اغابي بتاريخ: 5 أبريل 2010 تقديم بلاغ مشاركة بتاريخ: 5 أبريل 2010 (معدل) هل تؤمن بوجود الاشباح ؟ دا اول موضوع اشارك بيه فى المحاورات – فلذلك اخترت موضوع جاد جد او انا اعتبره جاد انا متأكدة بوجودها ومتأكدة انها لا تستطيع ان تؤذى الانسان – لان الانسان له سلطان علي هذه الارواح . لقد استغرق هذا الموضوع معى بحث وقراءة وايضاً مناقشات كثيرة مع العديد فى محيط العمل والجيران والاصدقاء - ولان معظم الاشخاص لايؤمنون اطلاقا بالاشباح او العفاريت تحت اى مسمي وعلى راسهم مديري فى العمل فكان لنا هذا الحوار فمنذ اسبوعين تكلمنا فى مدى تصديق هذا الامر ولانه موضوع مجهول وبيختلف عليه البعض فمديري من اشد الناس انكارا لهذا الموضوع ودايما يقول بلا عفاريت بلا اشباح بلا هلوسة – وفى كل مناقشة يحاول كلا منا اقناع الطرف الاخر بوجود او عدم وجود ......... اشباح ... مديري هو فلسطينى وحكى لى انه زمان لما كان عمره 16 سنة كانت عندهم مزرعة اشجار زيتون بفلسطين وكان بيرجع باليل فى وقت متاخر جدا راكب الحصان بتاعه وقالى ان اغلب البيوت اللى كان بيمر عليها فى طريق رجوعه لبيته كان يشعر بان رائحة الموت فى كل مكان نظرا لكمية الدمار والهدم ومنظر البيوت اللى فى القرية وبالطبع مفيش كهربا يبقي ازاى بتسالينى عن عفاريت وانا عمرى ما اتعرضت لموقف زى كدا – انا اه اخاف .... لكن من حرامى يكون موجود فى كابينة السحب الالي اثناء ما اسحب فلوسي بالفيزا لكن ما اخفش من عفريت . الى ان جاء اليوم الموعود اليوم – مديري - دخل التاريخ النهارده الساعة 9 طلبنى فورا للحضور لمكتبه وانا افتكرت ان فيه مشكلة فى الشغل او مصيبة لانه اسلوبه كان متوتر جدا – راح قالى اغابي تعالى احكيلك عن شيء غريب شوفى ازاى تفيدينى – قولتله اتفضل حضرتك فيه ايه – قالى - انا كان المفروض عندي اجتماع امبارح الساعة 7 مساءا فى منطقة شرق – قولتله اه عارفة طبعا – راح قالى وصلت متاخر شوية – المهم المبنى كله شركات يظهر بيقفلوا من الساعة 4 – و كان المبنى ما فى صوت ما فى اى حياه بتحسين انك داخلة على قبور من الصمت الموجود بالمكان – حقيقي صمت قبور . ( الحديث ما زال على لسان مديري ) المهم انا دخلت الاسانسير وقبل ما يقفل بشوية ظهر فجأه او انا ما اخدش بالى منه راجل طويل ولابس بالطو اسود وايديناته لون القطنة من كتر ما هى بيضة ولابس طاقية سودا زى الجماعة الانجليز بالظبط – المهم دخل الاسانسير لا سلام عليكم – ولا مسا الخير ولا اى شيء - وانا ما لحقت اشوف ملامحه وشه من درجة ما هو منحنى وعم بيبص على الارض - ومش بيرفع راسه نهائي انا قولت ما دام ما حكى شئ يبقي واضح من لبسه انه انجليزى او اوربي – المهم برضوه لفت انتباهى انه لابس لبس شتوى واحنا مش شتا الحين الجو نوعا ما صيفي ربيعى بس قولت مفيش مشكلة . والله يا اغابي كل الاسئلة دي جاتنى قبل ما يوصل الاسانسير للدور التاني والغريب انا دوست رقم 5 الدور الخامس وهو ما داس اى شىء اى رقم - انا قولت يمكن حينزل فى نفس الدور بتاعى – المهم على الدور ال3 بالظبط ابتدا يرعش نور الاسانسير ويبطىء شويه شوية بس ما بقاش ضلمة ولا انفتح باب الاسانسير كل داه وانا وهو وحدنا بالاسانسير وفى ثوانى مجرد اقل من الثوانى - حصل ما هو مرعب لا يصدقه عقل - اختفى الريجال - يا الله كنت حانجن انا مو مصدق لقيت رجلي اتسمرو بالارض لا اسانسير اتفتح ولا ظلمة لدرجة دا بس نور بيرعوش لمدة ثوانى – وين راح الراجل – المهم وصل الاسانسير للدور ال5 وجريت على الاجتماع وقلتلهم الغو الاجتماع ووصلونى هلا لغاية سيارتى بدي اروح بدي اروح – الناس جابولى كاسة مية وقالولى