يجب ان نعتذر لاخواتنا المسلمين

[joo]

فى احداث نجع حمادى

لقد كانت خطة من عبد الرحيم الغول مع السفاح لعدم ترشيح المسيحيين لة فى الانتخابات

http://www.youtube.com/watch?v=U1jrkWgBo8g

[أحمد سيف]

والله يا جو أنا من الناس اللي بتحترمك وبتحبك من زمان ... وأحترامي لك زاد كثيرا بعد هذا الاعتذار ... الاعتراف بالحق فضيلة لا يقدر عليها سوى أصحاب النفوس الكبيرة ... الحمد لله أن الحقيقة اتضحت وثبت أن القضية هي سياسية وليست طائفية ... وربنا يحفظ بلدنا من الطائفية والتعصب وشرورهما

[fatfouta]

حسبى الله ونعم الوكيل فى اللى بيشعل الفتنة بيننا

منهم لله

خد يا جو واحدة كمان اهى

[myusername]

يعني الموضوع طلع سياسة وبلطجة

وكل ده ليه ؟ علشان مصالح شخصية

ومش مهم الضحايا اللي راحوا في الرجلين

بالذمة فيه مصري عنده ذرة عقل يعمل كدة ؟

دا الموساد نفسه لو فكر يولع نار الفتنة في مصر مش هيعمل اكتر من كدة

أقول عليهم ايه خونة ؟ لاء هما مش كدة هم اغبياء جدا

تم تعديل 6 أبريل 2010 بواسطة myusername

[MZohairy]

لعنة الله على كل من تسبب بالفتنه و دفع عنصري الأمه الى كراهية بعضهما البعض سواء بالعمل او بالقول

الف لعنه

[engmido]

بغض النظر عن اى تفاصيل والله دايما رأيى كده

لان وارد حدوث المشاكل والخلافات بين اى اتنين

ولكن كون اننا ناخد المشكلة فى اتجاه دينى بسبب وبدون سبب فده مش كلام ...وربنا يهدى الجميع

[رضوي]

أعتقد اننا كمصريين لازم نكون واعيين جداً لأي محاولات خبيثة لأشعال نار الفتنة بين عنصري الأمة من مسلمين ومسيحين

فما حدث بالأمس ومايحدث اليوم وماسيحدث غداً هو تكرار لنفس القصة ونفس السيناريو

علينا التروي جيداً والتأني قبل الاندفاع حماسة علي عقائدنا ........... و تصعيد امور من مجرد مشاحنات وشغب بين أي فاسدين وقلبها الي حرب وفتنة طائفية ليحدث مالا يحمد عقباه

[Scorpion]

يعني ما طلعتش قضية شرف ... و قصيدة لا يسلم الشرف الرفيع من الأذي حتي يوراق علي جوانبيه الدامو ... و دول صعايدة و انتم مش عارفين يعني ايه الشرف في الصعيد .. و الكلام ده كله برضه طلع مالوش أصل و لا علاقة ...

و بعدين مايكل منير بقي من المرضي عنهم دلوقتي ؟ سبحان مغير الأحوال...

كل يغني علي ليلاه ... و ليلي في العراق مريضة ...

ده يقولك اضطهاد

و ده يقولك شرف

و ده يقولك فتنة طائفية

و ده يقول لك لعب سياسة

و في الآخر احنا ( المصريين كلنا ) اللي بندفع التمن

و علي رأيك يا زهيري

لعنة الله على كل من تسبب بالفتنه و دفع عنصري الأمه الى كراهية بعضهما البعض سواء بالعمل او بالقول

الف لعنه

تم تعديل 6 أبريل 2010 بواسطة Scorpion
اضافة كلمة "المصريين كلنا"

[joo]

واللة يا جماعة انا حزين على اللى بيستهونو بأرواح الناس

[Simba]

الاعتذار المفروض ما يكونش منك يا جو ولا الناس اللي تفكيرها زي تفكيرك وهم الغالبية العظمي طبعا

الاعتذار المفروض يكون من الناس اللي بتصطاد في المية العكرة من هنا وهناك مسيحين او مسلمين

انا لية اصحاب كتير مسيحين في الشغل ساكنين في نفس العمارة وبننزل كل يوم نركب باص الشغل سوا ودايما بنقعد نهزر ونضحك

تاني يوم بعد الخبر المشئوم كان معانا في الشغل صاحبنا المسيحي واحنا بننزل نستني الباص كل يوم .. هو لما نزل لاول مرة من خمس سنين ما يسلمش علي حد ولا يقول صباح الخير واخد جنب بعيد لوحده

طبعا اكيد كان تأثير من الناس اللي لقتها فرصة متاحة انها تشعللها

تقريبا كده زي ما حصل معانا بعد ماتش ام درمان وكنا ثائرين علشان الوطنية والكرامة والحاجات دي كلها اللي اتقالت وطلعت في الاخر كام عيار فشنك من الاعلام .. الخلاصة اننا كده... طبعنا كده .. سهل اوي التاثير علينا .. سهل ان ناس تعمي عيننا .. بقولك ايه يا جو .... ما تيجي نعمل مظاهرة ... تحيا الهلال مع الصليب .. ونحرر البلد من الأنجليز

تم تعديل 6 أبريل 2010 بواسطة سمبا

[قلب ابيض]

بقولك ايه يا جو .... ما تيجي نعمل مظاهرة ... تحيا الهلال مع الصليب .. ونحرر البلد من الأنجليز

وانا معاك ياسمبا انت وجو

يحيا الهلال مع الصليب 00يحيا الهلال مع الصليب

تحيا مصـــــــــــــــــــــــــــــــــــــــــر

[msayed]

فى احداث نجع حمادى

لقد كانت خطة من عبد الرحيم الغول مع السفاح لعدم ترشيح المسيحيين لة فى الانتخابات

http://www.youtube.com/watch?v=U1jrkWgBo8g

إعتذارك غير مقبول يا جو

إنت عملت حاجة علشان تعتذر يا راجل يا طيب

الأصناف إللى زى الغول هى إللى لازم تعتذر لكل المصريين وللإنسانية كلها

[Simba]

وانا معاك ياسمبا انت وجو

يحيا الهلال مع الصليب 00يحيا الهلال مع الصليب

تحيا مصـــــــــــــــــــــــــــــــــــــــــر

والله حضرتك جبتي الخلاصة فعلا

في كل الاحوال تحيا مصر بكل علي ارضها غير كده ما ينفعش

بس انا مضطر اسيب المظاهرة بدري

عندي فرح هاغني فيه يحيا ابوها .. يحيا

[joo]

موافق

هقابلكم فى قهوة كتكوووووت

تحيا مصر يا عم

[الدكتورة أم أحمد]

الحمد لله

الله يبشرك بالخير

حقيقي أحلى خبر سمعته من زماااان

ربنا يديم المعروف

ويكفي بلدنا الحبيب مصر شر الفتن ماظهر منها وما بطن

وأدعوكم لدخول هذا الموضوع تقيم أنفسكم في تناولكم للحدث الأليم

http://www.egyptiantalks.org/invb/?showtopic=92780&st=15

رجاء الأستفاده

الحمد لله أنا راضية عن ما قلت في هذا الموضوع

شكرا جو