لا تيأس

[om marawan]

بداية أعتذر عن كتابة العنوان بغير اللغة العربية فربما أردت ان اتركه كما اختاره صاحب الفيديو

البعض منا قد يعرفه والبعض ربما رآه ولا يذكر اسمه

ولكن معرفتى به تركت بى احساس بالخجل من كل مالم أتعلمه ولم انجح فيه فى حياتى ولم أكافح للوصول اليه

خجل من اننى لم اكن أفضل مما انا عليه

لم اشعر بانه أقل واننى افضل فى شىء بل احسست انه أقوى وأفضل بل وربما انجح من عرفت على الاطلاق

ربما رؤيتنا له تنفى عنا احساس اللوم للاخرين مما نحن فيه

ربما تجعلنا نعيد النظر فى اتهام الظروف والمواقف التى مرت بنا

لقد نجح Nick فى كل ما أراد فعله حتى فى جعلى لا أشفق عليه بل أحترمه وأقدره

أترككم مع الفيديو فى الرابط

Nick Vujicic

[رضوي]

السلام عليكم ورحمة الله وبركاته

العزيزة ام مروان

بداية تجية شكر وتقدير علي موضوعك الرائع

هي دي فلسفة الحياه .............. اننا نعيشها بامكانياتنا بس .......... بلاش نبص للعوائق او ماينقصنا ............ أو لو كان عندنا كذا وكذا كنا عيشنا بطريقة أفضل ............ بالعكس ......... أفضل طريقة للحياه اني اعيشها بإمكانياتي المتوافرة لدي ............. وأعمل اللي يسعدني واللي انا عايزة اعمله .......... وبالطريقة اللي تعجبني وتريحيني .......... طالما في حدود الشرع والدين خلاص ......... الانسان لازم يستمتع بكل لحظة تمر عليه في حياته .......... بلاش يبص لموعوقاته لانه لو اعطاها جزء كبير من تفكيره افسدت عليه الحياه بأكملها

وطالما تفكيري في معوقاتي مش هيحلها او يقضي عليها ......... يبقي انساها افضل وأعيش بإمكانياتي واستمتع بحياتي كما هي وليس كما يجب أن تكون .......... بداخل كل منا طاقة غريبة ............ يستطيع ان يفعل بها الكثير والكثير ......... ولكنه للاسف الشديد يفضل البكاء علي حاله وعلي ماينقصه بدلا من الاستمتاع بما لديه

ياريت كلنا نتعلم الحياه صح ........... علشان نقدر نعيش مبسوطين

ولكي مني كل تحية وتقدير

[se_ Elsyed]

من ساعة عُمر أبني ما شاف حلقة العاشرة مساءً اللي أستضافوا فيه المعجزة ده وهو مثلُه الأعلى وواكل دماغي ونفسه يقابله في مره

فعلاً الإنسان داخله قدرات هائله ولا نستغلها تكاسلاً وتغافلاً

[hOuSsAm]

اللى اعرفه ان الانسان بيستغل بس 10% من قدراته وسايب الباقى

وعن تجربة شخصية وانا فى الكلية كنت مش بعمل حاجة خالص زى كدة متقولوا تافه وحاسس كدة ان ملييش قيمة فى الحياة وضايع ولا ليا هدف ومكنتش عارف انا عايش ليه

ومن سنة تانية كلية كان وقت التغيير (وكان لازم من وقفه) بدات اشوف مميزاتى وعيوبى

المميزات اشتغل عليها واستغلها

العيوب اعالجها

وبدات ازاكر واتعلم انجليزى وكمبيوتر والعب على التقدير وغيرت الشلة

والحمد لله بقيت انسان تانى بل بقيت قدوة للناس من حولى

حتى لما حبيت اشتغل اشتغلت من تانى يوم بعد الامتحانات ومن يومها الحمد لله مفيش اسبوع اعدته فى البيت

فعلا عرفت من ساعتها ان النجاح والتميز موجود جوه كل واحد فينا بس اللى يتوكل على الله حق توكله ويبدا يسعى مهما كان اتاخر او قدراته قليلة بس بجد بيبقى عنده الكتير انه يقدمه