روق بشمهندس ايه حصل – انا مانى قادر احكى شيء وكنت حاروح فيها – فعلا كنت حاروح فيها – المهم نزلو معى 3 من المهندسين وطبعا اتلغى الاجتماع ووصلونى للسيارة وفى الطريق للبيت اتصلت بزوجتى طلبت ينزل ابنى الكبير ياخدنى من السيارة لباب الشقة وما نمتش من الخوف والتفكير – وافتكرت انك اكتر واحدة بتتكلمى فى الامور دى وممكن تفيدينى . طبعا من كتر ما المدير اعصابه مشدودة مش قادرة اتجرأ واساله تفاصيل اكتر لدرجة كان بيحكى لكل شخص يدخل مكتبه عن الموقف داه - وحاسة ان اى كلمة او استفسار ممكن يقضي علي الراجل ويروح فيها فكرت انه لازم احكى معاكم يا اخوانى المحاوراتية ونفتح نقاش فى الموضوع داه خاصة ان اكيد اى حد مننا ممكن يكون حصل معاه موقف يحكيه . داه لينك كاميرا احدى الطرق صورت الشبح داه http://www.youtube.com/watch?v=DCUaksEV0pQ...=1&index=29 ركزو فى الثانية 47 بالظبط - شبح فى غابات الامازون http://www.youtube.com/watch?v=azWQXDLyqBk وبعدين حاحكيلكم على موقف حصل معايا شخصيا تحياتي تم تعديل 5 أبريل 2010 بواسطة اغابي نـحن البلـــــدان الحقيقـيــة فى هــذا العـــالم . . . وليـــــس مــا يرســــم فـــوق الخرائــط نـحن الرمـــوز الحقيقيــــة فى هــــذا العــالم . . . وليــــــس اسمـــــاء القـــــادة العظمــاء . . . لاننـا نحـن من صنعـناهـم فرسـان العالـم الحقيقيـون . . هــم شعــوب الارض رابط هذا التعليق شارك المزيد من خيارات المشاركة
عاشق الترحال بتاريخ: 5 أبريل 2010 تقديم بلاغ مشاركة بتاريخ: 5 أبريل 2010 (معدل) أنا كمسلم أؤمن بوجود الجن بأصنافه لأنه ذكر في القرآن والسنه . أعتقد أن مصطلحات ( الجن والعفاريت والشياطين ) هي الأصح أما بالنسبه للفظ الأرواح والأشباح فلإختلاف الثقافات والمجتمعات إنما أعتقد أنه كله في الآخر ( جن ) حتى الشياطين ترجع إلى الجن مصداقا لقوله تعالى ( إلا إبليس كان من الجن ففسق عن أمر ربه ) وكل يسميه على حسب مفهومه وثقافته . وعلى المستوى الشخصي فحصل لي مواقف كثيره وحضرت جلسات علاج بالقرآن أمام عيني وكان الجن ينطق على لسان المريض . بالإضافه إلى أني شخصيا حصل لي مواقف مرعبه من دي وأنا صغير وخصوصا أن المقابر قريبه من منزلنا في مصر وزمان النور الكهرباء مكنتش في كل مكان زي الوقتى فبالتالي كان الجو ظلام في ظلام فالحاجات دي كانت بتظهر بطريقه أكتر من الوقتى وخلال الفتره اللي قضيتها مع خالي الله يرحمه في المستشفى قبل وفاته يكفى أني أقولك أني كنت لما بنزل الساعه 2 في الليل أجيب حاجه ساقعه أشربها من البقاله اللي بره المستشفي كان شعري بيقف لما أعدي من جنب المشرحه وأوقات لما أفتح الأسانسير لكن كنت بمسك أعصابي وأقرأ قرآن في سري وأقول الأذكار والحمد لله سرعان ما أهدأ وأطمأن. ناهيك عن أني وبسبب شقاوتي وحركاتي الرخمه اللي كنت بعملها في أصحابي وجيراني من أني أستخبى لهم في المقابر والأماكن المظلمه وأخرج أفزعهم وأنا لابس وش مرعب وحاجات من دي وكما أني كنت غويت أفلام الرعب فتره أثناء دراستي الجامعيه وكنا نذهب لمزرعه صديق لنا بمنطقه نائيه لا تسمع فيها سوى صوت صفير الريح لمشاهدة مثل هذه الأفلام والدنيا ظلام كاحله وفي عز الليل بسبب الكلام ده فضلت حوالي 3 شهور أحلم بكوابيس مفزعه وأتكتف بالليل وأنا نايم وكانت فتره الله لا يعودها ولا يوريها لحد أعصابي بجد تعبت لحد الحمد لله ربنا عافاني بعد معاناه وكله بفضل الله وحده والمواظبه على ذكر الله والصلاه وقراءه القرآن . من حيث نقطة تصويرهم وفيه لقطات فيديو بكده فلا أعتقد أنه من الممكن تصويرهم بصورتهم الحقيقيه نظرا لطبيعتهم الغير