كيف يمكن للزوج معاقبه الزوجة بهدوء ؟

[لماضة مصرية جدا]

لا أرى رجل عاقل في هذه الدنيا يضرب زوجته أبدا أبدا أبدا..

السلام عليكم و رحمة الله و بركاته

ليس دفاعا عن الرجل....بس فيه حوار بين الراجل و زوجته ممكن يصل إلي مرحلة ما من الاستفزاز من كلا الطرفين....يفقد فيها الطرفين....عقليهما

أنا متابعة الموضوع جدا....من بدايته.....بس كان نفسي حد يقولنا ان قبل ما نفكر في عقاب الزوجة و لا تاديب الزوج....حد يقولنا يا جماعة الخير ان احنا محتاجين...نتربي تربية زوجية.....يعني ازاي تقدر تفتح حوار مع شريك حياتك

إزاي تعمل حوار معاه ميوصلشي لحيطة سد....و يبقي الحل ان كل واحد مننا يخبط راسه في الحيط و سامحوني علي اللفظ

إزاي تلم الليلة.....يعني تلم الحوار.....

إزاي تمسك نفسك لحظة الغضب....إزاي متوصلشي الغضب ده لا هو تفوه بالفاظ نابية من قبل الزوجة...او هو مد ايد من قبل الزوج....كلاهما مرفوض لكنه بيحصل...

إزاي بعد الخناقة نعرف نتصالح

إزاي حتي و احنا متخانقين....مياثرشي ده ع الاولاد...او ع جو البيت

معظم الناس هتقولك كل واحد هيتعامل علي حسب تربيته و الخلفية اللي هو جاي منها ...بس احنا ازواجنا بنتقارب في الخلفيات لكن صعبة جدا نتشابه في التربية و ردود الافعال في المواقف المختلفة.(و ده ف حالة كنا متقاربين اصلا فما بالكم لو فيه اختلاف شديد بين الزوجين في تفاصيل صغيرة جدا بس بتبان وقت المشكلات)

احنا ممكن نتكلم من هنا لغاية هنااااااااااااااااااااااااك.....بس التطبيق العملي حاجة تانية خالص

يا جماعة في تجربة بشوفها عند اخوتنا المسيحين...و الاجانب قبل الزواج لازم ياخد هو و شريكة حياته دورة عن الزواج.....و بتبقي استشارات نفسية

انا عجباني الفكرة دي الحقيقة

اصل مش معقول زوجي...هطبق معاه نفس التكنيك اللي كنت بزعل بيه مع اخويا...و برضه مش معقولة هنقعد نستني لما نتجوز و بعدين نجرب بقي في بعض

فكرة بحبها و يا ريت نشوفها مطبقة في مصر

تحياتي

[لونا]

إزاي تعمل حوار معاه ميوصلشي لحيطة سد....و يبقي الحل ان كل واحد مننا يخبط راسه في الحيط و سامحوني علي اللفظ

إزاي تلم الليلة.....يعني تلم الحوار.....

إزاي تمسك نفسك لحظة الغضب....إزاي متوصلشي الغضب ده لا هو تفوه بالفاظ نابية من قبل الزوجة...او هو مد ايد من قبل الزوج....كلاهما مرفوض لكنه بيحصل...

إزاي بعد الخناقة نعرف نتصالح

إزاي حتي و احنا متخانقين....مياثرشي ده ع الاولاد...او ع جو البيت

معظم الناس هتقولك كل واحد هيتعامل علي حسب تربيته و الخلفية اللي هو جاي منها ...بس احنا ازواجنا بنتقارب في الخلفيات لكن صعبة جدا نتشابه في التربية و ردود الافعال في المواقف المختلفة.(و ده ف حالة كنا متقاربين اصلا فما بالكم لو فيه اختلاف شديد بين الزوجين في تفاصيل صغيرة جدا بس بتبان وقت المشكلات)

احنا ممكن نتكلم من هنا لغاية هنااااااااااااااااااااااااك.....بس التطبيق العملي حاجة تانية خالص

تحياتي

شوفي يا لماضة ..لازم يكون في إتفاق بين الزوجين من الأول.. يعني مش ممكن طول فترة الخطوبة أو كتب كتاب

و الإتنين شغالين هزار مع بعض بالألفاظ الغريبة اللي بنسمعها .. و بعد الجواز مش عايزين نسمع شتائم و ألفاظ نابية

أنا مس قاعدة مع واحدة صاحبتي و لا هو قاعد مع صاحبه ( مع إعتراضي على إن الأصحاب يشتموا بعض بس بيحصل ) ..

و لو أي من الطرفين بيهزر مع أصحابه كدة ده ما ينفعش بين الزوجين

طيب افرضي عايزة تعبري لأبو نسمة عن ضيقك من كلامه أو تصرفاته .. تعملي إيه ؟

بدلي الكلمة الصعبة اللي عايزة تقوليها بكلمة لطيفة .. زي انت وحش .. انت مش أمور .. كلام كوميدي من ده

حيلطف الجو و في نفس الوقت وصل له انك متضايقة .. بلاش متضايقة دي .. خليها مش مبسوطة

اختيار الألفاظ مهم..أوي و بيفرق .. مش بيقولوا الملافظ سعد !!

و بعدين إنت بتقولي إزاي من الأول نفتح حوار ما يوصلش لحيطة سد

وقت الحوار مهم .. يعني وقت ما يكونش فيه الزوج : صاحي من النوم أو عايز ينام ..أو جعان .. أو تعبان .. أو مهموم..

أو بيتفرج على التليفزيون.. أو الكومبيوتر.. أو بيقرأ الجرنال :unsure: ....آه تعبت

و الزوجة ما تكونش متعصبة بس ..إحنا مش بيفرق معانا الجوع و التعب و الحاجات دي :lol:

لكن لو متعصبة ..يبقى حتخبطي في الحيطة اللي قدامك طوالي :ninja:

لازم ما يكونش قدام نسمة و أخواتها :happy: .. بجد لازم أي حوار مهم يكون بعيد عن الأولاد

لازم تنتقي ألفاظك زي ما قلنا .. و تنتقي طبقات صوتك .. ما ينفعش كلامك كله يكون لطيف .. و لكن صوتك عالي أو فيه نرفزة..

آه و ما تحطيش إيدك في وسطك .. نفسي أبطل العادة دي أديني بافكر نفسي أه

بصي أنت بس لما يشرف أبو نسمة قولي لي و أنا أظبطك :blink:

أصلي تعبت من الكتابة .. و لو حبيتوا أكمل .. أكمل

[مصرية اوى]

كيف يمكن للزوج معاقبة الزوجة بهدوء؟

ههههههه

عجبانى كلمة بهدوء دى اوى

طيب لو هنمسك الخيط من اوله هنقول ايه اللى وصلها للغلط فى الزوج؟

اكيد هو كان سبب فى دا والمفروض نعاقبه هو كمان

ماهو مافيش مشكلة بين الزوجين الا ولها فعل ورد فعل من كليهما

حتى لو قلنا انه سبب خارجى عنهم انا شايفة ان احسن طريقة لتهدئة الحوار هى عدم رد احدهما على الاخر وقت انفعاله وذروة غضبه

يخليه يطلع اخر ماعنده ونحاول نصبر وبعد ما يخلص انفجاره نبدا نولعها احنا تانى هههههه

لا بجد بقى كل زوجة لها مفتاح خاص ممكن زوجها يفهمه من خلال عشرته معاها

هنلاقى زوجات ما بتجيش غير بالعين الحمرا ولازم تتشكم وحابة دا

اه والله

وهنلاقى برضه اللى مش بتقبل العنف وكرامتها بتنأح عليها من كلمة ودى لازم نسايسها

ما ينفعش يكون عندنا منهج ثابت لتأديب الزوجات

كل واحد ومنهجه

وربنا ينجح الكل .

شكرا لك .

تم تعديل 18 أبريل 2010 بواسطة مصرية اوى

[the consultant]

الحرمان من الشوبنج لفترة غير محدده و يا حبذا لو في sale .

تشفير كل قنوات الاكل المطلقة "فتافيت" و برامج الطبخ ( و خاصة الشيف الرخم اللي بيعد يقول للاكل " يا جماله ياجماله).

الإكثار من الخروج مع الأصدقاء .

الإكثار من مقارنة طبخها بطبيخ حماتها و اد إيه انت مفتقده .

دندنة أغاني نسائية مثل رائعة الفنانة هيفاء.

وممكن كمان تبوظ الغسالة الاوتوماتيك و الديش ووشر في نهاية الاسبوع

[the consultant]

الحرمان من الشوبنج لفترة غير محدده و يا حبذا لو في sale .

تشفير كل قنوات الاكل المطلقة "فتافيت" و برامج الطبخ ( و خاصة الشيف الرخم اللي بيعد يقول للاكل " يا جماله ياجماله).

الإكثار من الخروج مع الأصدقاء .

الإكثار من مقارنة طبخها بطبيخ حماتها و اد إيه انت مفتقده .

دندنة أغاني نسائية مثل رائعة الفنانة هيفاء.

وممكن كمان تبوظ الغسالة الاوتوماتيك و الديش ووشر في نهاية الاسبوع

طيب لو مظبتتش بأه تعمل ايه .....!!!! هنا تعلي درجة العقاب شوية بأه

تبدأ تدسلها مخدرات في الاكل لحد ما تتدمن تعلى انت بالسعر بأة و تروح متجوز عليها 3 منهم واحدة فلبينية كاسرة فيزة عمرة و ده بس من باب الإذلال.

و بكدة تكون عاقبتها بهدوء و حافظت على بيتك و أسرتك

[عبيد الله]

كيف يمكن للزوج معاقبة الزوجة بهدوء؟

ههههههه

عجبانى كلمة بهدوء دى اوى

طيب لو هنمسك الخيط من اوله هنقول ايه اللى وصلها للغلط فى الزوج؟

اكيد هو كان سبب فى دا والمفروض نعاقبه هو كمان

ماهو مافيش مشكلة بين الزوجين الا ولها فعل ورد فعل من كليهما

حتى لو قلنا انه سبب خارجى عنهم انا شايفة ان احسن طريقة لتهدئة الحوار هى عدم رد احدهما على الاخر وقت انفعاله وذروة غضبه

يخليه يطلع اخر ماعنده ونحاول نصبر وبعد ما يخلص انفجاره نبدا نولعها احنا تانى هههههه

لا بجد بقى كل زوجة لها مفتاح خاص ممكن زوجها يفهمه من خلال عشرته معاها

هنلاقى زوجات ما بتجيش غير بالعين الحمرا ولازم تتشكم وحابة دا

اه والله

وهنلاقى برضه اللى مش بتقبل العنف وكرامتها بتنأح عليها من كلمة ودى لازم نسايسها

ما ينفعش يكون عندنا منهج ثابت لتأديب الزوجات

كل واحد ومنهجه

وربنا ينجح الكل .

شكرا لك .

أتفق معاك.. رأيك عاقل ورزين.. بوركتِ يا أختاه..

[مصرية اوى]

ربنا يخليك اخى عبيد الله

شكرا ...

تم تعديل 18 أبريل 2010 بواسطة مصرية اوى

[اغابي]

كمان نهاردة عقاب جديد وبهدء جدا وحادث جديد فى الجرايد اليومية الكويتية

هما مش كاتبين جنسية الشخص اللى عاقب زوجته

اليكم تفاصيل العقاب الاليم

19/04/2010

ضرب زوجته حتى الموت!

|كتب عبدالعزيز اليحيوح وعزيز العنزي - الكويت |

أشبع وافد يسكن فى محافظة حولى - زوجته ضربا حتى فقدت الوعي وسقطت بين يديه جثة هامدة .

الزوج الذي نزعت الرحمة من قلبه حمل ام رضيعه البالغ من العمر 9 اشهر إلى مستشفى مبارك بعدما انهال عليها ضربا وركلا حتى فقدت الوعي وسقطت مغشيا عليها بين يديه، وبفحصها طبيا تبين انها فارقت الحياة متأثرة بارتجاج في المخ.

ووفق مصدر امني باستجواب الزوج افاد انه دأب الاعتداء على زوجته لخلافات اسرية، ويوم اول من امس غادر المنزل متوجها إلى عمله وتركها مع رضيعه البالغ من العمر 9 اشهر ولما عاد إلى منزله تجددت الخلافات بينهما ما دفعه إلى اشباعها ضربا بكل قسوة حتى سقطت على الارض.

وتابع المصدر تم اخطار وكيل النائب العام بما حصل فأمر بتسجيل قضية قتل عمد واحالة الزوج على رجال مباحث حولي لاستكمال التحقيق معه.

..... لا تعليق .....

اغابي

[شيدوان]

عقابها يكون بحرمانها من عمل ما تحبه واجبارها على عمل ما تكرهه

يعنى اذا كانت بتحب التسوق مثلا او الزيارات للاقارب والاصحاب او الفرجه بالساعات على التليفزيون او استخدام النت او الكلام فى التليفون ، او الوقوف خمس ساعات فى المطبخ لعمل الصوانى والفرحه بكلمه الله طعمه يجنن ..تخرج من بقك وبق الاولاد زى السكر او........

فعقابها ان تحرمها من المتعه بعمل ما تحبه ... يعنى مثلا تقلل المصروف او تحلف عليها بالطلاق ماهى خارجه من البيت ( طبعا انا لا ادعو لهذا التصرف الهمجى ، انما اقول ما يحدث بالفعل من الرجل )...او تيجى على نفسك ولا تأكل فى البيت او تأكل وانت مكشر ودون تعليق ... او تاخد اجازه وتقعد على قلبها فى البيت زى برج المراقبه فلا تستطيع لمس التليفزيون اوالتليفون اوالكمبيوتر و.....

واذا كانت تكره مثلا زيارة حماتها او الوقوف فى المطبخ او الخرس الزوجى او جلوسك بالساعات امام الكمبيوتر او التليفزيون او خروجك بدونها لقضاء الوقت مع الاصدقاء او ....

فعقابها هو ان تجعلها تعيش ما تكرهه...يعنى مثلا لا تجعلها تزور حماتها فقط انما ان تأتى بحماتها لتقيم معها اسبوع مثلا ..او تجبرها على ضياع الوقت فى المطبخ لانك تذكرت فجأه انك تحب كذا وكذا ..او تكثر من مناسبات واوقات ما تفعله وحيدا دون اشراكها معك او....

على فكره ..بعد ماكتبت الكلام ده تذكرت ان ده العادى بالنسبه للرجل ، وانه يفعله دائما حتى ولو لم يكن هناك ما يستحق العقاب ... يعنى انا خرجت عن الموضوع وقلت كلام قديم معروف للجميع .... فعفوا عن المشاركه

شكرى وتحياتى.

[اغابي]

مصادفة غريبة تكرر العقاب ولكن اختلفت الدولة - ومن مصر

قابلنى هذا الخبر فقررت ان انقله لكم - عقاب جديد للزوجة على غرار ما حدث اليوم فى الكويت

قتل زوجته... لخروجها دون إذنه!

القاهرة - د ب أ -

لم يجد عامل مصري طريقة يعاقب بها زوجته التي كانت كثيرا ما تخرج من المنزل من دون إذنه إلا قتلها.

ووفقا لما ذكرته صحيفة «الجمهورية» المصرية فإن الزوج (23 عاما) طارد زوجته (19 عاما) وخنقها في الحمام لخروجها من دون إذنه.

وأضافت أن الزوجة لجأت إلى الحمام لتختبئ فيه بعد أن طاردها الزوج الثائر من الشقة وضربها على رأسها بخشبة.

وكشفت التحريات أن الزوج بعد أن اكتشف أن زوجته كثيرة الخروج من المنزل طلب منها عدم الخروج إلا بإذن ولكنها ضربت بكلامه عرض الحائط وفي يوم الحادث عاد من العمل فلم يجدها فاستشاط غيظا ولما عادت أمسك بخشبة وانهال عليها ضربا.

........ لا تعليق ........

اغابي