمان يا استاذ محمد الله يخليك

وصيلي على واحد مخصوص للكويت برضوه لان الجو هنا - معجن تراب ومطر ميكس مع بعض

عاملين احلى كور طين فى كل مكان

[اغابي]

يا جماااااااعة فيه مشكلة غريبة - بس مش عارفة ايه سببها -

فيه اعراض جانبية بتظهر فور سماع الاغنية - مطلوب تفسير ليها

اول واحد بيكتشف الاغاني الغريبة دي هو جوزى

اول ما يجي من بره - يقولى تعالى اسمعك اغنية فظيعة ويقعد على النت ويحملها

ويسمعهالنا سماعت عاليه - كلنا بنسمع - اولادى الاتنين بيسمعوها معانا

انا فى االغالب ييييييع بقرف من كلماتها -

بس مفيش شوية وتظهر الاعراض الجانبية

والاقى اولادي انسجموا

كمان شوية اشتغلوا يرقصوا عليها بمباركة والدهم وتشجيعه وسعادته الغامرة

الله - ايه داه - بس ياللاه انت وهو wst::

كمان خلصنا وقفلنا الكمبيوتر

تلاقي العيل من دول شغال مع نفسه يدندنها اثناء المذاكرة او الاكل او الحمام

ازعقلهم واحمل جوزى مسؤولية التدنى فى التذوق الفنى للاولاد md2:

بعد شوية الاقى نفسي بدندن الاغنية وجوزى بيرد على بيها :rolleyes:

وتانى يوم لازقه فى دماغى مش راضية تطلع - وفى الطريق مش معايا غيرها ادندنها ( ياادي النيـــلة )

وابدأ محاولات مستميتة الاقى تفسير لكلماتها الجبارة مش عارفة

ايه السبب

يمكن اللحن - فريش - او رزع الات ملفت -

مش عارفة ايه سبب الاعراض الجانبية دي

:rolleyes:

ايه السبب محدش رد على

:rolleyes:

[Simba]

أبو الليف:

ليس كل من غنّى و فرقع فناناً ناجحاً!

ثلاثة وقفوا وراء نجاحه: الشاعر أيمن بهجت قمر، الملحن محمد يحيى، وشركة {ميلودي}، فأضحى أحد أبرز المغنين على الساحة الفنية العربية وهو ما زال في ألبومه الأول. نادر ابو الليف، أو {أبو الليف} كما يحب أن يناديه الناس، اكتشاف جديد في عالم الأغنية الشاملة التي تتوجّه إلى الإنسان العربي وتعكس معاناته.

حول ألبومه الأول وطموحاته وعلاقته بالمحيطين به، خصوصاً الذين صنعوا نجوميته كانت الدردشة التالية.

{نعيش زمن أبو الليف}، ماذا تعني هذه العبارة، هل هي تهكّم أم حقيقة؟

لماذا لا نفسّرها بأنها زمن العودة إلى الفن الجميل، إلى الطرب والسلطنة والتوزيع الجيّد والكلمة التي تصل إلى فئات المجتمع بكباره وصغاره. عندما يجتمع أيمن بهجت قمر ومحمد يحيى وتوما وشركة {ميلودي ميوزيك}، يجب أن يقال {زمن الفن الجميل} وهذا أمر طبيعي وبديهي.

إذا، أنت لست ظاهرة بمفهومك.

ليس كل فنان غنّى و{فرقع} يعني أنه نجح. أنا أغني حباً بالغناء، نشأت وسط عائلة فنية إذ كان والدي يعزف على الرقّ، ودرست الغناء في الكونسرفتوار وتخصّصت في العزف على الكمان.

يؤخذ عليك أنك تستعمل عبارات محلية مثل {خرونغ} و{بنفسن}... ألا تعتقد بأن الإغراق في المحلية قد يحصرك ضمن الإطار المصري؟

أبداً، أتوجّه بفني إلى كل مواطن عربي، لا أخاطب العامة أو النخبة فحسب إنما إنسانية الإنسان، مثلاً تصوّر أغنية {كلو بينفسن} الغدر والخيانة و{قبل ما أنام} تتوجّه إلى الأطفال، قالت لي إحدى الامهات إن هذه الأغنية حققت الهدف الذي فشلت هي والمدرسة في تحقيقه، وأنا سعيد بذلك.

إذاً، أنت مطرب طويل العمر فنياً.

الحالة الفنية هي التي تفرض العمر المديد أو القصير. في بداياته الفنية تعرّض المطرب أحمد عدوية لأشد أنواع النقد وهو اليوم سلطان الأغنية الشعبية وعلامة فارقة في الغناء الشعبي.

يقال إن الفن رسالة، أين أنت من هذه المقولة؟

الموضوع هو الذي يفرض إذا كانت الأغنية رسالة أم لا.

في ألبومك شنّنت حملة على المرأة ووصفتها بالجنون، لماذا؟

على سبيل المداعبة، لست بالتأكيد في وارد الإساءة إليها فهي الأم والأخت والزوجة ونصف المجتمع.

في أغنية {ثقة في حد} ثمة مرارة واضحة، ما مصدرها؟

العذاب الذي ذقته في بداياتي، عملت في ليبيا مزارعاً وسائق تاكسي وفي سوبر ماركت، في تلك الفترة شاركت في فيلم {عصفور من الشرق} مع الفنان نور الشريف، لكن يبدو أن الأوان لم يكن قد حان لأخذ حقي من الشهرة. اليوم وصلت إلى ما أصبو إليه بفضل الله ثم بفضل أيمن بهجت قمر ومحمد يحيى وتوما و{ميلودي}.

كنت أنحت في الصخر لتأمين لقمة العيش، إنما لم أصب باليأس وكانت لدي ثقة بأن الله سينصفني، أنا اليوم في الثانية والأربعين من عمري وحققت نجاحاً لم أكن أحلم به.

ما دور أهلك وهل ساندوك في مسيرتك الفنية؟

كانت والدتي، رحمها الله، تدعو لي باستمرار وكنت أتمنى أن يأتي يوم تراني فيه ناجحاً، أشعر بأنها إلى جانبي باستمرار.

من هو مثلك الأعلى في الحياة؟

والدتي التي علّمتني معنى الإيمان بالله سبحانه وتعالى ووالدي الذي علّمني حب الفن والصبر وعدم اليأس.

تتناول في أغنياتك مواضيع لها علاقة بالمشاكل الاجتماعية، أين أنت من السياسة؟

لا أفهم في السياسة وهذا ليس ادعاءً إنما حقيقة، أنا من النوع العفوي لذلك ما أتفوّه به ليس تذاكياً بل حقيقة.

ما علاقتك بالدين؟

أنا ملتزم دينياً ولا أقوم بأي خطوة من دون أن أصلي صلاة استخارة، وأدعو الله دائماً أن يبقى راضياً عني.

كيف تصف نفسك؟

مسالم وعفوي ومؤمن.

هل تتدخل في اختيار أغانيك؟

سرت وراء اختياراتي الشخصية فترة طويلة، لكن لم أجنِ شيئاً، عندما تبعت أيمن ومحمد وتوما و{ميلودي} حققت النجاح، لذا أضع نفسي بتصرّف هؤلاء.

ما هي خطوتك المقبلة؟

تتوقّف على ما يقرره أيمن بهجت قمر و{ميلودي}، وفي المناسبة أشكر الفنان محمد حماقي الذي عرّفني إلى جمال مروان، منتج ألبومي الأول.

ما هي أمنيتك في الحياة؟

الصحة والستر وأن أغني باستمرار.

ألم تغيّرك الشهرة؟

أبداً، ما وصلت إليه ليس بفضلي وإنما بفضل الله وبفضل الناس، فكيف يمكن أن أتمرد على هذه النعمة؟ ثم أتذكر دائماً الأيام التي كنت فيها وحيداً وأدور حول نفسي من دون جدوى، لذلك سأبقى كما أنا ولن أتغيّر أبداً.

وماذا عن الزواج؟

عندما أصادف الفتاة المناسبة سأكمل نصف ديني، لا تتعارض الشهرة مع الزواج الذي يمثّل الاستقرار.

ماذا تمثّل المرأة بالنسبة إليك؟ وعن أي امراة تبحث؟

المرأة بالنسبة إلي هي الحياة، أبحث عن المرأة التي تحافظ على كرامتي واسمي وسمعتي.

ما الحادثة التي تعتبرها نقطة تحوّل في حياتك؟

وفاة والدتي، لأنها غيّرت مفاهيمي ونظرتي إلى الحياة وزادت إيماني، فقد ماتت وهي تصلّي في وقت لم يكن والدي يصلّي فيه.

هل عشت وسط عائلة كبيرة؟

نعم، لدي أشقاء وشقيقات من غير أمي، كان والدي متعدّد الزيجات لظروف معينة.

وهل أنت مع تعدّد الزيجات؟

لا.

ما العادة السيئة التي تتمنى التخلّص منها؟

التدخين.

لمناسبة {نفسي أبطل سجاير} ما رأيك بشعبان عبد الرحيم؟

قدّم شعبان رسالة في غنائه وهو جدير بالاحترام ولديه شعبية ويحبه الناس، هذا هو المهمّ وأعتقد بأن رسالته وصلت.

هل ترى نفسك منافساً للفنانين الموجودين على الساحة اليوم؟

لا أحد يستطيع أخذ رزق غيره، هذه تربيتي وهذه معتقداتي ولا شيء لدي أضيفه في هذا المجال.

ماذا تكره في الحياة؟

الظلم.

هل تعرّضت له؟

بالتأكيد، إنما اليوم أقول {عادي ما فيش مشكلة}.

هل يمكن للمال أن يغيّرك؟

المال يغيّر الإنسان الضعيف وأنا لست ضعيفاً.

المصدر

http://www.aljarida.com/aljarida/Article.aspx?id=155026

تم تعديل 12 أبريل 2010 بواسطة سمبا