مرئيه وقوله تعالى ( إِنَّهُ يَرَاكُمْ هُوَ وَقَبِيلُهُ مِنْ حَيْثُ لاَ تَرَوْنَهُمْ ) وأعتقد أنه في حالة تجسدهم بصورة إنسان أو حيوان فهذا ممكن نظرا لخروجهم عن الطبيعه الغير مرئيه لصوره يستطيع أي شخص رؤيتهم عليها كما تجسد الشيطان لكفار مكه في أكثر من موقف وأذكر منها يوم بدر ( وَإِذْ زَيّنَ لَهُمُ الشّيْطَانُ أَعْمَالَهُمْ وَقَالَ لاَ غَالِبَ لَكُمُ الْيَوْمَ مِنَ النّاسِ وَإِنّي جَارٌ لّكُمْ فَلَمّا تَرَآءَتِ الْفِئَتَانِ نَكَصَ عَلَىَ عَقِبَيْهِ وَقَالَ إِنّي بَرِيَءٌ مّنْكُمْ إِنّيَ أَرَىَ مَا لاَ تَرَوْنَ إِنّيَ أَخَافُ اللّهَ وَاللّهُ شَدِيدُ الْعِقَابِ ) نصيحتي يحاول يتناسى الموضوع ده ويغير جو يريح أعصابه أسبوع في مكان هادي وبعيد وإن كان مسلم ( ولا أقصد أي شئ بذلك ) فعليه أن يواظبط على الأذكار وقراءة القرآن وخصوصا سورة البقره والمعوذات ولأني مررت بمايشبه ذل فأعلم وأقدر جيدا مدى سوء الحاله النفسيه والبدنيه له والله يكون في عونه وياخد بأيده . والله أعلى وأعلم تم تعديل 5 أبريل 2010 بواسطة عاشق الترحال قولوا لا إله إلا الله تفلحوا إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ يَا أَيّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا إضغط هنا لقراءة القرآن الكريم من المصحف الشريف إضغط هنا لزيارة موقع رسول الله إضغط هنا لعرض البث المباشر من المسجد الحرام تردد قناة الرحمه الجديد على النايل سات التردد 10873 معدل الترميز 27500 رأسي 3\4 تردد قناة الرحمه الجديد على العرب سات التردد 12149 معدل الترميز 27500 أفقي 3\4 رابط هذا التعليق شارك المزيد من خيارات المشاركة
jasmin hamed بتاريخ: 5 أبريل 2010 تقديم بلاغ مشاركة بتاريخ: 5 أبريل 2010 انتى بتتكلمى جد يا مدام اغابى يعنى حضرتك فعلا بتؤمنى بالاشباح طب سؤال استفهامى هيه الاشباح ديه تعتبر ايه يعنى عفاريت و لا شياطين و لا ارواح ناس ماتت ؟ بجد انا مش بهزر حضرتك تفتكرى الاشباح ديه تبقى ايه بالظبط I shall be telling this with a sigh Somewhere ages and ages hence: Two roads diverged in a wood, and I— I took the one less traveled by, And that has made all the difference رابط هذا التعليق شارك المزيد من خيارات المشاركة
MZohairy بتاريخ: 5 أبريل 2010 تقديم بلاغ مشاركة بتاريخ: 5 أبريل 2010 انا كمسلم لا اؤمن بإتصالهم بالبشر بأي طريقه اؤمن فقط بوجودهم لكن دون تداخل او تواصل مع البشر مطلقا Vouloir, c'est pouvoir اذا كنت لا تقرأ الا ما يعجبك فقط فإنك لن تتعلم ابدا Merry Chris 2 all Orthodox brothers Still songs r possible رابط هذا التعليق شارك المزيد من خيارات المشاركة
اغابي بتاريخ: 5 أبريل 2010 كاتب الموضوع تقديم بلاغ مشاركة بتاريخ: 5 أبريل 2010 أنا كمسلم أؤمن بوجود الجن بأصنافه لأنه ذكر في القرآن والسنه .أعتقد أن مصطلحات ( الجن والعفاريت والشياطين ) هي الأصح أما بالنسبه للفظ الأرواح والأشباح فلإختلاف الثقافات والمجتمعات إنما أعتقد أنه كله في الآخر ( جن ) حتى الشياطين ترجع إلى الجن مصداقا لقوله تعالى ( إلا إبليس كان من الجن ففسق عن أمر ربه ) وكل يسميه على حسب مفهومه وثقافته . وعلى المستوى الشخصي فحصل لي مواقف كثيره وحضرت جلسات علاج بالقرآن أمام عيني وكان الجن ينطق على لسان المريض . بالإضافه إلى أني شخصيا حصل لي مواقف مرعبه من دي وأنا صغير وخصوصا أن المقابر قريبه من منزلنا في مصر وزمان النور الكهرباء مكنتش في كل مكان زي الوقتى فبالتالي كان الجو ظلام في ظلام فالحاجات دي كانت بتظهر بطريقه أكتر من الوقتى وخلال الفتره اللي قضيتها مع خالي الله يرحمه في المستشفى قبل وفاته يكفى أني أقولك أني كنت لما بنزل الساعه 2 في الليل أجيب حاجه ساقعه أشربها من البقاله اللي بره المستشفي كان شعري بيقف لما أعدي من جنب المشرحه وأوقات لما أفتح الأسانسير لكن كنت بمسك أعصابي وأقرأ قرآن في سري وأقول الأذكار والحمد لله سرعان ما أهدأ وأطمأن. ناهيك عن أني وبسبب شقاوتي وحركاتي الرخمه اللي كنت بعملها في أصحابي وجيراني من أني أستخبى لهم في المقابر والأماكن المظلمه وأخرج أفزعهم وأنا لابس وش مرعب وحاجات من دي وكما أني كنت غويت أفلام الرعب فتره أثناء دراستي الجامعيه وكنا نذهب لمزرعه صديق لنا بمنطقه نائيه لا تسمع فيها سوى صوت صفير الريح لمشاهدة مثل هذه الأفلام والدنيا ظلام كاحله وفي عز الليل بسبب الكلام ده فضلت حوالي 3 شهور أحلم بكوابيس مفزعه وأتكتف بالليل وأنا نايم وكانت فتره الله لا يعودها ولا يوريها لحد أعصابي بجد تعبت لحد الحمد لله ربنا عافاني بعد معاناه وكله بفضل الله وحده والمواظبه على ذكر الله والصلاه وقراءه القرآن . من حيث نقطة تصويرهم وفيه لقطات فيديو بكده فلا أعتقد أنه من الممكن تصويرهم بصورتهم الحقيقيه نظرا لطبيعتهم الغير مرئيه وقوله تعالى ( إِنَّهُ يَرَاكُمْ هُوَ وَقَبِيلُهُ مِنْ حَيْثُ لاَ تَرَوْنَهُمْ ) وأعتقد أنه في حالة تجسدهم بصورة إنسان أو حيوان فهذا ممكن نظرا لخروجهم عن الطبيعه الغير مرئيه لصوره يستطيع أي شخص رؤيتهم عليها كما تجسد الشيطان لكفار مكه في أكثر من موقف وأذكر منها يوم بدر ( وَإِذْ زَيّنَ لَهُمُ الشّيْطَانُ أَعْمَالَهُمْ وَقَالَ لاَ غَالِبَ لَكُمُ الْيَوْمَ مِنَ النّاسِ وَإِنّي جَارٌ لّكُمْ فَلَمّا تَرَآءَتِ الْفِئَتَانِ نَكَصَ عَلَىَ عَقِبَيْهِ وَقَالَ إِنّي بَرِيَءٌ مّنْكُمْ إِنّيَ أَرَىَ مَا لاَ تَرَوْنَ إِنّيَ أَخَافُ اللّهَ وَاللّهُ شَدِيدُ الْعِقَابِ ) نصيحتي يحاول يتناسى الموضوع ده ويغير جو يريح أعصابه أسبوع في مكان هادي وبعيد وإن كان مسلم ( ولا أقصد أي شئ بذلك ) فعليه أن يواظبط على الأذكار وقراءة القرآن وخصوصا سورة البقره والمعوذات ولأني مررت بمايشبه ذل فأعلم وأقدر جيدا مدى سوء الحاله النفسيه والبدنيه له والله يكون في عونه وياخد بأيده . والله أعلى وأعلم هو مسلم طبعا - وفعلا فى ناس فى الشغل نصحوه بالصلاه وقرايه القران والصلاه وكل داه متفق عليه . لكن انه ياخد اجازة صعب اللى حضرتك بتقوله داه - لقمة العيش حيروح فين - وبعدين انا قولتله طب ليه جيت الشغل نهارده ما اختهوش فى البيت اجازة . عارف رد ايه - الراجل حالته صعبة بجد - قال ان مراته حتروح الشغل واولاده فى المدارس والجامعة فهو مش قادر يقعد لوحده فى البيت - خايف جدا - مرعوب وحاسس الراجل داه حيطلعله تانى فجه الشغل يتونس بينا - على فكرة انا لسه مشقرة عليه من شوية حالته صعبة جدا - مش مصدق وعمال يدور فى النت على سبب للي حصل وحكى معايا لسه من نص ساعة ان هو متخيل لو فيه حاجة اسمها جنى حيبقي اسود - حاجة زى الافلام كدا - لكن داه ابيض جدا وشكله يصدم على حد تعبيره . اما ان التصوير ما يتصدقش فدا تصوير كاميرات طرق او مراقبة او حاجات كدا - اكيد مش كله حيبقي تزوير - لازم ولو بنسبة 30% حقيقي على سبيل الصدفة وبمناسبة صورتهم غير مرئية او هلامى الشكل ممكن فيه لقطة قابلتنى مرة حابقي ادور على اللينك بتاعها زى ما حضرتك بتوصف بالظبط كدا . كمان نقطة الايحاء لما حد يحكى معاك عن المواضيع دي كتير ممكن تبدأ مرحلة التهيئات بمعنى تحس ان الشجرة شبح او يتهيئلك ان الغسيل اللى متنشر فى البلكونة اشباح وعفاريت - اكيد مش بننكر دور الايحاء انه فخ للتهيئوات كنوع من الاوهام - لكن داه ما يناكدش عدم وجود الارواح والاشباح - لانها حقيقة وموجودة فى الدنيا . نـحن البلـــــدان الحقيقـيــة فى هــذا العـــالم . . . وليـــــس مــا يرســــم فـــوق الخرائــط نـحن الرمـــوز الحقيقيــــة فى هــــذا العــالم . . . وليــــــس اسمـــــاء القـــــادة العظمــاء . . . لاننـا نحـن من صنعـناهـم فرسـان العالـم الحقيقيـون . . هــم شعــوب الارض رابط هذا التعليق شارك المزيد من خيارات المشاركة
engmido بتاريخ: 5 أبريل 2010 تقديم بلاغ مشاركة بتاريخ: 5 أبريل 2010 مش عارف مش قادر اكذب او اصدق ولكن اذا كان ها الشخص مسلما فانصحيه بذكر الله و ملازمة القران والاستغفار وان يهدىء من روعه والله اعلم ﴿ قال رسول الله صلى الله عليه وسلم كلمتان خفيفتان على اللسان ثقيلتان فى الميزان حبيبتان الى الرحمن ﴾ رابط هذا التعليق شارك المزيد من خيارات المشاركة
Damo بتاريخ: 5 أبريل 2010 تقديم بلاغ مشاركة بتاريخ: 5 أبريل 2010 بخصوص موضوع ان الجن يظهر في صورة انسان في ايامنا دي انا مش بؤمن بيه لان و انا صغيرة من الحاجات اللي كنا اتعلمناها ان الجن زمان ايام الاسلام ما كان لسه جديد كان عندو القدرة انو يتخذ صورة انسان بس ده توقف و ربنا منع كده!! الكلام ده اتقالي انا بس ولا ايه؟ عموما حتى لو الكلام ده غلط فلو الجن عندو قدرة يتخذ شكل انسان فهو في الاخر حاجة ضعيفة و هايفة خالص!!! كل اللي يملكو الكلام. القرآن و الاستغفار هيبقى more than enough . بس على فكرة قلبي بيتقطع على مديرك يا اغابي. جربي تقوليلو ان الجن ده ضعييييييف و قوته بتبقى في خوف اللي قدامه منو بس. " Feed Your Faith and your fears will starve to death " Unkown~ رابط هذا التعليق شارك المزيد من خيارات المشاركة
se_ Elsyed بتاريخ: 5 أبريل 2010 تقديم بلاغ مشاركة بتاريخ: 5 أبريل 2010 انا كمسلم لا اؤمن بإتصالهم بالبشر بأي طريقه اؤمن فقط بوجودهم لكن دون تداخل او تواصل مع البشر مطلقا أتفق تماماً مع أبو شكري في الرأي ده ------------------ شوفي يا أغابي باشا ... إحنا طبعاً سمعنا الكلام اللي الزلمه عاوز يقوله وحطي خط تحت عاوز دي لأنه لم يحكي لنا عن حالته النفسية قبل هذا الموقف مثلاً هاقول لك حاجه ... خلي حد كده يشوق عربيته لفترة طويلة ويا سلام لو بعد نص الليل والفجر قرب يشقشق .. وبالتأكيد كتير مننا حصل لهم كده وشوف الواحد بيتخيل له إيه على الطريق ... مجسمات وأشكال حقيقة تماماً ... وهي طبعاً تهيؤات من التعب والأرهاق وعدم أخذ قسط كافي من النوم وبعدين يا ولاد مش كان في موضوع قريب هنا في المنتدى عن أرواح وأشباح وحركات ؟ ------------------------------- الحمد لله أنا من الناس اللي قلبي ميت وأروح المقابر بالليل أو أمشي في شوارع مظلمة وولا يهمني ... ولو إن كل ده منهي عنه في الإسلام والرسول أمرنا بتجنب الأماكن الخربه والحاجات اللي زي دي .. لا لشيء إلا عشان الجانب النفسي وبجد صدق المثل الشعبي " اللي يخاف من العفريت يطلع له " يعني لو الواحد مهيء نفسه يشوف عفريت لابس برنيطة وشتوي في عز الصيف ... يبقى هايشوفه فعلاً ... ومع أحترامي يا أغابي باشا على الكليبين اللي حطتيهم ... صباح الخير يعني .. الفوتو شوب واللعب بالمونتاج ماخلاش لولاد الحلال حاجه :sad: نيجي للجانب التكنولوجي ... من كُتر الأفلام والحاجات اللي لحست مخنا .. ارتبط لدينا منظر الكائنات الفضائية بإن لونها أخضر وراسها مطوله زي الشمامه كده وما عندهاش تناسق في أي حاجه .. وبعدين دايماً يبقوا رجاله مش عارف ليه وكإن حريم المريخ ما بيتكشفوش على رجالة الأرض :sad: كذلك الأشباح دايماً تبقى بيضا .. ليه ما تكونش خضرا أو كاروهات مثلاً ؟ ---------------- الجانب الأخر المهم أيوه عالم الجن موجود ... لكن لو الحكاية كده وإنهم ممكن يختلطوا بينا طالما شايفيينا وسامعينا وإحنا لأ .. كان زمانهم بهدلونا وربوا لنا الخفيف :sad: على فكره حتى الناس اللي بيسخروا الجن ولديهم القدره على ذلك - هكذا يدًعون - ده رأيي وقلته مليون مره ... كانوا نفعوا نفسهم وأصبحوا ذوي سطوة وسلطة ومال يسد عين الشمس يعني بالعقل كده .. واحد بيسخر الجن وبيعمل حركات واكروبات ... ليه يبقى شمام ويشتغل ساحر والزيارة بخمسين جنيه و 100 ج والكلام ده .. طب ما تشتغل لنفسك يا عم الحج بدل ما تشتغل عند الناس وبعدين تتعكش في الأخر وتترمي في معتقل المغول زيك زي حرامية الغسيل وشمهورش ما بينفعكش ولا بيزورك حتى بسجاير ولا عيش وحلاوة .. صح ولا لأ يا رجاله ؟ الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
se_ Elsyed بتاريخ: 5 أبريل 2010 تقديم بلاغ مشاركة بتاريخ: 5 أبريل 2010 مش عارف مش قادر اكذب او اصدقولكن اذا كان ها الشخص مسلما فانصحيه بذكر الله و ملازمة القران والاستغفار وان يهدىء من روعه والله اعلم هههههههههههههه طب لو مش مسلم يا ميدو يغني لعمرو دياب ولا يعمل إيه ؟ لأ بجد .. يعمل إيه ؟ الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
se_ Elsyed بتاريخ: 5 أبريل 2010 تقديم بلاغ مشاركة بتاريخ: 5 أبريل 2010 بس على فكرة قلبي بيتقطع على مديرك يا اغابي. جربي تقوليلو ان الجن ده ضعييييييف و قوته بتبقى في خوف اللي قدامه منو بس. بالعكس يا ديمو .. الله يهديكي .. لازم أغابي تبقى أستغلالية ... وتلبس له وش تويتي أو نقار الخشب مثلاً وتروح أوضة الكهربا وتشد الكوبس .. وتطلع له في الضلمه تقول له " عووووووووووووووووووو .. لك شوف يا زلمه أما أكولك ... إنت لو ما بتزود أغابي شي 200 دينار راتب أساسي غير البدلات .. بنسود عيشتك وبنعملك شي مقلوبة أو تبوله أو مجدره" انا عارف هما بيحبوا الاكلات دي لازم يا أغابي تطرقي على الصفيح وهو ساخن واللي تلعبي بيه تكسبي بيه وخلينا نقب على وش الدنيا بقى علي النعمه لو مديري بيخاف من العفريت لأبهدله .. بس للأسف هو نفسه عفريت وبيخوفنا الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
اغابي بتاريخ: 5 أبريل 2010 كاتب الموضوع تقديم بلاغ مشاركة بتاريخ: 5 أبريل 2010 انتى بتتكلمى جد يا مدام اغابى يعنى حضرتك فعلا بتؤمنى بالاشباح طب سؤال استفهامى هيه الاشباح ديه تعتبر ايه يعنى عفاريت و لا شياطين و لا ارواح ناس ماتت ؟ بجد انا مش بهزر حضرتك تفتكرى الاشباح ديه تبقى ايه بالظبط مش قادرة افسر وعلشان ما افتيش كمان لان الموضوع مش ناقص لكن انا كان حصل معايا هو موقف وحيد لا غير ولم يتكرر ابدا - زمان لما كان عمرى حوالى 7 سنين وماما طلبت منى اروح انا واختى واخويا ننادي بابا من عند ناس اصحابه سهران عندهم وكانت الساعة 10 باليل او الحدود دي يعنى - فرحنا احنا التلاتة - والمسافة مش بعيد اوى كام شارع المهم انا واختى واخويا وماشيين فى الشارع وفى نص الطريق كان فى زاوية فيها كشك كهرباء المعروف فى مصر داه صاج حديد كله كدا - المهم ورا الكشك داه لقينا شخص واقف والمسافة بينا وبين بعض 4 متر مش اكتر وشايفينه كويس اوى اول واحد اكتشفه اخويا قال ايه داه بصوا - الراجل داه اسود فحمة كانه محروق ولا باينله ملامح اصلا وكمان مالوش ودان وااقرع وعيونه حمرا وبيد واحدة ودايما لما باشوف سبايدر مان مع اولادى حاليا بيفكرنى بهيئته اللى مش قادرة انساها - بس