انا في الرياض وعندي مشكلتين

[ام نور محمود]

السلام عليكم ورحمة الله وبركاته

الحقيقة اللي شجعني اني اكتب موضوع زي ده هو كرم الاخلاق اللي لمسته من الاخوة والاخوات هنا وخصوصا الاستاذ خالد شحاته ( جزاه الله خيرا واكثر من امثاله )

- - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -- - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -

انا مولوده ومتربية هنا في الرياض ورجعنا مصر نهائي عشان نكمل تعليمنا في الجامعة

خلصت واتجوزت وخلفت وكانت حياتي مستقرة جدا في اسكندرية

كنت بشتغل باحثة اجتماعيه للحالات الاجتماعية بتاعة بنك الطعام المصري ( معايا بكالوريوس تربية شعبة فيزياء وكيمياء ) .. صحيح المرتب ضئيل بس كفايه اني بخدم الناس وراضيه

عن نفسي

جوزي كان محاسب ماسك احد توكيلات موبينيل بالنهار وبالليل ماسك حسابات مركزين اتصالات وسيبر لمدة خمس سنوات

الحمد لله الماديات تمام ( دخل زوجي كان الفين جنيه شهريا ) ونقلنا من شقة تملك في المندرة الى شقة تمليك في مدينة فيصل وعندنا معظم الكماليات وبالنا مرتاح

ظهرت فرصه سفر للرياض عن طريق احد اقاربي ( فيزا حرة ومهنة محاسب ) وفضلت ازن على جوزي يقبلها لتحسين المستوى المعيشي ولاعتبارات اخرى لا مجال لذكرها هنا

دفعنا حق الفيزا 13 الف ريال ( تحويشة العمر واستلفنا فوقها كمان ) ووصل زوجي وطبعا كل وعود قريبي بالسكن والشغل الفوري تبخرت .. سكن زوجي في غرفة على سطوح اكثر

وصف مهذب لها انها غير ادميه وتم تركه بدون عمل مده اسبوعين وبعدها جاء فرج الله مش عن طريق قريبي طبعا ووجد زوجي عمل في مؤسسة مقاولات بمرتب الفين ونصف وبدل

سكن شهرين سنويا يصرف بعد 6 شهور وتم تسليمه سيارة معقوله

استخرج الاقامة والرخصة وكارت التأمين واخذ ورقه من الكفيل تفيد موافقته على نقل كفاله زوجي ( دي الحسنه الوحيدة اللي قريبي عملها معانا )

بعد دوخة مع موظف واصل في الجوازات منفعش ينقل كفاله لزوجي فاضطر يروح للكفيل عشان يختم له ورق الاستقدام واخذ منه 500 ريال

بعدها سرقت سيارة العمل من تحت البيت وراح زوجي مع صاحب المؤسسة عمل محضر وبعدها اصبح يتقاضى بدل انتقالات 50 ريال يوميا من الملز للصحافة دوامين

انا وصلت بعد 6 شهور وعليه صاحب العمل رفع بدل السكن الى 3 شهور ( 7.5 الاف ريال ) وسلم زوجي سيارة اخرى ووجدنا شقة ارضي 65متر في الدرعية ب 12 الف بالعافيه

وفرشناها بما تيسر وبكده خلصنا راتب الشهور الستة وزودنا عليه قيمة حتتين الدهب اللي بعتهم عشان نواجه تكاليف الاستقدام والتذاكر والفرش وكده

بعدها ب 6 شهور صاحب المؤسسة زود زوجي 500 ريال فاصبح الراتب 3 الاف

من يوم ماوصلت وانا ابحث عن عمل لسد باقي احتياجات المنزل ولضرورة ادخال البنت للمدرسة ( عمرها 4.5 ) ولمواجهة ظروف المرض المتكرر لي ولابنتي ( تأمين زوجي خلص واحنا

معندناش تأمين ) وعشان نسدد جزء من اللي استلفناه من مصر لكن للاسف لم اوفق

زوجي بحث عن شغل افضل وراح مقابلة في شركة الزامل للمقاولات وامتحن اكسل و وورد وقعد مع المدير المالي سوري الجنسية لقاه بيقوله انت معاك زماله من جامعة ايه .. وليه

ماكملتش دراسات عليا وكلام تاني كده غريب فجوزي خدها من قاصرها وصلى العشا ومارجعش تاني

ده غير دوامة نقل الكفاله خصوصا بعد القرار الغريب بتاع السنتين ده

دلوقتي الوضع كالاتي :

الراجل صاحب المؤسسة عايز ينقل كفاله زوجي عليه

الكفيل اخد فلوس اول ماجوزي جه وعطاله ورق تنازل وموافقة على النقل

صاحب المؤسسة عطى الورق لواحد واصل في الجوازات عشان ينقل لجوزي قبل السنه عشان يعمل استقدام

الراجل بتاع الجوازات حاول وحاول وفشل في النهايه وبعدين جوزي راح لصاحب الفيزا الكفيل تاني ودفع فلوس عشان يختم له ورق الاستقدام

بتاع الجوازات ضيع ورقة الموافقة بتاع الكفيل وجوزي راح يقوله عايز ورقه عشان الاولانيه ضاعت قاله طب هات 5 الاف ريال وهات جوازك والا هابلغ عنك هروب

الراجل بتاع الجوازات قال انا كنت مصور الورق وهاحاول اخلص الموضوع بالصورة وبقاله شهر بيقول ابشر يصير خير

واحنا دلوقتي مستنين معجزة من الله عشان نحس اننا مش مجانين ان سبنا مصر وجينا هنا

- - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - المشكلة الاهم بأه

اخويا ( بكالوريوس خدمة اجتماعية ) جاي بفيزا عامل تصنيع خشب معاكس وفيزا حرة برضه وبقاله 11 شهر في الرياض ولحد الان مشتغلش .. هو طلع الاقامة والرخصة والتأمين بس

للاسف مش لاقين له اي شغل والكفيل بتاعه يبقى اخو الكفيل بتاع زوجي ( ناس بدو يبيعوا عيالهم عشان الفلوس ) واتصل باخويا قاله كمان شهر تيجي وتجيب معاك 3 الاف ريال

واخويا اصلا معهوش 30 ريال حتى

وبرضه دافع في الفيزا 11 الف ريال سالفهم كلهم بأه ( اللي جابله الفيزا نفس القريب اللي ربنا يكرمه وهو برضه اللي عطل شغله في المؤسسة اللي كان والدي بيشتغل فيها لصالح

ابنه عشان عايز يشغله فيها ) .. وخلاص جاب اخره ولسه امبارح بيقولي انا هاشوف اي حد يرضه يسلفني تمن التذكرة وهارجع مصر بدل الذل والاهانه .. طالما ذل بذل يبقى الواحد

يتذل في بلده اهون ..

- - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - انا مش عايزه اقول قريبي ده يبقى ايه بالنسبه لي عشان محدش يتعقد بس هو قريب من الدرجة الاولى للاسف

انا اسفة لو اتكلمت كتير بس املي في ربنا ثم فيكم ان ربنا ممكن يبعت الحل على ايديكم

انا ممكن ابعت السير الذاتيه بتاعه زوجي واخويا وبتاعتي لاي حد يطلبها

جزاكم الله الف خير

[wayfarerr]

عَنِ ابْنِ عَبَّاسٍ رضي اللَّه عنْهُما أَنَّ رسُولَ اللَّه صَلّى اللهُ عَلَيْهِ وسَلَّم كَان يقُولُ عِنْد الكرْبِ : « لا إِلَه إِلاَّ اللَّه العظِيمُ الحلِيمُ ، لا إِله إِلاَّ اللَّه رَبُّ العَرْشِ العظِيمِ ، لا إِلَهَ إِلاَّ اللَّه رَبُّ السمَواتِ ، وربُّ الأَرْض ، ورَبُّ العرشِ الكريمِ » متفقٌ عليه .

اللهم رحمتك أرجو فلا تكلني إلى نفسي طرفة عين ِ وأصلح لي شأني كله لاإله إلا أنت الله ، الله ربي لاأشرك به شيئاً .رواه ابن ماجه .

قال رسول الله صلى الله عليه وسلم :" دعوة النون إذ دعا بها وهو في بطن الحوت :" لاإله إلا أنت سبحانك إني كنت من الظالمين لم يدع بها رجل مسلم في شئ قط إلا استجاب الله له ..صحيح الترمذي

وقال صلى الله عليه وسلم: "من لزم الاستغفار جعل الله له من كل هم فرجا ومن كل ضيق مخرجا ورزقه من حيث لا يحتسب

الصلاة والسلام عليك يا سيدي يا رسول الله

[عماد حمدي]

الأخت أم نور محمود

انا مش في ايدي حاجة أعملها ليكي .. غير أني أدعيلك ان ربنا يفرج همك ويفك كربك وييسر لكم كل أموركم ويرزقك من حيث لا تحتسبي او تدري .. ويفتح كل الأبواب لكي لزوجك .. وفرج ربنا قريب .. وعليكي بالصبر والصلاه والإستغفار ..

وان شاء الله ربنا يفرجها عليكم قريب ..

والأخ خالد شحاته ان شاء الله أكيد هيدلك ع الطريق .. والأخوه هنا كمان هيردوا عليكي .. بس صبراً جميلا ً والله المستعان

بالنسبة لاخوكي .. خليه يجيب جرائد الوسيلة والمبوبة اللي بتنزل ويروح يعمل مقابلات ويجتهد وأكيد ان شاء الله هيلاقي شغل مناسب ليه ..

حاجة كمان .. ياريت تقوليلة انه يروح " منطقة الصناعية في الرياض " اللي فيها محلات قطع الغيار .. يخش عليهم يقولهم محتاجين محاسب هوه طبعا ً مش محاسب بس بيحتاجوا واحد يظبطلهم الحسابات وارد ومنصرف ومخزون وكدة حاجات سهلة اوي .ز والمحلات دي كتير أوي " صناعية العويضة " ان شاء الله هيلاقي كتير وتبقي فاتحه خير عليه

المحل هيحتاجه 3 أيام في الأسبوع من بعد العصر الي آذان المفرب وهيعطيه في الشهر 800 ريال خليه يشوفلك كام محل كمان وهيسد ان شاء الله وتبقي الحياه حلوه معاه

خلية يروح والله وكويس اني افتكرت

يخض يقول التالي برده علشان مش تنسي

العنوان : صناعية العويضة بنها وبين الملز مش كتير ممكن بتاكسي هياخد 10 ريال

يخش ع المحل .. السلام عليكم .. محتاجين محاسب معاكم دوام جزئي انا فاضي ممكن اتواجد في أي وقت يناسبكم أظبطلكم الحسابات بتاعتك عملاء وموردين ومخزون وممكن اتواجد 3 ايام في الأسبوع .. ودا رقمي إذا إحتجتوني .. وفي كل محل يدخل يعمل كدا

وانا عندي ثقة بالله ان ان شاء الله ربنا هيوفقة ويلاقي كتير وبكرة تقولي عماد قالها .. وجوز سيادتك برده مفيش مانع انه يعمل الحركة دي طالما كفيلة مش ممانع ع نقل كفالتة ..

وبالتوفيق

عماد حمدي

[محمد الششتاوي]

اتمنى اني كنت اقدر اساعد , بس للاسف مش بايدي حاجة

لكن الاعضاء اللي تدخل اتمنى انهم يضعوا اي رد من وقت للتاني ليُرى الموضوع في الشريط لكي يراه الزاوار وممكن اي حد داخل بالصدفة يكون عنده معلومات تساعد

بس لو فيه طريقة اتصال ياريت الادارة تسمح باضافتها في الموضوع , وربنا يجزيهم خير

وانا رأيي ان اخو حضرتك مايرجعش مصر والا تبقى الخسارة خسارتين

ان شاء الله ربنا يفرجها عليه قريب وخلال كام شهر يسدد اللي عليه والحال يبقى كويس..

وربنا يهدي كفيل زوجك واعتقد التاشيرة الحرة افضل من لما يكون بيشتغل مع كفيله وكل خلاف يهدده هاروحك نهائي

وفي نفس الوقت ممكن يغير شغله في اي وقت

وربنا معاكم ويكون فرجه قريب

تم تعديل 6 أبريل 2010 بواسطة محمد الششتاوي

[M Mido]

ربنا يسهلها ان شاء الله عليكوا و تفرج و شكرا على عرضك للموضوع عشان مهم ان الناس تعرف الصورة اللي في البلاد دي لان في ناس كتير لسه معتقدين ان اللي بيروح هناك بيغرف في الفلوس و بيرجع معاه اللي عايزه.

والكلام ده المفروض الكل يبقى عارفه مش بس الشباب لان كتير نشوف اهل الشاب يضغطوا عليه عشان يسافر ويدفعوله لانهم فاكرين انه هيرجع لازم غني.

[se_ Elsyed]

فينا من تبكيت .. ولا مش وقته ؟

بس أنا مش غايظني غير حاجه واحده في الموضوع ده

إزاي انتو ساكنين في الدرعية وشغل زوجك في حي الصحافة ؟

لأ بجد ... عملتوها إزاي ؟

عامةً زوجك وانتي وأخوكي .. غلطتوا جامد طبعاً

ومش عاوز أسترسل في الموضوع لأن انا نفسي أتعقدت وانا أقرأ الموضوع وكنت هاولع في نفسي ..

لكن ربنا يسهل لو حد فيهم متمكن من اللغة الانجليزية والحاسب الألي ... في واحد لسه طالب مني سكرتير بمرتب كويس فأبعتي السيفيهات على الأيميل ده وهاعرضها عليه وربنا يكرم

Wonderb9@gmail.com

وبرضوا زي ما قالك الزملاء ... جرية الوسيلة بيبقى فيها فرصى كتيرة ... وكمان يضعوها السيرة الذاتية على موقع .. بيت دوت كوم ...وجلف مونيستر

[مروان]

الفاضلة ام نور

بالنسبة لتخصصك فهو مفيد لك وممكن ينفعك

انا اعرف واحد صاحبي وزوجته عملوا فكرة حلوة

هو كان عنده سيارة

انتهز فرصة اجازة له ولف على مدارس البنات

المدارس الاهلية طبعا

وكانت زوجته تدخل وتقدم سيرتها وتعرض تخصصها

وربنا وفقهم وتعاقدت براتب 1200

اهي حاجة تساعد

حاولوا تجربوا الفكرة دي

وان شاء الله هتلاقي

لانك فيزياء وكيمياء واكيد هيحتاجوك

ربنا معاكم

[abosama]

تحياتى لأختنا المصريه الاصيله كان نفسى اعمل لكم اى حاجه بس للاسف انا لسه جاى جديد من مصر وكنت شغال فى السعوديه قبل كده عند كفيل مش حر وشفت معاه الذل والهوان زى اخو حضرتك بس انا صبرت علشان مينفعشى ان اى مصرى ينزل لازم يثبت وجوده فى اى مكان لو فى نار والمصري بيثبت وجوده لما يقع تحت ضغط ودى الرجوله اللى تميز المصريين وطبعا اللى قاعد فى مصر ماسك الاله الحاسبه بيحسب للى فى الغربه مفكر انه خلص على فلوس السعوديه ولازم على اخو حضرتك انه يصبر ومش قدامه الا الحل ده لما تفرج عليه ان شاء الله وعلى زوج حضرتك ومعظم الناس بتقع فى مشاكل الاول بس الصبر الصبر وربنا يصبركو وهتفرج ان شاء الله ويمكن ده اختبار من الله عز وجل علشان يشوف انتو هتعملو ايه وزى ما قال الاخوة جريده الوسيله والمبوبه وربنا يفرج عننا وعنكم وعن كل المغتربين ويرجعهم بالسلامه لأهلهم

[OmarBak]

فيه مكتب اسمه الهبات فيه مندوبين مصريين

طبعا هو مكتب تعقيب

بيقولوا يقدروا ينقلوا كفالة على طول مش لازم الشخص يجلس سنة ولا حاجة

بس عملية مكلفة شويه

وربنا يعين ويرزق يارب

[ام نور محمود]

الاخوه والاخوات

wayfarerr - عمدة - محمد الششتاوي - ميدو - سين سين - استشهاد - ابو سما - عمر بك

اشكركم من كل قلبي

جزاكم الله كل خير واكثر من امثالكم

والله اليأس وصلني لاخر احتمالي .. حاسه اني ماشيه في نفق طويل مظلم مالهوش نهايه

ردودكم دي حسستني اني شايفة بقعة نور في نهايه النفق

مش لاقيه كلام اقوله .. ربنا يعزكم دنيا واخره

[ام نور محمود]

فينا من تبكيت .. ولا مش وقته ؟

بس أنا مش غايظني غير حاجه واحده في الموضوع ده

إزاي انتو ساكنين في الدرعية وشغل زوجك في حي الصحافة ؟

لأ بجد ... عملتوها إزاي ؟

عامةً زوجك وانتي وأخوكي .. غلطتوا جامد طبعاً

ومش عاوز أسترسل في الموضوع لأن انا نفسي أتعقدت وانا أقرأ الموضوع وكنت هاولع في نفسي ..

لكن ربنا يسهل لو حد فيهم متمكن من اللغة الانجليزية والحاسب الألي ... في واحد لسه طالب مني سكرتير بمرتب كويس فأبعتي السيفيهات على الأيميل ده وهاعرضها عليه وربنا يكرم

Wonderb9@gmail.com

وبرضوا زي ما قالك الزملاء ... جرية الوسيلة بيبقى فيها فرصى كتيرة ... وكمان يضعوها السيرة الذاتية على موقع .. بيت دوت كوم ...وجلف مونيستر

الاخ الفاضل سين سين

بكتني على قد ماتقدر .. عارف ليه ؟

عشان انا وانا في مصر كنت بدخل الموقع ده واقرى مشاكل من اللي بيشتغلوا في السعودية واقول لنفسي دول بيخزوا العين .. مش يحمدوا ربنا انهم في العز ده كله .. عقبالنا يارب

ودلوقتي بضرب نفسي بال......

عشان كده قول كل اللي نفسك فيه يمكن حد يكون لسه على البر ويكون الكلام ده سبب انه يعقل ومايرميش نفسه في النار

تحياتي

[عماد حمدي]

ام نور محمود

خلي ثقتك وإيمانك بربنا كبير

أي واحد الدنيا كانت حلوة ومعاه وفجأه الدينا حصل فيها مشاكل فدا لأن ربنا عايز كدة وهوه اللي عمل كدا

فيكون عندنا إيمان في محنتنا دي أن ربنا هيفرجها ومش هتفضل الأمور كدا ..

دوام الحال من المحال ..

بس دا يبقي إختبار للمؤمن إذا كان هيصبر ولا لأ ..

ربنا معاكي وانا والله بدعيلك وبدعي لكل مسلم في محنه ان ربنا يفرجها عليه

وتبقي تطمنينا أول بأول

تم تعديل 7 أبريل 2010 بواسطة omda2006

[kingsabry]

والله يا أم نور انا شايف ان انتوا مستعجلين في قراركم في حكمكم على السعوديه

انا شغال في شركه هنا هيا كبيره نوعا ما .. وبيحتاجوا ناس كتير جدا يوميا

ابعتيلي السي في بتاعهم وانا هقدملهم عندي هنا في الشركه

على ايميل

kingsabry2000@yahoo.com

وبعدين لو حد معاه رخصه يحاول يشوف شغل مندوب مبيعات مش شرط نفس المجال

وانا بكرر مش شرط الواحد يشتغل هنا في نفس مجاله .. احنا اول ما جينا هنا قعدنا برده بالشهر والاتنين والتلاته عادي جدا واللي لسه هيجي هيقعد برده .

الشغل ده نصيب .. وسبحان الله ممكن يكون ربنا خلاكي تكتبي الموضوع ده هنا علشان يمكن حد من الاعضاء يكون سبب في ان جوزك واخوكي يلاقوا شغل كويس مش شغلانه والسلام ..

اهم حاجه

الرجوع لمصر في الوضع ده غلط وخساره ..

وياريت ماترجعوش مصر وتخلوا عندكوا امل في ربنا ان شاء الله ..

وبالتوفيق

تم تعديل 8 أبريل 2010 بواسطة kingsabry

[ام نور محمود]

ام نور محمود

خلي ثقتك وإيمانك بربنا كبير

أي واحد الدنيا كانت حلوة ومعاه وفجأه الدينا حصل فيها مشاكل فدا لأن ربنا عايز كدة وهوه اللي عمل كدا

فيكون عندنا إيمان في محنتنا دي أن ربنا هيفرجها ومش هتفضل الأمور كدا ..

دوام الحال من المحال ..

بس دا يبقي إختبار للمؤمن إذا كان هيصبر ولا لأ ..

ربنا معاكي وانا والله بدعيلك وبدعي لكل مسلم في محنه ان ربنا يفرجها عليه

وتبقي تطمنينا أول بأول

اخي الفاضل عماد

جزاك الله خيرا على الكلمتين الطيبين دول

والله خففتوا عني كتير وفي ناس بعتتلي على الخاص تطيب خاطري

ربنا يعزكم دنيا واخرة ويفرج عنكم همكم

والله انا راضيه بكل اللي ربنا يجيبه والحمد لله احنا احسن من غيرنا كتير

بس الواحد لما بيتخنق اوي بيتكلم من غلبه

مش تسخط والله ولا اعتراض بس مجرد فضفضة

دمت بخير

[ام نور محمود]

والله يا أم نور انا شايف ان انتوا مستعجلين في قراركم في حكمكم على السعوديه

انا شغال في شركه هنا هيا كبيره نوعا ما .. وبيحتاجوا ناس كتير جدا يوميا

ابعتيلي السي في بتاعهم وانا هقدملهم عندي هنا في الشركه

على ايميل

kingsabry2000@yahoo.com

وبعدين لو حد معاه رخصه يحاول يشوف شغل مندوب مبيعات مش شرط نفس المجال

وانا بكرر مش شرط الواحد يشتغل هنا في نفس مجاله .. احنا اول ما جينا هنا قعدنا برده بالشهر والاتنين والتلاته عادي جدا واللي لسه هيجي هيقعد برده .

الشغل ده نصيب .. وسبحان الله ممكن يكون ربنا خلاكي تكتبي الموضوع ده هنا علشان يمكن حد من الاعضاء يكون سبب في ان جوزك واخوكي يلاقوا شغل كويس مش شغلانه والسلام ..

اهم حاجه

الرجوع لمصر في الوضع ده غلط وخساره ..

وياريت ماترجعوش مصر وتخلوا عندكوا امل في ربنا ان شاء الله ..

وبالتوفيق

جزاك الله خيرا يا استاذ صبري

انا هارسل لحضرتك السيفيهات وربنا يبعت الفرج يارب

على فكرة كل وظائف مندوبي المبيعات اللي اخويا سأل عليها عايزين عربية خاصة

واللي مش عايز عربية عايز ياخد امضاءه على مبالغ طائلة مقابل العربية المستلمة

واحنا ان شاء الله هانصبر ونتحمل بس لو تم اجبارنا على الرحيل هانضطر نمشي غصب عننا

ربنا يستر

[Deathangel]

ربنا معاكم ويفرج كربكم آمين يارب العالمين

وعندى فكرة بالنسبة لأخو زوج حضرتك فى مطابع كتييير فى الملز ممكن يروح هناك وهما بيحتاجو أحيانا تايبست على الكمبيوتر

(يعنى ناس تكتب على الكمبيوتر ) وهى شغلانة مش محتاجة مهارة كبيرة أو معرفة بالكمبيوتر جامد وبيحصل مرتب يعنى مقبول ممكن من أول 1200 ريال وأهو حاجة تمشى مبدئيا وربنا معاكم ويسهلكم طريقكم

[ام نور محمود]

ربنا معاكم ويفرج كربكم آمين يارب العالمين

وعندى فكرة بالنسبة لأخو زوج حضرتك فى مطابع كتييير فى الملز ممكن يروح هناك وهما بيحتاجو أحيانا تايبست على الكمبيوتر

(يعنى ناس تكتب على الكمبيوتر ) وهى شغلانة مش محتاجة مهارة كبيرة أو معرفة بالكمبيوتر جامد وبيحصل مرتب يعنى مقبول ممكن من أول 1200 ريال وأهو حاجة تمشى مبدئيا وربنا معاكم ويسهلكم طريقكم

جزاك الله خيرا اخي الفاضل

هو اخويا ماشي في موضوع كده وعسى يكون فيه خير

وشكرا على الدعوه الحلوة

سؤال على جنب كده

ليه الاسم اللي حضرتك اخترته لنفسك ده ؟

[خالد شحاته]

السلام عليكم ورحمة الله وبركاته

الحقيقة اللي شجعني اني اكتب موضوع زي ده هو كرم الاخلاق اللي لمسته من الاخوة والاخوات هنا وخصوصا الاستاذ خالد شحاته ( جزاه الله خيرا واكثر من امثاله )

- - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -- - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -

انا مولوده ومتربية هنا في الرياض ورجعنا مصر نهائي عشان نكمل تعليمنا في الجامعة

خلصت واتجوزت وخلفت وكانت حياتي مستقرة جدا في اسكندرية

كنت بشتغل باحثة اجتماعيه للحالات الاجتماعية بتاعة بنك الطعام المصري ( معايا بكالوريوس تربية شعبة فيزياء وكيمياء ) .. صحيح المرتب ضئيل بس كفايه اني بخدم الناس وراضيه

عن نفسي

جوزي كان محاسب ماسك احد توكيلات موبينيل بالنهار وبالليل ماسك حسابات مركزين اتصالات وسيبر لمدة خمس سنوات

الحمد لله الماديات تمام ( دخل زوجي كان الفين جنيه شهريا ) ونقلنا من شقة تملك في المندرة الى شقة تمليك في مدينة فيصل وعندنا معظم الكماليات وبالنا مرتاح

ظهرت فرصه سفر للرياض عن طريق احد اقاربي ( فيزا حرة ومهنة محاسب ) وفضلت ازن على جوزي يقبلها لتحسين المستوى المعيشي ولاعتبارات اخرى لا مجال لذكرها هنا

دفعنا حق الفيزا 13 الف ريال ( تحويشة العمر واستلفنا فوقها كمان ) ووصل زوجي وطبعا كل وعود قريبي بالسكن والشغل الفوري تبخرت .. سكن زوجي في غرفة على سطوح اكثر

وصف مهذب لها انها غير ادميه وتم تركه بدون عمل مده اسبوعين وبعدها جاء فرج الله مش عن طريق قريبي طبعا ووجد زوجي عمل في مؤسسة مقاولات بمرتب الفين ونصف وبدل

سكن شهرين سنويا يصرف بعد 6 شهور وتم تسليمه سيارة معقوله

استخرج الاقامة والرخصة وكارت التأمين واخذ ورقه من الكفيل تفيد موافقته على نقل كفاله زوجي ( دي الحسنه الوحيدة اللي قريبي عملها معانا )

بعد دوخة مع موظف واصل في الجوازات منفعش ينقل كفاله لزوجي فاضطر يروح للكفيل عشان يختم له ورق الاستقدام واخذ منه 500 ريال

بعدها سرقت سيارة العمل من تحت البيت وراح زوجي مع صاحب المؤسسة عمل محضر وبعدها اصبح يتقاضى بدل انتقالات 50 ريال يوميا من الملز للصحافة دوامين

انا وصلت بعد 6 شهور وعليه صاحب العمل رفع بدل السكن الى 3 شهور ( 7.5 الاف ريال ) وسلم زوجي سيارة اخرى ووجدنا شقة ارضي 65متر في الدرعية ب 12 الف بالعافيه

وفرشناها بما تيسر وبكده خلصنا راتب الشهور الستة وزودنا عليه قيمة حتتين الدهب اللي بعتهم عشان نواجه تكاليف الاستقدام والتذاكر والفرش وكده

بعدها ب 6 شهور صاحب المؤسسة زود زوجي 500 ريال فاصبح الراتب 3 الاف

من يوم ماوصلت وانا ابحث عن عمل لسد باقي احتياجات المنزل ولضرورة ادخال البنت للمدرسة ( عمرها 4.5 ) ولمواجهة ظروف المرض المتكرر لي ولابنتي ( تأمين زوجي خلص واحنا

معندناش تأمين ) وعشان نسدد جزء من اللي استلفناه من مصر لكن للاسف لم اوفق

زوجي بحث عن شغل افضل وراح مقابلة في شركة الزامل للمقاولات وامتحن اكسل و وورد وقعد مع المدير المالي سوري الجنسية لقاه بيقوله انت معاك زماله من جامعة ايه .. وليه

ماكملتش دراسات عليا وكلام تاني كده غريب فجوزي خدها من قاصرها وصلى العشا ومارجعش تاني

ده غير دوامة نقل الكفاله خصوصا بعد القرار الغريب بتاع السنتين ده

دلوقتي الوضع كالاتي :

الراجل صاحب المؤسسة عايز ينقل كفاله زوجي عليه

الكفيل اخد فلوس اول ماجوزي جه وعطاله ورق تنازل وموافقة على النقل

صاحب المؤسسة عطى الورق لواحد واصل في الجوازات عشان ينقل لجوزي قبل السنه عشان يعمل استقدام

الراجل بتاع الجوازات حاول وحاول وفشل في النهايه وبعدين جوزي راح لصاحب الفيزا الكفيل تاني ودفع فلوس عشان يختم له ورق الاستقدام

بتاع الجوازات ضيع ورقة الموافقة بتاع الكفيل وجوزي راح يقوله عايز ورقه عشان الاولانيه ضاعت قاله طب هات 5 الاف ريال وهات جوازك والا هابلغ عنك هروب

الراجل بتاع الجوازات قال انا كنت مصور الورق وهاحاول اخلص الموضوع بالصورة وبقاله شهر بيقول ابشر يصير خير

واحنا دلوقتي مستنين معجزة من الله عشان نحس اننا مش مجانين ان سبنا مصر وجينا هنا

- - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - المشكلة الاهم بأه

اخويا ( بكالوريوس خدمة اجتماعية ) جاي بفيزا عامل تصنيع خشب معاكس وفيزا حرة برضه وبقاله 11 شهر في الرياض ولحد الان مشتغلش .. هو طلع الاقامة والرخصة والتأمين بس

للاسف مش لاقين له اي شغل والكفيل بتاعه يبقى اخو الكفيل بتاع زوجي ( ناس بدو يبيعوا عيالهم عشان الفلوس ) واتصل باخويا قاله كمان شهر تيجي وتجيب معاك 3 الاف ريال

واخويا اصلا معهوش 30 ريال حتى

وبرضه دافع في الفيزا 11 الف ريال سالفهم كلهم بأه ( اللي جابله الفيزا نفس القريب اللي ربنا يكرمه وهو برضه اللي عطل شغله في المؤسسة اللي كان والدي بيشتغل فيها لصالح

ابنه عشان عايز يشغله فيها ) .. وخلاص جاب اخره ولسه امبارح بيقولي انا هاشوف اي حد يرضه يسلفني تمن التذكرة وهارجع مصر بدل الذل والاهانه .. طالما ذل بذل يبقى الواحد

يتذل في بلده اهون ..

- - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - انا مش عايزه اقول قريبي ده يبقى ايه بالنسبه لي عشان محدش يتعقد بس هو قريب من الدرجة الاولى للاسف

انا اسفة لو اتكلمت كتير بس املي في ربنا ثم فيكم ان ربنا ممكن يبعت الحل على ايديكم

انا ممكن ابعت السير الذاتيه بتاعه زوجي واخويا وبتاعتي لاي حد يطلبها

جزاكم الله الف خير

الاخت الفاضله

السلام عليكم ورحمة الله وبركاته

الان لو جوز حضرتك نقل كفاله بالاوراق الموجوده تكون مشكة زوجك انتهت صح ثانيا وهو الاهم هل الكفيل بعد نقل الكفاله ممكن يدور وراء زوجك ان الاوراق راحت وكيف نقلت كفاله ولا الاخ الا مسك مكتب الكفيل عنده خبر بضياع الاوراق رجاء توضيح النقاط دي حتي ندعو الله ان يكون في حل ونعرف نخرج من المزق الا انتم فيه وبدون اي مشاكل لكم وان شاء الله هيكون في خير قريب جداااا لكم باذان الله تعالي

[ام نور محمود]

الاخت الفاضله

السلام عليكم ورحمة الله وبركاته

الان لو جوز حضرتك نقل كفاله بالاوراق الموجوده تكون مشكة زوجك انتهت صح ثانيا وهو الاهم هل الكفيل بعد نقل الكفاله ممكن يدور وراء زوجك ان الاوراق راحت وكيف نقلت كفاله ولا الاخ الا مسك مكتب الكفيل عنده خبر بضياع الاوراق رجاء توضيح النقاط دي حتي ندعو الله ان يكون في حل ونعرف نخرج من المزق الا انتم فيه وبدون اي مشاكل لكم وان شاء الله هيكون في خير قريب جداااا لكم باذان الله تعالي

وعليكم السلام ورحمة الله وبركاته

اخي الفاضل

المشكله ان الراجل بتاع الجوازات عمال يمطوح في الموضوع بقاله فتره واحنا حاسين انه مش عايز يزعل صاحب المؤسسة اللي جوزي بيشتفل فيها لان بينهم شغل ومصالح بس هو شكله مش عارف يتصرف

الشخص اللي ماسك مكتب الكفيل زوجي قاله ان الورق ضاع بس مش عارفين ممكن يدوروا وراه ولا لأ خصوصا ان الموضوع فات عليه اكتر من شهر دلوقتي ومحصلش حاجة

استفسار باه

هل صحيح اللي يبلغ هروب عن مكفوله يبقى ملزم بدفع مرتب سنه ولا ايه

تحياتي لحضرتك

[خالد شحاته]

الاخت الفاضله

السلام عليكم ورحمة الله وبركاته

الان لو جوز حضرتك نقل كفاله بالاوراق الموجوده تكون مشكة زوجك انتهت صح ثانيا وهو الاهم هل الكفيل بعد نقل الكفاله ممكن يدور وراء زوجك ان الاوراق راحت وكيف نقلت كفاله ولا الاخ الا مسك مكتب الكفيل عنده خبر بضياع الاوراق رجاء توضيح النقاط دي حتي ندعو الله ان يكون في حل ونعرف نخرج من المزق الا انتم فيه وبدون اي مشاكل لكم وان شاء الله هيكون في خير قريب جداااا لكم باذان الله تعالي

وعليكم السلام ورحمة الله وبركاته

اخي الفاضل

المشكله ان الراجل بتاع الجوازات عمال يمطوح في الموضوع بقاله فتره واحنا حاسين انه مش عايز يزعل صاحب المؤسسة اللي جوزي بيشتفل فيها لان بينهم شغل ومصالح بس هو شكله مش عارف يتصرف

الشخص اللي ماسك مكتب الكفيل زوجي قاله ان الورق ضاع بس مش عارفين ممكن يدوروا وراه ولا لأ خصوصا ان الموضوع فات عليه اكتر من شهر دلوقتي ومحصلش حاجة

استفسار باه

هل صحيح اللي يبلغ هروب عن مكفوله يبقى ملزم بدفع مرتب سنه ولا ايه

تحياتي لحضرتك

الاخت الفاضله

علي اي اساس بيدفع سنه

بلاغ الهروب او ما الشخص يتمسك وبيطلبو من الكفيل مسير ثلاث شهور وتذكره السفر