قصه جميله

[pocy]

احييكي يابوسي على التوبيك الجامد ده

انتي عارفة ؟

انك تغيري حد فعلا شيء صعب جدا جدا

لدرجة اني استسهلت واتغيرت انا

اني عارفة جوزي تقريبا كل يوم يسمعني الجملة دي : انتي ساكته كده ليه ماتتكلمي معايا

الاول كنت بعمل كده نكايه فيه عشان احسسه بالاحساس اللي طول الوقت ملازمني وقلت يمكن يعرف ان الانسان عشان يحس انه موجود لازم يسمع صوت انسان تاني ويكون الصوت ده خارج من كائن حي مش من تلفزيون ولا لاب توب

بس بعد شويه ابتديت احس ان انا كده مرتاحة .. مش محتاجة اكلم حد ومش محتاجة حد يكلمني

وبعد شويه تانيين اتحول الاكتفاء الى استغناء .. مش عايزة اكلم حد ولا عايزة حد يكلمني

انا واللاب توب وبس وحتى صوت اللاب توب مقفول طول الوقت

وبنتي ام اربع سنين ماشيه بخطى ثابته لنفس المكان

انتي عارفه يابوسي اني حققت انجاز دلوقتي

ده اطول رد اكتبه من يوم ماجيت هنا

راجعي ردودي هاتلاقيها كلها كلمتين وبس

امانه عليكي ياشيخة لو اكتشفتوا طريقة تنفع مع الخرس ده تبقوا تبعتوا حد يطبقها عليا انا وجوزي وبنتي

فوتكم بعافيه

حبيبتى واختى فى الله أم نور

مش عارفه هتصدقينى لو قلتلك انى وقفت قدام مداخلتك اكتر من مره وكل شويه اقرائها ومش اعرف ارد عليها عارفه ليه ؟؟؟؟؟؟؟؟؟؟؟؟؟؟؟؟

يمكن لانى اول مره اشوف حد يسعي الى تغير نفسه للشي الصعب واللى من وجه نظري انه خاطئ مش تزعلى منى بس انا فعلا مستغربه

ازاى بدل ما اغير جوزى واخليه هو اللى يتغير للاحسن لا اعكس الايه واكون زيه ومتكلمش انا كمان

تعرفي انا والحمد لله الى الان لم أعانى من هذه المشكله وده لانى مستمعه جيده وهاويه للقراءه فتجدينى دائما عندى معلومات اشاركها مع جوزى وحكايات وبمأنى دماغي للاسف شغاله تفكير على طول كل شويه اطلع بفكره جيده لتصيب يا تخيب

يمكن الافكار تبقي على أدى بس اهه اعمل ايه يعنى

مثال بسيط

كان عندى مرتبه اسفنج وبصراجحه مضايقنى وجودها كده

فكرت انى لو قطعتها تلات اقسام بالطول وقسم منهم يتقطع من النص هتبقي عباره عن قاعده عربي فى الارض وطبعا لما جيت عرضت الفكره على جوزى وابتدى الشغل وعملنا كمان سندات ايد ونزلت جبت

قماش وقعدت اخيط والله اجمل من الانتريه اللى جيبينه بالشي الفولانى وبقينا قعدتنا عليها ليل نهار و وهكذا

بس وخدى من الافكار دى كتير وبناقشها مع جوزى قبل ما اعمل وده لاسباب كتيره طبعا اولا اخد رأيك لانه فى الاول وفى الاخر رب البيت ثانيا ممك ن يفيدنى برأى تانى افضل وكمان لانى احسسه ان كل

حاجه فى البيت بتدور من خلاله هو والله حتى وانا بشتري الطلبات وبيبقي معاى بفهمه ناخد الخشنه هى اللى بيبقي طعمها احلى ايه رأيك نجيب كذا هتبقي افيد لعمر وممكن فى كذا حاجات بسيطه

بس متشاركين فيها سوا وده الاهم

لغه الحوار مهمه جدا بين الزوج والزوجه ومش ضرورى مين اللى يبدأ المه انه يكون متواجد وبلاش يكون الحوار في امور بيتيه بحته لا لازم يكون فى كل امورنا ومناقشه امور من حولنا كمان حتى لا ينقطع الحوار من البيت والله اعلم

طب هقولك على حاجه انا وجوزى مختلفين تماما فى تلات اربع الصفات وبالعكس انا شايفه ان ده حلو علشان يبقي فى مناورات علشان اوصل اللى انا عايزاه وهو كمان ايه اللذه لما تكون كل حاجه قدامك لكن الذه انك تخديها بعد مجهود والله اعلم طبعا

عزيزتى لا تزعلى منى بس فعلا مداخلتك دى على اد مانا ليه وجه نظر مغايره ليكى الا انها عاجبانى جدا جدا وحابه انى اتكلم معاكى اكتر واعرف اكتر لعل يكون حل من ضمن الحلول المداريه عننا

ولك تحياتى واوعى تكونى زعلتى :roseop: bsh:)

[pocy]

انا لا اعتبر صمت الانسان عن شئ يستحق الكلام صبرا ، وانما نوع من البرود وبلادة الحس... والتى استطاعت ان تتحمل الحياه مع زوجها 10 سنوات لمجرد انه يقدم لها ما تحتاجه من ماديات هى انسانه لا تستحق التعاطف معها على اغلاق فمها ، ولا تستحق التصفيق لها عندما فتحته وعلى استحياء بعد عشر سنوات ،لتقول للذى يعيش معها انها موجوده ومنتظره ومستعده لقبول تنازله واحساسه هو الآخر بانها تعيش معه....

اذكر مثلا كانت جدتى تذكره دائما فى مثل هذه الحالات ... جوزك على ما تعوديه وابنك على ما تربيه

واعتقد ان هذه الزوجه قد عودت زوجها منذ البدايه على انها مجرد شئ فى البيت له مهام محدده ، يجب ان يؤديها فى صمت وخضوع دون ازعاج او تعكير مزاج صاحب البيت

شكرى وتحياتى

حبيبتى مش بالضرورة ان يكون عندها برود بالعكس فى صفات اكتسبها الانسان على مدى 30 سنه مثلا هل هتقدرى خلال ايام او عده شهور تغيرها صعب جدا

وفى صفات بتبان مع المواقف داخل الحياه الزوجيه وبرضه هتحتاج مننا بعض المعالجه والمعالجه هتاخد وقتها

فى بدايه السنين الاولى من الزواج كل طرف بيتعلم ازاى يرضي التانى والكل عارف ازاى يحاول بقدر الامكان انه مش يزعل الطرف التانى ودى بقي بتعتمد على درجه حب الاول للتانى

فى قصه كده قريتها من فتره وعجبانى جدا ان فى واحده حماتها كانت بتعاملها وحش وهى تعبت قوى منها وبرضه هى كانت بترد عليها ومش بتسكتلها المهم اتصلت بصاحبتها وقاتلها هاتيلي سم بس ما بيظهر ومفعوله بطئ وحاولت تقنعها بانها ان حرام عليها لكن الزوجه لم تقتنع والصديقه جابتلها زجاجه السم وقالتلها بس خلال الفتره دى لازم تستحمليها وتعامليها معامله كويسه جدا علشان محدش يحس بحاجه وفعلا تحملت الزوجه الحماه وكانت بتعاملها احسن من امها فتغيرت معامله الحماه لها ايضا لدرجه انها اتصلت بصديقتها وقالتلها هاتيلي اى شئ يبطل مفعول السم قالتلها دا كان ميه شوفتى ان بالمعامله الحسنه ارتحتى وارتاح بالك وريحتى بيتك وزوجك وكمان اخدتى حسنات على الست الكبيره دى وسبحان الله

الصبر جميل لمن يقدر ان يصبر

اتمنى انى اكون اوضحت وجه نظري

وشاكره لمرورك يا قمر

تحياتى :roseop: bsh:)

على فكرة يا بوسى موضوعك دة خلانى احس بالذنب علشان كدة انا بهدى الاغنية دى لمراتى

http://www.youtube.com/watch?v=NAQOAKQSjdA

طب انا بهديك الموضوع ده يا جو ولو انى متاكده انك بتراعي النقط دى بس برضه هديه منى ليك

عزيزى الرجل

[pocy]

لونا حبيبتى انا رديت عليكى فى الخاص يا قمر

[ام نور محمود]

بعد مرحله انه يحس بنفس الشعور الي حضرتك كنت طول الوقت حاسه بيه

ليه مكانش فيه وقفه هنا,,,, يعني جمله : انتي ساكته كده ليه ماتتكلمي معايا ليه مكنش بعدها حوار عن الاسباب

حضرتك متخيله انك في مرحله تعايش سلمي مع النفس و انك مرتاحه كدا و ده مع الوقت غلط

بين جميع الازواج مشاكل و احساسيس كتير متناقضه بس الحل عندما تصل المشكله لليأس في التغيير هو الحوار اولا

بعد ماوصلت للمرحلة دي كنت فقدت كل رغبه في التواصل مع الاخرين يا هنا

انا عارفة اني مش صح بس م لاقيه حل ولا عندي طاقه ادور على حل

ربنا يصلح الحال للجميع

[ام نور محمود]

حبيبتى واختى فى الله أم نور

مش عارفه هتصدقينى لو قلتلك انى وقفت قدام مداخلتك اكتر من مره وكل شويه اقرائها ومش اعرف ارد عليها عارفه ليه ؟؟؟؟؟؟؟؟؟؟؟؟؟؟؟؟

يمكن لانى اول مره اشوف حد يسعي الى تغير نفسه للشي الصعب واللى من وجه نظري انه خاطئ مش تزعلى منى بس انا فعلا مستغربه

ازاى بدل ما اغير جوزى واخليه هو اللى يتغير للاحسن لا اعكس الايه واكون زيه ومتكلمش انا كمان

انا مسعيتتش للتغيير للاصعب يابوسي .. دي كانت محاولة يائسة لتعديل سلوك جوزي وعكت على دماغي في الاخر

تعرفي انا والحمد لله الى الان لم أعانى من هذه المشكله وده لانى مستمعه جيده وهاويه للقراءه فتجدينى دائما عندى معلومات اشاركها مع جوزى وحكايات وبمأنى دماغي للاسف شغاله تفكير على طول كل شويه اطلع بفكره جيده لتصيب يا تخيب

انا كمان مستمعة جيدة ومتحدثة اجود وقارئه ممتازة .. بس بحس ان كل الهبات دي وقعت مني واحدة ورا التانيه في الزحمة .. عندي كم هائل من الكتب مخزن على الكمبيوتر ومعنديش اي رغبه في القراءة .. فقدتها زي مافقدت رغبتي في الكلام والاستماع

يمكن الافكار تبقي على أدى بس اهه اعمل ايه يعنى

مثال بسيط

كان عندى مرتبه اسفنج وبصراجحه مضايقنى وجودها كده

فكرت انى لو قطعتها تلات اقسام بالطول وقسم منهم يتقطع من النص هتبقي عباره عن قاعده عربي فى الارض وطبعا لما جيت عرضت الفكره على جوزى وابتدى الشغل وعملنا كمان سندات ايد ونزلت جبت

قماش وقعدت اخيط والله اجمل من الانتريه اللى جيبينه بالشي الفولانى وبقينا قعدتنا عليها ليل نهار و وهكذا

طب والله العظيم انتي ست جدعة ودماغك زي الفل .. مش هاتصدقي اني عملت نفس الفكرة بس لوحدي من الالف للياء .. انا جوزي حكمة اليوم بالنسبة له (خراب يادنيا .. عمار يادماغي ) يعني اللي عايزه تعمليه اعمليه بس اهم حاجة فكك مني

بس وخدى من الافكار دى كتير وبناقشها مع جوزى قبل ما اعمل وده لاسباب كتيره طبعا اولا اخد رأيك لانه فى الاول وفى الاخر رب البيت ثانيا ممك ن يفيدنى برأى تانى افضل وكمان لانى احسسه ان كل

حاجه فى البيت بتدور من خلاله هو والله حتى وانا بشتري الطلبات وبيبقي معاى بفهمه ناخد الخشنه هى اللى بيبقي طعمها احلى ايه رأيك نجيب كذا هتبقي افيد لعمر وممكن فى كذا حاجات بسيطه

بس متشاركين فيها سوا وده الاهم

انا متجوزة من 5 سنين يابوسي واتخطبت قبلهم 5 سنين كمان .. فكرك ماجربتش كل ده .. انتي عارفه يوم السعد والهنا يوم ماكلم جوزي ويرد عليا بكلمة اممممممممم .. ياسلام ياولاد .. دي تبقى ليله فرح وسرور .. اصلا ردود جوزي لا تتجاوز هز الرأس مع رفع الحاجبين وابتسامه خفيفة

ولما بقول انه بيعلق على عدم كلامي معاه حاليا فده لانه اتعود على زني .. يعني زي مايكون عندك راديو مفتوح طول الوقت وانتي متعودة على دوشته وبتشكل زي خلفيه لافكارك الخاصة بس انتي مش متابعاها خالص ولا عارفه مين بيقول ايه ومرة واحدة الراديو سكت هتلاقي نفسك مفتقدة الدوشة وحاسه ان في حاجة غلط

لغه الحوار مهمه جدا بين الزوج والزوجه ومش ضرورى مين اللى يبدأ المه انه يكون متواجد وبلاش يكون الحوار في امور بيتيه بحته لا لازم يكون فى كل امورنا ومناقشه امور من حولنا كمان حتى لا ينقطع الحوار من البيت والله اعلم

طب هقولك على حاجه انا وجوزى مختلفين تماما فى تلات اربع الصفات وبالعكس انا شايفه ان ده حلو علشان يبقي فى مناورات علشان اوصل اللى انا عايزاه وهو كمان ايه اللذه لما تكون كل حاجه قدامك لكن الذه انك تخديها بعد مجهود والله اعلم طبعا

عادي ان الطباع تبقى مختلفة .. المهم تبقى متآلفة يعني زي قطرين ماشيين على قضيبين متوازيين عمرهم مايتقابلوا بس سكتهم واحدة وهدفهم واحد .. غير قطرين ماشيين عكس اتجاه بعض .. كل واحد فيهم ظهره للتاني وكل ثانيه بتعدي بتبعدهم عن بعض اكتر

عزيزتى لا تزعلى منى بس فعلا مداخلتك دى على اد مانا ليه وجه نظر مغايره ليكى الا انها عاجبانى جدا جدا وحابه انى اتكلم معاكى اكتر واعرف اكتر لعل يكون حل من ضمن الحلول المداريه عننا

لأ خالص مازعلتش

ولأ خالص اللي بقوله ده مش من ضمن الحلول المطروحة اصلا

دي مجرد فضفضة مش بمارسها بقالي كتييييييييييييير

ولك تحياتى واوعى تكونى زعلتى :blush2: :sofa: :lol:

تحياتي لك يابوسي وشكرا انك اتحتي لي الفرصة اتكلم كل الكلام الكتير ده .. حتى لو عن طريق الكي بورد

[ام محمد]

...أختي ام نور ...شدتني مشاركتك...وحاسة بمعاناتك ...دعيني اعطيك نصيحة ..صغيرة ...لا تركزي تفكبرك على المشكلة التي يصعب عليك حلها او الصفة التي تحاولي تغييرها في زوجك ...يعني تعاملي بشكل طبيعي ..يعني اعرضي رأيك ببساطة ولا تحسسيه انك متضايقة من قلة كلامه ..علقي وتكلمي واضحكي بشكل طبيعي وحاولي زيارة احدى صديقاتك واعزميهم عندك بالبيت ..يعني حاولي ان تخرجي من العزلة والصمت ..وكلمي اي حد منصديقاتك بالتليفون وبصوت مسموع ...ولا تقدمي اي لوم او عتاب لزوجك ...اساليه مثلا ما رأيك اجلس معك اليوم ولا اتصل بفلانة تزورني ؟؟؟ولما ترجعي من الزيارة اخبريه انك قضيت وقت لطيف مع صديقتك ...وهكدا ...يمكن يحس انك بتمارسي هواياتك بدونه وانك سعيدة ..وطبعا معك بنتك ...وخليه يوصلك ..احيانا الى زميلاتك ....يمكن يبدا يغير من طبعه ويشاركك النقاش ....وربنا معاك

تم تعديل 15 أبريل 2010 بواسطة ام محمد