لماذا أرشح حسام حسن .. رئيسًا للجمهورية !

[الباشمهندس ياسر]

لماذا أرشح حسام حسن .. رئيسًا للجمهورية !

كتب:محمد رفعت -

كنت أرد على أصدقائي الذين يسألونني .. لماذا تشجع الزمالك وتصر على أن تحرق دمك وترفع ضغطك؟!.. بأن الزمالك هو الفريق الذي يمثل مصر بشكل حقيقي وليس

الأهلي .. وأن هناك نقاط تشابه والتقاء كثيرة بين مصر كوطن والزمالك كفريق ورمز .. فالزمالك مثله كمثل شعب مصر فريق مبدع وعصبي وعفوي ويتحدث كثيرا ً عن الذات

لكنه لا يقاتل من أجل الحصول على البطولة ، فهو فريق " نفسه " قصير ، وكثير الصخب والجعجعة ، لكنها غالبًا جعجعة بلا طحن ، وهو فريق غير مسنود يضطهده الحكام ، كما

يضطهده فريق الأغلبية ويسرق منه صفقاته الناجحة ويحرض لاعبيه على التمرد .

والزمالك مثل شعب مصر أيضاً يفرح بسرعة وينسى بسرعة ويتراجع بسرعة ، فالحماس عنده يسبق التفكير والروح المعنوية أهم بكثير من اللياقة البدنية والفنية ، ولاعبوه

دائما ورغم اختلاف الأجيال والعصور " مزاجيون " تؤثر فيهم الكلمة الحلوة ويحبطهم الهتاف المضاد والرياح المعاكسة ، مثلهم مثل معظم شعبنا الطيب الانفعالي الذي يغضب

على "مافيش" وينزل أيضا ً على "مافيش".

ولذلك كان حسام حسن هو الحل الوحيد والمنقذ الأوحد لفريق الزمالك من عثراته ، لأنه يلعب على الروح ، وهو صاحب اختراع جديد في الرياضة المصرية اسمه " الكرة

المعنوية " وهو يفهم نفسية اللاعبين جيدا ً، ويعرف كيف يتعامل معهم ويخرج أفضل ما فيهم ، ويعرف كيف يحمسهم ومتى يعاقبهم.

وقارنوا بين شيكابالا قبل وبعد حسام حسن لتعرفوا الفرق ، فلا يختلف أحد على أن محمود عبد الرازق الشهير بشيكابالا هو واحد من كتيبة اللاعبين الموهوبين النادرين في

تاريخ الكرة المصرية ، لكنه لاعب عصبي و "مزجنجى "ويفقد تركيزه بسرعة ، ويلعب وعينه على الجمهور ، لذلك تذبذب مستواه وتراجع أداؤه مع معظم من دربوا الزمالك ،

والوحيد الذي استطاع أن يعيده إلى مستواه الحقيقي هو حسام حسن ، لأنه وضع يده على الشفرة التي يمكن أن يتعامل معه بها.

ونحن في مصر نحتاج إلى مثل هذا الرجل ليقودنا ويحكمنا ..نحتاج إلى حسام حسن سياسي يعرف طبيعة هذا الشعب كما يعرف حسام طبيعة لاعبيه.. نحتاج إلى

سياسي مخلص للبلد الذي يحكمه ومحب للشعب الذي يمثله وينتمي إليه ، نحتاج إلى من ينتصر لنا ظالمين ومظلومين ، لا إلى من يعايرنا بفقرنا وسرعة تكاثرنا .. نحتاج

إلى من يخاطبنا كواحد منا وليس كسيد علينا ، نحتاج إلى من يجعلنا نشعر بأننا فخر له وليس عبئا ً عليه ، لا يعرف من أين يطعمنا ويسقينا لأنه ليس هو الذي يطعمنا أو

يسقينا .. نحتاج إلى من يشعل حماسنا ، لا إلى من يخوفنا من " حماس " .. نحتاج إلى من يغضب ويخرج عن شعوره ويشتم وتنفر عروقه إذا شعر بأن هناك من جار على

حق من حقوقنا أو أساء إلى واحد منا أو تجرأ على حاضرنا أو سخر من ماضينا .. نحتاج إلى حسام حسن في كل موقع من مواقع الدولة المهمة والحساسة ليعيد لنا الروح

المفقودة والأمل الضائع.

ولكن كل خوفي إذا رشحت حسام حسن رئيسا للجمهورية أن يأتي بأخيه إبراهيم رئيسا للوزراء.

[الباشمهندس ياسر]

نفسي ف ريس مجدع و قلبه ميعرفش الخوف

عنده تفاؤل يخليه يحلم انه يمسك الشمس

بس مش لدرجة حسام حسن يعي

رايكم ايه؟

[Amr Radwan]

قرأت المقال ده بالصدفة علي موقع مصراوي و عجبني جدا و قلت اعمله موضوع في المحاورات و لكني لقيت حبيبي الباشمهندس ياسر عمله موضوع .. :closedeyes:

فعلا .. احنا محتاجين لحد زي حسام حسن .. واحد فاهم الشعب بتاعه كويس و عارف المشاكل فين بالظبط و كل اللي بيعمله انه بيصلح البلاوي السودا اللي احنا فيها في مصر ..

بس فيه حاجة مهمة ... هل تتخيلوا حسام حسن هو "المنقذ" اللي عمل من الفسيخ شربات ؟؟ يعني مفيش مهارات و ادارة النادي زي الزفت و مش عاوزة تساعدة و مكبرين دماغهم و يقولك و انا مالي ؟؟

ده الفرق بين الشعب المصري و نادي الزمالك .. "الانامالية" يعني الفريق عاوز يكسب و كل لاعب مش بيقول انا عملت اللي عليا و الباقي علي ربنا !!

و كمان ادارة النادي اكيد مسهله لحسام اي حاجة هو محتاجها عشان الفريق ..

انا شايف اننا محتاجين "اعادة توجيه" و "ضبط زوايا" يعني الناس يبقي عندها هدف و تبقي عاوزة توصل لحاجة مش نبقا ماشيين في طريق و مش عارفين عاوزين نعمل اية و لا امتي و لا ازاي و لا فين !!!

بنروح الشغل و نرجع علي البيت و نروح الشغل و نرجع علي البيت .. و في نهاية الاسبوع بنقضيها زيارات عائلية !!! هي دي حياة معظم الشعب المصري .. لا تغيير فيها و لا ابتكار و بدووووووون ... هدف يسعي المواطن الي تحقيقه .

لو سالت اي مواطن في الشارع عاوز في المستقبل اية .. هتلاقيها الاجابات النمطية الطبيعية المعتادة ..

لو واحد مش متجوز .. هيقولك اتجوز و استقر في بيت

لو واحد متجوز يقولك اربي عيالي و اطمن عليهم

لو ربي عيالة و علي المعاش يقولك اشوف ولاد ولادي و اطمن عليهم ..

و هكذا .. الخ

هي دي حياة معظمنا و هي دي منتهي احلامنا ؟؟!؟!؟!؟!؟

حد فاكر مشروع 2020 بتاع ماليزيا ؟؟

مشروع 2020 يهدف إلى جعل ماليزيا ضمن الدول الخمس الأولى في العالم بحلول عام 2020 في شتى مناحي الحياة.

و هما فعلا ماشيين في الاتجاه ده .. لان عندهم حسام حسن بتاعهم "رئيس الوزراء السابق مهاتير محمد"

حتي سواقين التاكسي هناك اللي تعليمهم بسيط او مفيش تعليم خالص عارفين مشروع 2020 و بيكلموا السائحين عنه !!!

ان شاء الله في انتظار حسام حسن او مهاتير محمد او اي حد .. بس المهم احنا نستعد . 

تم تعديل 7 أبريل 2010 بواسطة Amr Radwan

[اغابي]

اه

نفسنا فى رئيس بس يكون

بيفكر فى شعبه - مش بس فى اهل بيته ومصلحتهم

عاوزين رئيس دولة مهتم بالبلد مش موظف روتينى وخلاص

يعتبر ان الشعب كله اهله واسرته ويحبهم ويمشي وسطهم ما يخفش لانهم حيحموه زى ما كان جمال عبد الناصر بيعمل

من غير سيارات مصفحة ولا قفص زجاجى يفصل بينه وبين شعبه .

لكن طبعا مش لدرجة حسام حسن

دانا اتعقدت من الكورة بسبب اهتمام مبارك واولاده بيها - عقدونى منها لان هما ليهم غرض ان الشعب يلاقى لعبة تسليه وتلهيه

بعيد عن دائرة الرئيس والحكومة - اى حاجة الشعب يكسر ويخبط فيها وخلاص - لكن مش علشان حبا فى مصير الكرة المصرية

وكل داه واضح تماماً

عاوزين رئيس كدا يكون ابن ناس ومحترم وراقى ولما يقول كلمة يبقي ادها مش كل شوية يطلع يوعد وما يوفيش بس علشان يثبت الناس ويضحك على عقولهم .

:closedeyes: