بالدليل ... مصر تستحق أن تكون دولة أفريقية

[عصام]

الصور التالية تمثل الحياة فى معظم دول قارة إفريقيا... وهى بالطبع تتحدث عن حالها...

وبما أن مصر جزء من كل ... فإن هذه الصورة على أحد مطالع المحور من الأتوستراد!!

:blink: cnst: cr((:

تم تعديل 4 أبريل 2004 بواسطة esssothegreat

[mnman]

العلامة دي فكرتني بصديق عمر كان غاوي يوصف للناس... وأول ماحد يسألة عن مكان... تلاقية قال ياااااااااااااااااااااااة انت اية الي جابك هنا ويبداء الوصفة بتاعت حضرة العمدة.... في البداية كنا مطنشين وبنضحك... لحد ما العقاب الالهي نزل علينا جميعا... سائق تاكسي عايز يروح مسرح لسية الحرية.... وبداء صديقي الهمام في الوصف وباقي للاصحاب منهم انا ميتتين من الضحك لان المسرح علي الناحية التانية من الشارع و صحبنا بيوصف مسرح ملوش وجود... المهم السائق خد النصيحة .... وبعد حوالي نصف ساعة وبالصدفة البحتة الي بتحصل واحد في المليار قابلنا التاكسي تاية... السائق بص من الشباك وقالة يابارد ومدام مش عارف بتفتي لية و ابتدينا ضحك تاني... الظاهر ان السواق افتكر ان احنا كنا بنضحك علية... ركن التاكسي بطريقة الافلام الامريكاني و نزل يجري ورانا... طبعا احنا كرد فعل طبيعي.......

طلعنا نجري................................... تخيلو طلاب في الجامعة و بجري وراهم سواق تاكسي......كان منظرنا تحفة... المهم ان احنا كنا 5 يعني ممكن نقف ونتكلم معاه... لكن من الضحك و الموقف طلعنا نجري....

يعني هيا جت علي اليافتة......

منمان عداء مصر السابق 3 متر ونصف حواجز......