لا نقبل بديل عن مبارك ؟؟؟؟؟

[ذهبية]

أمين «اتحاد العمال»: لا نقبل بديلاً عن مبارك.. و«عُمدة بلدنا» أفضل من البرادعى

محمد عزوز ٧/ ٤/ ٢٠١٠

عائشة & مجاور

واصلت القيادات العمالية، التابعة لاتحاد العمال، هجومها على الدكتور محمد البرادعى، المدير العام السابق للوكالة الدولية للطاقة الذرية، المرشح المحتمل لرئاسة الجمهورية.

قال إبراهيم الأزهرى، الأمين العام لاتحاد عمال مصر، إن «عمدة بلدنا - إحدى قرى محافظة الغربية - أفضل من البرادعى».

وأضاف الأزهرى - فى تصريحات لـ«المصرى اليوم» أن العمدة يدير قرية بها كل طوائف المجتمع المصرى، بينما الدكتور محمد البرادعى «موظف دولى» لا يصلح لإدارة قرية، مؤكدا أن اتحاد العمال لا يقبل بديلا سوى الرئيس مبارك، لكونه «الضامن الوحيد لحقوق العمال»، منوها بأن الرئيس «يضمن تمثيل العمال والفلاحين فى المجالس النيابية بنسبة ٥٠%، وهى النسبة التى يرغب البرادعى فى إلغائها».

وأشار إلى أنه فى حالة غياب الرئيس مبارك عن الاحتفال السنوى بمناسبة عيد العمال، وتكليفه شخصاً آخر للحضور بدلا منه، فإن اتحاد العمال لن يقبل ذلك، وسيتمسك بحضور مبارك بنفسه حتى لو تم تأجيل الاحتفال.

فى سياق متصل، يشهد المهندس علاء فهمى، وزير النقل، وعائشة عبدالهادى، وزيرة القوى العاملة والهجرة، وحسين مجاور، رئيس الاتحاد العام لنقابات عمال مصر، صباح اليوم، افتتاح الجمعية العمومية للنقابة العامة للعاملين بالسكة الحديد.

وأكدت مصادر بالاتحاد العام لنقابات عمال مصر أن الجمعية العمومية سوف تشهد تأييدا كبيرا للرئيس مبارك، ومبايعته لفترة رئاسية جديدة، فى الوقت الذى سيتواصل فيه الهجوم على الدكتور محمد البرادعى.

وأكدت المصادر أن اتحاد العمال متمسك بدعم الرئيس مبارك لكونه يدافع عن حقوقهم، ويضمن استمرار تمثيل العمال فى البرلمان بنسبة الـ٥٠%.

وقال رمضان الجندى، رئيس النقابة العامة للعاملين بالسكة الحديد، إن المؤتمر سيبحث رؤية اللجان النقابية فى تطوير العمل وآليات التشغيل بالهيئة، وبحث تقارير عن المشكلات التى تواجه العاملين، وكيفية الحلول لها بالإضافة إلى مراجعة لوائح نظم العمل والخدمات.

وأضاف الجندى أن المؤتمر سيبحث مشروعا بإنشاء صندوق للرعاية الصحية والاجتماعية لنحو ٩١ ألف عامل، مطالباً بضرورة إبرام اتفاقيات العمل الجماعية بين النقابة العامة والشركات الخاصة، التى وافقت الهيئة على التعاقد معها فى مجال تشغيل المترو، وصيانة القطارات والخدمة وأمن الركاب.

0000000000000000000000000000000000000000

دة اسمية اية ؟؟؟؟

عايزين مبارك تانى ؟؟؟ مش هما دول العمال الى بيطلعوا كل يوم فى مظاهرة و بيفرشوا فى الارض و بيجيبوا زوجاتهم و اولادهم

علشان يشتكوا من الفساد و قلة الدخل

مش هما دول العمال اللى اتباع مصانعهم و مش لاقين يعيشوا ازاى؟؟؟؟

عايزين مبارك تانى ؟؟ولا يقبلوا بية بديل

يعنى الراجل خالد و لا اية النظام

دة استهبال و لا استعباط ؟؟؟

يعنى لو كان تطبيل مش للدرجة دىىىىى؟؟؟؟ يعنى حاجة بصراحة زادت عن اللزوم و اصبحت غير معقولة

[jasmin hamed]

0000000000000000000000000000000000000000

دة اسمية اية ؟؟؟؟

عايزين مبارك تانى ؟؟؟ مش هما دول العمال الى بيطلعوا كل يوم فى مظاهرة و بيفرشوا فى الارض و بيجيبوا زوجاتهم و اولادهم

علشان يشتكوا من الفساد و قلة الدخل

مش هما دول العمال اللى اتباع مصانعهم و مش لاقين يعيشوا ازاى؟؟؟؟

عايزين مبارك تانى ؟؟ولا يقبلوا بية بديل

يعنى الراجل خالد و لا اية النظام

دة استهبال و لا استعباط ؟؟؟

يعنى لو كان تطبيل مش للدرجة دىىىىى؟؟؟؟ يعنى حاجة بصراحة زادت عن اللزوم و اصبحت غير معقولة

ده اسمه نفسية عبيد

لو حضرتك شوفتى فيلم ستالين هتفهمى الناس كانت بتموت نفسها فى جنازته من الزعل عليه رغم ان ممكن يكون قتلهم اخ او اب

[shiko]

هاتلاقيه بس واخد حبوب النفاق ...ومزود الجرعة حبتين ...

...ليه موش عارفة ليه انا شايف الناس دى ...

متلطعة ومرتزقة ....من موضوع البرادعى ومرض فخامة الرئيس...

تلك الفئة المرتزقة ....تقدرى تقولى عليهم ناس سريحة ...ماشيين يطبلوا فى الزفة ...

علشان عضمة ..تترميلهم ....كلاب سلطة موش اكتر...

=====================================

موش عارفة اقولك يادهبية وانا بقرا الجرنان الصبح ..اتنرفزت اوى من الموضوع ده ..

[doha]

مش هما دول العمال اللى اتباع مصانعهم و مش لاقين يعيشوا ازاى؟؟؟؟

لاه طبعا مش هم دول ..

ده واحد بيقول رايه ( الشخصي ) وبيعبر بيه عن نفسه ونفسه فقط ..

واحد وصل لمنصب بياكله ( بغاشة ) وعارف ان ربنا مديله موهبة بيعرف بيها يمسح الجوخ صح وان موهبته دي في ظل الاوضاع الحالية بتنبت كوسى وتفرع كمان . يبقى ايه مصلحته في الغاء الوضع الحالي او استبداله ؟ اي حد عاقل مكانه لازم يقول كده بل واكتر من كده كمان .

[احمد هادي]

مش هما دول العمال اللى اتباع مصانعهم و مش لاقين يعيشوا ازاى؟؟؟؟

لاه طبعا مش هم دول ..

ده واحد بيقول رايه ( الشخصي ) وبيعبر بيه عن نفسه ونفسه فقط ..

واحد وصل لمنصب بياكله ( بغاشة ) وعارف ان ربنا مديله موهبة بيعرف بيها يمسح الجوخ صح وان موهبته دي في ظل الاوضاع الحالية بتنبت كوسى وتفرع كمان . يبقى ايه مصلحته في الغاء الوضع الحالي او استبداله ؟ اي حد عاقل مكانه لازم يقول كده بل واكتر من كده كمان .

اعتقد ان هناك خطأ غير مقصود

لذا وجب التنويه

[msayed]

الناس دى مثال مصغر لدولة فى مصر

فهم المفروض انهم قيادات بينتخبها العمال علشان يجيبوا لهم حقوقهم

لكن طبعاً الإنتخابات بتتطبخ لهم علشان هم أفضل ناس يوقعوا على اى حاجة ضد مصلحة العمال

ويطلعوا فى لابسين البدل الشيك يتهمو أى مظاهرة عملها العمال إللى فاض بيهم بإن وراها فئة مندسة

[msayed]

حذفت بمعرفتى للتكرار

تم تعديل 7 أبريل 2010 بواسطة msayed

[sarmar]

ياسلام عليكى يامصر الناس محتارة فيكى لان فيكى العجايب اشكال والوان فريدة من نوعك دون سائر البلدان وعاش الملك ومات الملك

[ahmos1]

الدم يجرى فى ماء النيل و النيل بيفتح على سجنى

و السجن يطرح غلة و تيل نجوع و نتعرى و نبنى

[اغابي]

دة استهبال و لا استعباط ؟؟؟

داه الاتنين معــــــا ... يا اختى ....

زيادة عليهم كمان

الغباء والجهل

[مغتربة]

ما هى حفله النفاق خلاص بدءت و كل واحد لازم يطلع اقصى مواهبه

علشان ينول كل الرضا

يعنى يسيب الاخت عايده بتاع اقتراح يوم للرئيس تاكل منه الجو برضه

دا كلام

[عطر الجنة]

لو ريسنا حبيبنا و حبيب الكل قال شعر حيقول ايه

يا شعبي حبيبي يا روحي يابيبي---ياحاطك في جيبي يابن الحلال

يا شعبي يا شاطر يا جابر خواطر---يا ساكن مقابر وصابر وعال

يا واكل سمومك يا بايع هدومك---يا حامل همومك وشايل جبال

يا شعبي اللي نايم وسارح وهايم---وفي الفقر عايم وحاله ده حال

احبك محشش مفرفش مطنش---ودايخ مدوخ وآخر انسطال

احبك مكبر دماغك مخدر---ممشي امورك كده باتكال

وأحب اللي ينصب وأحب اللي يكدب---وأحب اللي ينهب ويسرق تلال

وأحب اللي شايف وعارف وخايف---وبالع لسانه وكاتم ما قال

وأحب اللي قافل عيونه المغفل---وأحب البهايم وأحب البغال

وأحب اللي راضي وأحب اللي فاضي---وأحب اللي عايز يربي العيال

وأحب اللي يائس وأحب اللي بائس---وأحب اللي محبط وشايف محال

واحبك تسافر وتبعد تهاجر---وتبعت فلوسك دولار أو ريال

واحبك تطبل تهلل تهبل عشان---مطش كوره وفيلم ومقال

واحبك تؤيد تعضض تمجد---توافق تنافق وتلحس نعال

تحضر نشادر تجمع كوادر---تلمع تقمع تظبط مجال

لكن لو تفكر تخطط تقرر---تشغلي مخك وتفتح جدال

وتبدأ تشاكل وتعمل مشاكل---وتنكش مسائل وتسأل سؤال

وعايز تنور وعايز تطور---وتعمللي روحك مفرد رجال

ساعتها حاجيبك لا يمكن اسيبك---وراح تبقى عبره وتصبح مثال

حبهدل جنابك وأذل اللي جابك---وحيكون عذابك ده فوق الاحتمال

وأمرمط سعادتك واهزأ سيادتك---واخلي كرامتك في حالة هزال

وتلبس قضيه وتصبح رزيه---وباقي حياتك تعيش في انعزال

حتقبل ححبك حترفض حلبك---حتطلع حتنزل حاجيبلك جمال

[ابوهنا]

ياسيدتى

هم فعلا ليسوا عمال مصر

مايدور الان فى مصر من شد وجذب ومبايعه لمبارك وتأييد للبرادعى هم قله لاتتعدى بضعة الاف

النسبه الكبرى من شعبنا خارج اللعبه تماما

ولذلك هؤلاء البضعة الاف هم من سوف يحددوا مستقبل مصر

اما باقى ال80 مليون فمتفرجون

وعليه ليس من حقنا المطالبه باصلاح او تغيير ما دام الامر لايعنينا

سيدتى مافيش فايده

[اغابي]

لو ريسنا حبيبنا و حبيب الكل قال شعر حيقول ايه

يا شعبي حبيبي يا روحي يابيبي---ياحاطك في جيبي يابن الحلال

يا شعبي يا شاطر يا جابر خواطر---يا ساكن مقابر وصابر وعال

يا واكل سمومك يا بايع هدومك---يا حامل همومك وشايل جبال

يا شعبي اللي نايم وسارح وهايم---وفي الفقر عايم وحاله ده حال

احبك محشش مفرفش مطنش---ودايخ مدوخ وآخر انسطال

احبك مكبر دماغك مخدر---ممشي امورك كده باتكال

وأحب اللي ينصب وأحب اللي يكدب---وأحب اللي ينهب ويسرق تلال

وأحب اللي شايف وعارف وخايف---وبالع لسانه وكاتم ما قال

وأحب اللي قافل عيونه المغفل---وأحب البهايم وأحب البغال

وأحب اللي راضي وأحب اللي فاضي---وأحب اللي عايز يربي العيال

وأحب اللي يائس وأحب اللي بائس---وأحب اللي محبط وشايف محال

واحبك تسافر وتبعد تهاجر---وتبعت فلوسك دولار أو ريال

واحبك تطبل تهلل تهبل عشان---مطش كوره وفيلم ومقال

واحبك تؤيد تعضض تمجد---توافق تنافق وتلحس نعال

تحضر نشادر تجمع كوادر---تلمع تقمع تظبط مجال

لكن لو تفكر تخطط تقرر---تشغلي مخك وتفتح جدال

وتبدأ تشاكل وتعمل مشاكل---وتنكش مسائل وتسأل سؤال

وعايز تنور وعايز تطور---وتعمللي روحك مفرد رجال

ساعتها حاجيبك لا يمكن اسيبك---وراح تبقى عبره وتصبح مثال

حبهدل جنابك وأذل اللي جابك---وحيكون عذابك ده فوق الاحتمال

وأمرمط سعادتك واهزأ سيادتك---واخلي كرامتك في حالة هزال

وتلبس قضيه وتصبح رزيه---وباقي حياتك تعيش في انعزال

حتقبل ححبك حترفض حلبك---حتطلع حتنزل حاجيبلك جمال

الكلمتين دووول

جم على الجرح ونزف

شكرا يا عطر الجنة

تحياتي

[احمد النديم]

الناس دى بتتكلم صح

مبارك افضل رئيس دفعلهم فلوس وزور لهم الانتخابات وخلاهم يلهطوا فى البلد لهط

[hanzalah]

وأضاف الأزهرى - فى تصريحات لـ«المصرى اليوم» أن العمدة يدير قرية بها كل طوائف المجتمع المصرى، بينما الدكتور محمد البرادعى «موظف دولى» لا يصلح لإدارة قرية، مؤكدا أن اتحاد العمال لا يقبل بديلا سوى الرئيس مبارك، لكونه «الضامن الوحيد لحقوق العمال»، منوها بأن الرئيس «يضمن تمثيل العمال والفلاحين فى المجالس النيابية بنسبة ٥٠%، وهى النسبة التى يرغب البرادعى فى إلغائها».

وأشار إلى أنه فى حالة غياب الرئيس مبارك عن الاحتفال السنوى بمناسبة عيد العمال، وتكليفه شخصاً آخر للحضور بدلا منه، فإن اتحاد العمال لن يقبل ذلك، وسيتمسك بحضور مبارك بنفسه حتى لو تم تأجيل الاحتفال

كلمات السيد الازهري تدل على طريقة تفكيره الغريبة

بدلا من كون القانون هو ضمان حصول العمال على حقوقهم .. تمحور الضمان حول شخص الرئيس

والمتاجرة بموضوع 50% عمال وفلاحين لايوجد له مثيل في كل برلمانات العالم بما فيها مجلس الدوما الروسي نفسه

من المعروف ان 50% عمال وفلاحين كانت رشوة صريحة من الثورة المباركة لضمان تأييد الناس

اليوم وبعدما زال الاستعمار وزالت الملكية .. يجب ان نفكر بعقل ورشاد

كيف يصل السيد ازهري وامثاله الى مناصب قياديه !! سؤال يفرس

[عبدالخالق ابوزينه]

والله كلنا نحترم الرئيس مبارك ونقدره وكان املى انا.. انه بنفسه من يقول كفى للمسؤليات الجسام اللتى تقع على عاتق حاكم مصر

لوضعها الدولى والعربى والاقليمى فرجل شغل المنصب العسكرى منذ اوائل الخمسينات الى منتصف السبعينات تقريبا ثم نائبا لرئيس الجمهوريه الى الواحد والثمانون ثم رئيسا للجمهوريه الى الفين واحدى عشر  اى ما يقرب من واحد وستون سنه من العمل والجهد

الم تحق له الراحه بعد,,, اما بالنسبه للبديل يأتى من يأتى المهم بعد خمس سنوات تكون انتخابات حره فإن اجاد فسيختاره الشعب وان كان غير ذلك فاليرحل ويترك مكانه الى غيره اما من يقول لابد لجمال او الرئيس مبارك او البرادعى فهذا لن يختار حاكم شعب على مزاجه فاليختار الشعب من يحكمه فهذه مصر وليست قريه يا صاحب عمدة القريه والله الموفق اهم شىء ان من يأتى يكون حرا كى يسقى الشعب طعم الحريه او على الاقل يوصفه له

وشكرا لرحابة الصدر