دعوة ام مصرية

[مصر عشقى]

دعوة ام مصرية لابنها وهوة رايح الشغل ، يا رب تعجبكم

ربنا يبعد عنك الآشرار ، ويجعلك فى كل خطوة دولار

ويبعد عنك اولاد الاية ، ولا يخيبك خيبة الجنية ، ويجعل

اعمالك كلها حسنات ، ويكفيك شر شهادة المخالفات ،

ويحوش عنك كل الشرور ،ويكفيك شر كمين المرور ،

ويكون ليك دايما فى العون ، ويكفيك شر فاتورة التليفون ،

ويجعل لك كل الناس حبايب ، ويكفيك شر بتوع الضرايب ،

ولا يجعل عيالك محرومة ، ولا يخيبك خيبة الحكومة ،

ويجعل اصحابك كلهم اخلاص ، ويكفيك شر سواقين المكروباس

ويحميك يا بنى من ابليس وسواقين الجيش والبوليس ،

وينورلك طريقك بالبركات، ويكفيك شر الحفر والمطبات ،

بدعيلك وبدعى لكل اولادى ، يكفيكم شر الركود الاقتصادى

ويكتر فى جيوبكم النقدية ، ويرحمكم من شر الدروس الخصوصية ، ولا يحرمكم من اكل الفول ،

ولا يخرب بيتكم بفواتير المحمول........ قادر يا كريم !!

[ragab2]

دعوة ام مصرية لابنها وهوة رايح الشغل ،

يا رب تعجبكم

عجبتنا

الله ينور

[achnaton]

آدى الأمهات .. وإلا فلا .. حلوه .. يا مصر عشقى .. ومادام عجبت عمنا رجب .. تبقى فعلا حاجة عجب .. الظاهر إنك عملت بالوصية .. ودخلت على البصارة .. وتناسيت الفول ..

اخناتون المنيا