سبايدر مان ملون لكن داه اقرع واسود وبدون ودان - المهم اخويا صرخ عفريت واختى تجرى عفريت وانا علشان الصغيرة فيهم اتهببت واتكعبلت على بوزى على الارض وهما رجعولى قومونى وجرونى معاهم وكلنا نصرخ لغاية ما وصلنا عند بابا - وحكيناله حه بابا مع اصحابه وراحو عند كشك الكهربا ولفو حواليه وما لقوش حاجة خالص بتاتا لكن اللى كان مخلى بابا مصدق اننا احنا التلاتة شوفناه - مش مثلا انا شوفته واخويا لاء او اختى لاء - احنا التلاتة شوفناه - حتى لغاية دلوقتى ادينا كبرنا واتجوزنا وخلفنا لكن لما نتجمع مع بعض بنفتكر الموقف داه بالتفصيل - لان صورة العفريت مش قادرين ننساها ابدا بجد - وطبعا بابا كاب عاوز يطمنا ان ممكن راجل عادى كان ورا كشك الكهربا وانتم علشان ضلمة خوفتم منه بس كلنا قولناله يا بابا داه كان واقف محروق كله اسود وعيونه حمرا اوى وبدون ودان واقرع وبايد واحدة مش ممكن مش شكل الناس العادية . فانا اعتقد فى الظواهر دي طبعا . نـحن البلـــــدان الحقيقـيــة فى هــذا العـــالم . . . وليـــــس مــا يرســــم فـــوق الخرائــط نـحن الرمـــوز الحقيقيــــة فى هــــذا العــالم . . . وليــــــس اسمـــــاء القـــــادة العظمــاء . . . لاننـا نحـن من صنعـناهـم فرسـان العالـم الحقيقيـون . . هــم شعــوب الارض رابط هذا التعليق شارك المزيد من خيارات المشاركة
se_ Elsyed بتاريخ: 5 أبريل 2010 تقديم بلاغ مشاركة بتاريخ: 5 أبريل 2010 والله عال عشان قولنا إن ده موضوع " للكبار فقط " الكل داخل ومعدل الزيارات يفوق الوصف ومش ملاحقين على المشاهدات ... وطبعاً متوقعين يشوفوا حاجات يايا ياي ماشي يا بني ادمين ... ماشي ماشي كل اللي شاف الموضوع ده إسمه هايتاخد وهانستدعي ولي أمره في الموضوع الجاي ونقول له : تعال شوف إبنك يا استاذ بيعمل إيه ؟ الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
engmido بتاريخ: 5 أبريل 2010 تقديم بلاغ مشاركة بتاريخ: 5 أبريل 2010 مش عارف مش قادر اكذب او اصدقولكن اذا كان ها الشخص مسلما فانصحيه بذكر الله و ملازمة القران والاستغفار وان يهدىء من روعه والله اعلم هههههههههههههه طب لو مش مسلم يا ميدو يغني لعمرو دياب ولا يعمل إيه ؟ لأ بجد .. يعمل إيه ؟ يا عم وانا ايش عرفنى انا اتكلم عن المسلمين....انما غير المسلمين معنديش فكرة !!!!!!!!! ثم هو عمرو دياب بيصرف الجن؟؟؟ طب انهى شريط....عيب يا عم الكلام ده ﴿ قال رسول الله صلى الله عليه وسلم كلمتان خفيفتان على اللسان ثقيلتان فى الميزان حبيبتان الى الرحمن ﴾ رابط هذا التعليق شارك المزيد من خيارات المشاركة
اغابي بتاريخ: 5 أبريل 2010 كاتب الموضوع تقديم بلاغ مشاركة بتاريخ: 5 أبريل 2010 يا جماعة عاوزة اقولكم نبذه مختصرة عن مديري هو رجل لا يعرف الهزار - جد جدا صعب جدا جدا - هو البعبع بتاع الشركة وفيه ناس شمتانة فيه من شوية واحد قالى والله اللى حصله داه من عمايله السودا فينا بس طبعا حرام انا صعب على - و بيقولى انتم شكلكم بتدعو على يا اغابي الشركة دي بيدعو على انا بقولكم كدا لانه مش حاقول انه بيهذر دا جد اوى - ولحظة ما ينادي حد مكتبه اعرف ان فيه مصيبة وحتى لا اعتقد انه بيكذب او يمثل اطلاقا - مديرنا مش بتاع الافلام دي - هو راجل عملى وجد عنده 1 + 1 = 2 هو كل تحيليله للموقف - الراجل مش مهم امتى ظهر فى البداية قبل دخوله الاسانسير وان كان هو بيعتبر ظهوره فجاه لغز برضوه - لكن اختفي ازاى بدون ما الاسانسير يتفتح هو اللى محيره اوى ؟؟ والله اعلم . نـحن البلـــــدان الحقيقـيــة فى هــذا العـــالم . . . وليـــــس مــا يرســــم فـــوق الخرائــط نـحن الرمـــوز الحقيقيــــة فى هــــذا العــالم . . . وليــــــس اسمـــــاء القـــــادة العظمــاء . . . لاننـا نحـن من صنعـناهـم فرسـان العالـم الحقيقيـون . . هــم شعــوب الارض رابط هذا التعليق شارك المزيد من خيارات المشاركة
se_ Elsyed بتاريخ: 5 أبريل 2010 تقديم بلاغ مشاركة بتاريخ: 5 أبريل 2010 بابا كان عاوز يطمنا ان ممكن راجل عادى كان ورا كشك الكهربا وانتم علشان ضلمة خوفتم منه ده محصل الكهربا يا أغابي جاي بيشيك على العدادات الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
اغابي بتاريخ: 5 أبريل 2010 كاتب الموضوع تقديم بلاغ مشاركة بتاريخ: 5 أبريل 2010 والله عال عشان قولنا إن ده موضوع " للكبار فقط " الكل داخل ومعدل الزيارات يفوق الوصف ومش ملاحقين على المشاهدات ... وطبعاً متوقعين يشوفوا حاجات يايا ياي بس بزمتك ايه رايك يا كبير فى الخودعة دي - ادى العناويين الجامدة ولا بلاش هع هع هع نـحن البلـــــدان الحقيقـيــة فى هــذا العـــالم . . . وليـــــس مــا يرســــم فـــوق الخرائــط نـحن الرمـــوز الحقيقيــــة فى هــــذا العــالم . . . وليــــــس اسمـــــاء القـــــادة العظمــاء . . . لاننـا نحـن من صنعـناهـم فرسـان العالـم الحقيقيـون . . هــم شعــوب الارض رابط هذا التعليق شارك المزيد من خيارات المشاركة
عنبو بتاريخ: 5 أبريل 2010 تقديم بلاغ مشاركة بتاريخ: 5 أبريل 2010 والله عال عشان قولنا إن ده موضوع " للكبار فقط " الكل داخل ومعدل الزيارات يفوق الوصف ومش ملاحقين على المشاهدات ... وطبعاً متوقعين يشوفوا حاجات يايا ياي ماشي يا بني ادمين ... ماشي ماشي كل اللي شاف الموضوع ده إسمه هايتاخد وهانستدعي ولي أمره في الموضوع الجاي ونقول له : تعال شوف إبنك يا استاذ بيعمل إيه ؟ انا حصلت معايا فى موضوع خيانه زوجيه بالصور والكل جه جرى علشان يتفرج والكل بيقول فى سره يارب الحق اقبل الاداره ما تحذف لما الدنيا تقسى عليك اوعى تخاف منها وتكش تربس عترس فيها ياولدى هى كده متجش غير وش دوس فيها وجمد قلبك بس اياك على ضعيف تفش توصل فيها لاعلى مناصب بس اياك فى يوم تغش رابط هذا التعليق شارك المزيد من خيارات المشاركة
se_ Elsyed بتاريخ: 5 أبريل 2010 تقديم بلاغ مشاركة بتاريخ: 5 أبريل 2010 كنت بأحب قوي أتفرج على سلسلة أفلام " طاردوا الأشباح " لما كان يشفطوا الشبح من دول بالمكنسة ويحبسوه في علبة السمنة ... الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
اغابي بتاريخ: 5 أبريل 2010 كاتب الموضوع تقديم بلاغ مشاركة بتاريخ: 5 أبريل 2010 بابا كان عاوز يطمنا ان ممكن راجل عادى كان ورا كشك الكهربا وانتم علشان ضلمة خوفتم منه ده محصل الكهربا يا أغابي جاي بيشيك على العدادات ايون - نـحن البلـــــدان الحقيقـيــة فى هــذا العـــالم . . . وليـــــس مــا يرســــم فـــوق الخرائــط نـحن الرمـــوز الحقيقيــــة فى هــــذا العــالم . . . وليــــــس اسمـــــاء القـــــادة العظمــاء . . . لاننـا نحـن من صنعـناهـم فرسـان العالـم الحقيقيـون . . هــم شعــوب الارض رابط هذا التعليق شارك المزيد من خيارات المشاركة
Damo بتاريخ: 5 أبريل 2010 تقديم بلاغ مشاركة بتاريخ: 5 أبريل 2010 بابا كان عاوز يطمنا ان ممكن راجل عادى كان ورا كشك الكهربا وانتم علشان ضلمة خوفتم منه ده محصل الكهربا يا أغابي جاي بيشيك على العدادات لالا معلش يا سي السيد خلينا نفكر تفكير علمي نقول شبح متخفي في صورة محصل الكهربا " Feed Your Faith and your fears will starve to death " Unkown~ رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان