عاشق الترحال بتاريخ: 6 أبريل 2010 تقديم بلاغ مشاركة بتاريخ: 6 أبريل 2010 انا شوفت فيديوهات على اليويتوب, فيه حاجات بحس انها تصوير لعفاريت حقيقية مش تمثيلعمري ما شوفت عفاريت بجد لكن طبعا مؤمن بيها نفسي اشوف عفريت :closedeyes: يكفى أن تسمع قوله تعالي في سورة الصافات لتتخيل مدى بشاعتهم ( أَذَلِكَ خَيْرٌ نُزُلاً أَمْ شَجَرَةُ الزَّقُّومِ(62)إِنَّا جَعَلْنَاهَا فِتْنَةً لِلظَّالِمِينَ(63)إِنَّهَا شَجَرَةٌ تَخْرُجُ فِي أَصْلِ الْجَحِيمِ(64)طَلْعُهَا كَأَنَّهُ رُءُوسُ الشَّيَاطِينِ(65). أسأل الله لنا ولكم وللمسلمين أجمعين العافيه من كل شر ومكروه وسوء قولوا لا إله إلا الله تفلحوا إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ يَا أَيّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا إضغط هنا لقراءة القرآن الكريم من المصحف الشريف إضغط هنا لزيارة موقع رسول الله إضغط هنا لعرض البث المباشر من المسجد الحرام تردد قناة الرحمه الجديد على النايل سات التردد 10873 معدل الترميز 27500 رأسي 3\4 تردد قناة الرحمه الجديد على العرب سات التردد 12149 معدل الترميز 27500 أفقي 3\4 رابط هذا التعليق شارك المزيد من خيارات المشاركة
لماضة مصرية جدا بتاريخ: 6 أبريل 2010 تقديم بلاغ مشاركة بتاريخ: 6 أبريل 2010 والله والله والله والله ع ما أقول شهيد أني حضرت جلسة إخراج جن من احد أفراد عائلتي .. وكان إخراجة بالرقية الشرعية والقرأن .. وتفاجئت بأن هذا الشخص قد تغيرت نبرة صوتة وبدأ الجن يتكلم كيف دخل الي جسمة واسمة اية وديانته اية .. والشيخ قالة تخرج من جسمه .. قالة هخرج من عنيه وطبعا ً لو خرج الجن من العين معناها انه إتعمي .. لكن الشيخ فضل وراه لحد ما خلاه يأسلم وينطق الشهادتين وخرج من إصبع اليد .. أنا مصدقك جداً جداً جداً لأني حضرت جلسات معالجه من النوع ده وبالعقل كده لو كانت دي تمثيليه فهل قريبك الي كان بيعالج ده طرف في التمثيليه ؟؟!!! أنا عن نفسي حضرت جلسات لمرضى بيتعالجوا وشفت بعيني محدش قالي يعني فيه علاج بالقرآن وبقول معالج بالقرآن مش ساحر ولا مشعوذ وأثناء القراءه بينطق الجن على لسان المريض والمعالج بالقرآن بيسأله وهو بيرد عليه وفي الآخر يا أما بيخرج من جسد المريض ياأما مبيخرجش وده بيبقى بتوفيق من الله عزوجل في المقام الأول والأخير ومعظمهم وبقول معظم اللي حضرتلهم لا يتقاضون مبالغ ماليه وبيعملوا كده لله مش زي السحره والمشعوذين والنصابيين والدجاليين اللي بينصبوا على خلق الله وبيتعاملوا بالسحر والأعمال والطالع والفنجان والأطر والنجوم والفلك وماشابه وكل هذا كفر ومن ذهب لهم وصدقهم فقد كفر بما أنزل على محمد صلى الله عليه وسلم مصداقاَ للحديث الشريف. وعالعموم اللي عاوز يصدق يصدق واللي مش عاوز يصدق ميصدقش بس عالأقل يحترم وجهة نظر الطرف الآخر وخصوصا أنه بيخلف بأغلظ الأيمان لنا أته مر بتجارب مشابهه . السلام عليكم و رحمة الله و بركاته استاذي الفاضل...وجهة نظر حضرتك دوما محل تقدير و احترام لكن حضرتك اخدت جزء من السؤال استفساري كان هل ورد في السنة النبوية الصحيحة ما يثبت ذلك...السؤال هنا ليس استغراب و لا تشكيك و انما استزادة من العلم...و الله اعلي و اعلم الحقيقة انا شايفة ان تناول موضوع الجن و القران ليس بمكانه الصحيح هنا....و الافضل به ان يكون في هدي الاسلام و دي وجهة نظر تحياتي رابط هذا التعليق شارك المزيد من خيارات المشاركة
اغابي بتاريخ: 6 أبريل 2010 كاتب الموضوع تقديم بلاغ مشاركة بتاريخ: 6 أبريل 2010 انتى بتتكلمى جد يا مدام اغابى يعنى حضرتك فعلا بتؤمنى بالاشباح طب سؤال استفهامى هيه الاشباح ديه تعتبر ايه يعنى عفاريت و لا شياطين و لا ارواح ناس ماتت ؟ بجد انا مش بهزر حضرتك تفتكرى الاشباح ديه تبقى ايه بالظبط مش قادرة افسر وعلشان ما افتيش كمان لان الموضوع مش ناقص لكن انا كان حصل معايا هو موقف وحيد لا غير ولم يتكرر ابدا - زمان لما كان عمرى حوالى 7 سنين وماما طلبت منى اروح انا واختى واخويا ننادي بابا من عند ناس اصحابه سهران عندهم وكانت الساعة 10 باليل او الحدود دي يعنى - فرحنا احنا التلاتة - والمسافة مش بعيد اوى كام شارع المهم انا واختى واخويا وماشيين فى الشارع وفى نص الطريق كان فى زاوية فيها كشك كهرباء المعروف فى مصر داه صاج حديد كله كدا - المهم ورا الكشك داه لقينا شخص واقف والمسافة بينا وبين بعض 4 متر مش اكتر وشايفينه كويس اوى اول واحد اكتشفه اخويا قال ايه داه بصوا - الراجل داه اسود فحمة كانه محروق ولا باينله ملامح اصلا وكمان مالوش ودان وااقرع وعيونه حمرا وبيد واحدة ودايما لما باشوف سبايدر مان مع اولادى حاليا بيفكرنى بهيئته اللى مش قادرة انساها - بس سبايدر مان ملون لكن داه اقرع واسود وبدون ودان - المهم اخويا صرخ عفريت واختى تجرى عفريت وانا علشان الصغيرة فيهم اتهببت واتكعبلت على بوزى على الارض وهما رجعولى قومونى وجرونى معاهم وكلنا نصرخ لغاية ما وصلنا عند بابا - وحكيناله حه بابا مع اصحابه وراحو عند كشك الكهربا ولفو حواليه وما لقوش حاجة خالص بتاتا لكن اللى كان مخلى بابا مصدق اننا احنا التلاتة شوفناه - مش مثلا انا شوفته واخويا لاء او اختى لاء - احنا التلاتة شوفناه - حتى لغاية دلوقتى ادينا كبرنا واتجوزنا وخلفنا لكن لما نتجمع مع بعض بنفتكر الموقف داه بالتفصيل - لان صورة العفريت مش قادرين ننساها ابدا بجد - وطبعا بابا كاب عاوز يطمنا ان ممكن راجل عادى كان ورا كشك الكهربا وانتم علشان ضلمة خوفتم منه بس كلنا قولناله يا بابا داه كان واقف محروق كله اسود وعيونه حمرا اوى وبدون ودان واقرع وبايد واحدة مش ممكن مش شكل الناس العادية . فانا اعتقد فى الظواهر دي طبعا . :closedeyes: بصى ياست اغابى الشيطان اخره الوسوسه يعنى مايقدرش يتصور فى صور حسيه تشوفيها و الا كان استخدم الموضوع ده و كفر البشريه كلهم يعنى تصورى لو يقدر يتجسد للانسن مش ممكن كتير من الناس تركعله او تعبده و حله تذكرى الله و انتهى الجن بعد سيدنا سليمان ماحدش يقدر يشوفه ده من سلطان سيدنا سليمان الى ربنا مادهوش لحد بعده الارواح بتطلع عند ربها و مش بتتمشى فى الدنيا و الا كانت رجعت الاجساد تانى عشان تبقى مع الناس الى بتحبها و الحمدلله احنا فى مصر ناس عايشه فى المقابر و محدش بيشتكى الصراحه ان الارواح بتزعجه اانما البشر هما الى مكفرينهم فى عيشتهم طيب امال الناس بتشوف ايه هخد مثال الى حضرتك شوفتيه القاسم المشترك فى موضوع العفاريت ده ان الناس بتخاف و تصوت و تجرى تفتكرى و انتى فى الحاله ديه تقدرى تحكمى انتى شوفتى ايه فعلا من حوالى اسبوعين تقريبا كان فيه صوره لراجل فى جريده ازال ورم حجمه 7 كيلو من وشه الراجل ملامحه مختفيه تماما لا عيون و لا مناخير و لا بق تفتكر الراجل ده لو حابس نفسه طول النهار فى البيت و اتمشى باليل الناس هتشوفه اذاى طب و مدير حضرتك ذى ما قال الاخ س