ظاهرة المطرب ابو الليف

[jasmin hamed]

هو ده التطور الطبيعى للحاجه الساقعه ..............

بس انا عاجبنى النيو لوك ده فيه عوده الى الطبيعه نفسى اعمله الصراحه

الا هو يعنى ايه يا كرنب

تم تعديل 13 أبريل 2010 بواسطة jasmin hamed

[se_ Elsyed]

الله يسامحك يابا

ليه خلتني اكمل تعليمي وما خلتنيش مشيت في سكة الليف وبقيت ليفه قد الدنيا

مفاجأة لم يتوقعها المتابعون لأسواق الكاسيت، حقق البوم المطرب "أبو الليف" مبيعات قياسيه في الوقت الحالي، حيث سجل الألبوم أعلى المبيعات من أول يوم له في الأسواق وأصبح الاكثر مبيعاً في كل منافذ بيع الكاسيت والسي دي، بالإضافة إلى تصدره لقائمة الأكثر مبيعاً في قائمة مبيعات فيرجن ميجاستورز – القاهرة التي تصدرها، وذلك في وقت قياسي إلى جانب تصدره قائمة مبيعات فيرجن في الإمارات العربية المتحدة أيضاً.

و يطيرأبو الليف إلى لبنان خلال الأيام المقبلة، لتصوير إحدى أغنيات الألبوم بطريقة الفيديو كليب، والذي سيتم عرضه حصرياً على قنوات Melody الفضائية.

الألبوم من إنتاج Melody Music ويضم 10أغنيات متنوعة جميعها من كلمات الشاعر أيمن بهجت قمر وألحان محمد يحيي وتوزيع توما، ماعدا أغنية "قبل ما أنام" من كلمات حسن عطية، ومن تلحين توما.

يذكر ان ابو الليف قدم من قبل ألبوم كوكتيل بعنوان "صيف ساخن جدا" عام 1990 وتعرف خلال هذه الفترة علي الشاعر أيمن بهجت قمر، وساعده أن يتعاقد مع شركة إنتاج غنائي كان يمتلكها محمد فؤاد في ذلك الوقت، ولكنها توقفت، وقدم أيضًا موال بصوته في فيلم "عصفور من الشرق" بطولة نور الشريف، واشترك بالغناء في مسرحية "جان دارك" ومسرحية "علي جناح التبريزي "، واشترك في عدد من ألبومات الكوكتيل منذ بداية التسعينيات حتي عام 1994 ، ثم ابتعد عن الساحة الفنية منذ عام 1995 ، لمرض والدته.

خلال تلك الفترة عمل في العديد من المجالات المختلفة، فعمل سائق تاكسي وعامل في سوبر ماركت، ثم سافر الي ليببا، حتى عاد للساحة الغنائية وحقق النجاح المذكور.

[Sherief AbdelWahab]

بيقول صناع ألبوم "أبو الليف" إن اللي بيتقدم "مونولوج"..

سيبكم من دقة المصطلح..

وسيبكم إن أيمن بهجت قمر افتكر مؤخراً أهمية التغيير في الأغنية بما إنه أشهر واحد بيألف أغاني مكونة من أقل عدد ممكن من الكلمات بيغيرها من أغنية للتانية..

لكن خلوني أتعامل مع اللي اتقدم كمونولوج.. بمقاييس فن المونولوج..

1-كتابة المونولوج عايزة حصيلة لغوية عالية ، وقدرة عالية جداً على الابتكار ، وقوة الملاحظة.. افتكروا "أبو السعود الإبياري" اللي كان من عمالقة كتابة المونولوج والسيناريو والحوار.. بيلقط كلمة من هنا على كلمة من هناك على موضوع من هنا .. زيه زي ناس كتير كان ليهم في الموضوع دة زي "ابن الليل" وآخرين ليهم حاجات روعة..

2-الإفيه سلاح المفلس.. وفيه عنصر مخاطرة عالي قوي .. سلاح ذو حدين يعني.. مونولوجات بديعة سمعتها لناس قدام خلت من إفيه واحد ، كله لغة مستعملة في الوقت اللي اتعملت فيه..

لكن بصوا على "أنا مش خرونج"..

كلمة "خرونج" قدمت قوي قوي .. حتى فقدت صلاحيتها كشتيمة ، ومحدش فاكر منها إلا إفيه في مسرحية "شاهد ما شافش حاجة"..

"بنج بونج" .. شرحه.. كل الناس بتسميها دلوقت "تنس طاولة"..

"كاورك" برضه.. ودي كلمة كانت بتتقال أيام الإنجليز على الشخص اللي بيشتغل بدون مخ ولا تفكير..

مفيش علاقة واضحة بين "خرونج" "كينج كونج" "بنج بونج" "أراجوز متربي في سيرك"..

دة حتى أنا مش عارف إن كان بيكلم راجل ولا ست..

بتحبني .. لا أشك..

...

لو ما "شلتش" العيال دي "عليك" - بتسكين الكاف- أسك..

...

وبعدها ..

مش ابن هانم ولا ابن لورد..

"اتفضلي" "هاتي" الباسوورد..

مؤنث ومذكر في أغنية واحدة..

بس "أيمن بهجت قمر" حيبررها - وأراهن - بإنه أب بيكلم ولاده الولد والبنت وبينصحهم بضرورة شيل العيال دي من الفيس بوك!

المونولوج أصعب ألوان الأغنية كتابة .. وعايز واحد معلهش في دي الكلمة أكثر موهبة من "أيمن بهجت قمر" بكثير..

عاجبني صوت "أبو الليف" والمزيكا.. فقط..

خلص الكلام

[reemragab]

يا جماااااااعة فيه مشكلة غريبة - بس مش عارفة ايه سببها -

فيه اعراض جانبية بتظهر فور سماع الاغنية - مطلوب تفسير ليها

اول واحد بيكتشف الاغاني الغريبة دي هو جوزى

اول ما يجي من بره - يقولى تعالى اسمعك اغنية فظيعة ويقعد على النت ويحملها

ويسمعهالنا سماعت عاليه - كلنا بنسمع - اولادى الاتنين بيسمعوها معانا

انا فى االغالب ييييييع بقرف من كلماتها -

بس مفيش شوية وتظهر الاعراض الجانبية

والاقى اولادي انسجموا

كمان شوية اشتغلوا يرقصوا عليها بمباركة والدهم وتشجيعه وسعادته الغامرة

الله - ايه داه - بس ياللاه انت وهو md2:

كمان خلصنا وقفلنا الكمبيوتر

تلاقي العيل من دول شغال مع نفسه يدندنها اثناء المذاكرة او الاكل او الحمام

ازعقلهم واحمل جوزى مسؤولية التدنى فى التذوق الفنى للاولاد md2:

بعد شوية الاقى نفسي بدندن الاغنية وجوزى بيرد على بيها :lol:

وتانى يوم لازقه فى دماغى مش راضية تطلع - وفى الطريق مش معايا غيرها ادندنها :lol: ( ياادي النيـــلة )

وابدأ محاولات مستميتة الاقى تفسير لكلماتها الجبارة مش عارفة wst::

ايه السبب

يمكن اللحن - فريش - او رزع الات ملفت -

مش عارفة ايه سبب الاعراض الجانبية دي

:lol:

وهو ده نفس اللى حصلى بالظبط

نبقى فى اجتماع مع مدير القطاع والدنيا مقلوبة ودى شغالة فى ودنى

يخرب بيتك اطلعى بقى عايزة اركز مع الراجل ودى ابدا

ياريت لو حد عرف علاج للموضوع ده يقولنا ينوبه فينا ثواب :lol:

[التونسى]

ولأننى أزعم .. وأدعى .. وأحسب نفسى شاعرا .. فلى رأى متواضع فى تلك الاشكاليه

أولا ... لا غبار على موهبة أيمن بهجت قمر الشعريه .. وسعيه الحثيث من أجل ان يخرج بالاغنيه المصريه من شرنقة الموضوعات المستهلكه عن الحب وسنينه .. الى رحابة عالم الموضوعات الاخرى التى لا يتطرق اليها الشعراء الاخرين .. وبالاخص الموضوعات التى تمس واقع حياتنا اليوميه

ولكن .....

رغم ذلك .. لا يمنعنى هذا من القول بانه قد جانبه الصواب فى اختيار كلمات ((مقززه)) وثقيله على الاذن لقطاع كبير جدا من جمهور محبى الغناء وانا واحد منهم .. وانا مع الاراء التى لم تستسيغ كلمات مثل خرونج .. وكاورك .. واعتبرها فعلا كلمات قبيحه

وفى نفس الوقت ابوليف كصوت .. هو صوت مميز جدا وجميل ومستساغ .. بل اننى احببته جدا فى اغنيته ((بركوته)) والغريبه اننى كنت اعتقد ان من يغنيها هو حسن الاسمر نظرا لتقارب الصوتين من وجهة نظرى .. ولكن استايله وشكله لا يعجبنى بصراحه .. واتمنى ان يهتم بتلك النقطه الشكليه .. فلا غبار على موهبته وتميز صوته

اما عن اللحن فكان جميل جدا برده ولا يوجد اى نقاط نقد حوله فى رايي

اتمنى ان يستمر ايمن بهجت فى سعيه نحو التغيير فى موضوعات الاغنيه .. وان يسير على دربه اغلب شعراء الاغنيه ..بشرط ان يتوخى الحذر فى المرات القادمه ان يؤذى سمعنا بتلك الكلمات القبيحه السابق ذكرها .. والتى ليس لها كلمات اخرى قبيحه تشبهها فى تاريخ الاغنيه المصريه

مع خالص تحيتى

التونسى

[tantrum]

أبو الليف هو أفضل مطرب يعبر عن المرحلة

مرحلة القبح و ترويجه و إعلائه

[لولا]

الظاهر انى متأخره كتير عن متابعة الحركة المصريه الفنيه وجديدها ..

فى سؤال بيلح عليا ومش مستاهل افتح موضوع خصوصى عشانه ..

قبل فتره كده شفت كليب قذر لأغنيه اسمها "العو " !!!

طبعا فاكره انى استنكرت تماما الكلام وحركات البنات فى الكليب وحسيت ان ده اكتر كليب وكلام واطى شفته فى حياتى

الغريب انى بقالى اسبوع لقيت بالصدفه كذا وحده بيتكلموا عن الأغنيه السافله دى بمنتهى الإعجاب وانها نجمة الحفلات الأولى :blink:

هو ايه الجو الغريب اللى بيحصل دوت ويتقال عليه فن ؟؟ :sad:

الله يرحمك يا فن :closedeyes:

ده ابو الليف جنب الكلام ده بيقدم رساله فنيه ترفع لها القبعه على كده mfb:

لولا