س بالظبط ارهاق على هلاوس سمعيه و بصريه لو بتتفرجى على برناج الكتور على الmbc4 كانوا بيقولو ان الانسنا لو مرهق عقليا ممكن العقل ينام و هو مفتح عنيه خصوصا لو المكان هادى او و انتى سايقه و بيتهيئلوا ان النور بيطفى و يولع بس عقله هو الى بيطفى و يولع مش النور و فى حالة نوم العقل ديه ممكن النسان يتهيئله حاجات غريبه ( عمرك شوفت طفل بيخرف تخاريف قبل النوم تلاقيه فتح حوار غريب و هب سقط هو ده الى بيحصلنا بس احنا بنفضل نقاوم النوم لما نصحى و هب ماتلقيش التهيئات تفتكرى ان حد كان هنا و اختفى عموما لما تخافى اذكرى الله و يقويك فى كل الاحوال ضلمه او نور ومين قالك انى بخاف لا انا ما بخفش لكل شيء فى الدنيا سبب وكمان العفاريت ولا الاشباح والحاجات دي لوجودهم فى الدنيا سبب و ما لهاش اى سلطان على الانسان وانا متاكدة انها بتخاف مننا اكتر - وربنا فعلا ليه حكمة فى كدا - علشان كدا انا ما بخفش - بس يمكن وقت الحادثة دي اللى حصلت معايا كنت صغيرة اوى واكيد دا اثر فى نفسي كطفلة وخفت لكن اعتقد حاليا مش حاخاف - بجد - لانى الموضوع اخد معايا وقت كبير فى انى انا مصدقة فيه وعارفة ان ممكن تكون الارواح دي حوالينا فى كل مكان واحنا مش شايفينها لكن ما لهاش اى سلطان تأذينا . نـحن البلـــــدان الحقيقـيــة فى هــذا العـــالم . . . وليـــــس مــا يرســــم فـــوق الخرائــط نـحن الرمـــوز الحقيقيــــة فى هــــذا العــالم . . . وليــــــس اسمـــــاء القـــــادة العظمــاء . . . لاننـا نحـن من صنعـناهـم فرسـان العالـم الحقيقيـون . . هــم شعــوب الارض رابط هذا التعليق شارك المزيد من خيارات المشاركة
عاشق الترحال بتاريخ: 6 أبريل 2010 تقديم بلاغ مشاركة بتاريخ: 6 أبريل 2010 بصى ياست اغابى الشيطان اخره الوسوسه يعنى مايقدرش يتصور فى صور حسيه تشوفيها و الا كان استخدم الموضوع ده و كفر البشريه كلهم يعنى تصورى لو يقدر يتجسد للانسن مش ممكن كتير من الناس تركعله او تعبده و حله تذكرى الله و انتهى الجن بعد سيدنا سليمان ماحدش يقدر يشوفه ده من سلطان سيدنا سليمان الى ربنا مادهوش لحد بعده العلاقه بين الجن والإنس الارواح بتطلع عند ربها و مش بتتمشى فى الدنيا و الا كانت رجعت الاجساد تانى عشان تبقى مع الناس الى بتحبها قال تعالى ( وَيَسْأَلُونَكَ عَنِ الرُّوحِ قُلِ الرُّوحُ مِنْ أَمْرِ رَبِّي وَمَا أُوتِيتُم مِّن الْعِلْمِ إِلاَّ قَلِيلاً ) وفيه فرق كبير مابين الروح والجن لكن بيطلق على الجن مجازاَ لفظ أرواح وأشباح وماشابه تبعاَ لإختلاف المسميات والثقافات بين المجتمعات والأفراد و الحمدلله احنا فى مصر ناس عايشه فى المقابر و محدش بيشتكى الصراحه ان الارواح بتزعجه اانما البشر هما الى مكفرينهم فى عيشتهم طيب امال الناس بتشوف ايه على فكره أوقات بيحصل مضايقات وأشياء من هذا القبيل وتقدري تتحققي بنفسك من الناس اللي عايشه في المقابر دي وأنتي تسمعي حكايات تشيب ولا أنكر أن منها إشتغالات لكن أيضا منها حقيقه وحدث بالفعل ذى ما قال الاخ س س بالظبط ارهاق على هلاوس سمعيه و بصريه لو بتتفرجى على برناج الكتور على الmbc4 كانوا بيقولو ان الانسنا لو مرهق عقليا ممكن العقل ينام و هو مفتح عنيه خصوصا لو المكان هادى او و انتى سايقه و بيتهيئلوا ان النور بيطفى و يولع بس عقله هو الى بيطفى و يولع مش النور و فى حالة نوم العقل ديه ممكن النسان يتهيئله حاجات غريبه ( عمرك شوفت طفل بيخرف تخاريف قبل النوم تلاقيه فتح حوار غريب و هب سقط هو ده الى بيحصلنا بس احنا بنفضل نقاوم النوم لما نصحى و هب ماتلقيش التهيئات تفتكرى ان حد كان هنا و اختفى ( محدش بينكر أن فيه هلاوس سمعيه وبصريه وخلافه ولكن أيضا محدش ينكر أن فيه جن موجود بنص القرآن والسنه وفيه سوره في القرآن إسمها سورة الجن ) عموما لما تخافى اذكرى الله و يقويك فى كل الاحوال ضلمه او نور هو ده اللي أنا بقول عليه رغم أنها موجوده وممكن تؤذي ولكن ذكر الله والمحافظه على الأذكار والصلوات وقراءة القرآن هو طوق النجاه اللي بيحفظ الإنسان من كل شر قولوا لا إله إلا الله تفلحوا إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ يَا أَيّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا إضغط هنا لقراءة القرآن الكريم من المصحف الشريف إضغط هنا لزيارة موقع رسول الله إضغط هنا لعرض البث المباشر من المسجد الحرام تردد قناة الرحمه الجديد على النايل سات التردد 10873 معدل الترميز 27500 رأسي 3\4 تردد قناة الرحمه الجديد على العرب سات التردد 12149 معدل الترميز 27500 أفقي 3\4 رابط هذا التعليق شارك المزيد من خيارات المشاركة
ترنيم بتاريخ: 6 أبريل 2010 تقديم بلاغ مشاركة بتاريخ: 6 أبريل 2010 وجود الجن طبعا امر مفروغ منه وطبعا ذكر فى القرآن الكريم واستعانة بعض السحرة بهم ايضا مذكور ....... المشكلة هو استخدام بعض الناس لهذا الامر فى السيطرة على أناس بسطاء مش فاهمين او مش مدركين الحقيقة كاملة وتهيأة امور لهم واقناعهم بقدرات غير موجودة ............... والفكرة دى للاسف اصبحت مسيطرة على ناس كتير وبتنعكس على افعالهم وتناولهم لامور حياتهم لدرجة قد تصل لحالة مرضية فمثلا الراجل مش لاقى شغل او البنت مش بتتجوز اوشخص مصاب بالصرع او حتى بمرض نفسى او او او ......... فيفسره الناس بصفة مبدأية وبدون تفكير على ان الامر له علاقة بالجن او ماشابه ربنا يهدى :closedeyes: :happy: وحيدة في غربتي ...أسيرة في عزلتي ....الي حين ألقاكم يا أحبتي رابط هذا التعليق شارك المزيد من خيارات المشاركة
sarmar بتاريخ: 6 أبريل 2010 تقديم بلاغ مشاركة بتاريخ: 6 أبريل 2010 السيدات والسادة السلام عليكم ورحمة الله وبركاتة اتضح من مداخلات الاخوة ومن سابق معرفتى ان الموضوع غيبى وان كلمة جن معاناها مختفى اى لايرى من البشر وحتى ايضا الجنة معانها ان من خارجها لايرى من بداخلها هذا شىء الشىء الاخر ان طبيعة اجسام الجن وتركيبتة النفسية تختلف كثيرا جدا جدا عن تركيبة جسم الانسان فنجد ان الانسان مخلوق من طين ولة اجزاء الجسم التى نحن جميعا نعرفها اما الجن فمخلوق من نار ولة اشكال واحجام وقدرات متفاوتة ولكن لة عقل ويستطيع ان يتعلم ويخترع فى حدود مايخدم بة طبيعتة وتكوينة والتى لاتؤثر او تزاحم بنى البشر فى ارضهم نحن والجن مكلفون من قبل اللة سبحانة وتعالى على ان نكون لة عبادا مخلصين نامر بالمعروف وننهى عن المنكر وقد ترك اللة سبحانة وتعالى لنا الخيار بين الطاعة والمعصية ومقابل هذة الحرية فرض علينا الثواب والعقاب بعد نزول الاديان من خالق السماوات وانتهت باخر دين وهو دين الاسلام واتمام نعمة اللة على كل من الثقلين بارتضاء ان يكون الاسلام هو الدين الخالص والاخير اص كل من عبادة منهم الانس والجن على ثباتة على المعصية ومنهم من خاف مقام ربة والتزم باوامرة ونواهية اذن بما ان الجن غيبى ومخفى عننا فالبتالى معلوماتنا عنة ضحلة وبسيطة وليس لها مصدر الا من الشريعة الاسلامية ومن هذا الباب دخل كثير من الناس يجتهدون فيى علاج المس باقرءان الكريم ولكنى ايضا اسمع ان هناك رجال من الدين المسيحى فى الكنيسة يعالجون ايضا بعض من بنى البشر يعلجونهم ايضا من المس الجنى ماهو موقف الدين المسيحى من الجن وهل هو مؤيد او معارض لعلاقة الجن بالانس وماهى المعلومات الواردة فى صفحات الدين المسيحى عن تكوين وماهية الجن ؟ رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ وَعَلَى وَالِدَيَّ وَأَنْ أَعْمَلَ صَالِحًا تَرْضَاهُ وَأَدْخِلْنِي بِرَحْمَتِكَ فِي عِبَادِكَ الصَّالِحِين رابط هذا التعليق شارك المزيد من خيارات المشاركة
ذهبية بتاريخ: 6 أبريل 2010 تقديم بلاغ مشاركة بتاريخ: 6 أبريل 2010 الحمد الله يا اغابى انا ما شوفت بنفسى عفاريت احمد الله كثيرا على ذلك لكن والدتى الله يرحمها ووالدى كانوا بيحكوا لى انهم لما كانوا فى عمان و طبعا انا اسمع ان عمان من اكثر البلاد اللى يكثر فيها الكلام دة و معرفش اذا كان دة حقيقى ولالا لكن والدتى كانت بتقول ان البيت الى كانوا عايشين فية كان فية عفاريت و لان امى كانت شجاعة جدااا مكنش بيهمها عادى يعنى كانت بتقول انها كانت العفاريت بتلاعبها يعنى لما تحط حاجة ترجع متلقهاش و اصلا كانوا قاعدين زى استوديو كدة يعنى الحاجة الى ضاعت سهل جدا تظهر كانوا بيقولوا انهم يفضلوا طول اليوم يدورا عليها مفيش فايدة ترجع بعد يومين تلاقى الحاجة فى نفس المكان اللى سابتة فيها كانوا علشان يكلمونا فى التليفون يمشوا فى صحرااا لحد ما يوصلوا للبوكس بتاع التليفون فى السكة قابلوا واحد نصة انسان و نصة رجلين معيز و الله هذا حصل خافوا و جريوااااا و بعدين قابلوا واحد و هما بيجروا قال لهم فى اية قالوا قابلنا واحد رجلية معيز قال لهم زى دى كدةةة وكشف لهم على رجل معيز بابا و ماما قعدوا يقروااا قران و جريواااا بابا بيقول ان عمان لها قصص كتير من النوعية دى ومن كذا يوم حد شاف فيكم برنامج بيحكى عن ماساة اسرة لسة راجعة من عمان انا شوفتة بنفسى البرنامج دةةةة دة راجل و مراتة وولادة كان بيشتغل فى عمان من ساعة من رجع و اى مكان بيكون فية بيولع لوحدةةة و بيتة اتحرق و عفش بيتة النار فجاة تمسك فى العفش بدون سبب الناش ما صدقت اهلة اخدوة فى بيتهم النار ولعت فى اى بيت يروح فية وكان بيشتكى ان عفش بيتة اتحرق و حياتة ادمرت و مراتة قعدت تورى الناس الاماكن الى بتتحرق والنار بتطلع من تحت الارض و مراتة بتقول ان العفاريت بتعمل فية كدة علشان يرجع عمان تانى لانهم زعلوا انهم رجعوا مصر الى الان محدش عارف بيفسر الحالة دى نهائىىى و لا تفسير النار اللى بتسمك فى اى بيت يروحة السواق دة انا شوفت البرنامج دة بنفسى [على اسم مصر التاريخ يقدر يقول ما شاء أنا مصر عندي أحب وأجمل الأشياء بحبها وهي مالكة الأرض شرق وغرب وبحبها وهي مرمية جريحة حرب بحبها بعنف وبرقة وعلى استحياء واكرهها وألعن أبوها بعشق زي الداء واسيبها واطفش في درب وتبقى هي ف درب وتلتفت تلاقيني جنبها في الكرب والنبض ينفض عروقي بألف نغمة وضرب على اسم مصر رابط هذا التعليق شارك المزيد من خيارات المشاركة
jasmin hamed بتاريخ: 6 أبريل 2010 تقديم بلاغ مشاركة بتاريخ: 6 أبريل 2010 الحمد الله يا اغابى انا ما شوفت بنفسى عفاريت احمد الله كثيرا على ذلك لكن والدتى الله يرحمها ووالدى كانوا بيحكوا لى انهم لما كانوا فى عمان و طبعا انا اسمع ان عمان من اكثر البلاد اللى يكثر فيها الكلام دة و معرفش اذا كان دة حقيقى ولالا لكن والدتى كانت بتقول ان البيت الى كانوا عايشين فية كان فية عفاريت و لان امى كانت شجاعة جدااا مكنش بيهمها عادى يعنى كانت بتقول انها كانت العفاريت بتلاعبها يعنى لما تحط حاجة ترجع متلقهاش و اصلا كانوا قاعدين زى استوديو كدة يعنى الحاجة الى ضاعت سهل جدا تظهر كانوا بيقولوا انهم يفضلوا طول اليوم يدورا عليها مفيش فايدة ترجع بعد يومين تلاقى الحاجة فى نفس المكان اللى سابتة فيها كانوا علشان يكلمونا فى التليفون يمشوا فى صحرااا لحد ما يوصلوا للبوكس بتاع التليفون فى السكة قابلوا واحد نصة انسان و نصة رجلين معيز و الله هذا حصل خافوا و جريوااااا و بعدين قابلوا واحد و هما بيجروا قال لهم فى اية قالوا قابلنا واحد رجلية معيز قال لهم زى دى كدةةة وكشف لهم على رجل معيز بابا و ماما قعدوا يقروااا قران و جريواااا بابا بيقول ان عمان لها قصص كتير من النوعية دى ومن كذا يوم حد شاف فيكم برنامج بيحكى عن ماساة اسرة لسة راجعة من عمان انا شوفتة بنفسى البرنامج دةةةة دة راجل و مراتة وولادة كان بيشتغل فى عمان من ساعة من رجع و اى مكان بيكون فية بيولع لوحدةةة و بيتة اتحرق و عفش بيتة النار فجاة تمسك فى العفش بدون سبب الناش ما صدقت اهلة اخدوة فى بيتهم النار ولعت فى اى بيت يروح فية وكان بيشتكى ان عفش بيتة اتحرق و حياتة ادمرت و مراتة قعدت تورى الناس الاماكن الى بتتحرق والنار بتطلع من تحت الارض و مراتة بتقول ان العفاريت بتعمل فية كدة علشان يرجع عمان تانى لانهم زعلوا انهم رجعوا مصر الى الان محدش عارف بيفسر الحالة دى نهائىىى و لا تفسير النار اللى بتسمك فى اى بيت يروحة السواق دة انا شوفت البرنامج دة بنفسى بصى يا ذهبيه انا رحت عمان و قعدت الناس تقولى فندق الشيراتون الدور التانى مسكون النور مش عارفه بيعمل ايه و تنامى تصحى تلاقى نفسك على الارض و الحمام الحنفيات بتنزل دم و افلام كده و عليها رحت يا الفندق و طلبت غرفه فى الدور التانىو كنت لوحدى على فكره و قعدت استنى ان حد يطلعلى ابد عمان فيه شجر كتير و هاديه جدا وده اظن السبب الناس بتخاف منها ذى كده مزارع الموز عندنا ورق الموز لما بيخبط فى بعض لو وقفه فى الضلمه تحيى كان حد بيتحرك اما بخصوص الراجل ده يعنى مش قادره افهم هو كان مصاحبهم فى عمان مثلا و ماهنش عليهم فراقه و لا ايه بالظبط I shall be telling this with a sigh Somewhere ages and ages hence: Two roads diverged in a wood, and I— I took the one less traveled by, And that has made all the difference رابط هذا التعليق شارك المزيد من خيارات المشاركة
عماد حمدي بتاريخ: 6 أبريل 2010 تقديم بلاغ مشاركة بتاريخ: 6 أبريل 2010 يا جماعة الرقية الشرعية مذكورة في القرآن وكمان تكلم عنها سيدنا محمد صلي الله عليه وسلم انا هحكيلكم القصة بالتفصيل .. منذ فترة ليس بالقريبة .. لاحظنا في البيت ان ( فرد من أفراد الأهل ) خلقه ضيق أوي وعصبي جدا ودايما ً حاسس انه مخنوق وأمور تانية .. المهم احنا عارفين شيخ بيعالج بالقرآن ( ايات الرقية الشرعية ) بدون اجر .. حتي انه لم يشرب حتي كوب ماء وقال انه دا لوجه الله تعالي حضر الشيخ وجاب كوب ماء وحط صبعة عقلة منة كدة في كوب الماء وبدا بقراءة آيات الرقية الشرعية منقول .. قُلْ أَعُوذُ بِرَبِّ النَّاسِ * مَلِكِ النَّاسِ * إِلَهِ النَّاسِ * مِنْ شَرِّ الْوَسْوَاسِ الْخَنَّاسِ * الَّذِي يُوَسْوِسُ فِي صُدُورِ النَّاسِ * مِنَ الْجِنَّةِ وَالنَّاسِ } سورة الناس أخرج عبد الله بن الإمام أحمد في زوائد المسند بإسناد فيه راو ضعيف عن أبي بن كعب قال : كنت جالساً عند النبي - صلى الله عليه وسلم- فجاءه أعرابي فقال : يا نبي الله إن لي أخاً وبه وجع قال:" وما وجعه ؟ قال : به لمم - أي مسّ من الجن- · قال :" فأتني به " قال : فوضعه بين يديه فعوذه النبي - صلى الله عليه وسلم- بهذه الآيات ، فقام الرجل كأنه لم يشتك قط · بِسْمِ اللَّهِ الرَّحْمَنِ الرَّحِيمِ الْحَمْدُ لِلَّهِ رَبِّ الْعَالَمِينَ * الرَّحْمَنِ الرَّحِيمِ * مَالِكِ يَوْمِ الدِّينِ * إِيَّاكَ نَعْبُدُ وَإِيَّاكَ نَسْتَعِين *ُ اهْدِنَا الصِّرَاطَ الْمُسْتَقِيمَ * صِرَاطَ الَّذِينَ أَنْعَمْتَ عَلَيْهِمْ غَيْرِ الْمَغْضُوبِ عَلَيْهِمْ وَلا الضَّالِّين َ · { ألم * ذَلِكَ الْكِتَابُ لا رَيْبَ فِيهِ هُدًى لِلْمُتَّقِينَ * الَّذِينَ يُؤْمِنُونَ بِالْغَيْبِ وَيُقِيمُونَ الصَّلاةَ وَمِمَّا رَزَقْنَاهُمْ يُنْفِقُون * وَالَّذِينَ يُؤْمِنُونَ بِمَا أُنْزِلَ إِلَيْكَ وَمَا أُنْزِلَ مِنْ قَبْلِكَ وَبِالآخِرَةِ هُمْ يُوقِنُونَ * أُولَئِكَ عَلَى هُدًى مِنْ رَبِّهِمْ وَأُولَئِكَ هُمُ الْمُفْلِحُونَ } البقرة : 5 · {وَإِلَهُكُمْ إِلَهٌ وَاحِدٌ لا إِلَهَ إِلا هُوَ الرَّحْمَنُ الرَّحِيمُ * إِنَّ فِي خَلْقِ السَّمَوَاتِ وَالأَرْضِ وَاخْتِلَافِ اللَّيْلِ وَالنَّهَارِ وَالْفُلْكِ الَّتِي تَجْرِي فِي الْبَحْرِ بِمَا يَنْفَعُ النَّاسَ وَمَا أَنْزَلَ اللَّهُ مِنَ السَّمَاءِ مِنْ مَاءٍ فَأَحْيَا بِهِ الأَرْضَ بَعْدَ مَوْتِهَا وَبَثَّ فِيهَا مِنْ كُلِّ دَابَّةٍ وَتَصْرِيفِ الرِّيَاحِ وَالسَّحَابِ الْمُسَخَّرِ بَيْنَ السَّمَاءِ وَالْأَرْضِ لآيَاتٍ لِقَوْمٍ يَعْقِلُونَ } البقرة : 163 - 164 · { اللَّهُ لا إِلَهَ إِلا هُوَ الْحَيُّ الْقَيُّومُ لا تَأْخُذُهُ سِنَةٌ وَلا نَوْمٌ لَهُ مَا فِي السَّمَوَاتِ وَمَا فِي الأَرْضِ مَنْ ذَا الَّذِي يَشْفَعُ عِنْدَهُ إِلا بِإِذْنِهِ يَعْلَمُ مَا بَيْنَ أَيْدِيهِمْ وَمَا خَلْفَهُمْ وَلا يُحِيطُونَ بِشَيْءٍ مِنْ عِلْمِهِ إِلا بِمَا شَاءَ وَسِعَ كُرْسِيُّهُ السَّمَوَاتِ وَالأَرْضَ وَلا يَئُودُهُ حِفْظُهُمَا وَهُوَ الْعَلِيُّ الْعَظِيمُ } البقرة : 257 · { آمَنَ الرَّسُولُ بِمَا أُنْزِلَ إِلَيْهِ مِنْ رَبِّهِ وَالْمُؤْمِنُونَ كُلٌّ ءَامَنَ بِاللَّهِ وَمَلائِكَتِهِ وَكُتُبِهِ وَرُسُلِهِ لا نُفَرِّقُ بَيْنَ أحد مِنْ رُسُلِهِ وَقَالُوا سَمِعْنَا وَأَطَعْنَا غُفْرَانَكَ رَبَّنَا وَإِلَيْكَ الْمَصِيرُ * لا يُكَلِّفُ اللَّهُ نَفْسًا إِلا وُسْعَهَا لَهَا مَا كَسَبَتْ وَعَلَيْهَا مَا اكْتَسَبَتْ رَبَّنَا لا تُؤَاخِذْنَا إِنْ نَسِينَا أَوْ أَخْطَأْنَا رَبَّنَا وَلا تَحْمِلْ عَلَيْنَا إِصْرًا كَمَا حَمَلْتَهُ عَلَى الَّذِينَ مِنْ قَبْلِنَا رَبَّنَا وَلا تُحَمِّلْنَا مَا لا طَاقَةَ لَنَا بِهِ وَاعْفُ عَنَّا وَاغْفِرْ لَنَا وَارْحَمْنَا أَنْتَ مَوْلَانَا فَانْصُرْنَا عَلَى الْقَوْمِ الْكَافِرِينَ } البقرة : 286 · { شَهِدَ اللَّهُ أَنَّهُ لا إِلَهَ إِلا هُوَ وَالْمَلائِكَةُ وَأُولُو الْعِلْمِ قَائِمًا بِالْقِسْطِ لا إِلَهَ إِلا هُوَ الْعَزِيزُ الْحَكِيمُ * إِنَّ الدِّينَ عِنْدَ اللَّهِ الإِسْلامُ وَمَا اخْتَلَفَ الَّذِينَ أُوتُوا الْكِتَابَ إِلا مِنْ بَعْدِ مَا جَاءَهُمُ الْعِلْمُ بَغْيًا بَيْنَهُمْ وَمَنْ يَكْفُرْ بِآيَاتِ اللَّهِ فَإِنَّ اللَّهَ سَرِيعُ الْحِسَابِ} آل عمران : 18-19 · { إِنَّ رَبَّكُمُ اللَّهُ الَّذِي خَلَقَ السَّمَوَاتِ وَالأَرْضَ فِي سِتَّةِ أَيَّامٍ ثُمَّ اسْتَوَى عَلَى الْعَرْشِ يُغْشِي اللَّيْلَ النَّهَارَ يَطْلُبُهُ حَثِيثًا وَالشَّمْسَ وَالْقَمَرَ وَالنُّجُومَ مُسَخَّرَاتٍ بِأَمْرِهِ أَلا لَهُ الْخَلْقُ وَالْأَمْرُ تَبَارَكَ اللَّهُ رَبُّ الْعَالَمِينَ } الأعراف: 56 { أَفَحَسِبْتُمْ أَنَّمَا خَلَقْنَاكُمْ عَبَثًا وَأَنَّكُمْ إِلَيْنَا لا تُرْجَعُونَ * فَتَعَالَى اللَّهُ الْمَلِكُ الْحَقُّ لا إِلَهَ إِلا هُوَ رَبُّ الْعَرْشِ الْكَرِيمِ * وَمَنْ يَدْعُ مَعَ اللَّهِ إِلَهًا ءَاخَرَ لا بُرْهَانَ لَهُ بِهِ فَإِنَّمَا حِسَابُهُ عِنْدَ رَبِّهِ إِنَّهُ لا يُفْلِحُ الْكَافِرُونَ * وَقُلْ رَبِّ اغْفِرْ وَارْحَمْ وَأَنْتَ خَيْرُ الرَّاحِمِينَ }المؤمنون : 115 - 118 · { وأنه تعالى جد ربنا ما اتخذ صاحبة ولا ولدا } الجن : 3 { وَالصَّافـــَّاتِ صَفًّا * فَالزَّاجِرَاتِ زَجْرًا * فَالتّــَالِيَاتِ ذِكْرًا * إِنَّ إِلَهَكُمْ لَوَاحِدٌ * رَبُّ السَّمَوَاتِ وَالأَرْضِ وَمَا بَيْنَهُمَا وَرَبُّ الْمَشَارِقِ * إِنَّا زَيَّنَّا السَّمَاءَ الدُّنْيَا بِزِينَةٍ الْكَوَاكِبِ * وَحِفْظًا مِنْ كُلِّ شَيْطَانٍ مَارِدٍ * لا يَسَّمَّعُونَ إِلَى الْمَلإِ الأَعْلَى وَيُقْذَفُونَ مِنْ كُلِّ جَانِبٍ * دُحُورًا وَلَهُمْ عَذَابٌ وَاصِبٌ * إِلا مَنْ خَطِفَ الْخَطْفَةَ فَأَتْبَعَهُ شِهَابٌ ثَاقِبٌ } الصافات : 1 - 10 · { لَوْ أَنْزَلْنَا هَذَا الْقُرْآنَ عَلَى جَبَلٍ لَرَأَيْتَهُ خَاشِعًا مُتَصَدِّعًا مِنْ خَشْيَةِ اللَّهِ وَتِلْكَ الأَمْثَالُ نَضْرِبُهَا لِلنَّاسِ لَعَلَّهُمْ يَتَفَكَّرُونَ * هُوَ اللَّهُ الَّذِي لا إِلَهَ إِلا هُوَ عَالِمُ الْغَيْبِ وَالشَّهَادَةِ هُوَ الرَّحْمَنُ الرَّحِيمُ * هُوَ اللَّهُ الَّذِي لا إِلَهَ إِلا هُوَ الْمَلِــكُ الْقُـدُّوسُ السَّلامُ الْمُؤْمِنُ الْمُهَيْمِنُ الْعَزِيزُ الْجَبَّارُ الْمُتَكَبِّرُ سُبْحَانَ اللَّهِ عَمَّا يُشْرِكُونَ * هُوَ اللَّهُ الْخَالِـــقُ الْبَــارِئُ الْمُصَـــوِّرُ لَـــهُ الأَسْمَاءُ الْحُسْنَى يُسَبِّحُ لَهُ مَا فِي السَّــــمَوَاتِ وَالأَرْضِ وَهُوَ الْعَزِيـــزُ الْحَكِيمُ } الحشر : 21 - 24 · { قُلْ هُوَ اللَّهُ أَحَدٌ اللَّهُ الصَّمَدُ * لَمْ يَلِدْ وَلَمْ يُولَدْ * وَلَمْ يَكُنْ لَهُ كُفُوًا أَحَدٌ } سورة الإخلاص { قُلْ أَعُوذُ بِرَبِّ الْفَلَقِ * مِنْ شَرِّ مَا خَلَقَ * وَمِنْ شَرِّ غَاسِقٍ إِذَا وَقَبَ * وَمِنْ شَرِّ النَّفَّاثَاتِ فِي الْعُقَدِ * وَمِنْ شَرِّ حَاسِدٍ إِذَا حَسَدَ } يكرر قوله تعالى { ومن شرّ النفّاثات في العقد } 9 مرات · المهم بعد كدة خلي البيت عندنا كلة يشرب شوية من الكوب دا .. لاحظنا بعد مضي 10 دقائق تقريبا ان احدنا قد تشنج وجالة حالية هيستريا تشنج بطريقة غريبة أوي .. الشيخ عرف ان دا هوه الشخص اللي مسة جن .. مسكة كتف ايديه وقعده ع الكرسي .. وقعد يتكلم معاه انتة اسمك اية وجاي منين وديانتك اية الشخص دا صوتة إتغير تماما ً .. كلنا استغربنا وقعدنا من خوفنا نقرا قرآن .. المهم الجن مهاودتش الشيخ وقالة لا مش هطلع من جسمة ومش هسيبة انا هفضل معاه .. الشيخ جاب أكرمكم الله شبشب وقعد يضرب الشخص دا ع جسمة والجن كان بيتأذي .. والشيخ بدأ في تلاوة القرآن والجن ما زال بيتأذي وكلما زاد الشيخ في قراءه القرأن يتأذي اكتر واكتر .. بعد كدة جاب قلم جاف ورسم قبلة صلاه علي قورة الشخص دا .. وخلي الجن يطلع من صابع اليد اليمني ( الصابع الصغير )وخلاه ينطق الشهادتين ويكون مسلم .. والله العظيم تلاتة اليوم دا مش هنساه أبدا ً طبعا ً الشيخ نقولة لازم تشرب حاجة .. يقولك ولا حتي كوب مياه .. بدون أجر شوف رفض كوب مياه !!! بعد ما الشخص دا فاق .. طلع انة مكنش حاسس بأي حاجة ولا حتي بالضرب اللي اتضربة ولا اي حاجة وسألنا هوه فية اية انتوا ملموين لية .. اية اللي حصل طيب احكولي .. واحنا قولناله مفيش حاجة والأمر عدي .. وبعدها طبعا ً حكينا كل اللي حصل المهم نصحنا اننا نشغل سورة البقرة ع طول في البيت والحمد لله رب العالمين الأمر عدي بسلام موضوع تسخير الجن دا طبعا ً موجود .. والسحر كمان موجود .. بس من الخرافات اننا نصدق انك فية جن احنا شوفناه .. وممكن تخشوا ع جوجل وتكتبوا الرقية الشرعية وهتلاقوا ان محمد حسان ووجدي غنيم وكبار العلماء اتكلموا كتير في المواضيع دي .. انما حد يروح عند ساحر او مشعوذ ويوقلة خرجلي الجن دا كفر طبعا ً وربنا يحمينا ويحميكم معلش ع الإطالة اخوكم عماد حمدي رابط هذا التعليق شارك المزيد من خيارات المشاركة
محمد الششتاوي بتاريخ: 6 أبريل 2010 تقديم بلاغ مشاركة بتاريخ: 6 أبريل 2010 كانوا علشان يكلمونا فى التليفون يمشوا فى صحرااا لحد ما يوصلوا للبوكس بتاع التليفون فى السكة قابلوا واحد نصة انسان و نصة رجلين معيز و الله هذا حصلخافوا و جريوااااا و بعدين قابلوا واحد و هما بيجروا قال لهم فى اية قالوا قابلنا واحد رجلية معيز قال لهم زى دى كدةةة وكشف لهم على رجل معيز بابا و ماما قعدوا يقروااا قران و جريواااا السلام عليكم انا اسف اتي والله اني ضحكت جدا لما قريت المقطع ده اصل القصة دي بالحرف والله بنقولها من واحنا صغيرين وبردو لما الراجل قابلهم قالهم " زي دي " وعلى فكرة محمد هنيدي عملها مشهد في فيلم جاءنا البيان التالي مش عارف بقى ليه القصة دي بتتعاد بنفس الحرف وليه الراجل اللي يقابل المرعوبين انهم شافو واحد ليه رجل معزة بيبقى رجليه رجل معزة ويقولهم زي دي رابط هذا التعليق شارك المزيد من خيارات المشاركة
الباشمهندس ياسر بتاريخ: 6 أبريل 2010 تقديم بلاغ مشاركة بتاريخ: 6 أبريل 2010 وجود العلاقات بصورها الشتي بين الاس و الجن موجوده و ليها اثباتات شرعية كتيرةالفكرة بقي التعاطي ف هذه العلاقة بيحصل لييييييييييييه؟؟؟ السلام عليكم و رحمة الله و بركاته استاذي الفاضل و عهد الله انا مش فاهمة حاجة.....ايه التعاطي ده؟؟؟؟ و يعني ايه ليه؟؟؟ اوضح افصح ابن جوزيت خيرا التعامل ... بس مش اكتر و دائما الاحتكاك بالج بيكو تحت سبب م دول سحر مس عشق ارتباط اخر فببساطة ... لو تجنبنا المصادر يبقي هتفادي النتائج تفاءلوا بالخير تجدوه بعضا مني هنا .. فاحفظوه رابط هذا التعليق شارك المزيد من خيارات المشاركة
Simba بتاريخ: 6 أبريل 2010 تقديم بلاغ مشاركة بتاريخ: 6 أبريل 2010 يا اغابي يا اختاه انا عايز اقولك ان الموضوع كبير ... كبير ... كبير وعويص لدرجة اني مش قادر استوعبه لكن فاهم الخلاصة بتاعته وهما رأيين اتنين انا مؤمن بيهم الأول رأي ستي الله يرحمها ... مفيش عفريت غير بني آدم التاني رأي بعض الأطباء ان موضوع العفا ريت ده داخل فيه الهلاوس البصرية والسمعية كلام حسام follow me رابط هذا التعليق شارك المزيد من خيارات المشاركة
عماد حمدي بتاريخ: 6 أبريل 2010 تقديم بلاغ مشاركة بتاريخ: 6 أبريل 2010 يا اغابي يا اختاه التاني رأي بعض الأطباء ان موضوع العفا ريت ده داخل فيه الهلاوس البصرية والسمعية ونعم الرأي رابط هذا التعليق شارك المزيد من خيارات المشاركة
مسافر زاده الخيال بتاريخ: 6 أبريل 2010 تقديم بلاغ مشاركة بتاريخ: 6 أبريل 2010 بعد السلام والتحية,,,, من حيث المبدأ وجود الجن والعفاريت والشياطين حقيقة ثابته عرفتها جميع الاديان والحضارات والثقافات...ومن ينكر وجود الجن عليه ان ينكر وجود الشيطان(هل توجد ديانة سماوية واحدة انكرت وجود الشيطان)؟؟؟؟؟ وعلى العصرانيين مدعوا الثقافة والعلم وان الامر هو تخيلات وهلاوس(دائما) ان ياتوا ببرهانهم....... لكن ليس معنى ذلك ان ((كل ادعاء)) بالتعرض لهم هو ((صحيح)) دائما.......مثلما ليس كل ادعاء من (العلماء التجريبيين او العلماء عموما) هو صحيح دائما ((وما فضيحة خدعة امصال انفلونزا الخنازير عنا ببعيد))....... وبخصوص (بعض الافلام) التي تعرضت لهذا الموضوع .....اعتمد صانعوها احيانا على قصص حقيقية فقصة exedoris ان صحت الكتابة او اسم مشابه اخذت من قصة معروفة عن تلبس عدد من الجن بفتاة صغيرة وكان يصدر منها عشرات الاصوات المختلفة والمتضاربة في ان واحد!! واذكر ان قرات عن طفل انقليزي تلبس به جني (الارواح حسب تعبير الغرب) وكان يتحدث الصوت بالعربية والسيريانية!!!!!!! اضافة لحوادث مررت بهاشخصيا (خلال عملي بعدة قرى في منطقة نجران) اكدت لي وجودهم..... فمرة اعترض طريقي في احد الاودية الصغيرة (حمار يشع مثل الفسفور الفضي) ولم يكن يمشي بل كان كما سحب على سير (عندها قرات القران بصوت عال واطفات المسجل بشكل هستيري) ومرة سمعت الاذان من احد المساجد وانا انظر ناحية المسجد(في واد اخر) وعندما وصلت المسجد تفاجأت بعدم وجود اي نفس (رغم ان الانوار كانت مضاءة!!!!) لا احد بالمسجد بتاتا .....ويخيم على البيوت القريبة منها صمت اشد من صمت القبور...فلا خشخشة ولا صوت نحنة ولا اطفال ولا احد يستعد للصلاة او ذاهب للوضوء (فصليت المغرب والعشاء جمعا وقصرا وانا مرعوب)وبعد الانتهاء من الصلاة ظللت اقراء القرأن بصوت عال حتى ذهبت بالسيارة الى اقرب محطة بنزين!!!!!!!! وبعدها بسنوات تحدثت مع احد زملاء العمل من منطقة نجران وحكيت له تلك القصص فاكد لي ان اهل المنطقة يعرفون قصصا مشابة في تلك الوديان.......... ومن فترة حكى لي ابن عمتي (وهو مثقف ويعمل بشركة بترول وسافر دول اروبا واليابان واميركا الجنوبية) عن حضوره لجلسة تحضير على السلةعندنا في جده (ذكرها انيس منصور في رحلته لاندونيسيا) و تسمى لتحضير الارواح (عندنا نعتقد ان الارواح التي تذهب لبارئها لا تعود ولكن قرين الانسان يمثل على الناس دور روح من مات)...... المهم ....احدى استدعاءات محضر الجلسة كانت عن سبب وفاة (سيد درويش)!!!! فرسم القلم على صفحة صورة (كأس) هل هي كاس مشروب او كاس مدسوس بالسم لا يعلم (واقسم لي انه شاهد ذلك بام عينيه) ويحكي لي مرة انه مع زملاءه كانوا في رحلة بحرية(على شاطيء غير مأهول ) بعيد عن جده.....وفي خط العودة خرجت قافلة جمال شديدة البياض من البحر باتجاه اليابسة!!!!! ولم تكن تلتفت على اي اتجاه فقط نحو اليابسة مختفية في الظلام!!!! طبعا لا استطيع تاكيد الا قصة ما شاهدته بنفسي والله اعلم راية في البلكونه... شاره عالعربية.... زملكاوي عيلتي كلها زملكاويه رابط هذا التعليق شارك المزيد من خيارات المشاركة
محمد الششتاوي بتاريخ: 6 أبريل 2010 تقديم بلاغ مشاركة بتاريخ: 6 أبريل 2010 سؤال لكل من لا يعتقد بعدم وجود علاقة بين الانس والجن كيف يقوم السحرة بعمل سحرهم هل هناك تفسير علمي لاعمالهم واعترض مقدما على فكرة الخداع البصري رابط هذا التعليق شارك المزيد من خيارات المشاركة
jasmin hamed بتاريخ: 7 أبريل 2010 تقديم بلاغ مشاركة بتاريخ: 7 أبريل 2010 سؤال لكل من لا يعتقد بعدم وجود علاقة بين الانس والجنكيف يقوم السحرة بعمل سحرهم هل هناك تفسير علمي لاعمالهم واعترض مقدما على فكرة الخداع البصري انا هتكلم عن نفسى اكيد اؤمن بوجود الجن لانه مذكور فى القران و لكن لا اومن ابد ابدا بامكانيته رؤيتهم و اخرهم الضرر و اقسى ضرر ممكن يعملوه هوه انهم يفرقوا بين الرجل و زوجته و ده عن طريق استحضار طاقتهم الشريره بالسحر و الشرط الاساسى فى ان ال سحر يصيب الانسان هو اذن الله السؤال بقى ربنا هيئذنلهم يؤذو مؤمن ليه ؟ (فَيَتَعَلَّمُون َمِنْهُمَا مَا يُفَرِّقُونَ بِهِ بَيْنَ الْمَرْءِ وَزَوْجِهِ ۚوَمَا هُمْ بِضَارِّينَ بِهِ مِنْ أَحَدٍ إِلَّا بِإِذْنِ اللَّهِ ۚوَيَتَعَلَّمُونَ مَا يَضُرُّهُمْ وَلَا يَنْفَعُهُمْ ۚ وَلَقَدْ عَلِمُوا لَمَنِ اشْتَرَاهُ مَا لَهُ فِي الْآخِرَةِ مِنْ خَلَاقٍ ۚ وَلَبِئْسَ مَا شَرَوْا بِهِ أَنْفُسَهُمْ ۚ لَوْ كَانُوا يَعْلَمُونَ)) [البقرة:102 I shall be telling this with a sigh Somewhere ages and ages hence: Two roads diverged in a wood, and I— I took the one less traveled by, And that has made all the difference رابط هذا التعليق شارك المزيد من خيارات المشاركة
اغابي بتاريخ: 7 أبريل 2010 كاتب الموضوع تقديم بلاغ مشاركة بتاريخ: 7 أبريل 2010 (معدل) يا اغابي يا اختاه انا عايز اقولك ان الموضوع كبير ... كبير ... كبير وعويص لدرجة اني مش قادر استوعبه لكن فاهم الخلاصة بتاعته وهما رأيين اتنين انا مؤمن بيهم الأول رأي ستي الله يرحمها ... مفيش عفريت غير بني آدم التاني رأي بعض الأطباء ان موضوع العفا ريت ده داخل فيه الهلاوس البصرية والسمعية انتم بتستفزونى علشان احكى معاكم القصة دى وانا مخبياها عنكم من اول ما فتحت الموضوع لكن علشان خاطرك يا سمبا خد القصة دي علشان بعدها مش حتعرف تكتب شعر تاني انا شربت النسكافية بسرعة اهو وحاقولكم الحكاية دي - علشان تعرفو انا الموضوع فى دماغى جامد بسبب كل الاحداث اللى حصلت معايا سواء البصرية منها والسمعية والعائلية وتعذرونى لو باعتقد فى العفاريت والاشباح ما تزعلوش انا ما كنتش حابة ابدا احكى القصة دي - بس جبتوه لنفسكم . عمتى الكبيرة هى اكبر من بابا - سنة 1994 جوزها مات وكان معاها اولادها عددهم 5 المهم بابا اقترح عليها تبيع البيت بتاعها لانه كبير 3 أدوار وتشتري بيت اصغر وتستفيد بفرق المبلغ - هى عجبتها الفكرة ولان اولادها فى منهم فى مدارس ومصاريف والحاجات دي دا غير ان البيت كان كبير جدا راحت دورت على بيت جابهولها سمسار ( الله يسامحه ) سعره رخيص فعلا ودورين بس فى منطقة بعيده شوية - المهم السمسار خدهم فرجهم البيت وعجبهم اوى سعره ونقلت عمتى هى واولادها فى البيت الجديد . . وكان شكله حلو ومبنى كويس - عدي اول اسبوع او 10 ايام - البيت فى هدوء وتماما ومفيش اى حاجة . جه فى يوم ابنها اصغر واحد كان عمره 7 سننين جه من المدرسة واداها 10قروش (جديدة اوى ) وقالها يا ماما انا والصبح رايح المدرسة قابلتنى تحت عند بير السلم ست حلوة ولابسة ملون ولبس رقاصات زى الافلام واديتنى الفلوس دي - على فكرة ابنها داه كان هادي وغلبان جدا - عمتى فضلت تضحك وافتكرت ان ابنها بيشتغلها يعنى او خيال اطفال راحت قالتله طيب - اهو بنبه عليك ما تخدش فلوس من اى حد - ماما بس هى اللى تاخد منها فلوس - مفهوم - راح الولد ما اتكلمش تاني مر كام يوم - و ... و ... و..... ابتدا .... المشوار ..... فى ليلة عمتى هى وبنتها كان عمر بنت عمتى وقتها 17 سنة لانهم بينامو على سرير واحد البنت ومامتها طفو النور ونامو - ( ركزو يا محاوراتية فى الحتة دي ) - دا اول موقف يحصل شخصيا لعمتى - حست عمتى ان المرتبة اللى هى نايمة عليها ما بقتش مرتبة قطن - حست انها نايمة على لحمة - بمعنى ان المرتبة محشية بدل القطن لحمة قبل ما عمتى تفوق كانت بنتها صرخت - وقالت ماما المرتبة كانها لحمة يا ماما انا ماسكة المرتبة اهو دى مش قطن الحقينى والبنت نوبة عصبية جاتها جريت عمتى تنده على ابنها الكبير واولادها وفتحو النور لاقو المرتبة قطن عادى - راحت سالت بنتها وهى حصل معاها بس عمتى ست حكيمة شوية مش عاوزة الموضوع يقلق عيالها اولا هما حيسكنو فين وعندها 5 اولاد - حتروح فين بيهم - المهم هدت بنتها وقالتلها دى تهيئوات - الليلة عدت وما طفوش النور ابدا لغاية الصبح - العيال كلهم راحو مدارسهم - راحت عمتى لجارتها وماكنتش اتعرفت على الجيران لسة - سالت جارتها وحلفتها باولادها تقولها ايه حكاية البيت داه - راحت جارتها وكان اسمها ام نبيل - قالتلها انها ساكنه فى الشارع داه ليها 40 سنة ومن ساعة ما سكنت وهما عارفين ان البيت داه مسكون - يقال القصة بتاعته ان زمان كان بيت عوالم ( راقصات ) وفى ليلة جه واحد دبحهم يمكن ماتو 6 رقصات فى البيت داه بس الكلام داه من زمان من 60 سنة وجه واحد هدم البيت لانه مسكون وبناه من جديد وكلفوا تمام على اعتقاد انه مش حيبقي مسكون لكن زى ما هو المهم ما قدرش سكن هو وعياله فيه 5 سنين وما استحملوش اكتر وباعه لسمسار السمسار فضل معاه مش لاقيله بيعة 5 سنين لغاية ما انتم اشتريتوه - بس على فكره هما ( حظويين ) وبتوع ضحك وفرفشة يعنى ممكن حيهزرو معاكم او مقالب لكن مش حيؤذوكم - ما تخافيش منهم اعتبريهم سكان معاكم فى البيت او جيران واستحملوهم لغاية ما تغير البيت وتشتروا غيره . موقف كمان . .. . . يتبع >>>>>>>>>> تحياتي :lol: تم تعديل 7 أبريل 2010 بواسطة اغابي نـحن البلـــــدان الحقيقـيــة فى هــذا العـــالم . . . وليـــــس مــا يرســــم فـــوق الخرائــط نـحن الرمـــوز الحقيقيــــة فى هــــذا العــالم . . . وليــــــس اسمـــــاء القـــــادة العظمــاء . . . لاننـا نحـن من صنعـناهـم فرسـان العالـم الحقيقيـون . . هــم شعــوب الارض رابط هذا التعليق شارك المزيد من خيارات المشاركة
اغابي بتاريخ: 7 أبريل 2010 كاتب الموضوع تقديم بلاغ مشاركة بتاريخ: 7 أبريل 2010 (معدل) موقف كمان فى يوم باليل عمتى وابنها الصغير - كانت دايما ما بتسبش ابنها الصغير من ايدها ابدا ابدا لحسن يركبه عفريت او يجراله حاجة كان اهم واحد عندها لان الباقيين كبار المهم كانت بتزور ناس ورجعت بيتها وماسكة فى ايدها ابنها الصغير ولقيت ابنها الكبير عمره 25 سنة اسمه هانى كان فى الدور اللى تحت اول ما دخلت علطول من باب البيت كان هانى بينقل كرسي من مكان لمكان - قالتله مساء الخير يا هانى ما ردش عليها - هى افتكرت انه مش سامعها طلعت فى الدور اللى فوق مع ابنها الصغير لقيت برضوه هانى بينقل نفس الكرسي من مكان لمكان راحت قالت ( مين فيكم ابنى ) اللى يضحك بقي ان ابنها كان بره البيت مع اصحابه ودخل البيت فى نفس الوقت - هنا بقي صرخت ولطمت مين فيكم ابنى . موقف كمان الليل كله زغاريت يا معلم فرفشة وهيصة وهى واولادها فوق مش قادرين حتى ينامو من الدوشة تحس ان تحت البيت خمارة او كابريه من الدوشة والضحك - راحت قالت لابنها الصغير الست الحلوة اللى بتديك فلوس دي عاوزة ايه منك - راح قالها بتقولى شوف تحت عندنا حاجات حلوه تعالى معانا وانا بصيت يا ماما مفيش بير سلم مسدود لا دا فيه تحت ادوار تانية انا شفتها وفى ناس كمان وقالتلى انا عاوزة اتجوزك بس انا قولتلها لا انا متجوز ماما مش حينفع اتجوزكم انتم الاتنين وكمان صوتك وحش اصل يا ماما صوتها وحش - بس شكلها حلوة - عمتى تانى يوم جات لنا البيت وانا فاكرة الموقف داه كويس وفضلت تبكى وقالت لبابا يا اخويا شوف لى حل - انا مش حاقدر اعيش تانى لحسن ياخدو منى الولد الصغير - بابا قال انا مش مصدق يمكن تهيؤات - كلامك داه ما يدخلش عقل انسان عاقل ابدا - ازاى تشوفيهم كانهم بشر يعنى - خلينى الاول اقابل السمسار وافهم منه ايه الموضوع - بس احتياطى بابا منعنا تماما انا واخواتى نزور عمتى واستسمحها قالها يمكن علشان اولادك من اللى ساكنين فى البيت ما حدش اذاهم لكن انا اولادى ما يدخلوش بيتك لغاية ما نشوف حل للمصيبة دي او بيت اونجيب اب كاهن يصلي او اى شيخ من اسوان - وفعلا انا واخواتى خلال 4 سنين دول ما زورتش بيت عمتى ولا مرة - ولا اى حد فى العيلة كله خاف - العيلة طلعو اندال على راى هانى ابن عمتى - ايه عيلة الندالة دي .. :blink: المهم بابا زارها فى يوم باليل متاخر ودخل لقى هدوء قالها شكلك حتتعبينا معاكى - ما البيت زى الفل ونزل تحت وطلع فوق السطح مع ابنها هانى وهى وبنتها وابنها ماهر المهم - هانى قالو يا خالى فيه حاجات غريبة بتحصل فى البيت هنا صدقونا يا عالم يا هوو - انا عن نفسي احط القميص والبنطلون فوق الشماعة فى الدولاب مفيش دقيقة اجى الاقيهم مغسلوين ومحطوطين فوق الحبل بمشابك كمان - وارجع افتح الدولاب الاقيهم مكويين وعلى الشماعة تاني وكمان يا خالى نزلت فى ليلة يدوب اشوف بس ايه الهيصة دي لاقيت الدور اللى تحت زحمة وناس وترابيزات وكراسي ورقصات وحاسيت انى بحلم بالظبط خمارة زى بتوع افلام الابيض والاسود معقول كل دى زحمة طلعت اجرى وخفت واستخبيت تحت البطانية وحضنت اخويا وخفت اوى - قاله بابا يا ابنى يمكن بيتهيئولكم وانا مش قادرة انسي انا وبحكيلكم دلوقتى شكل بابا فى الجملة دي يفطس من الضحك هو وبيحكى - يا ابنى يمكن بيتهيئلكم - :lol: قعد بابا فى الدور اللى فوق وعملوله شاى وقالنا بابا ويدوب حامد ايدي على كوباية الشاي :lol: يتبع >>>>>>> :lol: تم تعديل 7 أبريل 2010 بواسطة اغابي نـحن البلـــــدان الحقيقـيــة فى هــذا العـــالم . . . وليـــــس مــا يرســــم فـــوق الخرائــط نـحن الرمـــوز الحقيقيــــة فى هــــذا العــالم . . . وليــــــس اسمـــــاء القـــــادة العظمــاء . . . لاننـا نحـن من صنعـناهـم فرسـان العالـم الحقيقيـون . . هــم شعــوب الارض رابط هذا التعليق شارك المزيد من خيارات المشاركة
اغابي بتاريخ: 7 أبريل 2010 كاتب الموضوع تقديم بلاغ مشاركة بتاريخ: 7 أبريل 2010 (معدل) قعد بابا فى الدور اللى فوق وعملوله شاى وقالنا بابا ويدوب حامد ايدي على كوباية الشاي :lol: ولقيت زى ما يكون قطر سكة حديد بيعدي جنب البيت والبيت عمال يتهز والترابيزة وكوبايه الميه والهز بيزيد راح قالهم هو فيه جنبكم محطة قطر سكة حديد - راحو ضحكو كلهم قالوا لا داه اصحابنا بيرحبو بيك على طريقتهم يا خالو و بيرمو التماسي - قال بابا جسمي كله قشعر - المهم مفيش 5 دقائق واسمع موسيقي بتاعة زمان بتاعة افلام عبد الوهاب وشوية نسمع زحمة وهيصة وزغاريد كانها فرح وطبل - راحت قالتلى اهو احنا على الحال داه علطول يوم فرح يومين ما يعملوش فرح يوم يعملو مقلب فينا قالتله ماهر من يومين بيظبط قدام المرايا القميص والبنطلون وبيساوى شعره بص لقى نصه اللى فوق ظاهر فى المرايا وباقي جسمه مختفى راح اغمى عليه ونفوق فيه واسمى عليه واصرخ ابنى حيروح منى يا ناس - واحنا حنبقي على الحال داه لامتى بس وبنت عمتى حكت له برضوه كل ما افتح النور حد يطفيه رحت فتحت النور وفضلت حاطة ايدي على مفتاح النور راح اطفى النور برضوه يا خالوا وجه حد ضربنى بالقلم على وشي شوفت بقي . راح بابا قال طب اروح انا دلوقتى وبكره حاحل المشكلة تانى يوم بابا راح يتاكد من السمسار طلع الكلام مظبوط ان البيت مش تمام - راح بابا قاله يا شيخ فين ضميرك بس دى ست ارملة ومعاها 5 عيال ازاى تعمل كده فيهم - حرام عليك - راح رد وقاله والله مش حيؤذهم داهما بتوع ضحك ومغنى ورقص دانا فى ليلة رحت بالصدفة لاقيت رقاصة وفرقتها كمان - المهم بابا قال مفيش غير ابونا فى يوم بعد القداس وطبعا ( مش كل القسس فى الكنيسة يقدرو يتعاملوه مع الحاجات دي او الارواح النجسة بالدرجة المطلوبة - ) لان دي اسمها (مواهب من الله ) - مش كل قسيس يقدر - المهم بابا طلب من ابونا يجى البيت يصلى ويرش ميه - راح ابونا معاه وبمجرد ما اتفتح الباب وقف على العتبة بتاعتها ورشم الصليب وقاله - خلى اختك واولادها يدورو على بيت تاني مش حاقول اكتر من كدا - راحو قالوه بابا شوفت ايه يا ابونا احكيلي ايه اللى شوفته - قال مش حاتكلم - يعنى ايه يا ابونا مفيش حل - طب يسكنو فين - راح ابونا اتكلم بحدة مع بابا و قال يدورو على بيت تانى البيت داه مالهوش اى حلول - بدل ما يعملولها مصيبة فى عيالها ومرضيش يدخل البيت . راح بابا سمع بواحد بتاع سحر جابوه من اسوان - الشيخ داه بقي لابس بتاع 6 سبح فى رقبته ولافف تعبان حواليه - يتبع >>>>>>>>>>> :lol: تم تعديل 7 أبريل 2010 بواسطة اغابي نـحن البلـــــدان الحقيقـيــة فى هــذا العـــالم . . . وليـــــس مــا يرســــم فـــوق الخرائــط نـحن الرمـــوز الحقيقيــــة فى هــــذا العــالم . . . وليــــــس اسمـــــاء القـــــادة العظمــاء . . . لاننـا نحـن من صنعـناهـم فرسـان العالـم الحقيقيـون . . هــم شعــوب الارض رابط هذا التعليق شارك المزيد من خيارات المشاركة
اغابي بتاريخ: 7 أبريل 2010 كاتب الموضوع تقديم بلاغ مشاركة بتاريخ: 7 أبريل 2010 (معدل) راح بابا سمع بواحد بتاع سحر جابوه من اسوان - الشيخ داه بقي لابس بتاع 6 سبح فى رقبته ولافف تعبان حواليه - جد مش هزار- ماحكالهوش بابا اى حاجة هما راحو جابوه من اسوان - اخر الدنيا - لانه مشهور فى المواضيع دي وقاله بابا البيت فيه تعبان وكل شوية يطلع للواد الصغير وامه خايفة عليه - عاوزين حد يطلع التعبان لانه كبير . راح الشيخ فى الطريق قاله شوف حسب كميه الجن اللى موجودة - وسكت هو بس عاوز يعرف بابا انه عارف ان الموضوع مش تعبان ولا حاجة - انا كان نفسي احضر الاحداث دي بس بابا وماما خافو اوى علينا اننا ندخل البيت داه - بصراحة احلى مغامرات - المهم قال لبابا وعمتى وهانى والناس اللى موجودة كلها ابعدو انا اللى حافتح الباب ( بسم الله الرحمن الرحيم ) فتح الباب وقف شوية وقال لا انا ما اقدرش ادخل غير لما يكون حد من جيرانكم فى الشارع مات اى ميت والطقوس يطلعوه بيه من بيته على البيت داه علطول ويكون من الناس اللى شايلاه واحد من سكان البيت داه - راح قاله بابا ما تقعدش تفلسف علينا جبناك من مشوار اخر الدنيا - قول انك ما تقدرش وخلاص زى ما ابونا قال - قول خلى اختك تاخد عيالها وتسكن فى بيت تاني - لكن تقولى نجيب ميت طب دلوقتى نجيب ميت منين نطلب من جيرانا يموتولنا حد عندهم يعنى ولا ايه ؟ المهم بابا كان تعب خلاص واتعصب على الراجل - راح الشيخ قاله يا حبيبى انا ارى وكرا للجان - لو 40 جن انا كنت طلعتهم انا شايف فى كل زاوية فى البيت جن ومن جميع الاعمار والالوان - استغفر الله العظيم ولا حول ولا قوة الا بالله ومشى الشيخ وخلص الموضوع . تاني يوم ابنها نازل لقى حجر كبير ذهب بحجم الحجارة اللى مبنى منها الاهرامات ضخم جدا حسب تشبيههم - وكمان مرسوم عليه رموز فرعونية وابن عمتى هو اللى شاف الحجر نزلت عمتى شافت الحجر كمان نزل ابنها الكبير الحجر اختفي . ومرة لقو خروف بحجم الخروف بس دهب برضوه .. فى مرة هانى فتح باب الحمام لاقى اخوه ماهر جو الحمام رجليه فى السقف وراسه تحت مقلوب وبيضحك راح صرخ هانى وجرى - على فكرة كل ما يجو يزورونا كانو يحكولنا مواقف جديدة انا مش فاكرها كلها لانهم عاشو 4 سنين فى البيت داه . اه - - كمان بنت عمتى حكتلنا مره التيار قطع الكهربا فى المنطقة كلها راحت فتحت شباك الاوضة لقت اخوها اللى فى اعدادى بيديها من الشباك كشاف نور صغير وهو مقلوب يعنى بتفتح شباك الاوضة لاقت اخوها مقلوب كانه نازل بالمشقلب من السطح للدور التاني - مش عارفة وصلت ولا لاء . كمان اهم حاجة ( عمتى كانت ست متدينة جدا ) داه اللى خلاها مستحملة كل داه هو الصلاه باستمرار هى واولادها هو داه اللى كان بيحافظ عليهم وبيديهم سلاح وكمان كانت مفهمة ابنها الصغير ان دول جيرانا فى نفس البيت بس جيران وحشين وبتوع مشاكل ودوشةو احنا مالناش علاقة بيهم ولا نحتك بيهم وبرضوه ما نخافش منهم . المهم سابو البيت ف اول فرصة جاتلهم يشترو بيت جديد وحاليا البيت مقفول مهجور مش راضي يتباع سمعته زفت وسط الجيران - الجيران بيشتكو منه - وفى واحده جارة عمتى قابلتها قالتلها مزودينها فى الدوشة وواخدين راحتهم عن ما كنتم انتم ساكنين - تعالو اسكنو تاني احنا مش عارفين ننام اليل كله يهزو البيت كان زلزال واغاني وطبل وموسيقي وهزار . بيت عمتى لسة موجود وانا لما نزلت اجازة فى مصر وروحت سلمت على عمتى وفتحت معاها الموضوع داه وقولتلها انا نفسي بجد اروح البيت فعلا متشوقة جدا انى اسكن ليلة واشوف ايه اللى بيحصل فيه - وجوزى نفسه برضوه راحت عمتى قالتلى ادى المفتاح وروحو من دلوقتى لو قدرتي تقعدو فيه حتى نص ساعة - اسكتى يا بنتى اللى سمع مش زى اللى شاف - وكررت الجملة تاني - اللى سمع مش زى اللى شاف - دى كانت ايام سودا بعيد عنك - تحت الاقى ابنى هانى اطلع فوق الاقى هانى بعد شوية يدخل من باب الشارع هانى - مين فيهم ابنى دا انا شككونى فى عيالى يوميا احس ان عندي 10 عيال واسال هما ليه عيالى كترو كده فى كل مكان فى كل اوضة فى كل ركن - اللى ينبش فى الدولاب اللى قدام المرايا اللى بيذاكر اللى بيصلح الكاست وماسك مفك اجى اعدهم الاقيهم 9 عيال وانا عندى 5 بس - ايه داه - دا انا كنت حاتجنن وكل ليلة المرتبة تتحول لحمة اقوم افتح النور يطفى تانى ابص الاقى دخان فى الصاله اجرى انا والاولاد نلاقى مفيش حاجة . اسكتو داه عذاب لدرجة فى ليلة تعبت ووصلت لاخرى رحت قومت نزلت تحت وفضلت اصرخ بصوت عالى جننتونى يا ولاد الكلب - طب انا حاخد ولادى وامشي خالص وحاسكن فى الشارع علشان تستريحو - وبرضوه مرة مسكت ابنى الصغير وقولتله انزل نهارده وحدك واول ما تقابلت الرقاصة اللى بتديك الفلوس ادينى صوت ووقفت عند السلم فوق نزل الواد وحده سمعت كلمة ماما نزلت ما لقتش حد قالى ادي كمان 10 قروش يا ماما بس اول ما نديت ياماما راحت جريت تحت كان فيه سلالم كتير اوى - قالت عمتى رحت قولتلها لو هوبتى ناحية ابنى تاني لا واولع لكم فى البيت - تعالى وريني وشك اشوفك بس يا جبانه - وادى فلوسك اهى ورميتلها ال10 قروش تحت بير السلم - والولد يقولها يا ماما نهارده قالتلى تعالى معايا حاجات حلوه كتير علشانك . عموما ابن عمتى هنا فى الكويت كنت سالته يوم العيد عن البيت وايه ذكرياتهم فيه حتى جوزى قاله انا نفسي اروح اقضى فيه ليلة - بس ابن عمتى قالى انا بستغرب ازاى ربنا ادانا قدرة اننا نعيش فى الجو داه 4 سنين - استحالة اوصف المواقف بتعمل جوانا ايه - بيحكى لما بيفتكر دلوقتى بعد ما اتجوز وبقي اب انه يقدر يعيش ولو يوم باولاده فى مكان خطر بالشكل داه بيقول استحالة داه انا من كتر العقد اللى جوايا مش بعدى على الشارع ولو من بعيد . . حتى كان قابلنى بالصدفة لما نزلت مصر اجازة واحد من جيرانا اللى جنب البيت اسمه نبيل وقالى يا هانى امبارح كانت الليلة يظهر مشعشعة مع الجماعة وسكرانين على الاخر - الطبل والموسيقي والزغاريد مهيصة وشوية تشوف نار وشوية تختفى وكانت ليلة انس وكان سهرانين جماعة اصحابي معايا قالولنا البيت داه بوظ سمعة الشارع كله - بقي اسمه شارع ( عماد الدين ) قصدى العوالم :lol: . البيت لسه موجود - تعالو شجعونى بجد نتجمع 20 ولا 25 واحد وواحدة بس مش اقل علشان نتونس ببعض - وننزل مع بعض نقضي احلى ليلة فى البيت داه - ونمسك كاميرات فيديو ونصوره - انا حاتجنن واروح البيت بجد - حتبقي احلى من فسح شرم الشيخ والغردقة . والقصة دي رد للى بيقولو ان الارواح ما تظهرش فى صورة بشر اعتقد ان ممكن بتظهر فى صورة انسان انا واخواتى لما ظهر لنا عند كشك الكهرباء - كان فى هيئة انسان ولما ظهر لمديري كان فى صورة انسان ولما كانو موجودين فى بيت عمتى كان اغلب الوقت واخدين صورة رقصات او شكل اولادها نفسهم . يا جماعــــة الموضـــــوع داه للكبــــــــــار فقــــــــط تحياتي اغابي تم تعديل 7 أبريل 2010 بواسطة اغابي نـحن البلـــــدان الحقيقـيــة فى هــذا العـــالم . . . وليـــــس مــا يرســــم فـــوق الخرائــط نـحن الرمـــوز الحقيقيــــة فى هــــذا العــالم . . . وليــــــس اسمـــــاء القـــــادة العظمــاء . . . لاننـا نحـن من صنعـناهـم فرسـان العالـم الحقيقيـون . . هــم شعــوب الارض رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان